வால்மீகி ராமாயணே ஆதி³ காவ்யே யுத்³த⁴காண்டே³ த்³வ்யதி⁴கஷ²ததம꞉ ஸர்க³꞉
லக்ஷ்மணேன து தத்³வாக்யமுக்தன் ஷ்²ருத்வா ஸ ராக⁴வ꞉ |
ஸந்த³தே⁴ பரவீரக்⁴னோ த⁴னுராதா³ய வீர்யவான் || 6-102-1
ராவணாய ஷ²ரான்கோ⁴ரான்விஸஸர்ஜ சமூமுகே² |
அதா²ன்யம் ரத²மாஸ்தா²ய ராவணோ ராக்ஷஸாதி⁴ப꞉ || 6-102-2
அப்⁴யதா⁴வா காகுத்ஸ்த²ம் ஸ்வர்பா⁴னுரிவ பா⁴ஸ்கரம் |
த³ஷ²க்³ரீவோ ரத²ஸ்த²ஸ்து ராமன் வஜ்ரோபமை꞉ ஷ²ரை꞉ || 6-102-3
ஆஜகா⁴ன மஹாகோ⁴ரைர்தா⁴ராபி⁴ரிவ தோயத³꞉ |
தீ³ப்தபாவகஸங்காஷை²꞉ ஷ²ரை꞉ காஞ்சனபூ⁴ஷணை꞉ || 6-102-4
நிர்பி³பே⁴த³ ரணே ராமோ த³ஷ²க்³ரீவன் ஸமாஹித꞉ |
பூ⁴மிஸ்தி²தஸ்ய ராமஸ்ய ரத²ஸ்த²ஸ்ய ச ரக்ஷஸ꞉ || 6-102-5
ந ஸமன் யுத்³த⁴மித்யாஹுர்தே³வக³ந்த⁴ர்வதா³னவா꞉ |
ததோ தே³வவர꞉ ஶ்ரீமான் ஷ்²ருத்வா தேஷாம் வசோ(அ)ம்ருதம் || 6-102-6
ஆஹூய மாதலிம் ஷ²க்ரோ வசனம் சேத³மப்³ரவீத் |
ரதே²ன மம பூ⁴மிஷ்ட²ம் ஷீ²க்⁴ரம் யாஹி ரகூ⁴த்தமம் || 6-102-7
ஆயூய பூ⁴தலம் யாத꞉ குரு தே³வஹிதம் மஹத் |
இத்யுக்தோ தே³வராஜேன மாதலிர்த்³வஸாரதி²꞉ || 6-102-8
ப்ரணம்ய ஷி²ரஸா தே³வம் ததோ வசனமப்³ரவீத் |
ஷீ²க்⁴ரம் யாஸ்யாமி தே³வேந்த்³ர ஸாரத்²யம் ச கரோம்யஹம் || 6-102-9
ததோ ஹயைஷ்²ச ஸம்யோஜ்ய ஹரிதை꞉ ஸ்யந்த³னோத்தமம் |
தத꞉ காஞ்சனசித்ராங்க³꞉ கிங்கிணீஷ²தபூ⁴ஷித꞉ || 6-102-10
தருணாதி³த்யஸங்காஷோ² வைதூ³ர்யமயகூப³ர꞉ |
ஸத³ஷ்²வை꞉ காஞ்சனாபீடை³ர்யுக்த꞉ ஷ்²வேதப்ரகீர்ணகை꞉ || 6-102-11
ஹரிபி⁴꞉ ஸூர்யஸங்காஷை²ர்ஹேமஜாலவிபூ⁴ஷிதை꞉ |
ருக்மவேணுத்⁴வஜ꞉ ஶ்ரீமாந்தே³வராஜரதோ² வர꞉ || 6-102-12
தே³வராஜேன ஸந்தி³ஷ்டோ ரத²மாருஹ்ய மாதலி꞉ |
அப்⁴யவர்தத காகுத்ஸ்த²மவதீர்ய த்ரிவிஷ்டபாத் || 6-102-13
அப்³ரவீச்ச ததா³ ராமன் ஸப்ரதோதோ³ ரதே² ஸ்தி²த꞉ |
ப்ராஞ்ஜலிர்மாதலிர்வாக்யன் ஸஹஸ்ராக்ஷஸ்ய ஸாரதி²꞉ || 6-102-14
ஸஹஸ்ராக்ஷேண காகுத்ஸ்த² ரதோ²அயன் விஜயாய தே |
த³த்தஸ்தவ மஹாஸத்த்வ ஶ்ரீமாஞ்ஷ²த்ருனிப³ர்ஹண꞉ || 6-102-15
இத³மைந்த்³ரம் மஹச்சாபன் கவசம் சாக்³நிஸம்நிப⁴ம் |
ஷ²ராஷ்²சாதி³த்யஸங்காஷா²꞉ ஷ²க்திஷ்²ச விமலா ஷி²தா꞉ || 6-102-16
ஆருஹ்யேமன் ரத²ம் வீர ராக்ஷஸன் ஜஹி ராவணம் |
மயா ஸாரதி²னா ராம மஹேந்த்³ர இவ தா³னவான் || 6-102-17
இத்யுக்த꞉ ஸ பரிக்ரம்ய ரத²ன் தமபி⁴வாத்³ய ச |
ஆருரோஹ ததா³ ராமோ லோகாண்ல்லக்ஷ்ம்யா விராஜயன் || 6-102-18
ப³பூ⁴வ ச மஹாயுத்³த⁴ம் துமுலம் ரோமஹர்ஷணம் |
ராமஸ்ய ச மஹாபா³ஹோ ராவணஸ்ய ச ரக்ஷஸ꞉ || 6-102-19
ஸ கா³ந்த⁴ர்வேண கா³ந்த⁴ர்வன் தை³வம் தை³வேன ராக⁴வ꞉ |
அஸ்த்ரன் ராக்ஷஸராஜஸ்ய ஜகா⁴ன பரமாஸ்த்ரவித் || 6-102-20
அஸ்த்ரன் து பரமம் கோ⁴ரன் ராக்ஷஸம் ராகஸாதி⁴ப |
ஸஸர்ஜ பரமக்ருத்³த⁴꞉ புனரேவ நிஷா²சர꞉ || 6-102-21
தே ராவணத⁴னுர்முக்தா꞉ ஷ²ரா꞉ காஞ்சனபூ⁴ஷணா꞉ |
அப்⁴யவர்தந்த காகுத்ஸ்த²ன் ஸர்பா பூ⁴த்வா மஹாவிஷா꞉ || 6-102-22
தே தீ³ப்தவத³னா தீ³ப்தன் வமந்தோ ஜ்வலனம் முகை²꞉ |
ராமமேவாப்⁴யவர்தந்த வ்யாதி³தாஸ்யா ப⁴யானகா꞉ || 6-102-23
தைர்வாஸுகிஸமஸ்பர்ஷை²ர்தீ³ப்தபோ⁴கை³ர்மஹாவிஷை꞉ |
தி³ஷ²ஷ்²ச ஸந்ததா꞉ ஸர்வா꞉ ப்ரதி³ஷ²ஷ்²ச ஸமாவ்ருதா꞉ || 6-102-24
தாந்த்³ருஷ்ட்வா பன்னகா³ன்ராம꞉ ஸமாபதத ஆஹவே |
அஸ்த்ரன் கா³ருத்மதம் கோ⁴ரம் ப்ராது³ஷ்²சக்ரே ப⁴யாவஹம் || 6-102-25
தே ராக⁴வத⁴னுர்முக்தா ருக்மபுங்கா²꞉ ஷி²கி²ப்ரபா⁴꞉ |
ஸுபர்ணா꞉ காஞ்சனா பூ⁴த்வா விசேரு꞉ ஸர்பஷ²த்ரவ꞉ || 6-102-26
தே தான்ஸர்வாஞ்ஷ²ராஞ்ஜக்⁴னு꞉ ஸர்பரூபான்மஹாஜவான் |
ஸுபர்ணரூபா ராமஸ்ய விஷி²கா²꞉ காமரூபிண꞉ || 6-102-27
அஸ்த்ரே ப்ரதிஹதே க்ருத்³தோ⁴ ராவணோ ராக்ஷஸாதி⁴ப꞉ |
அப்⁴யவர்ஷத்ததா³ ராமன் கோ⁴ராபி⁴꞉ ஷ²ரவ்ருஷ்டிபி⁴꞉ || 6-102-28
தத꞉ ஷ²ரஸஹஸ்ரேண ராமமக்லிஷ்டகாரிணம் |
அர்த³யித்வா ஷ²ரௌகே⁴ண மாதலிம் ப்ரத்யவித்⁴யத || 6-102-29
சிச்சே²த³ கேதுமுத்³தி³ஷ்²ய ஷ²ரேணைகேன ராவண꞉ |
பாதயித்வா ரதோ²பஸ்தே² ரதா²த்கேதுன் ச காஞ்சனம் || 6-102-30
ஐந்த்³ரானபி⁴ஜகா⁴நாஷ்²வாஞ்ஷ²ரஜாலேன ராவண꞉ |
விஷேது³ர்தே³வக³ந்த⁴ர்வா தா³னவாஷ்²சாரணை꞉ ஸஹ || 6-102-31
ராமமார்தன் ததா³ த்³ருஷ்ட்வா ஸித்³தா⁴ஷ்²ச பரமர்ஷய꞉ |
வ்யதி²தா வானரேந்த்³ராஷ்²ச ப³பூ⁴வு꞉ ஸவிபீ⁴ஷணா꞉ || 6-102-32
ராமசந்த்³ரமஸன் த்³ருஷ்ட்வா க்³ரஸ்தன் ராவணராஹுணா |
ப்ராஜாபத்யன் ச நக்ஷத்ரன் ரோஹிணீம் ஷ²ஷி²ன꞉ ப்ரியாம் || 6-102-33
ஸமாக்ரம்ய பு³த⁴ஸ்தஸ்தௌ² ப்ரஜாநாமஷு²பா⁴வஹ꞉ |
ஸதூ⁴மபரிவ்ருத்தோர்மி꞉ ப்ரஜ்வலன்னிவ ஸாக³ர꞉ || 6-102-34
உத்பபாத ததா³ க்ருத்³த⁴꞉ ஸ்ப்ருஷ²ன்னிவ தி³வாகரம் |
ஷ²ஸ்த்ரவர்ண꞉ ஸுபருஷோ மந்த³ரஷ்²மிர்தி³வாகர꞉ || 6-102-35
அத்³ருஷ்²யத கப³ந்தா⁴ங்க³꞉ ஸன்ஸக்தோ தூ⁴மகேதுனா |
கோஸலானான் ச நக்ஷத்ரன் வ்யக்தமிந்த்³ராக்³னிதை³வதம் || 6-102-36
ஆக்ரம்யாங்கா³ரகஸ்தஸ்தௌ² விஷா²கா²மபி சாம்ப³ரே |
த³ஷா²ஸ்யோ விம்ஷ²திபு⁴ஜ꞉ ப்ரக்³ருஹீதஷ²ராஸன꞉ || 6-102-37
அத்³ருஷ்²யத த³ஷ²க்³ரீவோ மைனாக இவ பர்வத꞉ |
நிரஸ்யமானோ ராமஸ்து த³ஷ²க்³ரீவேண ரக்ஷஸா || 6-102-38
நாஷ²கத³பி⁴ஸந்தா⁴துன் ஸாயகான்ரணமூர்த⁴னி |
ஸ க்ருத்வா ப்⁴ருகுடீன் க்ருத்³த⁴꞉ கிம் சித்ஸன்ரக்தலோசன꞉ || 6-102-39
ஜகா³ம ஸுமஹாக்ரோத⁴ம் நிர்த³ஹன்னிவ ரக்ஷஸான் |
தஸ்ய க்ருத்³த⁴ஸ்ய வத³னம் த்³ருஷ்ட்வா ராமஸ்ய தீ⁴மத꞉ || 6-102-40
ஸர்வபூ⁴தானி வித்ரேஸு꞉ ப்ராகம்பத ச மேதி³னீ |
ஸிம்ஹஷா²ர்தூ³ளவான் ஷை²ல꞉ ஸஞ்சசால சலத்³த்³ரும꞉ |
ப³பூ⁴வ சாபி க்ஷுபி⁴த꞉ ஸமுத்³ர꞉ ஸரிதாம் பதி꞉ || 6-102-41
க²ராஷ்²ச க²ரநிர்கோ⁴ஷா க³க³னே பருஷா க⁴னா꞉ |
ஔத்பாதிகாஷ்²ச நர்த³ந்த꞉ ஸமந்தாத் பரிசக்ரமு꞉ || 6-102-42
ராமம் த்³ருஷ்ட்வா ஸுஸங்க்ருத்³த⁴முத்பாதாம்ஷை²வ தா³ருணான் |
வித்ரேஸு꞉ ஸர்வபூ⁴தானி ராவணஸ்யாப⁴வத்³ப⁴யம் || 6-102-43
விமானஸ்தா²ஸ்த²தா³ தே³வா க³ந்த⁴ர்வாஷ்²ச மஹோரகா³꞉ |
ருஷிதா³னவதை³த்யாஷ்²ச க³ருத்மந்தஷ்²ச கே²சரா꞉ || 6-102-44
த³த்³ருஷு²ஸ்தே ததா³ யுத்³த⁴ம் லோகஸம்வர்தஸம்ஸ்தி²தம்
நானாப்ரஹரணைர்பீ⁴மை꞉ ஷூ²ரயோ꞉ ஸம்ப்ரயுத்⁴யதோ꞉ || 6-102-45
ஊசு꞉ ஸுராஸுரா꞉ ஸர்வே ததா³ விக்³ரஹமாக³தா꞉ |
ப்ரேக்ஷமாணா மஹத்³யுத்³த⁴ம் வாக்யம் ப⁴க்த்யா ப்ரஹ்ருஷ்டவத் || 6-102-46
த³ஷ²க்³ரீவம் ஜயேத்யாஹுரஸுரா꞉ ஸமவஸ்தி²தா꞉ |
தே³வா ராமமவோசம்ஸ்தே த்வம் ஜயேதி புன꞉ புன꞉ || 6-102-47
ஏதஸ்மின்னந்தரே க்ரோதா⁴த்³ராக⁴வஸ்ய ஸ ராவண꞉ |
ப்ரஹர்துகாமோ து³ஷ்டாத்மா ஸ்ப்ருஷ²ன் ப்ரஹரணம் மஹத் || 6-102-48
வஜ்ரஸாரம் மஹாநாத³ம் ஸர்வஷ²த்ருனிப³ர்ஹணம் |
ஷை²லஷ்²ருங்க³னிபை⁴꞉ கூடைஷ்²சித்தத்³ருஷ்டிப⁴யாவஹம் || 6-102-49
ஸதூ⁴மமிவ தீக்ஷணக்³ரம் யுகா³ந்தாக்³னிசயோபமம் |
அதிரௌத்³ரமனாஸாத்³யம் காலேனாபி து³ராஸத்³ம் || 6-102-50
த்ராஸனம் ஸர்வபூ⁴தானாம் தா³ரணம் பே⁴த³னம் ததா² |
ப்ரதீ³ப்தமிவ ரோஷேண ஷூ²லம் ஜக்³ராஹ ராவண꞉ || 6-102-51
தச்சூ²லம் பரமக்ருத்³தோ⁴ மத்⁴யே ஜக்³ராஹ வீர்யவான் |
அனீகை꞉ ஸமரே ஷூ²ரை ராக்ஷஸை꞉ பரிவாரித꞉ || 6-102-52
ஸமுத்³யம்ய மஹாகாயோ நநாத³ யுதி⁴ பை⁴ரவம் |
ஸம்ரக்தநயனோ ரோஷாத் ஸ்வஸைன்யமபி⁴ஹர்ஷயன் || 6-102-53
ப்ருதி²வீம் சாந்தரிக்ஷம் ச தி³ஷ²ஷ்²ச ப்ரதி³ஷ²ஸ்ததா² |
ப்ராகம்பயத்ததா³ ஷ²ப்³தோ³ ராக்ஷஸேந்த்³ரஸ்ய தா³ருண꞉ || 6-102-54
அதிகாயஸ்ய நாதே³ன தேன தஸ்ய து³ராத்மன꞉ |
ஸர்வபூ⁴தானி வித்ரேஸு꞉ ஸாக³ரஷ்²ச ப்ரசுக்ஷுபே⁴ || 6-102-55
ஸ க்³ருஹீத்வா மஹாவீர்ய꞉ ஷூ²லம் தத்³ராவணோ மஹத் |
வினத்³ய ஸுமஹாநாத³ம் ராமம் பருஷமப்³ரவீத் || 6-102-56
ஷூ²லோ(அ)யம் வஜ்ரஸாரஸ்தே ராம ரோஷன்மயோத்³யத꞉ |
தவ ப்⁴ராத்ருஸஹாயஸ்ய ஸம்யக் ப்ராணான் ஹரிஷ்யதி || 6-102-57
ரக்ஷஸாமத்³ய ஷூ²ராணாம் நிஹதானாம் சமூமுகே² |
த்வாம் நிஹத்ய ரணஷ்²லாகீ⁴ கரோமி தரஸா ஸமம் || 6-102-58
திஷ்டே²தா³னீம் நிஹன்மி த்வாமேஷ ஷூ²லேன ராக⁴வ |
ஏவமுக்த்வா ஸ சிக்ஷேப தச்சூ²லம் ராக்ஷஸாதி⁴ப꞉ || 6-102-59
தத்³ராவணகரான்முக்தம் வித்³யுன்மாலாஸமாவ்ருதம் |
அஷ்டக⁴ண்டம் மஹாநாத³ம் வியத்³க³தமஷோ²ப⁴த || 6-102-60
தச்சூ²லாம் ராக³வோ த்³றிஷ்ட்வா ஜ்வலந்தம் கோ⁴ரத³ர்ஷ²னம் |
ஸஸர்ஜ விஷி²கா²ன் ராமஷ்²சாபமாயம்ய வீர்யவான் || 6-102-61
ஆபதந்தம் ஷ²ரௌகே⁴ண வாரயாமாஸ ராக⁴வ꞉ |
உத்பதந்தம் யுகா³ந்தாக்³னிம் ஜலௌகை⁴ரிவ வாஸவ꞉ || 6-102-62
நிர்த³தா³ஹ ஸ தான் பா³ணான் ராமகார்முகநி꞉ஸ்ருதான் |
ராவணஸ்ய மஹான் ஷூ²ல꞉ பதங்கா³னிவ பாவக꞉ || 6-102-63
தான் த்³ருஷ்ட்வா ப⁴ஸ்மஸாத்³பூ⁴தான் ஷூ²லஸம்ஸ்பர்ஷ²சூர்ணதான் |
ஸாயகானந்தரிக்ஷஸ்தா²ன் ராக³வ꞉ க்ரோத⁴மாஹரத் || 6-102-64
ஸ தாம் மாதலினானீதாம் ஷ²க்திம் வாஸவஸம்மதாம் |
ஜக்³ராஹ பரமக்ருத்³தோ⁴ ராக⁴வோ ரக⁴வநந்த³ன꞉ || 6-102-65
ஸா தோலிதா ப³லவதா ஷ²க்திர்க⁴ண்டாக்ருதஸ்வனா |
நப⁴꞉ ப்ரஜ்வாலயாமாஸ யுகா³ந்தோல்கேவ ஸப்ரபா⁴ || 6-102-66
ஸா க்ஷிப்தா ராக்ஷஸேந்த்³ரஸ்ய தஸ்மின் ஷூ²லே பபாத ஹ |
பி⁴ன்ன꞉ ஷ²க்த்யா மஹான் ஷூ²லோ நிபபாத ஹதத்³யுதி꞉ || 6-102-67
நிர்ப⁴பே⁴த³ ததோ பா³ணைர்ஹயானஸ்ய மஹாஜவான் |
ராமஸ்த்ரீக்ஷணைர்மஹாவேகை³ர்பா³ணவத்³பி⁴ரஜிஹ்மகை³꞉ || 6-102-68
நிர்ப³தே⁴தோ³ரஸி ததா³ ராவணம் நிஷி²தை꞉ ஷ²ரை꞉ |
ராக⁴வ꞉ பரமாயத்தோ லலாடே பத்த்ரிபி⁴ஸ்த்ரிபி⁴꞉ || 6-102-69
ஸ ஷ²ரைர்பி⁴ன்னஸர்வாங்கோ³ கா³த்ரப்ரஸ்ருதஷோ²ணித꞉ |
ராக்ஷஸேந்த்³ர꞉ ஸமூஹஸ்த²꞉ புல்லாஷோ²க இவாப³பௌ⁴ || 6-102-70
ஸ ராமபா³ணைரதிவித்³த⁴கா³த்ரோ |
நிஷா²சரேந்த்³ர꞉ க்ஷதஜார்த்³ரகா³த்ர꞉ |
ஜகா³ம கே²த³ம் ச ஸமாஜமத்⁴யே |
க்ரோத⁴ம் ச சக்ரே ஸுப்⁴ருஷ²ம் ததா³னீம் || 6-102-71
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்³வ்யதி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
