வால்மீகிராமாயணே ஆதி³காவ்யே அயோத்⁴யாகாண்டே³ பம்ʼசத³ஷோ²த்தரஷ²ததம꞉ ஸர்க³꞉
ததோ நிக்ஷிப்ய மாத்ருʼருʼ꞉ ஸ அயோத்⁴யாயாம் த்³ருʼட⁴ வ்ரத꞉ |
ப⁴ரத꞉ ஷோ²க ஸம்தப்தோ கு³ரூன் இத³ம் அத² அப்³ரவீத் || 2-115-1
நந்தி³ க்³ராமம் க³மிஷ்யாமி ஸர்வான் ஆமந்த்ரயே அத்³ய வ꞉ |
தத்ர து³ஹ்க²ம் இத³ம் ஸர்வம் ஸஹிஷ்யே ராக⁴வம் விநா || 2-115-2
க³த꞉ ச ஹி தி³வம் ராஜா வநஸ்த²꞉ ச கு³ருர் மம |
ராமம் ப்ரதீக்ஷே ராஜ்யாய ஸ ஹி ராஜா மஹா யஷா²꞉ || 2-115-3
ஏதத் ஷ்²ருத்வா ஷு²ப⁴ம் வாக்யம் ப⁴ரதஸ்ய மஹாத்மந꞉ |
அப்³ருவன் மந்த்ரிண꞉ ஸர்வே வஸிஷ்ட²꞉ ச புரோஹித꞉ || 2-115-4
ஸத்³ருʼஷ²ம் ஷ்²லாக⁴நீயம் ச யத்³ உக்தம் ப⁴ரத த்வயா |
வசநம் ப்⁴ராத்ருʼ வாத்ஸல்யாத்³ அநுரூபம் தவ ஏவ தத் || 2-115-5
நித்யம் தே ப³ந்து⁴ லுப்³த⁴ஸ்ய திஷ்ட²தோ ப்⁴ராத்ருʼ ஸௌஹ்ருʼதே³ |
ஆர்ய மார்க³ம் ப்ரபந்நஸ்ய ந அநுமந்யேத க꞉ புமான் || 2-115-6
மந்த்ரிணாம் வசநம் ஷ்²ருத்வா யதா² அபி⁴லஷிதம் ப்ரியம் |
அப்³ரவீத் ஸாரதி²ம் வாக்யம் ரதோ² மே யுஜ்யதாம் இதி || 2-115-7
ப்ரஹ்ருʼஷ்ட வத³ந꞉ ஸர்வா மாத்ருʼருʼ꞉ ஸமபி⁴வாத்³ய ஸ꞉ |
ஆருரோஹ ரத²ம் ஷ்²ரீமான் ஷ²த்ருக்⁴நேந ஸமந்வித꞉ || 2-115-8
ஆருஹ்ய து ரத²ம் ஷீ²க்⁴ரம் ஷ²த்ருக்⁴ந ப⁴ரதாஉ உபௌ⁴ |
யயது꞉ பரம ப்ரீதௌ வ்ருʼதௌ மந்த்ரி புரோஹிதை꞉ || 2-115-9
அக்³ரதோ புரவ꞉ தத்ர வஸிஷ்ட² ப்ரமுகா² த்³விஜா꞉ |
ப்ரயயு꞉ ப்ரான் முகா²꞉ ஸர்வே நந்தி³ க்³ராமோ யதோ அப⁴வத் || 2-115-10
ப³லம் ச தத்³ அநாஹூதம் க³ஜ அஷ்²வ ரத² ஸம்குலம் |
ப்ரயயௌ ப⁴ரதே யாதே ஸர்வே ச புர வாஸிந꞉ || 2-115-11
ரத²ஸ்த²꞉ ஸ து த⁴ர்ம ஆத்மா ப⁴ரதோ ப்⁴ராத்ருʼ வத்ஸல꞉ |
நந்தி³ க்³ராமம் யயௌ தூர்ணம் ஷி²ரஸ்ய் ஆதா⁴ய பாது³கே || 2-115-12
தத꞉ து ப⁴ரத꞉ க்ஷிப்ரம் நந்தி³ க்³ராமம் ப்ரவிஷ்²ய ஸ꞉ |
அவதீர்ய ரதா²த் தூர்ணம் கு³ரூன் இத³ம் உவாச ஹ || 2-115-13
ஏதத்³ ராஜ்யம் மம ப்⁴ராத்ரா த³த்தம் ஸம்ந்யாஸவத் ஸ்வயம் |
யோக³ க்ஷேம வஹே ச இமே பாது³கே ஹேம பூ⁴ஷிதே || 2-115-14
ப⁴ரத꞉ ஷி²ரஸா க்ருʼத்வா ஸந்ந்யாஸம் பாது³கே தத꞉ |
அப்³ரவீத்³து³꞉க²ஸம்தப்த꞉ ஸர்வம்ʼ ப்ரக்ருʼதிமண்ட³லம் || 2-115-15
சத்ரம் தா⁴ரயத க்ஷிப்ரமார்யபாதா³விமௌ மதௌ |
அப்⁴யாம் ராஜ்யே ஸ்தி²தோ த⁴ர்ம꞉ பாது³காப்⁴யாம் கு³ரோர்மம || 2-115-16
ப்⁴ராத்ரா ஹி மயி ஸம்ந்யாஸோ நிக்ஷிப்த꞉ ஸௌஹ்ருʼதா³த³யம் |
தமிமம் பாலயிஷ்யாமி ராக⁴வாக³மநம் ப்ரதி 2-115-17
க்ஷிப்ரம் ஸம்யோஜயித்வா து ராக⁴வஸ்ய புந꞉ ஸ்வயம் |
சரணௌ தௌ து ராமஸ்ய த்³ரக்ஷ்யாமி ஸஹபாது³கௌ || 2-115-18
ததோ நிக்ஷிப்தபா⁴ரோ(அ)ஹம் ராக⁴வேண ஸமாக³த꞉ |
நிவேத்³ய கு³ரவே ராஜ்யம் ப⁴ஜிஷ்யே கு³ருவ்ருʼத்திதாம் 2-115-19
தாக⁴வாய ச ஸம்ந்யாஸம் த³த்த்வேமே வரபாது³கே |
ராஜ்யம் சேத³மயோத்⁴யாம் ச தூ⁴தபாபோப⁴வாமி ச 2-115-20
அபி⁴ஷிக்தே து காகுத்த்²ஸே ப்ரஹ்ருʼஷ்டமுதி³தே ஜநே |
ப்ரீதிர்மம யஷ²ஷ்²சைவ ப⁴வேத்³ராஜ்யாச்சதுர்கு³ணம் || 2-115-21
ஏவம் து விளபந்தீ⁴நோ ப⁴ரத꞉ ஸ மஹாயஷா²꞉ |
நந்தி³க்³ராமே(அ)கரோத்³ராஜ்யம் து³꞉கி²தோ மந்த்ரிபி⁴ஸ்ஸஹ || 2-115-22
ஸ வல்கலஜடாதா⁴ரீ முநிவேஷத⁴ர꞉ ப்ரபு⁴꞉ |
நந்தி³க்³ராமே(அ)வஸத்³வீர꞉ ஸஸைந்யோ ப⁴ரதஸ்ததா³ 2-115-23
ராமாக³மநமாகாங்க்ஷன் ப⁴ரதோ ப்⁴ராத்ருʼவத்ஸல꞉ |
ப்⁴ராதுர்வசநகாரீ ச ப்ரதிஜ்ஞாபாரக³ஸ்ததா³ || 2-115-24
பாது³கே த்வபி⁴ஷிச்யாத² நந்தி³க்³ராமே(அ)வஸத்ததா² |
ஸ வாலவ்யஜநம் சத்ரம் தா⁴ரயாமாஸ ஸ ஸ்வயம் || 2-115-25
ப⁴ரத꞉ ஷா²ஸநம் ஸர்வம் பாது³காப்⁴யாம் நிவேத³யன் |
ததஸ்து ப⁴ரத꞉ ஷ்²ரீமாநபி⁴ஷிச்யார்யபாது³கே || 2-115-26
தத³தீ⁴நஸ்ததா³ ராஜ்யம் காரயாமாஸ ஸர்வதா³ |
ததா³ ஹி யத்கார்யமுபைதி கிம்ʼசி |
து³பாயநம் சோபஹ்ருʼதம் மஹார்ஹம் |
ஸ பாது³காப்⁴யாம் ப்ரத²மம் நிவேத்³ய |
சகார பஷ்²சாத்³ப⁴ரதோ யதா²வத் || 2-115-27
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ பம்ʼசத³ஷோ²த்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
