வால்மீகிராமாயணே ஆதி³காவ்யே அயோத்⁴யாகாண்டே³ ஸப்தாஷீ²திதம꞉ ஸர்க³꞉
கு³ஹஸ்ய வசநம் ஷ்²ருத்வா ப⁴ரதோ ப்⁴ருஷ²ம் அப்ரியம் |
த்⁴யாநம் ஜகா³ம தத்ர ஏவ யத்ர தத் ஷ்²ருதம் அப்ரியம் || 2-87-1
ஸுகுமாரோ மஹா ஸத்த்வ꞉ ஸிம்ஹ ஸ்கந்தோ⁴ மஹா பு⁴ஜ꞉ |
புண்ட³ரீக விஷா²ல அக்ஷ꞉ தருண꞉ ப்ரிய த³ர்ஷ²ந꞉ || 2-87-2
ப்ரத்யாஷ்²வஸ்ய முஹூர்தம் து காலம் பரம து³ர்மநா꞉ |
பபாத ஸஹஸா தோத்ரைர் ஹ்ருதி³ வித்³த⁴ இவ த்³விப꞉ || 2-87-3
ப⁴ரதம் முர்ச்சி²தம் த்³ருஷ்ட்வா விவர்ணவத³நோ கு³ஹ꞉ |
ப³பூ⁴வ வ்யதி²தஸ்தத்ர பூ⁴மிகம்பே யதா² த்³ரும꞉ || 2-87-4
தத்³ அவஸ்த²ம் து ப⁴ரதம் ஷ²த்ருக்⁴நோ அநந்தர ஸ்தி²த꞉ |
பரிஷ்வஜ்ய ருரோத³ உச்சைர் விஸம்ஜ்ந꞉ ஷோ²க கர்ஷி²த꞉ || 2-87-5
தத꞉ ஸர்வா꞉ ஸமாபேதுர் மாதரோ ப⁴ரதஸ்ய தா꞉ |
உபவாஸ க்ருஷா² தீ³நா ப⁴ர்த்ரு வ்யஸந கர்ஷி²தா꞉ || 2-87-6
தா꞉ ச தம் பதிதம் பூ⁴மௌ ருத³ந்த்ய꞉ பர்யவாரயன் |
கௌஸல்யா து அநுஸ்ருத்ய ஏநம் து³ர்மநா꞉ பரிஷஸ்வஜே || 2-87-7
வத்ஸலா ஸ்வம் யதா² வத்ஸம் உபகூ³ஹ்ய தபஸ்விநீ |
பரிபப்ரக்³ச்ச² ப⁴ரதம் ருத³ந்தீ ஷோ²க லாலஸா || 2-87-8
புத்ர வ்யாதி⁴ர் ந தே கச்சித் ஷ²ரீரம் பரிபா³த⁴தே |
அத்³ய ராஜ குலஸ்ய அஸ்ய த்வத்³ அதீ⁴நம் ஹி ஜீவிதம் || 2-87-9
த்வாம் த்³ருஷ்ட்வா புத்ர ஜீவாமி ராமே ஸப்⁴ராத்ருகே க³தே |
வ்ருத்தே த³ஷ²ரதே² ராஜ்நி நாத² ஏக꞉ த்வம் அத்³ய ந꞉ || 2-87-10
கச்சின் ந லக்ஷ்மணே புத்ர ஷ்²ருதம் தே கிஞ்சித்³ அப்ரியம் |
புத்ர வா ஹ்ய் ஏகபுத்ராயா꞉ ஸஹ பா⁴ர்யே வநம் க³தே || 2-87-11
ஸ முஹூர்தம் ஸமாஷ்²வஸ்ய ருத³ந்ன் ஏவ மஹா யஷா²꞉ |
கௌஸல்யாம் பரிஸாந்த்வ்ய இத³ம் கு³ஹம் வசநம் அப்³ரவீத் || 2-87-12
ப்⁴ராதா மே க்வ அவஸத்³ ராத்ரிம் க்வ ஸீதா க்வ ச லக்ஷ்மண꞉ |
அஸ்வபத் ஷ²யநே கஸ்மின் கிம் பு⁴க்த்வா கு³ஹ ஷ²ம்ஸ மே || 2-87-13
ஸோ அப்³ரவீத்³ ப⁴ரதம் ப்ருஷ்டோ நிஷாத³ அதி⁴பதிர் கு³ஹ꞉ |
யத்³ வித⁴ம் ப்ரதிபேதே³ ச ராமே ப்ரிய ஹிதே அதிதௌ² || 2-87-14
அந்நம் உச்ச அவசம் ப⁴க்ஷ்யா꞉ ப²லாநி விவிதா⁴நி ச |
ராமாய அப்⁴யவஹார அர்த²ம் ப³ஹு ச உபஹ்ருதம் மயா || 2-87-15
தத் ஸர்வம் ப்ரத்யநுஜ்நாஸீத்³ ராம꞉ ஸத்ய பராக்ரம꞉ |
ந ஹி தத் ப்ரத்யக்³ருஹ்ணாத் ஸ க்ஷத்ர த⁴ர்மம் அநுஸ்மரன் || 2-87-16
ந ஹ்ய் அஸ்மாபி⁴꞉ ப்ரதிக்³ராஹ்யம் ஸகே² தே³யம் து ஸர்வதா³ |
இதி தேந வயம் ராஜந்ன் அநுநீதா மஹாத்மநா || 2-87-17
லக்ஷ்மணேந ஸமாநீதம் பீத்வா வாரி மஹா யஷா²꞉ |
ஔபவாஸ்யம் ததா³ அகார்ஷீத்³ ராக⁴வ꞉ ஸஹ ஸீதயா || 2-87-18
தத꞉ து ஜல ஷே²ஷேண லக்ஷ்மணோ அப்ய் அகரோத் ததா³ |
வாக்³ யதா꞉ தே த்ரய꞉ ஸந்த்⁴யாம் உபாஸத ஸமாஹிதா꞉ || 2-87-19
ஸௌமித்ரி꞉ து தத꞉ பஷ்²சாத்³ அகரோத் ஸ்வாஸ்தரம் ஷு²ப⁴ம் |
ஸ்வயம் ஆநீய ப³ர்ஹீம்ஷி க்ஷிப்ரம் ராக⁴வ காரணாத் || 2-87-20
தஸ்மின் ஸமாவிஷ²த்³ ராம꞉ ஸ்வாஸ்தரே ஸஹ ஸீதயா |
ப்ரக்ஷால்ய ச தயோ꞉ பாதா³உ அபசக்ராம லக்ஷ்மண꞉ || 2-87-21
ஏதத் தத்³ இந்கு³தீ³ மூலம் இத³ம் ஏவ ச தத் த்ருணம் |
யஸ்மின் ராம꞉ ச ஸீதா ச ராத்ரிம் தாம் ஷ²யிதாஉ உபௌ⁴ || 2-87-22
நியம்ய ப்ருஷ்டே² து தல அந்கு³லித்ரவான் |
ஷ²ரை꞉ ஸுபூர்ணாஉ இஷுதீ⁴ பரம் தப꞉ |
மஹத்³ த⁴நு꞉ ஸஜ்யம் உபோஹ்ய லக்ஷ்மணோ |
நிஷா²ம் அதிஷ்ட²த் பரிதோ அஸ்ய கேவலம் || 2-87-23
தத꞉ து அஹம் ச உத்தம பா³ண சாபத்⁴ருக் |
ஸ்தி²தோ அப⁴வம் தத்ர ஸ யத்ர லக்ஷ்மண꞉ |
அதந்த்³ரிபி⁴ர் ஜ்நாதிபி⁴ர் ஆத்த கார்முகைர் |
மஹா இந்த்³ர கல்பம் பரிபாலயம꞉ ததா³ || 2-87-24
இத்யார்ஷே ஷ்²ரீமத்³ராமாயணே ஆதி³காவ்யே அயோத்⁴யாகாண்டே³ ஸப்தாஷீ²திதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
