வால்மீகி ராமாயணே ஆதி³ காவ்யே யுத்³த⁴காண்டே³ ஏகவிம்ஷ²த்யதி⁴கஷ²ததம꞉ ஸர்க³꞉
தாம் ராத்ரிமுஷிதம் ராமம் ஸுகோ²தி³தமரிந்த³மம் |
அப்³ரவீத் ப்ராஞ்ஜலிர்வாக்யம் ஜயம் ப்ருஷ்ட்வா விபீ⁴ஷண꞉ || 6-121-1
ஸ்னானானி சாங்கா³ராகா³ணி வஸ்த்ராண்யாப⁴ரணானி ச |
சந்த³னானி ச மால்யானி தி³வ்யானி விவிதா⁴னி ச || 6-121-2
அலங்காரவித³ஷ்²சைதா நார்ய꞉ பத்³மனிபே⁴க்ஷணா꞉ |
உபஸ்தி²தாஸ்த்வாம் விதி⁴வத் ஸ்னாபயிஷ்யந்தி ராக⁴வ || 6-121-3
ஏவமுக்தஸ்து காகுத்ஸ்த²꞉ ப்ரத்யுவாச விபீ⁴ஷணம் |
ஹரீன் ஸுக்³ரீவமுக்²யாம்ஸ்த்வம் ஸ்னானேனோபனிமந்த்ரய || 6-121-4
ஸத் உ தாம்யதி த⁴ர்மாத்மா மம ஹேதோ꞉ ஸுகோ²சித꞉ |
ஸுகுமாரோ மஹாபா³ஹுர்ப⁴ரத꞉ ஸத்யஸம்ஸ்ரய꞉ || 6-121-5
தம் வினா கைகயீபுத்ரம் ப⁴ரதம் த⁴ர்மசாரிணம் |
ந மே ஸ்னானம் ப³ஹுமதம் வஸ்த்ராண்யானி ச || 6-121-6
ஏதத் பஷ்²ய யதா² க்ஷிப்ரம் ப்ரதிக³ச்சா²ம தாம் புரீம் |
அயோத்⁴யாம் க³ச்ச²தோ ஹ்யேஷ பந்தா²ஹ் பரமது³ர்க³ம꞉ || 6-121-7
ஏவமுக்தஸ்து காகுத்ஸ்த²ம் ப்ரத்யுவாச விபீ⁴ஷண꞉ |
அஹ்னா த்வாம் ப்ராபயிஷ்யாமி தாம் புரீம் பார்தி²வாத்மஜ || 6-121-8
புஷ்பகம் நாம ப⁴த்³ரம் தே விமானம் ஸூர்யஸம்னிப⁴ம் |
மம ப்⁴ராது꞉ குபே³ரஸ்ய ராவணேன ப³லீயஸா || 6-121-9
ஹ்ருதம் நிர்ஜித்ய ஸம்க்³ராமே காமக³ம் தி³வ்யமுத்தமம் |
த்வத³ர்த²ம் பாலிதம் சேத³ம் திஷ்ட²த்யதுலவிக்ரம || 6-121-10
ததி³த³ம் மேக⁴ஸங்காஷ²ம் விமானமிஹ திஷ்ட²தி |
யேன யாஸ்யஸி யானேன த்வமயோத்⁴யாம் க³தஜ்வர꞉ || 6-121-11
அஹம் தே யத்³யனுக்³ராஹ்யோ யதி³ ஸ்மரஸி மே கு³ணான் |
வஸ தாவதி³ஹ ப்ராஜ்ஞ யத்³யஸ்தி மயி ஸௌஹ்ருத³ம் || 6-121-12
லக்ஷ்மணேன ஸஹ ப்⁴ராத்ரா வைதே³ஹ்யா பா⁴ர்யயா ஸஹ |
அர்சிதஹ் ஸர்வகாமைஸ்த்வம் ததோ ராம க³மிஷ்யஸி || 6-121-13
ப்ரீதியுக்தஸ்ய விஹிதாம் ஸஸைன்ய꞉ ஸஸுஹ்ருத்³க³ண꞉ |
ஸத்க்ரியாம் ராம மே தாவத்³க்³ருஹாண த்வம் மயோத்³யதாம் || 6-121-14
ப்ரணயாத்³ப³ஹுமானாச்ச ஸௌஹார்தே³ன ச ராக⁴வ |
ப்ரஸாத³யாமி ப்ரேஷ்யோ(அ)ஹம் ந க²ல்வாஜ்ஞாபயாமி தே || 6-121-15
ஏவமுக்தஸ்ததோ ராமஹ் ப்ரத்யுவாச விபீ⁴ஷணம் |
ரக்ஷஸாம் வானராணாம் ச ஸர்வேஷமேவ ஷ்²ருண்வதாம் || 6-121-16
பூஜிதோ(அ)ஸ்மி த்வயா வீர ஸாசிவ்யேன பரந்தப |
ஸர்வத்மனா ச சேஷ்டாபி⁴꞉ ஸௌஹார்தே³ன பரேண ச || 6-121-17
ந க²ல்வேதன்ன குர்யாம் தே வசனம் ராக்ஷஸேஷ்²வர |
தம் து மே ப்⁴ராதரம் த்³ரஷ்டும் ப⁴ரதம் த்வரதே மன꞉ || 6-121-18
மாம் நிவர்தயிதும் யோ(அ)ஸௌ சித்ரகூடமுபாக³த꞉ |
ஷி²ரஸா யாசதோ யஸ்ய வசனம் ந க்ருதம் மயா || 6-121-19
கௌஸல்யாம் ச ஸுமித்ராம் ச கைகேயீம் ச யஷ²ஸ்வினீம் |
கு³ஹம் ச ஸுஹ்ருத³ம் சைவ பௌரான் ஜனபதை³꞉ ஸஹ || 6-121-20
அனுஜானீஹி மாம் ஸௌம்ய பூஜிதோ(அ)ஸ்மி விபீ⁴ஷண |
மன்யுர்ன க²லு கர்தவ்ய꞉ ஸகே² த்வாம் சானுமானயே || 6-121-21
உபஸ்தா²பய மே ஷீ²க்⁴ரம் விமானம் ராக்ஷஸேஷ்²வர |
க்ருதகார்யஸ்ய மே வாஸஹ் கத²ம் ஸ்யாதி³ஹ ஸம்மத꞉ || 6-121-22
ஏவமுக்தஸ்து ராமேண ராக்ஷஸேந்த்³ரோ விபீ⁴ஷன꞉ |
விமானம் ஸூர்யஸம்காஷ²மாஜுஹாவ த்வரான்வித꞉ || 6-121-23
தத꞉ காஞ்சத்ராங்க³ம் வைதூ³ர்யமணிவேதி³கம் |
காஞ்சனம் காஞ்சனைர்ஹர்ம்யைர்ஹேமபத்³மவிபூ⁴ஷிதை꞉ || 6-121-24
பாண்டு³ராபி⁴ஹ் பதாகாபி⁴ர்த்⁴வஜைஷ்²ச ஸமலங்க்ருதம் |
காஞ்சனம் காஞ்சனைர்ஹர்ம்யைர்ஹேமபத்³மவிப்³பூ³ஷிதை꞉ || 6-121-25
ப்ரகீர்ணம் கிங்கிணீஜாலைர்முக்தாமணிக³வாக்ஷகம் |
க⁴ண்டாஜாலை꞉ பரிக்ஷிப்தம் ஸர்வதோ மது⁴ரஸ்வனம் || 6-121-26
தம் மேருஷி²க²ராகாரம் நிர்மிதம் விஷ்²வகர்மணா |
ப்³ருஹத்³பி³ர்பூ⁴ஷிதம் ஹர்ம்யோர்முக்தாரஜதஷோ²பி⁴தை꞉ || 6-121-27
தலைஹ் ஸ்ப²டிகசித்ராங்க³ர்வைதூ³ர்யைஷ்²ச வராஸனை꞉ |
மஹார்ஹஸ்தரணோபேதைருபபன்னம் மஹாத⁴னை꞉ || 6-121-28
உபஸ்தி²தமனாத்⁴ருஷ்யம் தத்³விமானம் மனோஜவம் |
நிவேத³யித்வா ராமாயதஸ்தௌ² தத்ர விபீ⁴ஷண꞉ || 6-121-29
தத்புஷ்பகம் காமக³மம் விமான |
முபஸ்தி²தம் பூ⁴த⁴ரஸம்நிகாஷ²ம் |
த்³ருஷ்ட்வா ததா³ விஸ்மயமாஜகா³ம |
ராம꞉ ஸஸௌமித்ரிருதா³ரஸ்த்த்வ꞉ || 6-121-30
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஏகவிம்ஷ²த்யதி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
