வால்மீகி ராமாயணே ஆதி³ காவ்யே யுத்³த⁴காண்டே³ சதுர்விம்ஷ²த்யதி⁴க ஷ²ததம꞉ ஸர்க³꞉
பூர்ணே சதுர்த³ஷே² வர்ஷே பஞ்சம்யாம் லக்ஷ்மணாக்³ரஜ꞉ |
ப⁴ரத்³வாஜாஷ்²ரமம் ப்ராப்ய வவந்தே³ நியதோ முனிம் || 6-124-1
ஸோ(அ)ப்ருச்ச²த³பி⁴வாத்³யைனம் ப⁴ரத்³வாஜம் தபோத⁴னம் |
ஷ்²ருணோஷி கச்சித்³ப⁴க³வன் ஸுபி⁴க்ஷாநாமயம் புரே || 6-124-2
கச்சித்ஸ யுக்தோ ப⁴ரதோ ஜீவந்த்யபி ச மாதர꞉ |
ஏவமுக்தஸ்து ராமேண ப⁴ரத்³வாஜோ மஹாமுனி꞉ || 6-124-3
ப்ரத்யுவாச ரகு⁴ஷ்²ரேஷ்ட²ம் ஸ்மிதபூர்வம் ப்ரஹ்ருஷ்டவத் |
பங்கதி³க்³த⁴ஸ்து ப⁴ரதோ ஜடிலஸ்த்வாம் ப்ரதீக்ஷதே || 6-124-4
பாது³கே தே புரஸ்க்ருத்ய ஸர்வம் ச குஷ²லம் க்³ருஹே |
த்வாம் புரா சீரவஸனம் ப்ரவிஷ²ந்தம் மஹாவனம் || 6-124-5
ஸ்த்ரீத்ருதீயம் ச்யுதம் ராஜ்யாத்³த⁴ர்மகாமம் ச கேவலம் |
பதா³திம் த்யக்தஸர்வஸ்வம் பித்ருநிர்தே³ஷ²காரிணம் || 6-124-6
ஸர்வபோ⁴கை³꞉ பரித்யக்தம் ஸ்வர்க³ச்யுதம்வாமரம் |
த்³ருஷ்ட்வா து கருணா பூர்வம் மமாஸீத்ஸமிதிஞ்ஜய || 6-124-7
கைகேயீவசனே யுக்தம் வன்யமூலப²லாஷி²னம் |
ஸாம்ப்ரதம் து ஸம்ருத்³தா⁴ர்த²ம் ஸமித்ரக³ணபா³ந்த⁴வம் || 6-124-8
ஸமீக்ஷ்ய விஜிதாரிம் ச மமாபூ⁴த்ப்ரீதிருத்தமா |
ஸர்வம் ச ஸுக²கு꞉க²ம் தே விதி³தம் மமம் ராக⁴வ |
யத்த்வயா விபுலம் ப்ராப்தம் ஜனஸ்தா²னநிவாஸினா || 6-124-9
ப்³ராஹ்மணார்தே² நியுக்தஸ்ய ரக்ஷத꞉ ஸர்வதாபஸான் |
ராவணேன ஹ்ருதா பா⁴ர்யா ப³பூ⁴வேயமனிந்தி³தா || 6-124-10
மாரீசத³ர்ஷ²னம் சைவ ஸீதோன்மத²னமேவ ச |
கப³ந்த⁴த³ர்ஷ²னம் சைவ பம்பாபி⁴க³மனம் ததா² || 6-124-11
ஸுக்³ரீவேண ச தே ஸக்²யம் யதா² வாலீ ஹதஸ்த்வயா |
மார்க³ணம் சைவ வைதே³ஹ்யா꞉ கர்ம வாதாத்மஜஸ்ய ச || 6-124-12
விதி³தாயாம் ச ஸீதாயாம் ளஸேதுர்யதா² க்ருத꞉ |
யதா² சாதீ³பிதா லங்கா ப்ரஹ்ருஷ்டூரரியூத²பை꞉ || 6-124-13
ஸபுத்ரபா³ந்த³வாமாத்ய꞉ ஸப³ல꞉ ஸஹாவாஹன꞉ |
யதா² ச நிஹத꞉ ஸங்க்²யே ராவணோ ப³லத³ர்பித꞉ || 6-124-14
யதா² ச நிஹதே தஸ்மின் ராவணே தே³வகண்டகே |
ஸமாக³மஷ்²ச த்ரித³ஷை²ர்யதா² த³த்தஷ்²ச தே வர꞉ || 6-124-15
ஸர்வம் மமைதத்³விதி³தம் தபஸா த⁴ர்மவத்ஸல |
ஸம்பதந்தி ச மே ஷி²ஷ்யா꞉ ப்ரவ்ருத்த்யாக்²யா꞉ புரீமித꞉ || 6-124-16
{மித்ராணி த⁴ன தா⁴ன்யானி ப்ரஜானாம் ஸம்மதானிவ |
ஜனனீ ஜன்ம பூ⁴மிஷ்²ச ஸ்வர்கா³த³பி க³ரீயஸீ || 6-124-17}
அஹமப்யத்யதேதத்மிவரம்ஶஸ்த்ரப்ருதாம்வர ।
அர்க்யம்ப்ரதிக்ருஹாணேதமயோத்யாம்ஶ்வோகமிஷ்யஸி ।।6.127.17।।
தஸ்ய தச்சி²ரஸா வாக்யம் ப்ரதிக்³ருஹ்ய ந்ருபாத்மஜ꞉ |
பா³ட⁴மித்யேவ ஸம்ஹ்ருஷ்ட꞉ ஶ்ரீமான்வரமயாசத || 6-124-18
அகாலப²லினோ வ்ருக்ஷா꞉ ஸர்வே சாபி மது⁴ஸ்ரவா꞉ |
ப²லான்யம்ருதக³ந்தீ⁴னி ப³ஹூனி விவிதா⁴னி ச || 6-124-19
ப⁴வந்து மார்கே³ ப⁴வன்னயோத்⁴யாம் ப்ரதி க³ச்ச²த꞉ |
ததே²தி ச ப்ரதிஜ்ஞாதே வசனாத்ஸமனந்தரம் || 6-124-20
அப⁴வன்பாத³பாஸ்தத்ர ஸ்வர்க³பாத³பஸம்நிபா⁴꞉ |
நிஷ்ப²லா꞉ ப²லினஷ்²சாஸன்விபுஷ்பா꞉ புஷ்பஷா²லின꞉ || 6-124-21
ஷு²ஷ்கா꞉ ஸமக்³ரபத்ராஸ்தே நகா³ஷ்²சைவ மது⁴ஸ்ரவா꞉ |
ஸர்வதோ யோஜனாஸ்த்ரிஸ்ரோ க³ச்ச²தாமப⁴வம்ஸ்ததா³ || 6-124-22
தத꞉ ப்ரஹ்ருஷ்டா꞉ ப்லவக³ர்ஷபா⁴ஸ்தே |
ப³ஹூனி தி³வ்யானி ப²லானி சைவ |
காமாது³பாஷ்²னந்தி ஸஹஸ்ரஷ²ஸ்தே |
முதா³ன்விதா꞉ ஸ்வர்க³ஜிதோ முதே³வ || 6-124-23
இத்யார்ஷே ஶ்ரீமத்³ராமாயனே ஆதி³காவ்யே யுத்³த⁴காண்டே³ சதுர்விம்ஷ²த்யதி⁴க ஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
