Thursday, 31 March 2022

அயோத்யா காண்டம் 013ம் ஸர்கம்

வால்மீகிராமாயணே ஆதி³காவ்யே அயோத்⁴யாகாண்டே³ த்ரயோத³ஷ²꞉ ஸர்க³꞉

Kaikeyi and Dasharatha

அதத³ர்ஹம் மஹாராஜம் ஷ²யாநம் ஸயாநமததோ²சிதம் |
யயாதிமிவ புண்யாந்தே தே³வலோகாத்பரிச்யுதம் || 2-13-1

அநர்த²ரூபா ஸித்³தா⁴ர்தா² ஹ்யபீ⁴தா ப⁴யத³ர்ஷி²நீ |
புநராகாரயாமாஸ தமேவ வரமங்க³நா || 2-13-2

த்வம் கத்த²ஸே மஹாராஜ ஸத்யவாதீ³ த்³ருட⁴வ்ரத꞉ |
மம சேத³ம் வரம் கஸ்மாத்³விதா⁴ரயிதுமிச்ச²ஸி || 2-13-3

ஏவமுக்தஸ்து கைகேய்யா ராஜா த³ஷ²ரத²ஸ்ததா³ |
ப்ரத்யுவாச தத꞉ க்ருத்³தோ⁴ முஹூர்தம் விஹ்வலந்நிவ || 2-13-4

ம்ருதே மயி க³தே ராமே வநம் மநுஜபுங்க³வே |
ஹந்த அநார்யே மம அமித்ரே ஸகாம ஸுகி²நீ ப⁴வ || 2-13-5

ஸ்வர்கே³(அ)பி க²லு ராமஸ்ய குஷ²லம் தை³வதைரஹம் |
ப்ரத்யாதே³ஷா²த³பி⁴ஹிதம் தா⁴ரயிஷ்யே கத²ம் ப³த || 2-13-6

கைகேய்யா꞉ ப்ரியகாமேந ராம꞉ ப்ரவ்ராஜிதோ மயா |
யதி³ ஸத்யம் ப்³ரவீம்யேதத்தஸ்த்யம் ப⁴விஷ்யதி || 2-13-7

அபுத்ரேண மயா புத்ர꞉ ஷ்²ரமேண மஹதா மஹான் |
ராமோ லப்³தோ⁴ மஹாபா³ஹு꞉ ஸ கத²ம் த்யஜ்யதே மயா || 2-13-8

ஷூ²ரஷ்²ச க்ருதவித்³யஷ்²ச ஜிதக்ரோத⁴꞉ க்ஷமாபர꞉ |
கத²ம் கமலபத்ராக்ஷோ மயா ராமோ விவாஸ்யதே || 2-13-9

கத²மிந்தீ³வரஷ்²யாமம் தீ³ர்க⁴பா³ஹும் மஹாப³லம் |
அபி⁴ராமமஹம் ராமம் ப்ரேஷயிஷ்யாமி த³ண்ட³கான் || 2-13-10

ஸுகா²நாமுசிதஸ்யைவ து³꞉கை²ரநுசிதஸ்ய ச |
து³꞉க²ம் நாமாநுபஷ்²யேயம் கத²ம் ராமஸ்ய தீ⁴மத꞉ || 2-13-11

யதி³ து³꞉க²மக்ருத்வாத்³ய மம ஸங்க்ரமணம் ப⁴வேத் |
அது³꞉கா²ர்ஹஸ்ய ராமஸ்ய தத꞉ ஸுக²மவாப்நுயாம் || 2-13-12

ந்ருஷ²ம்ஸே பாபஸங்கல்பே ராமம் ஸ்த்யபராக்ரமம் |
கிம் விப்ரியேண கைகேயி ப்ரியம் யோஜயஸே மம || 2-13-13

அகீர்திரதுலா லோகே த்⁴ருவ꞉ பரிப⁴வஷ்²ச மே |
ததா² விலபதஸ்தஸ்ய பரிப்⁴ரமித சேதஸ꞉ || 2-13-14

அஸ்தமப்⁴யக³மத்ஸூர்யோ ரஜநீ சாப்⁴யவர்தத |
ஸா த்ரியாமா ததா²ர்தஸ்ய சந்த்³ரமண்ட³லமண்டி³தா || 2-13-15

ராஜ்ஞோ விலபமாநஸ்ய ந வ்யபா⁴ஸத ஷ²ர்வரீ |
ததை²வோஷ்ணம் விநி꞉ஷ்²வஸ்ய வ்ருத்³தோ⁴ த³ஸரதோ² ந்ருப꞉ || 2-13-16

விலலாபார்தவத்³து³꞉க²ம் க³க³நாஸக்தலோசந꞉ |
ப்ரபா⁴தம் த்வயேச்சா²மி நிஷே² நக்ஷத்ரபூ⁴ஷணே || 2-13-17

க்ரியதாம் மே த³யா ப⁴த்³ரே மயாயம் ரசிதோ(அ)ஞ்ஜலி꞉ |
அத²வா க³ம்யதாம் ஷீ²க்⁴ரம் நாஹமிச்சா²மி நிர்க்⁴ருணாம் || 2-13-18

ந்ருஷ²ம்ஸாம் கைகேயீம் த்³ரஷ்டும் யத்க்ருதே வ்யஸநம் மஹத் |
ஏவமுக்த்வா ததோ ராஜா கைகேயீம் ஸம்யதாஞ்ஜலி꞉ || 2-13-19

ப்ரஸாத³யாமாஸ புந꞉ கைகேயீம் சேத³மப்³ரவீத் |
ஸாது⁴வ்ருத்தஸ்ய தீ³நஸ்ய த்வத்³க³தஸ்ய க³தாயுஷ꞉ | 2-13-20

ப்ரஸாத³꞉ க்ரியதாம் தே³வி ப⁴த்³ரே ராஜ்ஞோ விஷே²ஷத꞉ |
ஷூ²ந்யே ந க²லு ஸுஷ்²ரோணி மயேத³ம் ஸமுதா³ஹ்ருதம் || 2-13-21

குரு ஸாது⁴ ப்ரஸாத³ம் மே பா³லே ஸஹ்ருத³யா ஹ்யஸி |
ப்ரஸீத³ தே³வி ராமோ மே த்வத்³த⁴த்தம் ராஜ்யமவ்யயம் || 2-13-22

லப⁴தாமஸிதாபாங்கே³ யஷ²꞉ பரமவாப்நுஹி |
மம ராமஸ்ய லோகஸ்ய கு³ரூணாம் ப⁴ரதஸ்ய ச || 2-13-23

ப்ரியமேதத்³கு³ருஷ்²ரோணி குரு சாருமுகே²க்ஷணே |
விஷு²த்³த⁴பா⁴வஸ்ய ஸு ஷ்டபா⁴வா |
தீ³நஸ்ய தாம்ராஷ்²ருகலஸ்ய ராஜ்ஞ꞉ |
ஷ்²ருத்வா விசித்ரம் கருணம் விலாபம் |
ப⁴ர்துர்ந்ருஷ²ம்ஸா ந சகார வாக்யம் || 2-13-24

தத꞉ ஸ ராஜா புநரேவ மூர்சி²த꞉ |
ப்ரியாமதுஷ்டாம் ப்ரதிகூலபா⁴ஷிணீம் |
ஸமீக்ஷ்ய புத்ரஸ்ய விவாஸநம் ப்ரதி |
க்ஷிதௌ விஸஞ்ஜ்ஞோ நிபபாத து³꞉கி²த꞉ || 2-13-25

இதீவ ராஜ்ஞோ வ்யதி²தஸ்ய ஸா நிஷா² |
ஜகா³ம கோ⁴ரம் ஷ்²வஸதோ மநஸ்விந꞉ |
விபோ³த்⁴யமாந꞉ ப்ரதிபோ³த⁴நம் ததா³ |
நிவாரயாமாஸ ஸ ராஜஸத்தம꞉ || 2-13-26

|| இத்யார்ஷே² ஸ்ரீமத்³ராமாயநே ஆதி³காவ்யே அயோத்⁴யகாந்தே³ த்ரயோத³ஷ²꞉ ஸர்க³꞉ ||


Source: https://valmikiramayan.pcriot.com/   

Converted to Tamil Script using Aksharamukha : 
Script Converter: http://aksharamukha.appspot.com/converter   

Labels

அக்னி அம்சுமான் அம்பரீசன் அஸமஞ்சன் அஹல்யை ஆதூர்த்தரஜஸ் இந்திரன் இராமன் இலக்ஷ்மணன் உமை கங்கை கசியபர் கபிலர் காதி கிருத்திகை குசத்வஜன் குசநாபன் குசன் குசன்1 குசாம்பன் கேசினி கைகேயி கௌசல்யை கௌசிகி கௌதமர் சதாநந்தர் சத்தியவதி சத்ருக்னன் சபளை சாந்தை சித்ரரதன் சிவன் சீதை சுக்ரீவன் சுதாமன் சுமதி சுமந்திரன் சுமித்திரை சுயஜ்ஞர் சுனசேபன் சூளி தசரதன் தாடகை திதி திரிசங்கு திரிஜடர் திலீபன் நளன் நாரதர் நீலன் பகீரதன் பரசுராமர் பரதன் பரத்வாஜர் பலி பிரம்மதத்தன் பிரம்மன் பிருகு மந்தரை மருத்துக்கள் மாரீசன் மோஹினி யுதாஜித் ரம்பை ரிசீகர் ரிஷ்யசிருங்கர் ரோமபாதன் லவன் வசிஷ்டர் வஸு வாமதேவர் வாமனன் வாலி வால்மீகி விபாண்டகர் விஷ்ணு விஷ்வாமித்ரர் ஜனகன் ஜஹ்னு ஜாம்பவான் ஸகரன் ஸுபாஹு ஸோமதை ஸ்கந்தன் ஹனுமான் ஹிமவான்