வால்மீகி ராமாயணே ஆதி³ காவ்யே யுத்³த⁴காண்டே³ ஸப்தோத்தரஷ²ததம꞉ ஸர்க³꞉
தத꞉ ப்ரவ்ருத்தம் ஸுக்ரூரம் ராமராவணயோஸ்ததா³ |
ஸுமஹத்³த்³வைரத²ம் யுத்³த⁴ம் ஸர்வலோகப⁴யாவஹம் ||6-107-1
ததோ ராக்ஷஸஸைன்யம் ச ஹரீணாம் ச மஹத்³ப³லம் |
ப்ரக்³ருஹீதப்ரஹரணம் நிஷ்²சேஷ்டம் ஸமதிஷ்ட²த ||6-107-2
ஸம்ப்ரயுத்³தௌ⁴ ததோ த்³ருஷ்ட்வா ப³லவன்னரராக்ஷஸௌ |
வ்யாக்ஷிப்தஹ்ருத³யா꞉ ஸர்வே பரம் விஸ்மயமாக³தா꞉ ||6-107-3
நானாப்ரஹரணைர்வ்யக்³ரைர்பு⁴ஜைர்விஸ்மிதபு³த்³த⁴ய꞉ |
தஸ்து²꞉ ப்ரேக்ஷ்ய ச ஸங்க்³ராமம் நாபி⁴ஜக்⁴னு꞉ பரஸ்பரம் ||6-107-4
ரக்ஷஸாம் ராவணம் சாபி வானராணாம் ச ராக⁴வம் |
பஷ்²யதாம் விஸ்மிதாக்ஷாணாம் ஸைன்யம் சித்ரமிவாப³பௌ⁴ ||6-107-5
தே து தத்ர நிமித்தானி த்³ருஷ்ட்வா ராக⁴வராவணௌ |
க்ருதபு³த்³தீ⁴ ஸ்தி²ராமர்ஷௌ யுயுதா⁴தே அபீ⁴தவத் ||6-107-6
ஜேதவ்யமிதி காகுத்ஸ்தோ² மர்தவ்யமிதி ராவண꞉ |
த்⁴ருதௌ ஸ்வவீர்யஸர்வஸ்வம் யுத்³தே⁴(அ)த³ர்ஷ²யதாம் ததா³ ||6-107-7
தத꞉ க்ரோதா⁴த்³த³ஷ²க்³ரீவ꞉ ஷ²ரான்ஸந்தா⁴ய வீர்யவான் |
முமோச த்⁴வஜமுத்³தி³ஷ்²ய ராக⁴வஸ்ய ரதே² ஸ்தி²தம் ||6-107-8
தே ஷ²ராஸ்தமனாஸாத்³ய புரந்த³ரரத²த்⁴வஜம் |
ரக்தஷ²க்திம் பராம்ருஷ்²ய நிபேதுர்த⁴ரணீதலே ||6-107-9
ததோ ராமோ(அ)பி⁴ஸங்க்ருத்³த⁴ஷ்²சாபமாயம்ய வீர்யவான் |
க்ருதப்ரதிக்ருதம் கர்தும் மனஸா ஸம்ப்ரசக்ரமே ||6-107-10
ராவணத்⁴வஜமுத்³தி³ஷ்²ய முமோச நிஷி²தம் ஷ²ரம் |
மஹாஸர்பமிவாஸஹ்யம் ஜ்வலந்தம் ஸ்வேன தேஜஸா ||6-107-11
ராமஷ்²சிக்ஷேப தேஜஸ்வீ கேதுமுத்³தி³ஷ்²ய ஸாயகம் |
ஜகா³ம ஸ மஹீம் பி⁴த்த்வா த³ஷ²க்³ரீவத்⁴வஜம் ஷ²ர꞉ ||6-107-12
ஸ நிக்ருத்தோ(அ)பதத்³பூ⁴மௌ ராவணஸ்ய ரத²த்⁴வஜ꞉ |
த்⁴வஜஸ்யோன்மத²னம் த்³ருஷ்ட்வா ராவண꞉ ஸுமஹாப³ல꞉ ||6-107-13
க்ரோத⁴ஜேநாக்³னினா ஸங்க்²யே ப்ரதீ³ப்த இவ சாப⁴வத் |
ஸ ரோஷவஷ²மாபன்ன꞉ ஷ²ரவர்ஷம் மஹத்³வமன் ||6-107-14
ராமஸ்ய துரகா³ந்தி³வ்யாஞ்ஷ²ரைர்விவ்யாத⁴ ராவண꞉ |
தே வித்³தா⁴ ஹரயஸ்தஸ்ய நாஸ்க²லன்னாபி ப³ப்⁴ரமு꞉ ||6-107-15
ப³பூ⁴வு꞉ ஸ்வஸ்த²ஹ்ருத³யா꞉ பத்³மனாலைரிவாஹதா꞉ |
தேஷாமஸம்ப்⁴ரமம் த்³ருஷ்ட்வா வாஜினாம் ராவணஸ்ததா³ ||6-107-16
பூ⁴ய ஏவ ஸுஸங்க்ருத்³த⁴꞉ ஷ²ரவர்ஷம் முமோச ஹ |
க³தா³ஷ்²ச பரிகா⁴ம்ஷ்²சைவ சக்ராணி முஸலானி ச ||6-107-17
கி³ரிஷ்²ருங்கா³ணி வ்ருக்ஷாம்ஷ்²ச ததா² ஷூ²லபரஷ்²வதா⁴ன் |
மாயா விஹிதமேதத்து ஷ²ஸ்த்ரவர்ஷமபாதயத் ||6-107-18
ஸஹஸ்ரஷ²ஸ்ததோ பா³ணானஷ்²ராந்தஹ்ருத³யோத்³யம꞉ |
துமுலம் த்ராஸஜனனம் பீ⁴மம் பீ⁴மப்ரதிஸ்வனம் ||6-107-19
து³ர்த⁴ர்ஷமப⁴வத்³யுத்³தே⁴ நைகஷ²ஸ்த்ரமயம் மஹத் |
விமுச்ய ராக⁴வரத²ம் ஸமந்தாத்³வானரே ப³லே ||6-107-20
ஸாயகைரந்தரிக்ஷம் ச சகாராஷு² நிரந்தரம் |
முமோச ச த³ஷ²க்³ரீவோ நி꞉ஸங்கே³னாந்தராத்மனா || 6-107-21
வ்யாயச்ச²மானம் தம் த்³ருஷ்ட்வா தத்பரம் ராவணம் ரணே |
ப்ரஹஸன்னிவ காகுத்ஸ்த²꞉ ஸந்த³தே⁴ நிஷி²தான் ஷ²ரான் ||6-107-22
ஸ முமோச ததோ பா³ணான்ரணே ஷ²தஸஹஸ்ரஷ²꞉ |
தான் த்³ருஷ்ட்வா ராவணஷ்²சக்ரே ஸ்வஷ²ரை꞉ க²ம் நிரந்தரம் ||6-107-23
ததஸ்தாப்⁴யாம் ப்ரயுக்தேன ஷ²ரவர்ஷேண பா⁴ஸ்வதா |
ஷ²ரப³த்³த⁴மிவாபா⁴தி த்³விதீயம் பா⁴ஸ்வத³ம்ப³ரம் ||6-107-24
நாநிமித்தோ(அ)ப⁴வத்³பா³ணோ நாதிபே⁴த்தா ந நிஷ்ப²ல꞉ |
அன்யோன்யமபி⁴ஸம்ஹத்ய நிபேதுர்த⁴ரணீதலே ||6-107-25
ததா² விஸ்ருஜதோர்பா³ணான்ராமராவணயோர்ம்ருதே⁴ |
ப்ராயுத்⁴யேதாமவிச்சி²ந்நமஸ்யந்தௌ ஸவ்யத³க்ஷிணம் ||6-107-26
சக்ரதுஸ்தௌ ஷ²ரௌகை⁴ஸ்து நிருச்ச்²வாஸமிவாம்ப³ரம் |
ராவணஸ்ய ஹயான்ராமோ ஹயான்ராமஸ்ய ராவண꞉ ||6-107-27
ஜக்⁴னதுஸ்தௌ ததா³ன்யோன்யம் க்ருதானுக்ருதகாரிணௌ |
ஏவம் து தௌ ஸுஸங்க்ருத்³தௌ⁴ சக்ரதுர்யுத்³த⁴முத்தமம் ||6-107-28
முஹூர்தமப⁴வத்³யுத்³த⁴ம் துமுலம் ரோமஹர்ஷணம் |
ப்ரயுத்⁴யமானௌ ஸமரே மஹாப³லௌ |
ஷி²தை꞉ ஷ²ரை ராவணலக்ஷ்மணாக்³ரஜௌ |
த்⁴வஜாவபாதேன ஸ ராக்ஷஸாதி⁴போ |
ப்⁴ருஷ²ம் ப்ரசுக்ரோத⁴ ததா³ ரகூ⁴த்தமே ||6-107-29
தௌ ததா² யுத்⁴யமானௌ து ஸமரே ராமராவணௌ |
த³த்³ருஷு²꞉ ஸர்வபூ⁴தான்னி விஸ்மிதேனாந்தராத்மனா ||6-107-30
அர்த³யந்தௌ து ஸமரே தயோஸ்தௌ ஸ்யந்த³னோத்தமௌ |
பரஸ்பரமபி⁴க்ருத்³தௌ⁴ பரஸ்பரமபி⁴த்³ருதௌ ||6-107-31
பரஸ்பரவதே⁴ யுக்தௌ கோ⁴ரரூபௌ ப³பூ⁴வது꞉ |
மண்ட³லானி ச வீதீ²ஷ்²ச க³தப்ரத்யாக³தானி ச ||6-107-32
த³ர்ஷ²யந்தௌ ப³ஹுவிதா⁴ம் ஸூதஸாமர்த்²யஜாம் க³திம் |
அர்த³யன் ராவணம் ராமோ ராக⁴வம் சாபி ராவண꞉ ||6-107-33
க³திவேக³ம் ஸமாபன்னௌ ப்ரதிவேக³ப்ரவர்தனே |
க்ஷிபதோ꞉ ஷ²ரஜாலானி தயோஸ்தௌ ஸ்யந்த³னோத்தமௌ ||6-107-34
சேரதுஹ் ஸம்யுக³மஹீம் ஸாஸாரௌ ஜலதா³விவ |
த³ர்ஷ²யித்வா ததா³ தௌ து க³திம் ப³ஹுவிதா⁴ம் ரணே ||6-107-35
பரஸ்பரஸ்யாபி⁴முகௌ² புனரேவ ச தஸ்த²து꞉ |
து⁴ரம் து⁴ரேண ரத²யோர்வக்த்ரம் வக்த்ரேண வாஜினாம் ||6-107-36
பதாகாஷ்²ச பதாகாபி⁴꞉ ஸமீயு꞉ ஸ்தி²தயோஸ்தத³ |
ராவணஸ்ய ததோ ராமோ த⁴னுர்முகை꞉ ஷி²தை꞉ ஷ²ரை꞉ ||6-107-37
சதுர்பி⁴ஷ்²சதுரோ தீ³ப்தான் ஹயான் ப்ரத்யபஸர்பயத் |
ஸ க்ரோத⁴வஷ²மாபன்னோ ஹயாநாமபஸர்பணே ||6-107-38
முமோச நிஷி²தான் பா³ணான் ராக⁴வாய த³ஷா²னன꞉ |
ஸோ(அ)திவித்³தோ⁴ ப³லவதா த³ஷ²க்³ரீவேண ராக⁴வ꞉ ||6-107-39
ஜகா³ம ந விகாரம் ச ந சாபி வ்யதி²தோ(அ)ப⁴வத் |
சிக்ஷேப ச புனர்பா³ணான் வஜ்ரபாதஸமஸ்வனான் ||6-107-40
ஸாரதி²ம் வஜ்ரஹஸ்தஸ்ய ஸமுத்³தி³ஷ்²ய த³ஷா²னன꞉ |
மாதலேஸ்து மஹாவேகா³꞉ ஸரீரே பதிதா꞉ ஷ²ரா꞉ ||6-107-41
ந ஸூக்ஷ்மமபி ஸம்மோஹம் வ்யதா²ம் வா ப்ரத³து³ர்யுதி⁴ |
தயா த⁴ர்ஷணயா க்ருத்³தோ⁴ மாதலேர்ன ததா²த்மன꞉ ||6-107-42
சகார ஷ²ரஜாலேன ராக⁴வோ விமுக²ம் ரிபும் |
விம்ஷ²திம் த்ரிம்ஷ²திம் ஷஷ்டிம் ஷ²தஷோ²(அ)த² ஸஹஸ்ரஷ²꞉ ||6-107-43
முமோச ராக⁴வோ வீர꞉ ஸாயகான் ஸ்யந்த³னே ரபோ꞉ |
ராவணோ(அ)பி தத꞉ க்ருத்³தோ⁴ ரத²ஸ்தோ² ராக்ஷஸேஷ்²வர꞉ ||6-107-44
க³தா³முஸலவர்ஷேண ராமம் ப்ரத்யர்த³யரணே |
தத்ப்ரயுக்தம் புனர்யுத்³த⁴ம் து முலம் ரோமஹர்ஷணம் ||6-107-45
க³தா³னாம் முஸலானாம் ச பரிகா⁴ணாம் ச நி꞉ஸ்வனை꞉ |
ஷ²ரணாம் புங்க²வாதைஷ்²ச க்ஷுபி⁴தா꞉ ஸப்த ஸாக³ரா꞉ ||6-107-46
க்ஷுப்³தா⁴னாம் ஸாக³ராணாம் ச பாதாலதலவாஸின꞉ |
வ்யதி²தா தா³னவா꞉ ஸர்வே பன்னகா³ஷ்²ச ஸஹஸ்ரஷ²꞉ ||6-107-47
சகம்பே மேதி³னீ க்ருத்ஸ்னா ஸஷை²லவனகானனா |
பா⁴ஸ்கரோ நிஷ்ப்ரப⁴ஷ்²சாஸீன்ன வவௌ சாபி மாருத꞉ ||6-107-48
ததோ தே³வா꞉ ஸக³ந்த⁴ர்வா꞉ ஸித்³தா⁴ஷ்²ச பரமர்ஷய꞉ |
சிந்தாமாபேதி³ரே ஸர்வே ஸகிம்நரமஹோரகா³꞉ ||6-107-49
ஸ்வஸ்தி கோ³ப்³ராஹ்மணேப்⁴யோ(அ)ஸ்து லோகாஸ்திஷ்ட²ந்து ஷா²ஷ்²வதா꞉ |
ஜயதாம் ராக⁴வ꞉ ஸங்க்²யே ராவணம் ராக்ஷஸேஷ்²வரம் ||6-107-50
ஏவம் ஜபந்தோ(அ)பஷ்²யம்ஸ்தே தே³வா꞉ ஸர்ஷிக³ணாஸ்ததா³ |
ராமராவணயோர்யுத்³த⁴ம் ஸுகோ⁴ரம் ரோமஹர்ஷணம் ||6-107-51
க³ந்த⁴ர்வாப்ஸரஸாம் ஸங்கா⁴ த்³ருஷ்ட்வா யுத்³த⁴மனூபமம் |
க³க³னம் க³க³னாகாரம் ஸாக³ர꞉ ஸாக³ரோபம꞉ ||6-107-52
ராமராவணயோர்யுத்³த⁴ம் ராமராவணயோரிவ |
ஏவம் ப்³ருவந்தோ த³த்³ருஷு²ஸ்தத்³யுத்³த⁴ம் ராமராவணம் ||6-107-53
தத꞉ க்ரோதா⁴ன்மஹாபா³ஹூ ரகூ⁴ணாம் கீர்திவர்த⁴ன꞉ |
ஸந்தா⁴ய த⁴னுஷா ராம꞉ ஷ²ரமாஷீ²விஷோபமம் ||6-107-54
ராவணஸ்ய ஷோ²ரோ(அ)ச்சி²ந்த³ச்ச்²ரீமஜ்ஜ்வலிதகுண்ட³லம் |
தச்சி²ர꞉ பதிதம் பூ⁴மௌ த்³ருஷ்டம் லோகைஸ்த்ரிபி⁴ஸ்ததா³ ||6-107-55
தஸ்யைவ ஸத்³ருஷ²ம் சான்யத்³ராவணஸ்யோத்தி²தம் ஷி²ர꞉ |
தத் க்ஷிப்தம் க்ஷிப்ரஹஸ்தேன ராமேண க்ஷிப்ரகாரிணா ||6-107-56
த்³விதீயம் ராவணஷி²ரஷ்²சின்னம் ஸம்யதி ஸாயகை꞉ |
சின்னமாத்ரம் ச தச்சீ²ர்ஷம் புனரேவ ப்ரத்³ஷ்²யதே ||6-107-57
தத³ப்யஷ²நிஸங்காஷை²ஷ்²சி²ன்னம் ராமஸ்ய ஸாயகை꞉ |
ஏவமேவ ஷ²தம் சின்னம் ஷி²ரஸாம் துல்யவர்சஸாம் ||6-107-58
ந சைவ ராவணஸ்யாந்தோ த்³ருஷ்²யதே ஜீவிதக்ஷயே |
தத꞉ ஸர்வாஸ்த்ரவித்³வீர꞉ கௌஸல்யானந்த³வர்த⁴ன꞉ ||6-107-59
மார்க³ணைர்ப³ஹுபி⁴ர்யுக்தஷ்²சிந்தயாமாஸ ராக⁴வ꞉ |
மாரீசோ நிஹதோ யைஸ்து க²ரோ யைஸ்து ஸதூ³ஷண꞉ |
க்ரௌஞ்சாவனே விராத⁴ஸ்து கப³ந்தோ³ த³ண்ட³கே வனே |
யை꞉ ஸாலா கி³ரயோ ப⁴க்³னா வாலீ ச க்ஷுபி⁴தோ(அ)ம்பு³தி⁴꞉ ||6-107-60
த இமே ஸாயகா꞉ ஸர்வே யுத்³தே⁴ ப்ராத்யயிகா மம |
கிம் நு தத்காரணம் யேன ராவணே மந்த³தேஜஸ꞉ ||6-107-61
இதி சிந்தாபரஷ்²சாஸீ த³ப்ரமத்தஷ்²ச ஸம்யுகே³ |
வவர்ஷ ஷ²ரவர்ஷாணி ராக⁴வோ ராவணோரஸி ||6-107-62
ராவணோ(அ)பி தத꞉ க்ருத்³தோ⁴ ரத²ஸ்தோ² ராக்ஷஸேஷ்²வர꞉ |
க³தா³முஸலவர்ஷேண ராமம் ப்ரத்யர்த³யத்³ரணே ||6-107-63
தத்ப்ரவ்ருத்தம் மஹத்³யுத்³த⁴ம் துமுலம் ரோமஹர்ஷணம் |
அந்தரிக்ஷே ச பூ⁴மௌ ச புனஷ்²ச கி³ரிமூர்த⁴னி ||6-107-64
தே³வதா³னவயக்ஷாணாம் பிஷா²சோரக³ரக்ஷஸாம் |
பஷ்²யதாம் தன்மஹாயுத்³த⁴ம் ஸப்தராத்ரமவர்தத ||6-107-65
நைவ ராத்ரிம் ந தி³வஸம் ந முஹூர்தம் ந ச க்ஷணம் |
ராமராவணயோர்யுத்³த⁴ம் விராமமுபக³ச்ச²தி ||6-107-66
த³ஷ²ரத²ஸுதராக்ஷஸேந்த்³ரயோ |
ர்ஜயமனவேக்ஷ்ய ரணே ஸ ராக⁴வஸ்ய |
ஸுரவரரத²ஸாரதி²ர்மஹாத்மா |
ரணரதராமமுவாச வாக்யமாஷு² ||6-107-67
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஸப்தோத்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
