வால்மீகி ராமாயணே ஆதி³ காவ்யே யுத்³த⁴காண்டே³ ஏகாத³ஷா²தி⁴கஷ²ததம꞉ ஸர்க³꞉
தாஸாம் விளபமானானாம் ததா² ராக்ஷஸயோஷிதாம் |
ஜ்யேஷ்டா² பத்னீ ப்ரியா தீ³னா ப⁴ர்தாரம் ஸமுதை³க்ஷத || 6-111-1
த³ஷ²க்³ரீவன் ஹதம் த்³ருஷ்ட்வா ராமேணாசிந்த்யகர்மணா |
பதிம் மந்தோ³த³ரீ தத்ர க்ருபணா பர்யதே³வயத் || 6-111-2
நனு நாம மஹாபா³ஹோ தவ வைஷ்²ரவணானுஜ |
க்ருத்³த⁴ஸ்ய ப்ரமுகே² ஸ்தா²துன் த்ரஸ்யத்யபி புரந்த³ர꞉ || 6-111-3
ருஷயஷ்²ச மஹீதே³வா க³ந்த⁴ர்வாஷ்²ச யஷ²ஸ்வின꞉ |
நனு நாம தவோத்³வேகா³ச்சாரணாஷ்²ச தி³ஷோ² க³தா꞉ || 6-111-4
ஸ த்வம் மானுஷமாத்ரேண ராமேண யுதி⁴ நிர்ஜித꞉ |
ந வ்யபத்ரபஸே ராஜன் கிமித³ம் ராக்ஷஸர்ஷப⁴ || 6-111-5
கத²ன் த்ரைலோக்யமாக்ரம்ய ஷ்²ரியா வீர்யேண சான்விதம் |
அவிஷஹ்யன் ஜகா⁴ன த்வம் மானுஷோ வனகோ³சர꞉ || 6-111-6
மானுஷாணாமவிஷயே சரத꞉ காமரூபிண꞉ |
விநாஷ²ஸ்தவ ராமேண ஸன்யுகே³ நோபபத்³யதே || 6-111-7
ந சைதத்கர்ம ராமஸ்ய ஷ்²ரத்³த³தா⁴மி சமூமுகே² |
ஸர்வத꞉ ஸமுபேதஸ்ய தவ தேநாபி⁴மர்ஷ²னம் || 6-111-8
யதை³வ ச ஜனஸ்தா²னே ராக்ஷனைர்ப³ஹுபி⁴ர்வ்ருத꞉ |
க²ரஸ்தவ ஹதோ ப்⁴ராதா ததை³வானௌ ந மானுஷ꞉ || 6-111-9
யதி³அவ நக³ரீம் லங்காம் து³ஷ்ப்ரவேஷா²ம் ஸுரைரபி |
ப்ரவிஷ்டோ ஹனுமான்வீர்யாத்ததை³வ வ்யதி²தா வயம் || 6-111-10
யதி³அவ வானரைர்கோ⁴ரைர்ப³த்³த³꞉ ஸேதுர்மஹார்ணவே |
ததை³வ ஹ்ருத³யேனாஹம் ஷ²ங்கே ராமமமானுஷம் || 6-111-11
அத²வா ராமரூபேண க்ருதாந்த꞉ ஸ்வயமாக³த꞉ |
மாயாம் தவ விநாஷா²ய விதா⁴யாப்ரதிதர்கிதாம் || 6-111-12
அத²வா வாஸவேன த்வம் த⁴ர்ஷிதோ(அ)ஸி மஹாப³ல |
வாஸவஸ்ய து கா ஷ²க்திஸ்த்வாம் த்³ரஷ்டுமபி ஸம்யுகே³ || 6-111-13
வ்யக்தமேஷ மஹாயோகீ³ பரமாத்மா ஸனாதன꞉ |
அநாதி³மத்⁴யநித⁴னோ மஹத꞉ பரமோ மஹான் || 6-111-14
தமஸ꞉ பரமோ தா⁴தா ஷ²ங்க²சக்ரக³தா³த⁴ர꞉ |
ஶ்ரீவத்ஸவக்ஷா நித்யஶ்ரீரஜய்ய꞉ ஷா²ஷ்²வதோ த்⁴ருவ꞉ || 6-111-15
மானுஷம் ரூபமாஸ்தா²ய விஷ்ணு꞉ ஸத்யபராக்ரம꞉ |
ஸர்வை꞉ பரிவ்ருதோ தே³வைர்வானரத்வமுபாக³தை꞉ || 6-111-16
ஸர்வலோகேஷ்²வர꞉ ஶ்ரீமான் லோகானாம் ஹிதகாம்யயா |
ஸராக்ஷஸ பரீவாரம் ஹதவாம்ஸ்த்வாம் மஹாத்³யுதி꞉ || 6-111-17
இந்த்³ரியாணி புரா ஜித்வா ஜிதன் த்ரிபு⁴வணம் த்வயா |
ஸ்மரத்³பி⁴ரிவ தத்³வைரமிந்த்³ரியைரேவ நிர்ஜித꞉ || 6-111-18
யதை³வ ஹி ஜனஸ்தா²னே ராக்ஷஸைர்ப³ஹுபி⁴ர்வ்ருத꞉ |
க²ரஸ்தவ ஹதோ ப்⁴ராதா ததை³வாஸௌ ந மானுஷ꞉ || 6-111-19
யதை³வ நக³ரீன் லங்கான் து³ஷ்ப்ரவேஷாம் ஸுரைரபி |
ப்ரவிஷ்டோ ஹனுமான்வீர்யாத்ததை³வ வ்யதி²தா வயம் || 6-111-20
க்ரியதாமவிரோத⁴ஷ்²ச ராக⁴வேணேதி யன்மயா |
உச்யமானோ ந க்³ருஹ்ணாஸி தஸ்யேயன் வ்யுஷ்டிராக³தா || 6-111-21
அகஸ்மாச்சாபி⁴காமோஅஸி ஸீதான் ராக்ஷஸபுங்க³வ |
ஐஷ்²வர்யஸ்ய விநாஷா²ய தே³ஹஸ்ய ஸ்வஜனஸ்ய ச || 6-111-22
அருந்த⁴த்யா விஷி²ஷ்டான் தான் ரோஹிண்யாஷ்²சாபி து³ர்மதே |
ஸீதான் த⁴ர்ஷயதா மான்யாம் த்வயா ஹ்யஸத்³ருஷ²ம் க்ருதம் || 6-111-23
வஸுதா⁴யா ஹி வஸுதா⁴ம் ஷ்²ரிய꞉ ஶ்ரீம் ப⁴ர்த்ருவத்ஸலாம் |
ஸீதாம் ஸர்வானவத்³யாங்கீ³மரண்யே விஜனே ஷு²பா⁴ம் || 6-111-24
ஆனயித்வா து தாம் தீ³னாம் சத்³மனாத்மஸ்வதூ³ஷண |
அப்ராப்ய தம் சைவ காமம் மைதி²லீஸங்க³மே க்ருதம் || 6-111-25
பதிவ்ரதாயாஸ்தபஸா நூனம் த³க்³தோ⁴(அ)ஸி மே ப்ரபோ⁴ |
ததை³வ யன்ன த³க்³த⁴ஸ்த்வம் த⁴ர்ஷயம்ஸ்தனுமத்⁴யமாம் || 6-111-26
தே³வா பி³ப்⁴யத தே ஸர்வே ஸேந்த்³ரா꞉ ஸாக்³னிபுரோக³மா꞉ |
அவஷ்²யமேவ லப⁴தே ப²லம் பாபஸ்ய கர்மண꞉ |
கோ⁴ரம் பர்யாக³தே காலே கர்தா நாஸ்த்யத்ர ஸம்ஷ²ய꞉ || 6-111-27
ஷு²ப⁴க்ருச்சு²ப⁴மாப்னோதி பாபக்ருத்பாபமஷ்²னுதே |
விபீ⁴ஷண꞉ ஸுக²ம் ப்ராப்தஸ்த்வம் ப்ராப்த꞉ பாபமீத்³ருஷ²ம் || 6-111-28
ஸந்த்யன்யா꞉ ப்ரமதா³ஸ்துப்⁴யம் ரூபேணாப்⁴யதி⁴காஸ்தத꞉ |
அனங்க³வஷ²மாபன்னஸ்த்வம் து மோஹான்ன பு³த்⁴யஸே || 6-111-29
ந குலேன ந ரூபேண ந தா³க்ஷிண்யேன மைதி²லீ |
மயாதி⁴கா வா துல்யா வா த்வன் து மோஹான்ன பு³த்⁴யஸே || 6-111-30
ஸர்வதா² ஸர்வபூ⁴தானாம் நாஸ்தி ம்ருத்யுரளக்ஷண꞉ |
தவ தாவத³யம் ம்ருத்யுர்மைதி²லீக்ருதலக்ஷண꞉ || 6-111-31
ஸீதாநிமித்தஜோ ம்ருத்யுஸ்த்வயா தூ³ராது³பாஹ்ருத꞉ |
மைதி²லீ ஸஹ ராமேண விஷோ²கா விஹரிஷ்யதி || 6-111-32
அல்பபுண்யா த்வஹன் கோ⁴ரே பதிதா ஷோ²கஸாக³ரே |
கைலாஸே மந்த³ரே மேரௌ ததா² சைத்ரரதே² வனே || 6-111-33
தே³வோத்³யானேஷு ஸர்வேஷு விஹ்ருத்ய ஸஹிதா த்வயா |
விமானேனானுரூபேண யா யாம்யதுலயா ஷ்²ரியா || 6-111-34
பஷ்²யந்தீ விவிதா⁴ந்தே³ஷா²ன்ஸ்தான்ஸ்தாம்ஷ்²சித்ரஸ்ரக³ம்ப³ரா |
ப்⁴ரம்ஷி²தா காமபோ⁴கே³ப்⁴ய꞉ ஸாஸ்மி வீரவதா⁴த்தவ || 6-111-35
ஹா ராஜன் ஸுகுமாரம் தே ஸுப்⁴ரு ஸுத்வக்ஸமுன்னஸம் || 6-111-36
காந்திஶ்ரீத்³யுதிபி⁴ஸ்துல்யமிந்து³பத்³மதி³வாகரை꞉ |
கிரீடகூடோஜ்ஜ்வலிதம் தாம்ராஸ்யம் தீ³ப்தகுண்ட³லம் || 6-111-37
மத³வ்யாகுலலோலாக்ஷம் பூ⁴த்வா யத்பானபூ⁴மிஷு |
விவித⁴ஸ்ரக்³த⁴ரம் சாரு வல்கு³ஸ்மிதகத²ம் ஷு²ப⁴ம் || 6-111-38
ததே³வாத்³ய தவைவம் ஹி வக்த்ரம் ந ப்⁴ராஜதே ப்ரபோ⁴ |
ராமஸாயகநிர்பி⁴ன்னம் ரக்தம் ருதி⁴ரவிஸ்ரவை꞉ || 6-111-39
வீஷீ²ர்ணமேதோ³மஸ்திஷ்கம் ரூக்ஷம் ஸ்யந்த³னரேணுபி⁴꞉ |
ஹா பஷ்²சிமா மே ஸம்ப்ராப்த த³ஷா² வைத⁴வ்யதா³யினீ || 6-111-40
யா மயாஸீன்ன ஸம்பு³த்³தா⁴ கதா³சித³பி மந்த³யா |
பிதா தா³னவராஜோ மே ப⁴ர்தா மே ராக்ஷஸேஷ்²வர꞉ || 6-111-41
புத்ரோ மே ஷ²க்ரனி ர்ஜேதா இத்யஹம் க³ர்விதா ப்⁴ருஷ²ம் |
த்³ருப்தாரிமர்த³னா꞉ ஷூ²ரா꞉ ப்ரக்²யாதப³லபௌருஷா꞉ || 6-111-42
அகுதஷ்²சித்³ப⁴யா நாதா² மமேத்யாஸீன்மதிர்த்³ருடா⁴ |
தேஷாமேவம்ப்ரபா⁴வாணாம் யுஷ்மாகம் ராக்ஷஸர்ஷபா⁴꞉ || 6-111-43
கத²ம் ப⁴யமஸம்பு³த்³த⁴ம் மானுஷாதி³த³மாக³தம் |
ஸ்னிக்³தே³ந்த்³ரநீலநீலம் து ப்ராம்ஷு²ஷை²லோபமம் மஹத் || 6-111-44
கேயூராங்க³த³வைதூ³ர்யமுக்தாஹாரஸ்ரகு³ஜ்ஜ்வலம் |
காந்தம் விஹாரேஷ்வதி⁴கம் தீ³ப்தம் ஸங்க்³ராமபூ⁴மிஷு || 6-111-45
பா⁴த்யப⁴ரணபா⁴பி⁴ர்யத்³வித்³யுத்³பி⁴ரிவ தோயத³꞉ |
ததே³வாத்³ய ஷ²ரீரம் தே தீக்ஷ்ணைர்னைகஷ²ரைஷ்²சிதம் || 6-111-46
புனர்து³ர்லப⁴ஸம்ஸ்பர்ஷ²ம் பரிஷ்வக்தும் ந ஷ²க்யதே |
ஷ்²வாவித⁴꞉ ஷ²லகைர்யத்³வத்³பா³ணைர்லக்³னைர்நிரந்தரம் || 6-111-47
ஸ்வர்பிதைர்மர்மஸு ப்⁴ருஷ²ம் ஸஞ்சின்னஸ்னாயுப³ந்த⁴னம் |
க்ஷிதௌ நிபதிதம் ராஜன் ஷ்²யாமம் வை ருதி⁴ரச்ச²வி || 6-111-48
வ்ஜ்ரப்ரஹாராபி⁴ஹதோ விகீர்ண இவ பர்வத꞉ |
ஹா ஸ்வப்ன꞉ ஸத்யமேவேத³ம் த்வம் ராமேண கத²ம் ஹத꞉ || 6-111-49
த்வம் ம்ருத்யோரபி ம்ருத்யு꞉ ஸ்யா꞉ கத²ம் ம்ருத்யுவஷ²ம் க³த꞉ |
த்ரைலோக்யவஸுபோ⁴க்தாரம் த்ரைலோக்யோத்³வேக³த³ம் மஹத் || 6-111-50
ஜேதாரம் லோகபாலானாம் க்ஷேப்தாரம் ஷ²ங்கரஸ்ய ச |
த்³ருப்தானாம் நிக்³ரஹீதாரமாவிஷ்க்ருதபராக்ரமம் || 6-111-51
லோகக்ஷோப⁴யிதாரம் ச நாதை³ர்பூ⁴தவிராவிணம் |
ஓஜஸா த்³ருப்தவாக்யானாம் வக்தாரம் ரிபுஸம்நிதௌ⁴ || 6-111-52
ஸ்வயூத²ப்⁴ருத்யகோ³ப்தாரம் ஹந்தாரம்பீ⁴மகர்மணாம் |
ஹந்தாரம் தா³னவேந்த்³ராணாம் யக்ஷாணாம் ச ஸஹஸ்ரஷ²꞉ || 6-111-53
நிவாதகவசானாம் ச ஸங்க்³ரஹீதாரமாஹவே |
நைகயஜ்ஞவிளோப்தாரம் த்ராதாரம் ஸ்வஜனஸ்ய ச || 6-111-54
த⁴ர்மவ்யவஸ்தா²பே⁴த்தாரம் மாயாஸ்ரஷ்டாரமாஹவே |
தே³வாஸுரந்ருகன்யாநாமாஹர்தாரம் ததஸ்தத꞉ || 6-111-55
ஷ²த்ருஸ்த்ரீஷோ²கதா³தாரம் நேதாரம் ஸ்வஜனஸ்ய ச |
லங்காத்³வீபஸ்ய கோ³ப்தாரம் கர்தாரம் பீ⁴மகர்மணாம் || 6-111-56
அஸ்மாகம் காமபோ⁴கா³னாம் தா³தாரம் ரதி²னாம் வரம் |
ஏவம்ப்ரபா⁴வம் ப⁴ர்தாரம் த்³ருஷ்ட்வா ராமேண பாதிதம் || 6-111-57
ஸ்தி²ராஸ்மி யா தே³ஹமிமம் தா⁴ரயாமி ஹதப்ரியா |
ஷ²யனேஷு மஹார்ஹேஷு ஷ²யித்வா ராக்ஷஸேஷ்²வர || 6-111-58
இஹ கஸ்மாத்ப்ராஸுப்தோ(அ)ஸி த⁴ரண்யாம் ரேணுகு³ண்டி²த꞉ |
யதா³ தே தனய꞉ ஷ²ஸ்தோ லக்ஷ்மணேனேந்த்³ரஜித்³யுதி⁴ || 6-111-59
ததா³ த்வபி⁴ஹதா தீச்ரமத்³ய த்வஸ்மி நிபாதிதா |
ஸாஹம் ப³ந்து⁴ஜனைர்ஹீனா ஹீனா நாதே²ன ச த்வயா || 6-111-60
விஹீனா காமபோ⁴கை³ஷ்²ச ஷோ²சிஷ்யே ஷா²ஷ்²வதீ꞉ ஸமா꞉ |
ப்ரபன்னோ தீ³ர்க⁴மத்⁴வானம் ராஜன்னத்³ய ஸுது³ர்க³மம் || 6-111-61
நய மாமபி து³꞉கா²ர்தாம் ந வர்திஷ்யே த்வயா வினா |
கஸ்மாத்த்வம் மாம் விஹாயேஹ க்ருபணாம் க³ந்துமிச்ச²ஸி || 6-111-62
தீ³னாம் விளபதீம் மந்தா³ம் கிம் வா மாம் நாபி⁴பா⁴ஷஸே |
த்³ருஷ்ட்வா ந க²ல்வபி⁴க்ருத்³தோ⁴ மாமிஹானவகு³ண்டி²தாம் || 6-111-63
நிர்க³தாம் நக³ரத்³வாராத்பத்³ப்⁴யாமேவாக³தாம் ப்ரபோ⁴ |
பஷ்²யேஷ்டதா³ர தா³ராம்ஸ்தே ப்⁴ரஷ்டலஜ்ஜாவகு³ண்ட²னான் || 6-111-64
ப³ஹிர்நிஷ்பதிதான் ஸர்வான் கத²ம் த்³ருஷ்ட்வா ந குப்யஸி |
அயம் க்ரீடா³ஸஹாயஸ்தே(அ)நாதோ² லாலப்யதே ஜன꞉ || 6-111-65
ந சைனமாஷ்²வாஸயஸி கிம் வா ந ப³ஹுமன்யஸே |
யாஸ்த்வயா வித⁴வா ராஜன் க்றிதா நைகா꞉ குலஸ்த்ரிய꞉ || 6-111-66
பதிவ்ரதா த⁴ர்மரதா கு³ருஷு²ஷ்²ரூஷணே ரதா꞉ |
தாபி⁴꞉ ஷோ²காபி⁴தப்தாபி⁴꞉ ஷ²ப்த꞉ பரவஷ²ம் க³த꞉ || 6-111-67
த்வயா விப்ரக்ருதாபி⁴ர்யத்ததா³ ஷ²ப்தம் ததா³க³தம் |
ப்ரவாத³꞉ ஸத்ய ஏவாயம் த்வாம் ப்ரதி ப்ராயஷோ² ந்ருப || 6-111-68
பதிவ்ரதானாம் நாகஸ்மாத்பதந்த்யஷ்²ரூனி பூ⁴தலே |
கத²ம் ச நாம தே ராஜன் லோகானாக்ரம்ய தேஜஸா || 6-111-69
நாரீசௌர்யமித³ம் க்ஷுத்³ரம் க்ருதம் ஷௌ²ண்டீ³ர்யமானினா |
அபனீயாஷ்²ரமாத்³ராமம் யன்ம்ருக³ச்சத்³மனா த்வயா || 6-111-70
ஆனீதா ராமபத்னீ ஸ தத்தே காதர்யலக்ஷணம் |
காதர்யம் ந ச தே யுத்³தே⁴ கதா³சித்ஸம்ஸ்மராம்யஹம் || 6-111-71
தத்து பா⁴க்³யவிபர்யாஸான்னூனம் தே பக்வலக்ஷணம் |
அதீதாநாக³தார்த²ஜ்ஞோ வர்தமானவிசக்ஷண꞉ || 6-111-72
மைதி²லீமாஹ்ருதாம் த்³ருஷ்ட்வா த்⁴யாத்வா நி꞉ஷ்²வஸ்ய சாயதம் |
ஸத்யவாக்ஸ மஹாபா³ஹோ தே³வரோ மே யத³ப்³ரவீத் || 6-111-73
அயன் ராக்ஷஸமுக்²யானாம் விநாஷ²꞉ பர்யுபஸ்தி²த꞉ |
காமக்ரோத⁴ஸமுத்தே²ன வ்யஸனேன ப்ரஸங்கி³னா || 6-111-74
நிர்வ்ருத்தஸ்த்வத்க்ருதே(அ)னர்த²꞉ ஸோ(அ)யம் மூலஹரோ மஹான் |
த்வயா க்ருதமித³ன் ஸர்வமநாத²ம் ரக்ஷஸான் குலம் || 6-111-75
ந ஹி த்வன் ஷோ²சிதவ்யோ மே ப்ரக்²யாதப³லபௌருஷ꞉ |
ஸ்த்ரீஸ்வபா⁴வாத்து மே பு³த்³தி⁴꞉ காருண்யே பரிவர்ததே || 6-111-76
ஸுக்ருதன் து³ஷ்க்ருதம் ச த்வம் க்³ருஹீத்வா ஸ்வாம் க³திம் க³த꞉ |
ஆத்மானமனுஷோ²சாமி த்வத்³வியோகே³ன து³꞉கி²தாம் || 6-111-77
ஸுஹ்ருதா³ம் ஹிதகாமானாம் ந ஷ்²ருதம் வசனம் த்வயா |
ப்⁴ராத்ருஇணாம் சைவ கார்த்ஸ்ன்யேன ஹிதமுக்தம் த³ஷா²னன || 6-111-78
ஹேத்வர்த²யுக்தம் விதி⁴வச்ச்²ரேயஸ்கரமதா³ருணம் |
விபீ⁴ஷணேநாபி⁴ஹிதம் ந க்ருதம் ஹேதுமத்த்வயா || 6-111-79
மாரீசகும்ப⁴கர்ணாப்⁴யாம் வாக்யம் மம பிதுஸ்ததா² |
ந ஷ்²ருதம் வீர்யமத்தேன தஸ்யேத³ம் ப²லமீத்³ருஷ²ம் || 6-111-80
நீலஜீமூதஸங்காஷ² பீதாம்ப⁴ர ஷு²பா⁴ங்க³த³ |
ஸ்வகா³த்ராணி விநிக்ஷிப்ய கிம் ஷே²ஷே ருதி⁴ராப்லுத꞉ || 6-111-81
ப்ரஸுப்த இவ ஷோ²கார்தாம் கிம் மாம் ந ப்ரதிபா⁴ஷஸே |
மஹாவீர்யஸ்ய த³க்ஷஸ்ய ஸம்யுகே³ஷ்வபலாயின꞉ || 6-111-82
யாதுதா⁴னஸ்ய தௌ³ஹித்ர கிம் மாம் ந ப்ரதிபா⁴ஷஸே |
உத்திஷ்டோ²த்திஷ்ட கிம் ஷே²ஷே நவே பரிப⁴வே க்ருதே || 6-111-83
அத்³ய வை நிர்ப⁴யா லங்காம் ப்ரவிஷ்டா꞉ ஸூர்யரஷ்²மய꞉ |
யேன ஸூத³யஸே ஷ²த்ரூன் ஸமரே ஸூர்யவர்சஸா || 6-111-84
வஜ்ரம் வஜ்ரத⁴ரஸ்யேவ ஸோ(அ)யம் தே ஸததார்சித꞉ |
ரணே ப³ஹுப்ரஹரணோ ஹேமஜாலபரிஷ்க்ருத꞉ || 6-111-85
பரிகோ⁴ வ்யவகீர்ணஸ்தே பா³ணைஷ்²சி²ன்ன꞉ ஸஹஸ்ரதா⁴ |
ப்ரியாமிவோபஸங்க்³ருஹ்ய கிம் ஷே²ஷே ரணமேதி³னீம் || 6-111-86
அப்ரியாமிவ கஸ்மாச்ச மாம் நேச்ச²ஸ்யபி⁴பா⁴ஷிதும் |
தி⁴க³ஸ்து ஹ்ருத³யன் யஸ்யா மமேத³ம் ந ஸஹஸ்ரதா⁴ || 6-111-87
த்வயி பஞ்சத்வமாபன்னே ப²லதே ஷோ²கபீடி³தம் |
இத்யேவம் விளபந்தீ ஸா பா³ஷ்பபர்யாகுலேக்ஷணா || 6-111-88
ஸ்னேஹோபஸ்கன்னஹ்ருத³யா ததா³ மோஹமுபாக³மத் |
கஷ்²மலாபி⁴ஹதா ஸன்னா ப³பௌ⁴ ஸா ராவணோரஸி || 6-111-89
ஸந்த்⁴யானுரக்தே ஜலதே³ தீ³ப்தா வித்³யுதி³வோஜ்ஜ்வலா |
ததா²க³தாம் ஸமுத்தா²ப்ய ஸபத்ன்யஸ்தாம் ப்⁴ருஷா²துரா꞉ || 6-111-90
பர்யவஸ்தா²பயாமாஸூ ருத³ந்த்யோ ருத³தீம் ப்⁴ருஷ²ம் |
கிம் தே ந விதி³தா தே³வி லோகானாம் ஸ்தி²திரத்⁴ருவா || 6-111-91
த³ஷா²விபா⁴க³பர்யாயே ராஜ்ஞாம் வை சஞ்சலா꞉ ஷ்²ரிய꞉ |
இத்யேவமுச்யமானா ஸா ஸஷ²ப்³த³ம் ப்ரருதோ³த³ ஹ || 6-111-92
ஸ்னாபயந்தீ ததா³ஸ்ரேண ஸ்தனௌ வக்த்ரம் ஸுநிர்மலம் |
ஏதஸ்மின்னந்தரே ராமோ விபீ⁴ஷணமுவாச ஹ || 6-111-93
ஸன்ஸ்கார꞉ க்ரியதாம் ப்⁴ராது꞉ ஸ்த்ரியஷ்²சைதா நிவர்தய |
தமுவாச ததோ தீ⁴மான் விபீ⁴ஷண இத³ம் வச꞉ || 6-111-94
விம்ருஷ்²ய பு³த்³த்⁴யா த⁴ர்மஜ்ஞோ த⁴ர்மார்த²ஸஹிதம் ஹிதம் |
த்யக்தத⁴ர்மவ்ரதன் க்ரூரம் ந்ருஷ²ன்ஸமந்ருதம் ததா² || 6-111-95
நாஹமர்ஹோஅஸ்மி ஸன்ஸ்கர்தும் பரதா³ராபி⁴மர்ஷ²கம் |
ப்⁴ராத்ருரூபோ ஹி மே ஷ²த்ருரேஷ ஸர்வாஹிதே ரத꞉ || 6-111-96
ராவணோ நார்ஹதே பூஜாம் பூஜ்யோஅபி கு³ருகௌ³ரவாத் |
ந்ருஷ²ன்ஸ இதி மான் ராம வக்ஷ்யந்தி மனுஜா பு⁴வி || 6-111-97
ஷ்²ருத்வா தஸ்ய கு³ணான்ஸர்வே வக்ஷ்யந்தி ஸுக்ருதம் புன꞉ |
தச்ச்²ருத்வா பரமப்ரீதோ ராமோ த⁴ர்மப்⁴ருதான் வர꞉ || 6-111-98
விபீ⁴ஷணமுவாசேத³ன் வாக்யஜ்ஞோ வாக்யகோவித³ம் |
தவாபி மே ப்ரியன் கார்யம் த்வத்ப்ரப⁴வாச்ச மே ஜிதம் || 6-111-99
அவஷ்²யன் து க்ஷமன் வாச்யோ மயா த்வம் ராக்ஷஸேஷ்²வர |
அத⁴ர்மாந்ருதஸன்யுக்த꞉ காமமேஷ நிஷா²சர꞉ || 6-111-100
தேஜஸ்வீ ப³லவாஞ்ஷூ²ர꞉ ஸங்க்³ராமேஷு ச நித்யஷ²꞉ |
ஷ²தக்ரதுமுகை²ர்தே³வை꞉ ஷ்²ரூயதே ந பராஜித꞉ || 6-111-101
மஹாத்மா ப³லஸம்பன்னோ ராவணோ லோகராவண꞉ |
மரணாந்தானி வைராணி நிர்வ்ருத்தம் ந꞉ ப்ரயோஜனம் || 6-111-102
க்ரியதாமஸ்ய ஸன்ஸ்காரோ மமாப்யேஷ யதா² தவ |
த்வத்ஸகாஷா²ன்மஹாபா³ஹோ ஸன்ஸ்காரன் விதி⁴பூர்வகம் || 6-111-103
பாப்து மர்ஹதி த⁴ர்மேண த்வம் யஷோ²பா⁴க்³ப⁴விஷ்யஸி |
ராக⁴வஸ்ய வச꞉ ஷ்²ருத்வா த்வரமாணோ விபீ⁴ஷண꞉ || 6-111-104
ஸன்ஸ்காரேணானுரூபேண ப்⁴ராதரம் ராவணம் ஹதம் |
ஸ ப்ரவிஷ்²ய புரீம் லங்காம் ராக்ஷஸேந்த்³ரோ விபீ⁴ஷண꞉ || 6-111-105
ராவனஸ்யாக்³னிஹோத்ரம் து நிர்யாபயதி ஸத்வரம் |
ஷ²கடான் தா³ருரூபாணி அக்³னீன் வை யாஜகாம்ஸ்ததா² || 6-111-106
ததா² சந்த³னகாஷ்டா²னி காஷ்டா²னி விவிதா⁴னி ச |
அக³ரூணி ஸுக³ந்தீ⁴னி க³ந்தா⁴ம்ஷ்²ச ஸுரபீ⁴ம்ஸ்ததா² || 6-111-107
மணிமுக்தாப்ரவாளானி நிர்யாபயதி ராக்ஷஸ꞉ |
ஆ ஜகா³ம முஹூர்தேன ராக்ஷஸை꞉ பரிவாரித꞉ || 6-111-108
ததோ மால்யவதா ஸார்த⁴ம் க்ரியாமேவ சகார ஸ꞉ |
ஸௌவர்ணீம் ஷி²பி³காம் தி³வ்யாமாரோப்ய க்ஷௌமவாஸஸம் || 6-111-109
ராவணம் ராக்ஷஸாதி⁴ஷ²மஷ்²ருபூர்ணமுகா² த்³விஜா꞉ |
தூர்யகோ⁴ஷைஷ்²ச விவிதை⁴꞉ ஸ்துவத்³பி⁴ஷ்²சாபி⁴னந்தி³தம் || 6-111-110
பதாகாபி⁴ஷ்²ச சித்ராபி⁴꞉ ஸுமனோபி⁴ஷ்²ச சித்ரிதாம் |
உத்க்ஷிப்ய ஷி²பி³காம் தாம் து விபீ⁴ஷணபுரோக³மா꞉ || 6-111-111
த³க்ஷிணாபி⁴முகா²꞉ ஸர்வே க்³ருஹ்ய காஷ்டா²னி பே⁴ஜிரே |
அக்³னயோ தீ³ப்யமானாஸ்தே ததா³த்⁴வர்யுஸமீரிதா꞉ || 6-111-112
ஷ²ரணாபி⁴க³தாஹ் ஸர்வே புரஸ்தத்தஸ்ய தே யயு꞉ |
அந்த꞉புராணி ஸர்வாணி ருத³மானானி ஸத்வரம் || 6-111-113
ப்ருஷ்ட²தோ(அ)னுயயுஸ்தானி ப்லவமானானி ஸர்வத꞉ |
ராவணம் ப்ரயதே தே³ஷே² ஸ்தா²ப்ய தே ப்⁴ருஷ²து³꞉கி²தா꞉ || 6-111-114
சிதாம் சந்த³னகாஷ்டை²ஷ்²ச பத்³மகோஷீ²ரஸம்வ்ருதாம் |
ப்³ராஹ்ம்யா ஸம்வர்தயாமாஸூ ராங்கவாஸ்தரணாவ்ருதாம் || 6-111-115
வர்ததே வேத³விஹிதோ ராஜ்ஞோ வை பஷ்²சிம꞉ க்ரது꞉ |
ப்ரசக்ரூ ராக்ஷஸேந்த்³ரஸ்ய பித்ற்^மேத⁴மனுத்தமம் || 6-111-116
வேதி³ம் ச த³க்ஷிணப்ராச்யாம் யதா²ஸ்தா²னம் ச பாவகம் |
ப்ருஷதா³ஜ்யேன ஸம்பூர்ணம் ஸ்ருவம் ஸ்கந்தே⁴ ப்ரசிக்ஷிபு꞉ || 6-111-117
பாத³யோ꞉ ஷ²கடம் ப்ராது³ரூர்வோஷ்²சோலூக²லம் ததா³ |
தா³ருபாத்ரானி ஸர்வாணி அரணிம் சோத்தராரணிம் || 6-111-118
த³த்த்வா து முஸலம் சான்யம் யதா²ஸ்தா²னம் விசக்ரமு꞉ |
ஷா²ஸ்த்ரத்³ருஷ்டேன விதி⁴னா மஹர்ஷிவிஹிதேன ச || 6-111-119
தத்ர மேத்⁴யம் பஷு²ம் ஹத்வா ராக்ஷஸேந்த்³ரஸ்ய ராக்ஷஸா꞉ |
பரிஸ்தரணீகாம் ராஜ்ஞோக்⁴ருதாக்தாம் ஸமவேஷ²யன் || 6-111-120
க³ந்தை⁴ர்மால்யைரளங்க்ருத்ய ராவணம் தீ³நாமானஸா꞉ || 6-111-121
விபீ⁴ஷணஸஹாயாஸ்தே வஸ்த்த்ரைஷ்²ச விவிதை⁴ரபி |
லாஜைரவகிரந்தி ஸ்ம பா³ஷ்பபூர்ணமுகா²ஸ்ததா² || 6-111-122
ஸ த³தௌ³ பாவகன் தஸ்ய விதி⁴யுக்தன் விபீ⁴ஷண꞉ |
ஸ்னாத்வா சைவார்த்³ரவஸ்த்ரேண திலான் த³ர்ப⁴விமிஷ்²ரிதான் || 6-111-123
உத³கேன ச ஸம்மிஷ்²ரான் ப்ரதா³ய விதி⁴பூர்வகம் |
ப்ரதா³ய சோத³கம் தஸ்மை மூர்த்⁴னா சைனம் நமஸ்ய ச || 6-111-124
தா꞉ ஸ்த்ரியோஅனுனயாமாஸ ஸாந்த்வமுக்த்வா புன꞉ புன꞉ |
க³ம்யதாமிதி தா꞉ ஸர்வா விவிஷு²ர்நக³ரம் தத꞉ || 6-111-125
ப்ரவிஷ்டாஸு ச ஸர்வாஸு ராக்ஷஸீஷு விபீ⁴ஷண꞉ |
ராமபார்ஷ்²வமுபாக³ம்ய ததா³திஷ்ட²த்³வினீதவத் || 6-111-126
ராமோஅபி ஸஹ ஸைன்யேன ஸஸுக்³ரீவ꞉ ஸலக்ஷ்மண꞉ |
ஹர்ஷன் லேபே⁴ ரிபும் ஹத்வா யதா² வ்ருத்ரம் வஜ்ரத⁴ரோ யதா² || 6-111-127
ததோ விமுக்த்வா ஸஷ²ரம் ஷ²ராஸனம் |
மஹேந்த்³ரத³த்தம் கவசம் ச தன்மஹத் |
விமுச்ய ரோஷம் ரிபுநிக்³ரஹாத்ததோ |
ராம꞉ ஸுஸௌம்யத்வமுபாக³தோ(அ)ரிஹ || 6-111-128
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஏகாத³ஷா²தி⁴கஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
