வால்மீகி ராமாயணே ஆதி³ காவ்யே யுத்³த⁴காண்டே³ த்ரயோவிம்ஷ²த்யதி⁴கஷ²ததம꞉ ஸர்க³꞉
அனுஜ்ஞாதன் து ராமேண தத்³விமானமனுத்தமம் |
உத்பபாத மஹாமேக⁴꞉ ஷ்²வஸனேனோத்³த⁴தோ யதா² || 6-123-1
பாதயித்வா ததஷ்²சக்ஷு꞉ ஸர்வதோ ரகு⁴நந்த³ன꞉ |
அப்³ரவீன்மைதி²லீன் ஸீதாம் ராம꞉ ஷ²ஷி²னிபா⁴னனாம் || 6-123-2
கைலாஸஷி²க²ராகாரே த்ரிகூடஷி²க²ரே ஸ்தி²தாம் |
லங்காமீக்ஷஸ்வ வைதே³ஹி நிர்மிதான் விஷ்²வகர்மணா || 6-123-3
ஏததா³யோத⁴னம் பஷ்²ய மான்ஸஷோ²ணிதகர்த³மம் |
ஹரீணான் ராக்ஷஸானான் ச ஸீதே விஷ²ஸனம் மஹத் || 6-123-4
அத்ர த³த்தவர꞉ ஷே²தே ப்ரமாதீ² ராக்ஷஸேஷ்²வர꞉ |
தவ ஹேதோர்விஷா²லாக்ஷி ராவணோ நிஹதோ மயா || 6-123-5
கும்ப⁴கர்ணோஅத்ர நிஹத꞉ ப்ரஹஸ்தஷ்²ச நிஷா²சர꞉ |
தூ⁴ம்ராக்ஷஷ்²சாத்ர நிஹதோ வானரேண ஹனூமதா || 6-123-6
வித்³யுன்மாலீ ஹதஷ்²சாத்ர ஸுஷேணேன மஹாத்மனா |
லக்ஷ்மணேனேந்த்³ரஜிச்சாத்ர ராவணிர்னிஹதோ ரணே || 6-123-7
அங்க³தே³னாத்ர நிஹதோ விகடோ நாம ராக்ஷஸ꞉ |
விரூபாக்ஷஷ்²ச து³ஷ்ப்ரேக்ஷ்யோ மஹாபார்ஷ்²வமஹோத³ரௌ || 6-123-8
அகம்பனஷ்²ச நிஹதோ ப³லினோஅன்யே ச ராக்ஷஸா꞉ |
த்ரிஷி²ராஷ்²சாதிகாயஷ்²ச தே³வாந்தகனராந்தகௌ || 6-123-9
யுத்³தோ⁴ன்மத்தஷ்²ச மத்தஷ்²ச ராக்ஷஸப்ரவராவுபௌ⁴ |
நிகும்ப⁴ஷ்²சைவ கும்ப⁴ஷ்²ச கும்ப⁴கர்ணாத்மஜௌ ப³லீ || 6-123-10
வஜ்ரத³ம்ஷ்ட்ரஷ்²ச த³ம்ஷ்ட்ரஷ்²ச ப³ஹவோ ராக்ஷஸா ஹதா꞉ |
மகராக்ஷ்ச து³ர்த⁴ர்ஷோ மயா யுதி⁴ நிபாதித꞉ || 6-123-11
அகம்பனஷ்²ச நிஹத꞉ ஷோ²ணிதாக்ஷஷ்²ச வீர்யவான் |
யூபாக்ஷஷ்²ச ப்ரஜங்க⁴ஷ்²ச நிஹதௌ து ம்ஹாஹவே || 6-123-12
வித்³யுஜ்ஜிஹ்வோ(அ)த்ர நிஹதோ ராக்ஷஸோ பீ⁴மத³ர்ஷ²ன꞉ |
யஜ்ஞஷ²த்ருஷ்²ச நிஹத꞉ ஸுப்தக்⁴னஷ்²ச மஹாப³ல꞉ || 6-123-13
ஸூர்யஷ²த்ருஷ்²ச நிஹதோ ப்³ரஹ்மஷ²த்ருஸ்ததா²பர꞉ |
அத்ர மந்தோ³த³ரீ நாம பா⁴ர்யா தம் பர்யதே³வயத் || 6-123-14
ஸபத்னீனான் ஸஹஸ்ரேண ஸாஸ்ரேண பரிவாரிதா |
ஏதத்து த்³ருஷ்²யதே தீர்த²ன் ஸமுத்³ரஸ்ய வரானனே || 6-123-15
யத்ர ஸாக³ரமுத்தீர்ய தான் ராத்ரிமுஷிதா வயம் |
ஏஷ ஸேதுர்மயா ப³த்³த⁴꞉ ஸாக³ரே ஸலிலார்ணவே || 6-123-16
தவஹேதோர்விஷா²லாக்ஷி ளஸேது꞉ ஸுது³ஷ்கர꞉ |
பஷ்²ய ஸாக³ரமக்ஷோப்⁴யன் வைதே³ஹி வருணாலயம் || 6-123-17
அபாரமபி⁴க³ர்ஜந்தன் ஷ²ங்க²ஷு²க்திநிஷேவிதம் |
ஹிரண்யநாப⁴ன் ஷை²லேந்த்³ரன் காஞ்சனம் பஷ்²ய மைதி²லி || 6-123-18
விஷ்²ரமார்த²ன் ஹனுமதோ பி⁴த்த்வா ஸாக³ரமுத்தி²தம் |
ஏதத் குக்ஷௌ ஸமுத்³ரஸ்ய ஸ்கந்தா⁴வாரநிவேஷ²னம் || 6-123-19
அத்ர பூர்வம் மஹாதே³வ꞉ ப்ரஸாத³மகரோத்ப்ரபு⁴꞉ |
ஏதத்து த்³ருஷ்²யதே தீர்த²ம் ஸாக³ரஸ்ய மஹாத்மன꞉ || 6-123-20
ஸேதுப³ந்த⁴ இதி க்²யாதம் த்ரைலோக்யேன ச பூஜிதம் |
ஏதத்பவித்ரம் பரமம் மஹாபாதகநாஷ²னம் || 6-123-21
அத்ர ராக்ஷஸராஜோ(அ)யமாஜகா³ம விபீ⁴ஷண꞉ |
ஏஷா ஸா த்³ருஷ்²யதே ஸீதே கிஷ்கிந்தா⁴ சித்ரகானனா || 6-123-22
ஸுக்³ரீவஸ்ய புரீ ரம்யா யத்ர வாலீ மயா ஹத꞉ |
அத² த்³ருஷ்ட்வா புரீம் ஸீதா கிஷ்கிந்தா⁴ம் வாலிபாலிதாம் || 6-123-23
அப்³ரவீத்ப்ரஷ்²ரிதம் வாக்யம் ராமம் ப்ரணயஸாத்⁴வஸா |
ஸுக்³ரீவப்ரியபா⁴ர்யாபி⁴ஸ்தாராப்ரமுகா²தோ ந்ருப || 6-123-24
அன்யேஷாம் வானரேந்த்³ராணாம் ஸ்த்ரீபி⁴꞉ பரிவ்ருதா ஹ்யஹம் |
க³ந்துமிச்சே² ஸஹாயோத்⁴யாம் ராஜதா⁴னீம் த்வயா ஸஹ || 6-123-25
ஏவமுக்தோ(அ)த² வைதே³ஹ்யா ராக⁴வ꞉ ப்ரத்யுவாச தாம் |
ஏவமஸ்த்விதி கிஷ்கிந்தா⁴ம் ப்ராப்ய ஸம்ஸ்தா²ப்ய ராக⁴வ꞉ || 6-123-26
விமானம் ப்ரேக்ஷ்ய ஸுக்³ரீவம் காக்யமேதது³வாச ஹ |
ப்³ரூஹி வானரஷா²ர்தூ³ள ஸரான் வானரபுங்க³வான் || 6-123-27
ஸ்த்ரீபி⁴꞉ பரிவ்ருதாஹ் ஸர்வே ஹ்யயோத்⁴யாம் யாந்து ஸீதயா |
ததா² த்வமபி ஸர்வாபி⁴꞉ ஸ்த்ரீபி⁴꞉ ஸஹ மஹாப³ல || 6-123-28
அபி⁴த்வரஸ்வ ஸுக்³ரீவ க³ச்சா²ம꞉ ப்லவகா³தி⁴ப |
ஏவமுக்தஸ்து ஸுக்³ரீவோ ராமேணாமிததேஜஸா || 6-123-29
வானராதி⁴பதி꞉ ஶ்ரீமாம்ஸ்தைஷ்²ச ஸர்வை꞉ ஸமாவ்ருத꞉ |
ப்ரவிஷ்²யாந்த꞉புரம் ஷீ²க்⁴ரம் தாராமுத்³வீக்ஷ்ய ஸோ(அ)ப்³ரவீத் || 6-123-30
ப்ரியே த்வம் ஸஹநாரீபி⁴ர்வானராணாம் மஹாத்மனாம் |
ராக⁴வேணாப்⁴யனுஜ்ஞாதா மைதி²லீப்ரியகாம்யயா || 6-123-31
த்வர த்வமபி⁴க³ச்சா²மோ க்³ருஹ்ய வானரயோஷித꞉ |
அயோத்⁴யாம் த³ர்ஷ²யிஷ்யாம꞉ ஸர்வா த³ஷ²ரத²ஸ்த்ரிய꞉ || 6-123-32
ஸுக்³ரீவஸ்ய வச꞉ ஷ்²ருத்வா தாரா ஸர்வாங்க³ஷோ²ப⁴னா |
ஆஹூய சாப்³ரவீத்ஸர்வா வானராணாம் து யோஷித꞉ || 6-123-33
ஸுக்³ரீவேணாப்⁴யனுஜ்ஞாதா க³ந்தும் ஸர்வைஷ்²ச வானரை꞉ |
மம சாபி ப்ரியம் கார்யமயோத்⁴யாத³ர்ஷ²னேன ச || 6-123-34
ப்ரவேஷ²ம் சைவ ராமஸ்ய பௌரஜானபதை³꞉ ஸஹ |
விபூ⁴திம் சைவ ஸர்வாஸாம் ஸ்த்ரீணாம் த³ஷ²ரத²ஸ்ய ச || 6-123-35
தாரயா சாப்⁴யனுஜ்ஞாதா꞉ ஸர்வா வானரயோஷித꞉ |
நேபத்²யவிதி⁴பூர்வம் து க்ருத்வா சாபி ப்ரத³க்ஷிணம் || 6-123-36
அத்⁴யாரோஹன்விமானம் தத்ஸீதாத³ர்ஷ²னகாங்க்ஷயா |
தாபி⁴꞉ ஸஹோத்தி²தம் ஷீ²க்⁴ரம் விமானம் ப்ரேக்ஷ்ய ராக⁴வ꞉ || 6-123-37
ருஷ்யமூகஸமீபே து வைதே³ஹீம் புனரப்³ரவீத் |
த்³ருஷ்²யதேஅஸௌ மஹான்ஸீதே ஸவித்³யுதி³வ தோயத³꞉ || 6-123-38
ருஷ்²யமூகோ கி³ரிஷ்²ரேஷ்ட²꞉ காஞ்சனைர்தா⁴துபி⁴ர்வ்ருத꞉ |
அத்ராஹன் வானரேந்த்³ரேண ஸுக்³ரீவேண ஸமாக³த꞉ || 6-123-39
ஸமயஷ்²ச க்ருத꞉ ஸீதே வதா⁴ர்த²ன் வாலினோ மயா |
ஏஷா ஸா த்³ருஷ்²யதே பம்பா ளினீ சித்ரகானனா || 6-123-40
த்வயா விஹீனோ யத்ராஹன் விளலாப ஸுது³꞉கி²த꞉ |
அஸ்யாஸ்தீரே மயா த்³ருஷ்டா ஷ²ப³ரீ த⁴ர்மசாரிணீ || 6-123-41
அத்ர யோஜனபா³ஹுஷ்²ச கப³ந்தோ⁴ நிஹதோ மயா |
த்³ருஷ்²யதேஅஸௌ ஜனஸ்தா²னே ஸீதே ஶ்ரீமான்வனஸ்பதி꞉ || 6-123-42
யத்ர யுத்³த⁴ம் மஹத்³வ்ருத்தன் தவஹேதோர்விளாஸினி |
ராவணேன ஹதோ யத்ர பக்ஷிணாம் ப்ரவரோ ப³லீ || 6-123-43
க²ரஷ்²ச நிஹதஷ்²ஸங்க்²யே தூ³ஷணஷ்²ச நிபாதித꞉ |
த்ரிஷி²ராஷ்²ச மஹாவீர்யோ மயா பா³ணைரஜிஹ்மகை³꞉ || 6-123-44
ஏதத்த தாஶ்ரமபத மஸ்மாகம் வரவர்ணிநி ।
பர்ணஷா²லா ததா² சித்ரா த்³ருஷ்²யதே ஷு²ப⁴த³ர்ஷ²னா || 6-123-45
யத்ர த்வம் ராக்ஷஸேந்த்³ரேண ராவணேன ஹ்ருதா ப³லாத் |
ஏஷா கோ³தா³வரீ ரம்யா ப்ரஸன்னஸலிலா ஷி²வா || 6-123-46
அக³ஸ்த்யஸ்யாஷ்²ரமோ ஹ்யேஷ த்³ருஷ்²யதே கத³ளீவ்ருத꞉ |
தீ³ப்தஷ்²சைவாஷ்²ரமோ ஹ்யேஷ ஸுதீக்ஷ்ணஸ்ய மஹாத்மன꞉ || 6-123-47
த்³ருஷ்²யதே சைவ ஷ²ரப⁴ங்கா³ஷ்²ரமோ மஹான் |
உபயாத꞉ ஸஹஸ்ராக்ஷோ யத்ர ஷ²க்ர꞉ புரந்த³ர꞉ || 6-123-48
ஏதே தே தாபஸாவாஸா த்³ருஷ்²யந்தே தனுமத்⁴யமே |
அத்ரி꞉ குலபதிர்யத்ர ஸூர்யவைஷ்²வானரப்ரப⁴꞉ || 6-123-49
அஸ்மிந்தே³ஷே² மஹாகாயோ விராதோ⁴ நிஹதோ மயா |
அத்ர ஸீதே த்வயா த்³ருஷ்டா தாபஸீ த⁴ர்மசாரிணீ || 6-123-50
அஸௌ ஸுதனுஷை²லேந்த்³ரஷ்²சித்ரகூட꞉ ப்ரகாஷ²தே |
யத்ர மான் கைகயீபுத்ர꞉ ப்ரஸாத³யிதுமாக³த꞉ || 6-123-51
ஏஷா ஸா யமுனா தூ³ராத்³த்³ருஷ்²யதே சித்ரகானனா |
ப⁴ரத்³வாஜாஷ்²ரமோ ஶ்ரீமானேஷ த்³ருஷ்²யதே சைஷ மைதி²லி || 6-123-52
இயம் ச த்³ருஷ்²யதே க³ங்கா³ புண்யா த்ரிபத²கா³ நதீ³ |
நாநாத்³விஜக³ணாகீர்ணா ஸம்ப்ரபுஷ்பிதகானனா || 6-123-53
ஷ்²ருங்க³பேரபுரன் சைதத்³கு³ஹோ யத்ர ஸமாக³த꞉ |
ஏஷா ஸாத்³ருஷ்²யதே ஸீதே ஸரயுயூர் யூபமாலிநீ || 6-123-54
நானாதருஷ²தாகீர்ணா ஸம்ப்ரபுஷ்பிதகானனா |
ஏஷா ஸா த்³ருஷ்²யதேஅயோத்⁴யா ராஜதா⁴னீ பிதுர்மம || 6-123-55
அயோத்⁴யான் குரு வைதே³ஹி ப்ரணாமம் புனராக³தா |
ததஸ்தே வானரா꞉ ஸர்வே ராக்ஷஸஷ்²ச விபீ⁴ஷண꞉ || 6-123-56
உத்பத்யோத்பத்ய த³த்³ருஷு²ஸ்தாம் புரீன் ஷு²ப⁴த³ர்ஷ²நாம் |
ததஸ்து தாம் பாண்டு³ரஹர்ம்யமாலினீம் |
விஷா²லகக்ஷ்யான் க³ஜவாஜிஸங்குலாம் |
புரீமயோத்⁴யான் த³த்³ருஷு²꞉ ப்லவங்க³மா꞉ |
புரீம் மஹேந்த்³ரஸ்ய யதா²மராவதீம் || 6-123-57
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்ரயோவிம்ஷ²த்யதி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
