வால்மீகி ராமாயணே ஆதி³ காவ்யே யுத்³த⁴காண்டே³ விம்ஷ²த்யதி⁴கஷ²ததம꞉ ஸர்க³꞉
ப்ரதிப்ரயாதே காகுத்த்²ஸே மஹேந்த்³ர꞉ பாகஷா²ஸன꞉ |
அப்³ரவீத் பரமப்ரீதோ ராக⁴வம் ப்ராஞ்ஜலிம் ஸ்தி²தம் || 6-120-1
அமோக⁴ம் த³ர்ஷ²னம் ராம தவாஸ்மாகம் நரர்ஷப⁴ |
ப்ரீதியுக்தா꞉ ஸ்ம தேன த்வம் ப்³ரூஹி யன்மனஸேப்ஸிதம் || 6-120-2
ஏவமுக்தோ மஹேந்த்³ரேண ப்ரஸன்னேன மஹாத்மனா |
ஸுப்ரஸன்னமனா ஹ்ருஷ்டோ வசனம் ப்ராஹ ராக⁴வ꞉ || 6-120-3
யதி³ ப்ரீதி꞉ ஸமுத்பன்னா மயி தே விபு³தே⁴ஷ்²வர |
வக்ஷ்யாமி குரு மே ஸத்யம் வசனம் வத³தாம் வர || 6-120-4
மம ஹேதோ꞉ பராக்ராந்தா யே க³தா யமஸாத³னம் |
தே ஸர்வே ஜீவிதம் ப்ராப்ய ஸமுத்திஷ்ட²ந்து வானரா꞉ || 6-120-5
மத்க்ருதே விப்ரயுக்தா யே புத்ரைர்தா³ரைஷ்²ச வானரா꞉ |
தான் ப்ரீதமனஸ꞉ ஸர்வான் த்³ரஷ்டுமிச்சா²மி மானத³ || 6-120-6
விக்ராந்தாஷ்²சாபி ஷூ²ராஷ்²ச ந ம்ருத்யும் க³ணயந்தி ச |
க்ருதயத்னா விபந்நாஷ்²ச ஜீவயைனான் புரந்த³ர || 6-120-7
மத்ப்ரியேஷ்வபி⁴ரக்தாஷ்²ச ந ம்ருத்யும் க³ணயந்தி யே |
த்வத்ப்ரஸாதா³த்ஸமேயுஸ்தே வரமேதமஹம் வ்ருணே || 6-120-8
நீருஜோ நிர்வ்ரணாம்ஷ்²சைவ ஸம்பன்னப³லபௌருஷான் |
கோ³ளாங்கூ³ளாம்ஸ்தத²ர்க்ஷாம்ஷ்²ச த்³ரஷ்டுமிச்சா²மி மானத³ || 6-120-9
அகாலே சாபி புஷ்பாணி மூலானி ச ப²லானி ச |
நத்³யஷ்²ச விமலாஸ்தத்ர திஷ்டே²யுர்யத்ர வானரா꞉ || 6-120-10
ஷ்²ருத்வா து வசனம் தஸ்ய ராக⁴வஸ்ய மஹாத்மன꞉ |
மஹேந்த்³ரஹ் ப்ரத்யுவாசேத³ம் வசனம் ப்ரீதிஸம்யுதம் || 6-120-11
மஹானயம் வரஸ்தாத யஸ்த்வயோக்தோ ரகு⁴த்தம |
த்³விர்மயா நோக்தபுர்வம் ச தஸ்மாதே³வத்³ப⁴விஷ்யதி || 6-120-12
ஸமுத்திஷ்ட²ந்து தே ஸர்வே ஹதா யே யுதி⁴ ராக்ஷஸை꞉ |
ருக்ஷாஷ்²ச ஸஹ கோ³புச்சை²ர்னிக்ருத்தானனபா³ஹவ꞉ || 6-120-13
நீருஜோ நிர்வ்ரிணாஷ்²சவ ஸம்பன்னப³லபௌருஷா꞉ |
ஸமுத்தா²ஸ்யந்தி ஹரய꞉ ஸுப்தா நித்³ராக்ஷயே யதா² || 6-120-14
ஸுஹ்ருத்³பி⁴ர்பா³ந்த⁴வைஷ்²சவ ஜ்ஞாதிபி⁴꞉ ஸ்வஜனேன ச |
ஸர்வ ஏவ ஸமேஷ்யந்தி ஸம்யுக்தா꞉ பரயா முதா³ || 6-120-15
அகாலே புஷ்பஷ²ப³லா꞉ ப²லவந்தஷ்²ச பாத³பா꞉ |
ப⁴விஷ்யந்தி மஹேஷ்வாஸ நத்³யஷ்²ச ளிலாயுதா꞉ || 6-120-16
ஸவ்ரணை꞉ ப்ரத²மம் கா³த்ரைரிதா³னீம் நிர்வ்ரணை꞉ ஸமை꞉ |
தத꞉ ஸமுத்தி²தா꞉ ஸர்வே ஸுப்த்வேவ ஹரியூத²பா꞉ || 6-120-17
ப³பூ⁴வுர்வானரா꞉ ஸர்வே கிம் ந்வேததி³தி விஸ்மிதா꞉ |
காகுத்த்²ஸம் பரிபூர்ணார்த²ம் த்³ருஷ்ட்வா ஸர்வே ஸுரோத்தமா꞉ || 6-120-18
அப்³ருவன் பரமப்ரீதா꞉ ஸ்துத்வா ராமம் ஸலக்ஷ்மணம் |
க³ச்சா²யோத்⁴யாமிதோ ராஜன் விஸர்ஜய ச வானரான் || 6-120-19
மைதி²லீம் ஸாந்த்வயஸ்வைநாமனுரக்தாம் யஷ²ஸ்வினீம் |
ப்⁴ராதரம் ப⁴ரதம் பஷ்²ய த்வச்சோ²காத்³வ்ரதசாரிணம் || 6-120-20
ஷ²த்ருக்⁴னம் ச மஹாத்மானம் மாத்ருஇ꞉ ஸர்வா꞉ பரந்தப |
அபி⁴ஷேசய சாத்மானம் பௌரான்க³த்வா ப்ரஹர்ஷய || 6-120-21
ஏவமுக்த்வா ஸஹஸ்ராக்ஷோ ராமம் ஸௌமித்ரிணா ஸஹ |
விமானை꞉ ஸூர்யஸங்காஷை²ர்யயௌ ஹ்ருஷ்ட꞉ ஸுரைஹ் ஸஹ || 6-120-22
அபி⁴வாத்³ய ச காகுத்த்²ஸ꞉ ஸர்வாம்ஸ்தாம்ஸ்த்ரித³ஷோ²த்தமான் |
லக்ஷ்மணேன ஸஹ ப்⁴ராத்ரா வாஸமாஜ்ஞாபயத்ததா³ || 6-120-23
ததஸ்து ஸா லக்ஷ்மணரானுபாலிதா |
மஹாசமூர்ஹ்ருஷ்டஜனா யஷ²ஸ்வினீ |
ஷ்²ரியா ஜ்வலந்தீவிரராஜ ஸர்வதோ |
நிஷா² ப்ரணீதேவ ஹி ஷீ²தரஷ்²மினா || 6-120-24
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ விம்ஷ²த்யதி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
