வால்மீகி ராமாயணே ஆதி³ காவ்யே யுத்³த⁴காண்டே³ த்³வாவிம்ஷ²த்யதி⁴கஷ²ததம꞉ ஸர்க³꞉
உபஸ்தி²தம் து தம் க்ருத்வா புஷ்பகம் புஷ்பபூ⁴ஷிதம் |
அவிதூ³ரே ஸ்தி²தோ ராமமித்யுவாச விபீ⁴ஷண꞉ || 6-122-1
ஸ து ப³த்³தா⁴ஞ்ஜலிபுடோ வினீதோ ராக்ஷஸேஷ்²வர꞉ |
அப்³ரவீத்த்வரயோபேத꞉ கிம் கரோமீதி ராக⁴வம் || 6-122-2
தமப்³ரவீன்மஹாதேஜா லக்ஷ்மணஸ்யோபஷ்²ருண்வத꞉ |
விம்ருஷ்²ய ராக⁴வோ வாசமித³ம் ஸ்னேஹபுரஸ்க்ருதம் || 6-122-3
க்ருதப்ரயத்னகர்மாண꞉ ஸர்வ ஏவ வனேசரா꞉ |
ரத்னைரர்தை²ஷ்²ச விவிதை⁴꞉ ஸம்பூஜ்யந்தாம் விபீ⁴ஷண || 6-122-4
ஸஹாமீபி⁴ஸ்த்வயா லங்கா நிர்ஜிதா ராக்ஷஸேஷ்²வர |
ஹ்ருஷ்டை꞉ ப்ராணப⁴யம் த்யக்த்வா ஸங்க்³ராமேஷ்வநிவர்திபி⁴꞉ || 6-122-5
த இமே க்ருதகர்மாண꞉ ஸர்வ ஏவ வனௌகஸ꞉ |
த⁴னரத்னப்ரதா³னேன கர்மைஷாம் ஸப²லம் குரு || 6-122-6
ஏவம் ஸம்மானிதாஷ்²சைதே நந்த்³யமானா யதா² த்வயா |
ப⁴விஷ்யந்தி க்ருதஜ்ஞேன நிர்விருதா ஹரியூத²பா꞉ || 6-122-7
த்யாகி³னம் ஸங்க்³ரஹீதாரம் ஸானுக்ரோஷ²ம் ஜிதேந்த்³ரியம் |
ஸர்வே த்வாமபி⁴க³ச்ச²ந்தி தத꞉ ஸம்போ³த⁴யாமி தே || 6-122-8
ஹீனம் ரதிகு³ணை꞉ ஸர்வைரபி⁴ஹந்தாரமாஹவே |
ஸேனா த்யஜதி ஸம்விக்³னா ந்ருபதிம் தம் நரேஷ்²வர || 6-122-9
ஏவமுக்தஸ்து ராமேண வானராம்ஸ்தான்விபீ⁴ஷண꞉ |
ரத்னார்த²ஸம்விபா⁴கே³ன ஸர்வானேவாப்⁴யபூஜயத் || 6-122-10
ததஸ்தான் பூஜிதான் த்³ருஷ்ட்வா ரத்னார்தை²ர்ஹரியூத²பான் |
ஆருரோஹ ததா³ ராமஸ்தத்³விமானமனுத்தமம் || 6-122-11
அங்கேநாதா³ய வைதே³ஹீம் லஜ்ஜமானாம் யஷ²ஸ்வினீம் |
லக்ஷ்மணேன ஸஹ ப்⁴ராத்ரா விக்ராந்தேன த⁴னுஷ்மதா || 6-122-12
அப்³ரவீத்ஸ விமானஸ்த²꞉ பூஜயன் ஸர்வவானரான் |
ஸுக்³ரீவம் ச மஹாவீர்யம் காகுத்ஸ்த꞉ ஸவிபீ⁴ஷணம் || 6-122-13
மித்ரகார்யம் க்ருதமித³ம் ப⁴வத்³பி⁴த்³வானரர்ஷபா⁴꞉ |
அனுஜ்ஞாதா மயா ஸர்வே யதே²ஷ்டம் ப்ரதிக³ச்ச²த || 6-122-14
யத்து கார்யம் வயஸ்யேன ஸ்னிக்³தே⁴ன ச ஹிதேன ச |
க்ருதம் ஸுக்³ரீவ தத்ஸர்வம் ப⁴வதா த⁴ர்மபீ⁴ருணா || 6-122-15
கிஷ்கிந்தா⁴ம் ப்ரதியாஹ்யஷு² ஸ்வஸைன்யேநாபி⁴ஸம்வ்ருத꞉ |
ஸ்வராஜ்யே வஸ லங்காயாம் மயா த³த்தே விபீ⁴ஷண || 6-122-16
ந த்வாம் த⁴ர்ஷயிதும் ஷ²க்தா꞉ ஸேந்த்³ரா அபி தி³வௌகஸ꞉ |
அயோத்⁴யாம் ப்ரதியாஸ்யாமி ராஜதா⁴னீம் பிதுர்மம || 6-122-17
அப்⁴யனுஜ்ஞாதுமிச்ச²மி ஸர்வாநாமந்த்ரயாமி வ꞉ |
ஏவமுக்தாஸ்து ராமேண ஹரீந்த்³ரா ஹரயஸ்ததா² || 6-122-18
ஊசு꞉ ப்ராஞ்ஜலய꞉ ஸர்வே ராக்ஷஸஷ்²ச விபீ⁴ஷண꞉ |
அயோத்⁴யாம் க³ந்துமிச்சா²ம꞉ ஸர்வான் நயது நோ ப⁴வான் || 6-122-19
முத்³யுக்தா விசரிஷ்யாமோ வனான்யுபனனானி ச |
த்³ருஷ்ட்வா த்வாமபி⁴ஷேகார்த்³ரம் கௌஸல்யாமபி⁴வாத்³ய ச || 6-122-20
அசிராதா³க³மிஷ்யாம꞉ ஸ்வக்³ருஹாந்ந்ருபஸத்தம |
ஏவமுக்த꞉ ஸ த⁴ர்மாத்மா வானரை꞉ ஸவிபீ⁴ஷணை꞉ || 6-122-21
அப்³ரவீத்³வானரான்ராம꞉ ஸஸுக்³ரீவவிபீ⁴ஷணான் |
ப்ரியாஅத்ப்ரியதரம் லப்³த⁴ம் யத³ஹம் ஸஸுஹ்ருஜ்ஜன꞉ || 6-122-22
ஸர்வைர்ப⁴வத்³பி⁴꞉ ஸஹித꞉ ப்ரீதிம் லப்ஸ்யே புரீம் க³த꞉ |
க்ஷிப்ரமாரோஹ ஸுக்³ரீவ விமானம் வானரை꞉ ஸஹ || 6-122-23
த்வமப்யாரோஹ ஸாமாத்யோ ராக்ஷஸேந்த்³ர விபீ⁴ஷண |
ததஹ் ஸ புஷ்பகம் தி³வ்யம் ஸுக்³ரீவ꞉ ஸஹ வானரை꞉ || 6-122-24
ஆருரோஹ முதா³ யுக்த꞉ ஸமாத்யஷ்²ச விபீ⁴ஷண꞉ |
தேஷ்வாரூடே⁴ஷு ஸர்வேஷு கௌபே³ரம் பரமாஸனம் || 6-122-25
ராக⁴வேணாப்⁴யனுஜ்ஞாதமுத்பபாத விஹாயஸம் |
க²க³தேன மிவானேன ஹம்ஸயுக்தேன பா⁴ஸ்வதா || 6-122-26
ப்ரஹ்ருஷ்டஷ்²சப்ரதீதஷ்²ச ப³பௌ⁴ ராம꞉ குபே³ரவத் |
தே ஸர்வே வானரர்க்ஷஷ்²ச ராக்ஷஸாஷ்²ச மஹாப³லா꞉ || 6-122-27
யதா²ஸுக²மஸம்பா³த⁴ம் தி³வ்யே தஸ்மின்னுபாவிஷ²ன் | 6-122-28
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ த்³வாவிம்ஷ²த்யதி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
