வால்மீகி ராமாயணே ஆதி³ காவ்யே யுத்³த⁴காண்டே³ த்³விஷஷ்டிதம꞉ ஸர்க³꞉
ஸ து ராக்ஷஸஷா²ர்தூ³ளோ நித்³ராமத³ஸமாகுல꞉ |
ராஜமார்க³ம் ஷ்²ரியா ஜுஷ்டம் யயௌ விபுலவிக்ரம꞉ || 6-62-1
ராக்ஷஸானாம் ஸஹஸ்ரைஷ்²ச வ்ருத꞉ பரமது³ர்ஜய꞉ |
க்³ருஹேப்⁴ய꞉ புஷ்பவர்ஷேண கீர்யமாணஸ்ததா³ யயௌ || 6-62-2
ஸ ஹேமஜாலவிததம் பா⁴னுபா⁴ஸ்வரத³ர்ஷ²னம் |
த³த³ர்ஷ² விபுலம் ரம்யம் ராக்ஷஸேந்த்³ரநிவேஷ²னம் || 6-62-3
ஸ தத்ததா³ ஸூர்ய இவாப்⁴ரஜாலம் |
ப்ரவிஷ்²ய ரக்ஷோதி⁴பதேர்நிவேஷ²னம் |
த³த³ர்ஷ² தூ³ரே(அ)க்³ரஜமாஸனஸ்த²ம் |
ஸ்வயம்பு⁴வம் ஷ²க்ர இவாஸனஸ்த²ம் || 6-62-4
ப்⁴ராது꞉ ஸ ப⁴வனம் க³ச்ச²ன் ரக்ஷோக³ணஸமன்வித꞉ |
கும்ப⁴கர்ண꞉ பத³ந்யாஸைரகம்பயத் மேதி³னீம் || 6-62-5
ஸோ(அ)பி⁴க³ம்ய க்³ருஹம் ப்⁴ராது꞉ கக்ஷ்யாமபி⁴விகா³ஹ்ய ச |
த³த³ர்ஷோ²த்³விக்³னமாஸீனம் விமானே புஷ்பகே கு³ரும் || 6-62-6
அத² த்³ருஷ்ட்வா த³ஷ²க்³ரீவ꞉ கும்ப⁴கர்ணமுபஸ்தி²தம் |
தூர்ணமுத்தா²ய ஸம்ஹ்ருஷ்ட꞉ ஸம்நிகர்ஷமுபானயத் || 6-62-7
அதா²ஸீனஸ்ய பர்யங்கே கும்ப⁴கர்ணோ மஹாப³ல꞉ |
ப்⁴ராதுர்வவந்தே³ சரணௌ கிம் க்ருத்யமிதி சாப்³ரவீத் || 6-62-8
உத்பத்ய சைனம் முதி³தோ ராவண꞉ பரிஷஸ்வஜே |
ஸ ப்⁴ராத்ரா ஸம்பரிஷ்வக்தோ யதா²வச்சா²பி⁴னந்தி³த꞉ || 6-62-9
கும்ப⁴கர்ண꞉ ஷு²ப⁴ம் தி³வ்யம் ப்ரதிபேதே³ வராஸனம் |
ஸ ததா³ஸனமாஷ்²ரித்ய கும்ப⁴கர்ணோ மஹாப³ல꞉ || 6-62-10
ஸம்ரக்தநயன꞉ க்ரோதா⁴த்³ரவணம் வாக்யமப்³ரவீத் |
கிம்மர்த²மஹமாத்³ருத்ய த்வயா ராஜன் ப்ரபோ³தி⁴த꞉ || 6-62-11
ஷ²ஸ கஸ்மாத்³ப⁴யம் தே(அ)த்ர கோ வா ப்ரேதோ ப⁴விஷ்யதி |
ப்⁴ராதரம் ராவண꞉ க்ருத்³த⁴ம் கும்ப⁴கர்ணமவஸ்தி²தம் || 6-62-12
ரோஷேண பரிவ்ருத்தாப்⁴யாம் நேத்ராப்⁴யாம் வாக்யமப்³ரவீத் |
அயம் தே ஸுமஹன் கால꞉ ஷ²யானஸ்ய மஹாப³ல || 6-62-13
ஸுஷுப்தஸ்த்வம் ந ஜானீஷே மம ராமக்ருதம் ப⁴யம் |
ஏஷ தா³ஷ²ரதீ² ராம꞉ ஸுக்³ரீவஸஹிதோ ப³லீ || 6-62-14
ஸமுத்³ரம் லங்க⁴யித்வா து குலம் ந꞉ பரிக்ருந்ததி |
ஹந்த பஷ்²யஸ்வ லங்கயா வனான்யுபவனானி ச || 6-62-15
ஸேதுனா ஸுக²மாக³த்ய வானரைகார்ணவம் க்ருதம் |
யே ராக்ஷஸா முக்²யதமா ஹதாஸ்தே வானரைர்யுதி⁴ || 6-62-16
வானராணாம் க்ஷயம் யுதே⁴ ந பஷ்²யாமி கத²ஞ்சன |
ந சாபி வானரா யுத்³தே⁴ ஜிதபூர்வா꞉ கதா³சன || 6-62-17
ததே³தத்³ப⁴யமுத்பன்னம் த்ராயஸ்வேஹ மஹாப³ல |
நாஷ²ய த்வமிமானத்³ய தத³ர்த²ம் போ³தி⁴தோ ப⁴வான் || 6-62-18
ஸர்வக்ஷபிதகோஷ²ம் ச ஸ த்வமப்⁴யுபபத்³ய மாம் |
த்ராயஸ்வேமாம் புரீம் லங்காம் பா³லவ்ருத்³தா⁴வஷே²ஷிதாம் || 6-62-19
ப்⁴ராதுரர்தே² மஹாபா³ஹோ குரு கர்ம ஸுது³ஷ்கரம் |
மயைவம் நோக்தபுர்வோ ஹி கஷ்²சித்³ப்⁴ராத꞉ பரம்தப || 6-62-20
த்வய்யஸ்தி மம ச ஸ்னேஹ꞉ பரா ஸம்பா⁴வனா ச மே |
தை³வாஸுரேஷு யுத்³தே⁴ஷு ப³ஹுஷோ² ராக்ஷஸர்ஷப⁴ || 6-62-21
த்வயா தே³வா꞉ ப்ரதிவ்யூஹ்ய நிர்ஜிதாஷ்²சாஸுரா யுதி⁴ |
ததே³தத்ஸர்வமாதிஷ்ட² வீர்யம் பீ⁴மபராக்ரம் || 6-62-22
ந ஹி தே ஸர்வபூ⁴தேஷு த்³ருஷ்²யதே ஸத்³ருஷோ² ப³லீ |
குருஷ்வ மே ப்ரியஹிதமேதது³த்தமம் |
யதா²ப்ரியம் ப்ரியரண பா³ந்த⁴வப்ரிய |
ஸ்வதேஜஸா வித⁴ம ஸபத்னவாஹினீம் |
ஷ²ரத்³க⁴னம் பவன இவோத்³யதோ மஹான் || 6-62-23
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்³விஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
