வால்மீகி ராமாயணே ஆதி³ காவ்யே யுத்³த⁴காண்டே³ பஞ்சவிம்ஷ²த்யதி⁴கஷ²ததம꞉ ஸர்க³꞉
அயோத்⁴யாம் து ஸமாலோக்ய சிந்தயாமாஸ ராக⁴வ꞉ |
ப்ரியகாம꞉ ப்ரியம் ராமஸ்ததஸ்த்வரிதவிக்ரம꞉ || 6-125-1
சிந்தயித்வா ததோ த்³ருஷ்டிம் வானரேஷு ந்யபாதயத் |
உவாச தீ⁴மாம்ஸ்தேஜஸ்வீ ஹனூமந்தம் ப்லவங்க³மம் || 6-125-2
அயோத்⁴யாம் த்வரிதோ க³ச்ச² க்ஷிப்ரம் த்வம் ப்லவகோ³த்தம |
ஜானீஹி கச்சித்குஷ²லீ ஜனோ ந்ருபதிமந்தி³ரே || 6-125-3
ஷ்²ருங்க³வேரபுரம் ப்ராப்ய கு³ஹம் க³ஹனகோ³சரம் |
நிஷாதா³தி⁴பதிம் ப்³ரூஹி குஷ²லம் வசனான்மம || 6-125-4
ஷ்²ருத்வா து மாம் குஷ²லினமரோக³ம் விக³தஜ்வரம் |
அவிஷ்யதி கு³ஹ꞉ ப்ரீத꞉ ஸ மமாத்மஸம꞉ ஸகா² || 6-125-5
அயோத்⁴யாயாஷ்²ச தே மார்க³ம் ப்ரவ்ருத்திம் ப⁴ரதஸ்ய ச |
நிவேத³யிஷ்யதி ப்ரீதோ நிஷாதா³தி⁴பதிர்கு³ஹ꞉ || 6-125-6
ப⁴ரதஸ்து த்வயா வாச்ய꞉ குஷ²லம் வசனான்மம |
ஸித்³தா⁴ர்த²ம் ஷ²ம்ஸ மாம் தஸ்மை ஸபா⁴ர்யம் ஸஹலக்ஷ்மணம் || 6-125-7
ஹரணம் சாபி வைதே³ஹ்யா ராவணேன ப³லீயஸா |
ஸுக்³ரீவேண ச ஸம்வாத³ம் வாலினஷ்²ச வத⁴ம் ரணே || 6-125-8
மைதி²ல்யன்வேஷணம் சைவ யதா² சாதி⁴க³தா த்வயா |
லங்க⁴யித்வா மஹாதோயமாபகா³பதிமவ்யயம் || 6-125-9
உபயானம் ஸமுத்³ரஸ்ய ஸாக³ரஸ்ய ச த³ர்ஷ²னம் |
யதா² ச காரித꞉ ஸேதூ ராவணஷ்²ச யதா² ஹத꞉ || 6-125-10
வரதா³னம் மஹேந்த்³ரேண ப்³ரஹ்மணா வருணேன ச |
மஹாதே³வப்ரஸாதா³ச்ச பித்ரா மம ஸமாக³மம் || 6-125-11
உபயாதம் ச மாம் ஸௌம்ய ப⁴ரதாய நிவேத³ய |
ஸஹ ராக்ஷஸராஜேன ஹரீணாமீஷ்²வரேண ச || 6-125-12
ஜித்வா ஷ²த்ருக³ணான்ராம꞉ ப்ராப்ய சானுத்தமம் யஷ²꞉ |
உபயாதி ஸம்ருத்³தா⁴ர்த²꞉ ஸஹ மித்ரைர்மஹாப³ல꞉ || 6-125-13
ஏதச்ச்²ருத்வா யமாகாரம் ப⁴ஜதே ப⁴ரதஸ்தத꞉ |
ஸ ச தே வேதி³தவ்ய꞉ ஸ்யாத்ஸர்வம் யச்சாபி மாம் ப்ரதி || 6-125-14
ஜ்ஞேயா꞉ ஸர்வே ச வ்ருத்தாந்தா ப⁴ரதஸ்யேங்கி³தானி ச |
தத்த்வேன முக²வர்ணேன த்³ருஷ்ட்யா வ்யாபா⁴ஷணேன ச || 6-125-15
ஸர்வகாமஸம்ருத்³த⁴ம் ஹி ஹஸ்த்யஷ்²வரத²ஸங்குலம் |
பித்ருபைதாமஹம் ராஜ்யம் கஸ்ய நாவர்தயேன்மன꞉ || 6-125-16
ஸங்க³த்யா ப⁴ரத꞉ ஶ்ரீமான்ராஜ்யேனார்தீ² ஸ்வயம் ப⁴வேத் |
ப்ரஷா²ஸ்து வஸுதா⁴ம் ஸர்வாமகி²லாம் ரகு⁴நந்த³ன꞉ || 6-125-17
தஸ்ய பு³த்³தி⁴ம் ச விஜ்ஞாய வ்யவஸாயம் ச வானர |
யாவன்ன தூ³ரம் யாதா꞉ ஸ்ம꞉ க்ஷிப்ரமாக³ந்துமர்ஹஸி || 6-125-18
இதி ப்ரதிஸமாதி³ஷ்டோ ஹனூமான்மாருதாத்மஜ꞉ |
மானுஷம் தா⁴ரயன்ரூபமயோத்⁴யாம் த்வரிதோ யயௌ || 6-125-19
அதோ²த்பபாத வேகே³ன ஹனூமான் மாருதாத்மஜ꞉ |
க³ருத்மானிவ வேகே³ன ஜிக்⁴ருக்ஷன் பன்னகோ³த்தமம் || 6-125-20
லங்க⁴யித்வா பித்ருபத²ம் பு⁴ஜகே³ந்த்³ராளயம் ஷு²ப⁴ம் |
க³ங்கா³யமுனயோர்பீ⁴மம் ஸம்நிபாதமதீத்ய ச || 6-125-21
ஷ்²ருங்க³வேரபுரம் ப்ராப்ய கு³ஹமாஸாத்³ய வீர்யவான் |
ஸ வாசா ஷு²ப⁴யா ஹ்ருஷ்டோ ஹனூமானித³மப்³ரவீத் || 6-125-22
ஸகா² து தவ காகுத்ஸ்தோ² ராம꞉ ஸத்யபராக்ரம꞉ |
ஸஸீத꞉ ஸஹ ஸௌமித்ரி꞉ ஸ த்வாம் குஷ²லமப்³ரவீத் || 6-125-23
பஞ்சமீமத்³ய ரஜனீமுஷித்வா வசனான்முனே꞉ |
ப⁴ரத்³வாஜாப்⁴யனுஜ்ஞாதம் த்³ரக்ஷ்யஸ்யத்³யைவ ராக⁴வம் || 6-125-24
ஏவமுக்த்வா மஹாதேஜா꞉ ஸம்ப்ரஹ்ருஷ்டதனூருஹ꞉ |
உத்பபாத மஹாவேகோ³ வேக³வானவிசாரயன் || 6-125-25
ஸோ(அ)பஷ்²யத்³ராமதீர்த²ம் ச நதீ³ம் வாலுகினீம் ததா² |
வரூதீ²ம் கோ³மதீம் சைவ பீ⁴மம் ஸாலவனம் ததா² || 6-125-26
ப்ரஜாஷ்²ச ப³ஹுஸாஹஸ்ரீ꞉ ஸ்பீ²தான் ஜனபதா³னபி |
ஸ க³த்வா தூ³ரமத்⁴வானம் த்வரித꞉ கபிகுஞ்ஜர꞉ || 6-125-27
ஆஸஸாத³ த்³ருமான்பு²ல்லான்னந்தி³க்³ராமஸமீபஜான் |
ஸுராதி⁴பஸ்யோபவனே யதா² சைத்ரரதே² த்³ருமான் || 6-125-28
ஸ்த்ரீபி⁴꞉ ஸபுத்ரைர்வ்ருத்³தை⁴ஷ்²ச ரமமாணை꞉ ஸ்வலங்க்ருதை꞉ |
க்ரோஷ²மாத்ரே த்வயோத்⁴யாயாஷ்²சீரக்ருஷ்ணாஜினாம்ப³ரம் || 6-125-29
த³த³ர்ஷ² ப⁴ரதம் தீ³னம் க்ருஷ²மாஷ்²ரமவாஸினம் |
ஜடிலம் மலதி³க்³தா⁴ங்க³ம் ப்⁴ராத்ருவ்யஸனகர்ஷி²தம் || 6-125-30
ப²லமூலாஷி²னம் தா³ந்தம் தாபஸம் த⁴ர்மசாரிணம் |
ஸமுன்னதஜடாபா⁴ரம் வல்கலாஜினவாஸஸம் || 6-125-31
நியதம் பா⁴விதாத்மானம் ப்³ரஹ்மர்ஷிஸமதேஜஸம் |
பாது³கே தே புரஸ்க்ருத்ய ஷா²ஸந்தம் வை வஸுந்த⁴ராம் || 6-125-32
சதுர்வர்ண்யஸ்ய லோகஸ்ய த்ராதாரம் ஸர்வதோ ப⁴யாத் |
உபஸ்தி²தமமாத்யைஷ்²ச ஷு²சிபி⁴ஷ்²ச புரோஹிதை꞉ || 6-125-33
ப³லமுக்²யைஷ்²ச யுக்தைஷ்²ச காஷாயாம்ப³ரதா⁴ரிபி⁴꞉ |
ந ஹி தே ராஜபுத்ரம் தம் சீரக்ருஷ்ணாஜினாம்ப³ரம் || 6-125-34
பரிமோக்தும் வ்யவஸ்யந்தி பௌரா வை த⁴ர்மவத்ஸலா꞉ |
தம் த⁴ர்மமிவ த⁴ர்மஜ்ஞம் தே³வவந்தமிவாபரம் || 6-125-35
உவாச ப்ராஞ்ஜலிர்வாகய்ம் ஹனூமான்மாருதாத்மஜ꞉ |
வஸந்தம் த³ண்ட³காரண்யே யம் த்வம் சீரஜடாத⁴ரம் || 6-125-36
அனுஷோ²சஸி காகுத்ஸ்த²ம் ஸ த்வா குஷ²லமப்³ரவீத் |
ப்ரியமாக்²யாமி தே தே³வ ஷோ²கம் த்யக்ஷ்யஸி தா³ருணம் || 6-125-37
அஸ்மின்முஹூர்தே ப்⁴ராத்ரா த்வம் ராமேண ஸஹ ஸங்க³த꞉ |
நிஹத்ய ராவணம் ராம꞉ ப்ரதிலப்⁴ய ச மைதி²லீம் || 6-125-38
உபயாதி ஸம்ருத்³தா⁴ர்த²꞉ ஸஹ மித்ரைர்மஹாப³லை꞉ |
லக்ஷ்மணஷ்²ச மஹாதேஜா வைதே³ஹீ ச யஷ²ஸ்வினீ || 6-125-39
ஸீதா ஸமக்³ரா ராமேண மஹேந்த்³ரேண ஷ²சீ யதா² |
ஏவமுக்தோ ஹனுமதா ப⁴ரத꞉ கைகயீஸுத꞉ || 6-125-40
பபாத ஸஹஸா ஹ்ருஷ்டோ ஹர்ஷான்மோஹமுபாக³மத் |
ததோ முஹூர்தாது³த்தா²ய ப்ரத்யாஷ்²வஸ்ய ச ராக⁴வ꞉ || 6-125-41
ஹனுமந்தமுவாசேத³ம் ப⁴ரத꞉ ப்ரியவாதி³னம் |
அஷோ²கஜை꞉ ப்ரீதிமயை꞉ கபிமாலிங்க்³ய ஸம்ப்⁴ரமாத் || 6-125-42
ஸிஷேச ப⁴ரத꞉ ஶ்ரீமான் விபுலைரஷ்²ருபி³ந்து³பி⁴꞉ |
தே³வோ வா மானுஷோ வா த்வமனுக்ரோஷா²தி³ஹாக³த꞉ || 6-125-43
ப்ரியாக்²யானஸ்ய தே ஸௌம்ய த³தா³மி ப்³ருவத꞉ ப்ரியம் |
க³வாம் ஷ²தஸஹஸ்ரம் ச க்³ராமாணாம் ச ஷ²தம் பரம் || 6-125-44
ஸகுண்ட³லா꞉ ஷு²பா⁴சாரா பா⁴ர்யா꞉ கன்யாஷ்²ச ஷோட³ஷ² |
ஹேமவர்ணா꞉ ஸுனாஸோரூ꞉ ஷ²ஷி²ஸௌம்யானனா꞉ ஸ்த்ரிய꞉ || 6-125-45
ஸர்வாப⁴ரணஸம்பன்னா ஸம்பன்னா꞉ குலஜாதிபி⁴꞉ |
நிஷ²ம்ய ராமாக³மனம் ந்ருபாத்மஜ꞉ |
கபிப்ரவீரஸ்ய ததா³த்³பு⁴தோபமம் |
ப்ரஹர்ஷிதோ ராமதி³த்³ருக்ஷயாப⁴வத் |
புனஷ்²ச ஹர்ஷாதி³த³மப்³ரவீத்³வச꞉ || 6-125-46
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ பஞ்சவிம்ஷ²த்யதி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
