வால்மீகி ராமாயணே ஆதி³ காவ்யே யுத்³த⁴காண்டே³ ஏகாதி⁴கஷ²ததம꞉ ஸர்க³꞉
ஷ²க்த்யா நிபாதிதம் த்³ருஷ்ட்வா ராவணேன ப³லீயஸா |
லக்ஷ்மணம் ஸமர் ஷூ²ரம் ஷோ²ணிதௌக⁴பரிப்லுதம் || 6-101-1
ஸ த³த்த்வா துமுலன் யுத்³த⁴ம் ராவணஸ்ய து³ராத்மன꞉ |
விஸ்ருஜனேவ பா³ணௌகா⁴ன்ஸுஷேணன் வாக்யமப்³ரவீத் || 6-101-2
ஏஷ ராவணவேகே³ன லக்ஷ்மண꞉ பதித꞉ க்ஷிதௌ |
ஸர்பவத்³வேஷ்டதே வீரோ மம ஷோ²கமுதீ³ரயன் || 6-101-3
ஷோ²ணிதார்த்³ரமிமன் வீரம் ப்ராணைரிஷ்டதரம் மம |
பஷ்²யதோ மம கா ஷ²க்திர்யோத்³து⁴ம் பர்யாகுலாத்மன꞉ || 6-101-4
அயன் ஸ ஸமரஷ்²லாகீ⁴ ப்⁴ராதா மே ஷு²ப⁴லக்ஷண꞉ |
யதி³ பஞ்சத்வமாபன்ன꞉ ப்ராணைர்மே கின் ஸுகே²ன வா || 6-101-5
லஜ்ஜதீவ ஹி மே வீர்யம் ப்⁴ரஷ்²யதீவ கராத்³த⁴னு꞉ |
ஸாயகா வ்யவஸீத³ந்தி த்³ருஷ்டிர்பா³ஷ்பவஷ²ன் க³தா || 6-101-6
அவஸீத³ந்தி கா³த்ராணி ஸ்வப்னயானே ந்ருணாமிவ |
சிந்தா மே வர்த⁴தே தீவ்ரா முமூர்ஷாபி ச ஜாயதே || 6-101-7
ப்⁴ராதரம் நிஹதன் த்³ருஷ்ட்வா ராவணேன து³ராத்மனா |
விஷ்டந்ந்தம் து து³꞉கா²ர்தம் மர்மண்யபி⁴ஹதம் ப்⁴ருஷ²ம் || 6-101-8
ராக⁴வோ ப்⁴ராதரம் த்³ருஷ்ட்ய ப்ரியம் ப்ராணம் ப³ஹிஷ்²சரம் |
து³꞉கே²ன மஹதாவிஷ்டோ த்⁴யானஷோ²கபராயண꞉ || 6-101-9
பரன் விஷாத³மாபன்னோ விளலாபாகுலேந்த்³ரிய꞉ |
ந ஹி யுத்³தே⁴ன மே கார்யம் நைவ ப்ராணைர்ன ஸீதயா || 6-101-10
விஜயோ(அ)பி ஹி மே ஷூ²ர ந ப்ரியாயோபகல்பதே |
அசக்ஷுர்விஷயஷ்²சந்த்³ர꞉ காம் ப்ரீதிம் ஜனயிஷ்யதி || 6-101-11
கிம் மே யுத்³தே⁴ன கிம் ப்ராணைர்யுத்³த⁴கார்யம் ந வித்³யதே |
யத்ராயம் நிஹத꞉ ஷே²தே ரணமூர்த⁴னி லக்ஷ்மண꞉ || 6-101-12
யதை²வ மாம் வனம் யாந்தமனுயாதி மஹாத்³யுதி꞉ |
அஹமப்யுபயாஸ்யாமி ததை²வைனம் யமக்ஷயம் || 6-101-13
இஷ்டப³ந்து³ஜனோ நித்யம் மாம் ஸ நித்யமனுவ்ரத꞉ |
இமாமவஸ்தா²ம் க³மிதோ ராக்ஷஸை꞉ கூடயோதி⁴பி⁴꞉ || 6-101-14
தே³ஷே² தே³ஷே² களத்ராணி தே³ஷே² தே³ஷே² ச பா³ந்த⁴வா꞉ |
தம் து தே³ஷ²ம் ந பஷ்²யாமி யத்ர ப்⁴ராதா ஸஹோத³ர꞉ || 6-101-15
இத்யேவம் விளபந்தம் தம் ஷோ²கவிஹ்வலிதேந்த்³ரியம் |
விவேஷ்டமானம் கருணமுச்ச்²வஸந்தம் புன꞉ புன꞉ || 6-101-16
கிம் நு ராஜ்யே து³ர்த⁴ர்ஷலக்ஷ்மணேன வினா மம |
கத²ம் வக்ஷ்யாம்யஹம் த்வம்பா³ம் ஸுமித்ராம் புத்ரவத்ஸலாம் || 6-101-17
உபாலம்ப⁴ம் ந ஷ²க்ஷ்யாமி ஸோடு⁴ம் த³த்தம் ஸுமித்ரயா |
கிம் நு வக்ஷ்யாமி கௌஸல்யாம் மாதரம் கிம் நு கைகயீம் || 6-101-18
ப⁴ரதம் கிம் நு வக்ஷ்யாமி ஷ²த்ருக்⁴னம் ச மஹாப³லம் |
ஸஹ தேன வனம் யாதோ வினா தேநாக³த꞉ கத²ம் || 6-101-19
இஹைவ மரணம் ஷ்²ரேயோ ந து ப³ந்து⁴விக³ர்ஹணம் |
கிம் மயா து³ஷ்க்ருதம் கர்ம க்ருதமன்யத்ர ஜன்மனி || 6-101-20
யேன மே தா⁴ர்மிகோ ப்⁴ராதா நிஹதஷ்²சாக்³ரத꞉ ஸ்தி²த꞉ |
ஹா ப்⁴ராதர்மனுஜஷ்²ரேஷ்ட² ஷூ²ராணாம் ப்ரவர ப்ரபோ⁴ || 6-101-21
ஏகாகீ கிம் நு மாம் த்யக்த்வா பரளோகாய க³ச்ச²ஸி |
விளபந்தம் ச மாம் ப்⁴ராத꞉ கிமர்த²ம் நாவபா⁴ஷஸே || 6-101-22
உத்திஷ்ட² பஷ்²ய கிம் ஷே²ஷே தீ³னம் மாம் பஷ்²ய சக்ஷுஷா |
ஷோ²கார்தஸ்ய ப்ரமத்தஸ்ய பர்வதேஷு வனேஷு ச || 6-101-23
விஷண்ணஸ்ய மஹாபா³ஹோ ஸமாஷ்²வாஸயிதா மம |
ராமமேவம் ப்³ருவாணம் து ஷோ²கவ்யாகுலிதேந்த்³ரியம் || 6-101-24
ஆஷ்²வாஸயன்னுவாசேத³ம் ஸுஷேண꞉ பரமம் வச꞉ |
த்யஜேமாம் நரஷா²ர்தூ³ள பு³த்³தி⁴ம் வைக்லப்³யகாரிணீம் || 6-101-25
ஷோ²கஸஞ்ஜனனீம் சிந்தாம் துல்யாம் பா³ணைஷ்²சமூமுகே² |
நைவ பஞ்சத்வமாபன்னோ லக்ஷ்மணோ லக்ஷ்மிவர்த⁴ன꞉ || 6-101-26
ந ஹ்ய்ஸ்ய விக்ருதம் வக்த்ரம் ந ச ஷ்²யாமத்வமாக³தம் |
ஸுப்ரப⁴ன் ச ப்ரஸன்னம் ச முக²மஸ்யாபி⁴லக்ஷ்யதே || 6-101-27
பத்³மரக்ததலௌ ஹஸ்தௌ ஸுப்ரஸன்னே ச லோசனே |
நேத்³ருஷ²ம் த்³ருஷ்²யதே ரூபம் க³தாஸூனாம் விஷா²ம் பதே || 6-101-28
விஷாத³ம் மா க்ருதா² வீர ஸப்ராணோ(அ)யமரிந்த³ம |
ஆக்²யாதி து ப்ரஸுப்தஸ்ய ஸ்ரஸ்தகா³த்ரஸ்ய பூ⁴தலே || 6-101-29
ஸோச்ச்²வாஸம் ஹ்ருத³யம் வீர கம்பமானம் முஹுர்முஹு꞉ |
ஏவ முக்த்வா மஹாப்ராஜ்ஞ: ஸுஷேணோ ராகவம் வச: || 6-101-30
ஸமீபஸ்த²முவாசேத³ம் ஹனூமந்தம் மஹாகபிம் |
ஸௌம்ய ஷீ²க்⁴ரமிதோ க³த்வா ஷை²லமோஷதி⁴பர்வதம் || 6-101-31
பூர்வன் ஹி கதி²தோ யோஅஸௌ வீர ஜாம்ப³வதா ஷு²ப⁴꞉ |
த³க்ஷிணே ஷி²க²ரே தஸ்ய ஜாதாமோஷதி⁴மானய || 6-101-32
விஷ²ல்யகரணீ நாம விஷ²ல்யகரணீன் ஷு²பா⁴ம் |
ஸவர்ணகரணீம் நாம்நா ஸாவர்ண்யகரணீம்ததா
ஸஞ்ஜீவகரணீம் வீர ஸந்தா⁴னீம் ச மஹௌஷதீ⁴ம் || 6-101-33
ஸஞ்ஜீவனார்த²ம் வீரஸ்ய லக்ஷ்மணஸ்ய மஹாத்மன꞉ |
இத்யேவமுக்தோ ஹனுமான்க³த்வா சௌஷதி³பர்வதம் || 6-101-34
சிந்தாமப்⁴யக³மச்ச்²ரீமானஜானம்ஸ்தா மஹௌஷதீ⁴꞉ |
தஸ்ய பு³த்³தி⁴꞉ ஸமுத்பன்னா மாருதேரமிதௌஜஸ꞉ || 6-101-35
இத³மேவ க³மிஷ்யாமி க்³ருஹீத்வா ஷி²க²ரம் கி³ரே꞉ |
அஸ்மிம்ஸ்து ஷி²க²ரே ஜாதாமோஷதி⁴ம் தாம் ஸுகா²வஹாம் || 6-101-36
ப்ரதர்கேணாவக³ச்சா²மி ஸுஷேணோ ஹ்யேவமப்³ரவீத் |
அக்³ருஹ்ய யதி³ க³ச்ச²மி விஷ²ல்யகரணீமஹம் || 6-101-37
காலாத்யயேன தோ³ஷ꞉ ஸ்யாத்³வைக்லப்³யம் ச மஹத்³ப⁴வேத் |
இதி ஸஞ்சிந்த்ய ஹனுமான்க³த்வா க்ஷிப்ரம் மஹாப³ல꞉ || 6-101-38
ஆஸாத்³ய பர்வதஷ்²ரேஷ்ட²ம் த்ரி꞉ ப்ரக்ரம்ய கி³ரே꞉ ஷி²ர꞉ |
ப்லுல்லனானாதருக³ணம் ஸமுத்பாட்ய மஹாப³ல꞉ || 6-101-39
க்³ருஹீத்வா ஹரிஷா²ர்தூ³ளோ ஹஸ்தாப்⁴யாம் ஸமதோலயத் |
ஸ நீலமிவ ஜீமூதம் தோயபூர்ணம் நப⁴ஸ்தலாத் || 6-101-40
உத்பபாத க்³ருஹீத்வா து ஹனூமாஞ்ஷி²க²ரன் கி³ரே꞉ |
ஸமாக³ம்ய மஹாவேக³꞉ ஸம்ந்யஸ்ய ஷி²க²ரம் கி³ரே꞉ || 6-101-41
விஷ்²ரம்யகிஞ்சித்³த⁴னுமான் ஸுஷேணமித³மப்³ரவீத் |
ஓஷதீ⁴ர்னாவக³சா²மி தா அஹன் ஹரிபுங்க³வ || 6-101-42
ததி³த³ன் ஷி²க²ரன் க்ருத்ஸ்னம் கி³ரேஸ்தஸ்யாஹ்ருதம் மயா |
ஏவம் கத²யமானம் தம் ப்ரஷ²ஸ்ய பவனாத்மஜம் || 6-101-43
ஸுஷேணோ வானரஷ்²ரேஷ்டோ² ஜக்³ராஹோத்பாட்ய சௌஷதீ⁴꞉ |
விஸ்மிதாஸ்து ப³பூ⁴வுஸ்தே ஸர்வே வானரபுங்க³வா꞉ || 6-101-44
த்³ருஷ்ட்வா ஹனூமத꞉ கர்ம ஸுரைரபி ஸுது³ஷ்கரம் |
தத꞉ ஸங்க்ஷோத³யித்வா தாமோஷதி⁴ன் வானரோத்தம꞉ || 6-101-45
லக்ஷ்மணஸ்ய த³தௌ³ நஸ்த꞉ ஸுஷேண꞉ ஸுமஹாத்³யுதி꞉ |
ஸஷ²ல்ய꞉ ஸ ஸமாக்⁴ராய லக்ஷ்மண꞉ பரவீரஹா || 6-101-46
விஷ²ல்யோ விருஜ꞉ ஷீ²க்⁴ரமுத³திஷ்ட²ன்மஹீதலாத் |
தமுத்தி²தம் து ஹரயோ பூ⁴தலாத்ப்ரேக்ஷ்ய லக்ஷ்மணம் || 6-101-47
ஸாது⁴ ஸாத்⁴விதி ஸுப்ரீதா꞉ ஸுஷேணம் ப்ரத்யபூஜயன் |
ஏஹ்யேஹீத்யப்³ரவீத்³ராமோ லாக்ஷ்மணம் பரவீரஹா || 6-101-48
ஸஸ்வஜே ஸ்னேஹகா³ட⁴ன் ச பா³ஷ்பபர்யாகுலேக்ஷண꞉ |
அப்³ரவீச்ச பரிஷ்வஜ்ய ஸௌமித்ரின் ராக⁴வஸ்ததா³ || 6-101-49
தி³ஷ்ட்யா த்வான் வீர பஷ்²யாமி மரணாத்புனராக³தம் |
ந ஹி மே ஜீவிதேனார்த²꞉ ஸீதயா ச ஜயேன வா || 6-101-50
கோ ஹி மே ஜீவிதேனார்த²ஸ்த்வயி பஞ்சத்வமாக³தே |
இத்யேவன் வத³தஸ்தஸ்ய ராக⁴வஸ்ய மஹாத்மன꞉ || 6-101-51
கி²ன்ன꞉ ஷி²தி²லயா வாசா லக்ஷ்மணோ வாக்யமப்³ரவீத் |
தாம் ப்ரதிஜ்ஞாம் ப்ரதிஜ்ஞாய புரா ஸத்யபராக்ரம || 6-101-52
லகு⁴꞉ கஷ்²சிதி³வாஸத்த்வோ நைவன் வக்துமிஹார்ஹஸி |
ந ப்ரதிஜ்ஞான் ஹி குர்வந்தி விததா²ம் ஸாத⁴வோஅனக⁴ || 6-101-53
லக்ஷ்மணன் ஹி மஹத்த்வஸ்ய ப்ரதிஜ்ஞாபரிபாலனம் |
நைராஷ்²யமுபக³ந்துன் தே தத³ளம் மத்க்ருதேஅனக⁴ || 6-101-54
வதே⁴ன ராவணஸ்யாத்³ய ப்ரதிஜ்ஞாமனுபாலய |
ந ஜீவந்யாஸ்யதே ஷ²த்ருஸ்தவ பா³ணபத²ன் க³த꞉ || 6-101-55
நர்த³தஸ்தீக்ஷ்ணத³ம்ஷ்ட்ரஸ்ய ஸின்ஹஸ்யேவ மஹாக³ஜ꞉ |
அஹன் து வத⁴மிச்சா²மி ஷீ²க்⁴ரமஸ்ய து³ராத்மன꞉ || 6-101-56
யாவத³ஸ்தம் ந யாத்யேஷ க்ருதகர்மா தி³வாகர꞉ |
யதி³ வத⁴மிச்ச²ஸி ராவணஸ்ய ஸங்க்²யே |
யதி³ ச க்ருதாம் ஹி தவேச்ச²ஸி ப்ரதிஜ்ஞாம் |
யதி³ தவ ராஜஸுதாபி⁴லாஷ ஆர்ய |
குரு ச வசோ மம ஷீ²க்³ரமத்³ய வீர || 6-101-57
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஏகாதி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
