வால்மீகிராமாயணே ஆதி³காவ்யே அயோத்⁴யாகாண்டே³ சதுர்த³ஷோ²த்தரஷ²ததம꞉ ஸர்க³꞉
ஸ்நிக்³த⁴ க³ம்பீ⁴ர கோ⁴ஷேண ஸ்யந்த³நேந உபயான் ப்ரபு⁴꞉ |
அயோத்⁴யாம் ப⁴ரத꞉ க்ஷிப்ரம் ப்ரவிவேஷ² மஹா யஷா²꞉ || 2-114-1
பி³டா³ல உலூக சரிதாம் ஆலீந நர வாரணாம் |
திமிர அப்⁴யாஹதாம் காளீம் அப்ரகாஷா²ம் நிஷா²ம் இவ || 2-114-2
ராஹு ஷ²த்ரோ꞉ ப்ரியாம் பத்நீம் ஷ்²ரியா ப்ரஜ்வலித ப்ரபா⁴ம் |
க்³ரஹேண அப்⁴யுத்தி²தேந ஏகாம் ரோஹிணீம் இவ பீடி³தாம் || 2-114-3
அல்ப உஷ்ண க்ஷுப்³த⁴ ஸலிலாம் க⁴ர்ம உத்தப்த விஹம்க³மாம் |
லீந மீந ஜ²ஷ க்³ராஹாம் க்ருʼஷா²ம் கி³ரி நதீ³ம் இவ || 2-114-4
விதூ⁴மாம் இவ ஹேம ஆபா⁴ம் அத்⁴வர அக்³நி ஸமுத்தி²தாம் |
ஹவிர் அப்⁴யுக்ஷிதாம் பஷ்²சாத் ஷி²கா²ம் விப்ரளயம் க³தாம் || 2-114-5
வித்⁴வஸ்த கவசாம் ருக்³ண க³ஜ வாஜி ரத² த்⁴வஜாம் |
ஹத ப்ரவீராம் ஆபந்நாம் சமூம் இவ மஹா ஆஹவே || 2-114-6
ஸபே²நாம் ஸஸ்வநாம் பூ⁴த்வா ஸாக³ரஸ்ய ஸமுத்தி²தாம் |
ப்ரஷா²ந்த மாருத உத்³தூ⁴தாம் ஜல ஊர்மிம் இவ நிஹ்ஸ்வநாம் || 2-114-7
த்யக்தாம் யஜ்ந ஆயுதை⁴꞉ ஸர்வைர் அபி⁴ரூபை꞉ ச யாஜகை꞉ |
ஸுத்யா காலே விநிர்வ்ருʼத்தே வேதி³ம் க³த ரவாம் இவ || 2-114-8
கோ³ஷ்ட² மத்⁴யே ஸ்தி²தாம் ஆர்தாம் அசரந்தீம் நவம் த்ருʼணம் |
கோ³ வ்ருʼஷேண பரித்யக்தாம் க³வாம் பத்நீம் இவ உத்ஸுகாம் || 2-114-9
ப்ரபா⁴ கராளை꞉ ஸுஸ்நிக்³தை⁴꞉ ப்ரஜ்வலத்³பி⁴ர் இவ உத்தமை꞉ |
வியுக்தாம் மணிபி⁴ர் ஜாத்யைர் நவாம் முக்தா ஆவளீம் இவ || 2-114-10
ஸஹஸா சலிதாம் ஸ்தா²நான் மஹீம் புண்ய க்ஷயாத்³ க³தாம் |
ஸம்ஹ்ருʼத த்³யுதி விஸ்தாராம் தாராம் இவ தி³வ꞉ ச்யுதாம் || 2-114-11
புஷ்ப நத்³தா⁴ம் வஸந்த அந்தே மத்த ப்⁴ரமர ஷா²லிநீம் |
த்³ருத தா³வ அக்³நி விப்லுஷ்டாம் க்லாந்தாம் வந லதாம் இவ || 2-114-12
ஸம்மூட⁴ நிக³மாம் ஸர்வாம் ஸம்க்ஷிப்த விபண ஆபணாம் |
ப்ரக்³ச்ச²ந்ந ஷ²ஷி² நக்ஷத்ராம் த்³யாம் இவ அம்பு³ த⁴ரைர் வ்ருʼதாம் || 2-114-13
க்ஷீண பாந உத்தமைர் பி⁴ந்நை꞉ ஷ²ராவைர் அபி⁴ஸம்வ்ருʼதாம் |
ஹத ஷௌ²ண்டா³ம் இவ ஆகாஷே² பாந பூ⁴மிம் அஸம்ʼஸ்க்ருʼதாம் || 2-114-14
வ்ருʼக்ண பூ⁴மி தலாம் நிம்நாம் வ்ருʼக்ண பாத்ரை꞉ ஸமாவ்ருʼதாம் |
உபயுக்த உத³காம் ப⁴க்³நாம் ப்ரபாம் நிபதிதாம் இவ || 2-114-15
விபுலாம் விததாம் சைவ யுக்த பாஷா²ம் தரஸ்விநாம் |
பூ⁴மௌ பா³ணைர் விநிஷ்க்ருʼத்தாம் பதிதாம் ஜ்யாம் இவ ஆயுதா⁴த் || 2-114-16
ஸஹஸா யுத்³த⁴ ஷௌ²ண்டே³ந ஹய ஆரோஹேண வாஹிதாம் |
நிஹதாம் ப்ரதிஸைந்யேந வட³வாமிவ பாதிதாம் || 2-114-17
***
ஷு²ஷ்கதோயாம்ʼ மஹாமத்ஸ்யை꞉ கூர்மைஷ்²ச ப³ஹுபி⁴ர்வ்ருʼதாம் |
ப்ரபி⁴ந்நதடவிஸ்தீர்ணாம்ʼ வாபீமிவ ஹ்ருʼதோத்பலாம் || 2-114-18
புருஷஸ்யாப்ரஹ்ருʼஷ்டஸ்ய ப்ரதிஷித்³தா⁴நுலேபநாம் |
ஸந்தப்தாமிவ ஷோ²கேந கா³த்ரயஷ்டிமபூ⁴ஷணாம் || 2-114-19
ப்ராவ்ருʼஷி ப்ரவிகா³டா⁴யாம்ʼ ப்ரவிஷ்டஸ்யாப்⁴ரமண்ட³லம் |
ப்ரச்ச²ந்நாம்ʼ நீலஜீமூதைர்பா⁴ஸ்கரஸ்ய ப்ரபா⁴மிவ || 2-114-20
இந்த மூன்று சுலோங்களும் வி.வி.சுப்பாராவ் கீரவாணி பதிப்பில் இருந்து எடுத்தாளப்பட்டுள்ளன
https://www.valmiki.iitk.ac.in/sloka?field_kanda_tid=2&language=dv&field_sarga_value=114
***
ப⁴ரதஸ்து ரத²ஸ்த²꞉ ஸன் ஷ்²ரீமான் த³ஷ²ரதா²த்மஜ꞉ |
வாஹயந்தம்ʼ ரத²ஷ்²ரேஷ்ட²ம்ʼ ஸாரதி²ம் வாக்யமப்³ரவீத் || 2-114-18 {21}
கிம் நு க²ல்வத்³ய க³ம்பீ³ரோ மூர்சிதோ ந நிஷ²ம்யதே |
யதா²புரமயோத்⁴யாயாம் கீ³தவாதி³த்ரநிஸ்வந꞉ || 2-114-19 {22}
வாருணீமத³க³ந்த⁴ஷ்²ச மால்யக³ந்த⁴ஷ்²ச மூர்சித꞉ |
தூ⁴பிதாக³ருக³ந்த⁴ஷ்²ச ந ப்ரவாதி ஸமந்தத꞉ || 2-114-20 {23}
யாநப்ர வரகோ⁴ஷஷ்²ச ஸ்நிக்³த⁴ஷ்²ச ஹயநிஸ்வந꞉ |
ப்ரமத்தக³ஜநாத³ஷ்²ச மஹாம்ʼஷ்²ச ரத²நிஸ்வந꞉ || 2-114-21 {24}
நேதா³நீம் ஷ்²ரூயதே புர்யாமஸ்யாம் ராமே விவாஸிதே || 2-114-22 {25}
சந்த³நாகா³ருக³ந்தா⁴ம்ʼஷ்²ச மஹார்ஹஷ்²ச நவஸ்ரஜ꞉ || 2-114-23 {26}
க³தே ஹி ராமே தருணா꞉ ஸம்ʼதப்தா நோபபு⁴ஞ்ஜதே |
ப³ஹிர்யாத்ராம்ʼ ந க³ச்ச²ந்தி சித்ரமாஅல்யத⁴ரா நரா꞉ || 2-114-24 {27}
நோத்ஸவா꞉ ஸம்ப்ரவர்தந்தே ராமஷோ²கார்தி³தே புரே |
ஸஹ நூநம் மம ப்⁴ராத்ரா புரஸ்யாஸ்ய த்³யுதிர்க³தா || 2-114-25 {28}
ந ஹி ராஜத்யயோத்⁴யேயம்ʼ ஸாஸாரேவார்ஜுநீ க்ஷபா |
கதா³ நு க²லு மே ப்⁴ராதா மஹோத்ஸவ இவாக³த꞉ || 2-114-26 {29}
ஜநயிஷ்யத்யயோத்⁴யாயாம்ʼ ஹர்ஷம் க்³ரீஷ்ம இவாம்பு³த³꞉ |
தருணை꞉ சாரு வேஷை꞉ ச நரைர் உந்நத கா³மிபி⁴꞉ |
ஸம்பதத்³பி⁴ர் அயோத்⁴யாயாம் ந விபா⁴ந்தி மஹா பதா²꞉ || 2-114-27 {30}
ஏவம் ப³ஹு வித⁴ம் ஜல்பன் விவேஷ² வஸதிம் பிது꞉ |
தேந ஹீநாம் நர இந்த்³ரேண ஸிம்ஹ ஹீநாம் கு³ஹாம் இவ || 2-114-28 {31}
ததா³ தத³ந்த꞉புரமுஜ்கி⁴தப்ரப⁴ம் |
ஸுரைரிவோத்ஸ்ருʼஷ்டமபா⁴ஸ்கரம் தி³நம் |
நிரீக்ஷ்ய ஸர்வம் து விவிக்தமாத்மவான் |
முமோச பா³ஷ்பம்ʼ ப⁴ரத꞉ ஸுது³꞉கி²த꞉ || 2-114-29 {32}
இத்யார்ஷே ஷ்²ரீமாத்³ராமாயணே ஆதி³காவ்யே அயோத்⁴யாகாண்டே³ சதுர்த³ஷோ²த்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
