வால்மீகிராமாயணே ஆதி³காவ்யே அயோத்⁴யாகாண்டே³ ஏகாத³ஷோ²த்தரஷ²ததம꞉ ஸர்க³꞉
தத꞉ ஷி²ரஸி க்ருʼத்வா து பாது³கே ப⁴ரத꞉ ததா³ |
ஆருரோஹ ரத²ம் ஹ்ருʼஷ்ட꞉ ஷ²த்ருக்⁴நேந ஸமந்வித꞉ || 2-113-1
வஸிஷ்டோ² வாமதே³வ꞉ ச ஜாபா³லி꞉ ச த்³ருʼட⁴ வ்ரத꞉ |
அக்³ரத꞉ ப்ரயயு꞉ ஸர்வே மந்த்ரிணோ மந்த்ர பூஜிதா꞉ || 2-113-2
மந்தா³கிநீம் நதீ³ம் ரம்யாம் ப்ரான் முகா²꞉ தே யயு꞉ ததா³ |
ப்ரத³க்ஷிணம் ச குர்வாணா꞉ சித்ர கூடம் மஹா கி³ரிம் || 2-113-3
பஷ்²யன் தா⁴து ஸஹஸ்ராணி ரம்யாணி விவிதா⁴நி ச |
ப்ரயயௌ தஸ்ய பார்ஷ்²வேந ஸஸைந்யோ ப⁴ரத꞉ ததா³ || 2-113-4
அதூ³ராச் சித்ர கூடஸ்ய த³த³ர்ஷ² ப⁴ரத꞉ ததா³ |
ஆஷ்²ரமம் யத்ர ஸ முநிர் ப⁴ரத்³வாஜ꞉ க்ருʼத ஆலய꞉ || 2-113-5
ஸ தம் ஆஷ்²ரமம் ஆக³ம்ய ப⁴ரத்³வாஜஸ்ய பு³த்³தி⁴மான் |
அவதீர்ய ரதா²த் பாதௌ³ வவந்தே³ குல நந்த³ந꞉ || 2-113-6
ததோ ஹ்ருʼஷ்டோ ப⁴ரத்³வாஜோ ப⁴ரதம் வாக்யம் அப்³ரவீத் |
அபி க்ருʼத்யம் க்ருʼதம் தாத ராமேண ச ஸமாக³தம் || 2-113-7
ஏவம் உக்த꞉ து ப⁴ரதோ ப⁴ரத்³வாஜேந தீ⁴மதா |
ப்ரத்யுவாச ப⁴ரத்³வாஜம் ப⁴ரதோ த⁴ர்ம வத்ஸல꞉ || 2-113-8
ஸ யாச்யமாநோ கு³ருணா மயா ச த்³ருʼட⁴ விக்ரம꞉ |
ராக⁴வ꞉ பரம ப்ரீதோ வஸிஷ்ட²ம் வாக்யம் அப்³ரவீத் || 2-113-9
பிது꞉ ப்ரதிஜ்நாம் தாம் ஏவ பாலயிஷ்யாமி தத்த்வத꞉ |
சதுர்த³ஷ² ஹி வர்ஷாணி ய ப்ரதிஜ்நா பிதுர் மம || 2-113-10
ஏவம் உக்தோ மஹா ப்ராஜ்நோ வஸிஷ்ட²꞉ ப்ரத்யுவாச ஹ |
வாக்யஜ்நோ வாக்ய குஷ²லம் ராக⁴வம் வசநம் மஹத் || 2-113-11
ஏதே ப்ரயக்³ச்ச² ஸம்ஹ்ருʼஷ்ட꞉ பாது³கே ஹேம பூ⁴ஷிதே |
அயோத்⁴யாயாம் மஹா ப்ராஜ்ந யோக³ க்ஷேம கரே தவ || 2-113-12
ஏவம் உக்தோ வஸிஷ்டே²ந ராக⁴வ꞉ ப்ரான் முக²꞉ ஸ்தி²த꞉ |
பாது³கே ஹேம விக்ருʼதே மம ராஜ்யாய தே த³தௌ³ || 2-113-13
நிவ்ருʼத்தோ அஹம் அநுஜ்நாதோ ராமேண ஸுமஹாத்மநா |
அயோத்⁴யாம் ஏவ க³க்³ச்சா²மி க்³ருʼஹீத்வா பாது³கே ஷு²பே⁴ || 2-113-14
ஏதத் ஷ்²ருத்வா ஷு²ப⁴ம் வாக்யம் ப⁴ரதஸ்ய மஹாத்மந꞉ |
ப⁴ரத்³வாஜ꞉ ஷு²ப⁴தரம் முநிர் வாக்யம் உதா³ஹரத் || 2-113-15
ந ஏதச் சித்ரம் நர வ்யாக்⁴ர ஷீ²ல வ்ருʼத்தவதாம் வர |
யத்³ ஆர்யம் த்வயி திஷ்டே²த் து நிம்நே வ்ருʼஷ்டிம் இவ உத³கம் || 2-113-16
அம்ருʼத꞉ ஸ மஹா பா³ஹு꞉ பிதா த³ஷ²ரத²꞉ தவ |
யஸ்ய த்வம் ஈத்³ருʼஷ²꞉ புத்ரோ த⁴ர்ம ஆத்மா த⁴ர்ம வத்ஸல꞉ || 2-113-17
தம் ருʼஷிம் து மஹாத்மாநம் உக்த வாக்யம் க்ருʼத அந்ஜலி꞉ |
ஆமந்த்ரயிதும் ஆரேபே⁴ சரணாஉ உபக்³ருʼஹ்ய ச || 2-113-18
தத꞉ ப்ரத³க்ஷிணம் க்ருʼத்வா ப⁴ரத்³வாஜம் புந꞉ புந꞉ |
ப⁴ரத꞉ து யயௌ ஷ்²ரீமான் அயோத்⁴யாம் ஸஹ மந்த்ரிபி⁴꞉ || 2-113-19
யாநை꞉ ச ஷ²கடை꞉ சைவ ஹயை꞉ நாகை³꞉ ச ஸா சமூ꞉ |
புநர் நிவ்ருʼத்தா விஸ்தீர்ணா ப⁴ரதஸ்ய அநுயாயிநீ || 2-113-20
தத꞉ தே யமுநாம் தி³வ்யாம் நதீ³ம் தீர்த்வா ஊர்மி மாலிநீம் |
த³த்³ருʼஷு²꞉ தாம் புந꞉ ஸர்வே க³ந்கா³ம் ஷி²வ ஜலாம் நதீ³ம் || 2-113-21
தாம் ரம்ய ஜல ஸம்பூர்ணாம் ஸம்தீர்ய ஸஹ பா³ந்த⁴வ꞉ |
ஷ்²ருʼந்க³ வேர புரம் ரம்யம் ப்ரவிவேஷ² ஸஸைநிக꞉ || 2-113-22
ஷ்²ருʼந்க³ வேர புராத்³ பூ⁴ய அயோத்⁴யாம் ஸம்ʼத³த³ர்ஷ² ஹ |
அயோத்⁴யாம் ச ததோ த்³ருʼஷ்ட்வா பித்ரா ப்⁴ராத்ரா விவர்ஜிதாம் |
ப⁴ரதோ து³ஹ்க² ஸம்தப்த꞉ ஸாரதி²ம் ச இத³ம் அப்³ரவீத் || 2-113-23
ஸாரதே² பஷ்²ய வித்⁴வஸ்தா அயோத்⁴யா ந ப்ரகாஷ²தே |
நிராகாரா நிராநந்தா³ தீ³நா ப்ரதிஹத ஸ்வநா || 2-113-24
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ த்ரயோத³ஷோ²த்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
