வால்மீகிராமாயணே ஆதி³காவ்யே அயோத்⁴யாகாண்டே³ பஞ்சம ஸர்க³꞉
Shlokas in audio recited by Mrs.Ranganayaki, Chennai.
ஸந்தி³ஷ்²ய ராமம் ந்ருபதி꞉ ஷ்²வோபா⁴விந்யபி⁴ஷேசநே |
புரோஹிதம் ஸமாஹூய வஸிஷ்ட²மித³மப்³ரவீத் || 2-5-1
க³ச்சோ²பவாஸம் காகுத்த்²ஸம் காரயாத்³ய தபோத⁴ந |
ஷ்²ரீயஷோ²ராஜ்யலாபா⁴ய வத்⁴வா ஸஹ யதவ்ரதம் || 2-5-2
ததே²தி ச ஸ ராஜாநமுக்த்வா வேத³விதா³ம் வர꞉ |
ஸ்வயம் வஸிஷ்டோ² ப⁴க³வான் யயௌ ராமநிவேஷ²நம் || 2-5-3
உபவாஸயிதும் ராமம் மந்த்ரவந்மந்த்ரகோவித³꞉ |
ப்³ராஹ்மம் ரத²வரம் யுக்தமாஸ்தா²ய ஸுத்³ருத⁴வ்ரத꞉ || 2-5-4
ஸ ராமப⁴வநம் ப்ரப்ய பாண்டு³ராப்⁴ரக⁴நப்ரப⁴ம் |
திஸ்ர꞉ கக்ஷ்யா ர்தே²நைவ விவேஷ² முநிஸத்தம꞉ || 2-5-5
தமாக³தம்ருஷிம் ராமஸ்த்வரந்நிவ ஸஸம்ப்⁴ரம꞉ |
மாநயிஷ்யன் ஸ மாநார்ஹம் நிஷ்²சக்ராம நிவேஷ²நாத் || 2-5-6
அப்⁴யேத்ய த்வரமாணஷ்²ச ரதா²ப்⁴யாஷ²ம் மநீஷிண꞉ |
ததோ(அ)வதாரயாமாஸ பரிக்³ருஹ்ய ரதா²த்ஸ்வயம் || 2-5-7
ஸசைநம் ப்ரஷ்²ரிதம் த்³ருஷ்ட்வா ஸம் பா⁴ஷ்யாபி⁴ப்ரஸாத்³ய ச |
ப்ரியார்ஹம் ஹர்ஷயன் ராமமித்யுவாச புரோஹித꞉ || 2-5-8
ப்ரஸந்நஸ்தே பிதா ராம யௌவராஜ்யமவாப்ஸ்யஸி |
உபவாஸம் ப⁴வாநத்³ய கரோது ஸஹ ஸீதயா || 2-5-9
ப்ராதஸ்த்வாமபி⁴ஷேக்தா ஹி யௌவராஜ்யே நராதி⁴ப꞉ |
பிதா த³ஷ²ரத²꞉ ப்ரீத்யா யயாதிம் நஹுஷோ யதா² || 2-5-10
இத்யுக்த்வா ஸ ததா³ ராம முபவாஸம் யதவ்ரதம் |
மந்த்ரவத் காரயாமாஸ வைதே³ஹ்யா ஸஹிதம் முநி꞉ || 2-5-11
ததோ யதா²வத்³ராமேண ஸ ராஜ்ஞோ கு³ருரர்சித꞉ |
அப்⁴யநுஜ்ஞாப்ய காகுத்த்²ஸம் யயௌ ராமநிவேஷ²நாத் || 2-5-12
ஸுஹ்ருத்³பி⁴ஸ்தத்ர ராமோ(அ)பி ஸஹாஸீந꞉ ப்ரியம்வதை³꞉ |
ஸபா⁴ஜிதோ விவேஷா²த² தாநநுஜ்ஞாப்ய ஸர்வஷ²꞉ || 2-5-13
ஹ்ருஷ்டநாரீநரயுதம் ராமவேஷ்²ம ததா³ ப³பௌ³ |
யதா² மத்தத்³விஜக³ணம் ப்ரபுல்லநலிநம் ஸர꞉ || 2-5-14
ஸ ராஜப⁴வநப்ரக்²யாத்தஸ்மாத்³ராமநிவேஷ²நாத் |
நிர்க³த்ய த³த்³ருஷே² மார்க³ம் வஸிஷ்டோ² ஜநஸம்வ்ருதம் || 2-5-15
ப்³ருந்த³ப்³ருந்தை³ரயோத்⁴யாயாம் ராஜமார்கா³꞉ ஸமந்தத꞉ |
ப³பூ⁴வுரபி⁴ஸம்பா³தா⁴꞉ குதூஹலஜநைர்வ்ருதா꞉ || 2-5-16
ஜநப்³ருந்தோ³ர்மிஸங்க⁴ர்ஷஹர்ஷஸ்வநவதஸ்ததா³ |
ப³பூ⁴வ ராஜமார்க³ஸ்ய ஸாக³ரஸ்யேவ நிஸ்வந꞉ || 2-5-17
ஸிக்தஸம்ம்ருஷ்டரத்²யா ஹி தத³ஹர்வநமாலிநீ |
ஆஸீத³யோத்⁴யா நக³ரீ ஸமுச்ச்²ரிதக்³ருஹத்⁴வஜா || 2-5-18
ததா³ ஹ்யயோத்⁴யாநிலய꞉ ஸஸ்த்ரீபா³லாப³லோ ஜந꞉ |
ராமாபி⁴ஷேகமாகாஞ்க்ஷந்நாகாண்க்ஷது³த³யம் ரவே꞉ | 2-5-19
ப்ரஜாலங்காரபூ⁴தம் ச ஜநஸ்யாநந்த³வர்த⁴நம் |
உத்ஸுகோ(அ)பூ⁴ஜ்ஜநோ த்³ரஷ்டும் தமயோத்⁴யாமஹோத்ஸவம் || 2-5-20
ஏவம் தம் ஜநஸம்பா³த⁴ம் ராஜமார்க³ம் புரோஹித꞉ |
வ்யூஹந்நிவ ஜநௌக⁴ம் தம் ஷ²நைராஜகுலம் யயௌ || 2-5-21
ஸிதாப்⁴ரஷி²க²ரப்ரக்²யம் ப்ராஸாத³மதி⁴ருஹ்ய ஸ꞉ |
ஸமீயாய நரேந்த்³ரேண ஷ²க்ரேணேவ ப்³ருஹஸ்பதி꞉ || 2-5-22
தமாக³தமபி⁴ப்ரேக்ஷ்ய ஹித்வா ராஜாஸநம் ந்ருப꞉ |
பப்ரச்ச² ஸ ச தஸ்மை தத்க்ருதமித்யப்⁴யவேத³யத் || 2-5-23
தேந சைவ ததா³ துல்யம் ஸஹாஸீநா꞉ ஸபா⁴ஸத³꞉ |
ஆஸநேப்⁴ய꞉ ஸமுத்தஸ்து²꞉ பூஜயந்த꞉ புரோஹிதம் || 2-5-24
கு³ருணா த்வப்⁴யநுஜ்ஞாதோ மநிஜௌக⁴ம் விஸ்ருஜ்ய தம் |
விவேஷா²ந்த꞉புரம் ராஜா ஸிம்ஹோ கி³ரிகு³ஹாமிவ || 2-5-25
தமக்³ர்யவேஷ்ப்ரமதா³ஜநாகுலம் |
மஹேந்த்³ரவேஷ்²மப்ரதிமம் நிவேஷ²நம் |
விதீ³பயம்ஷ்²சாரு விவேஷ² பார்தி²வ꞉ |
ஷ²ஷீ²வ தாராக³ணஸங்குலம் நப⁴꞉ || 2-5-26
|| இத்யார்ஷே² ஸ்ரீமத்³ராமாயநே ஆதி³காவ்யே அயோத்⁴யகாந்தே³ பஞ்சம ஸர்க³꞉ ||
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
