வால்மீகி ராமாயணே ஆதி³ காவ்யே யுத்³த⁴காண்டே³ அஷ்டோத்தரஷ²ரதம꞉ ஸர்க³꞉
அத² ஸஸ்மாரயாமாஸ மாதலீ ராக⁴வம் ததா³ |
அஜானன்னிவ கிம் வீர த்வமேனமனுவர்தஸே || 6-108-1
விஸ்ருஜாஸ்மை வதா⁴ய த்வமஸ்த்ரம் பைதாமஹம் ப்ரபோ⁴ |
விநாஷ²கால꞉ கதி²தோ ய꞉ ஸுரை꞉ ஸோ(அ)த்³ய வர்ததே || 6-108-2
தத꞉ ஸம்ஸ்மாரிதோ ராமஸ்தேன வாக்யேன மாதலே꞉ |
ஜக்³ராஹ ஸ ஷ²ரம் தீ³ப்தம் நி꞉ஷ்²வஸந்தமிவோரக³ம் || 6-108-3
யம் தஸ்மைன் ப்ரத²மம் ப்ராதா³த³க³ஸ்த்யோ ப⁴க³வாந்ருஷி꞉ |
ப்³ரஹ்மத³த்தம் மஹாபா³ணமமோக⁴ம் யுதி⁴ வீர்யவான் || 6-108-4
ப்³ரஹ்மணா நிர்மிதம் பூர்வமிந்த்³ரார்த²மமிதௌஜஸா |
த³த்தம் ஸுரபதே꞉ பூர்வம் த்ரிலோகஜயகாங்க்ஷிண꞉ || 6-108-5
யஸ்ய வாஜேஷு பவன꞉ ப²லே பாவகபா³ஸ்கரௌ |
ஷ²ரீரமாகாஷ²மயம் கௌ³ரவே மேருமந்த³ரௌ || 6-108-6
ஜாஜ்வல்யமானம் வபுஷா ஸுபுங்க²ம் ஹேமபூ⁴ஷிதம் |
தேஜஸா ஸர்வபூ⁴தானாம் க்ருதம் பா⁴ஸ்கரவர்சஸம் || 6-108-7
ஸதூ⁴மமிவ காலாக்³னிம் தீ³ப்தமாஷீ²விஷோபமம் |
நரநாகா³ஷ்²வவ்ருந்தா³னாம் பே⁴த³னம் க்ஷிப்ரகாரிணம் || 6-108-8
த்³வாராணாம் பரிகா⁴ணாம் ச கி³ரீணாம் சாபி பே⁴த³னம் |
நானாருதி⁴ரதி³க்³தா⁴ங்க³ம் மேதோ³தி³க்³த⁴ம் ஸுதா³ருணம் || 6-108-9
வஜ்ரஸாரம் மஹாநாத³ம் நானாஸமிதிதா³ரணம் |
ஸர்வவித்ராஸனம் பீ⁴மம் ஷ்²வஸந்தமிவ பன்னக³ம் || 6-108-10
கங்கக்³ருத்⁴ரப³கானாம் ச கோ³மாயுக³ணரக்ஷஸாம் |
நித்யம் ப⁴க்ஷப்ரத³ம் யுத்³தே⁴ யமரூபம் ப⁴யாவஹம் || 6-108-11
நந்த³னம் வானரேந்த்³ராணாம் ரக்ஷஸாமவஸாத³னம் |
வாஜிதம் விவித⁴ர்வாஜைஷ்²சாருசித்ரைர்க³ருத்மத꞉ || 6-108-12
தமுத்தமேஷும் லோகாநாமிக்ஷ்வாகுப⁴யநாஷ²னம் |
த்³விஷதாம் கீர்திஹரணம் ப்ரஹர்ஷகரமாத்மன꞉ || 6-108-13
அபி⁴மந்த்ர்ய ததோ ராமஸ்தம் மஹேஷும் மஹாப³ல꞉ |
வேத³ப்ரோக்தேன விதி⁴னா ஸந்த³தே⁴ கார்முகே ப³லீ || 6-108-14
தஸ்மின் ஸந்தீ⁴யமானே து ராக⁴வேண ஷ²ரோத்தமே |
ஸர்வபூ⁴தானி ஸந்த்ரேஸுஷ்²சசால ச வஸுந்த⁴ரா || 6-108-15
ஸ ராவணாய ஸங்க்ருத்³தோ⁴ ப்⁴ருஷ²மாயம்ய கார்முகம் |
சிக்ஷேப பரமாயத்த꞉ ஷ²ரம் மர்மவிதா³ரணம் || 6-108-16
ஸ வஜ்ர இவ து³ர்த⁴ர்ஷோ வஜ்ரிபா³ஹுவிஸர்ஜித꞉ |
க்ருதாந்த இவ சாவார்யோ ந்யபதத்³ராவணோரஸி || 6-108-17
ஸ விஸ்ருஷ்தோ மஹாவேக³ஹ் ஷ²ரீராந்தகர꞉ ஷ²ர꞉ |
ச்சே²த³ ஹ்ருத³யம் தஸ்ய ராவணஸ்ய து³ராத்மன꞉ || 6-108-18
ருதி⁴ராக்தஹ் ஸ வேகே³ன ஷ²ரீராந்தகர꞉ ஷ²ர꞉ |
ராவணஸ்ய ஹரன் ப்ராணான் விவேஷ² த⁴ரணீதலம் || 6-108-19
ஸ ஷ²ரோ ராவணம் ஹத்வா ருதி⁴ரார்ரீக்ருதச்ச²வி꞉ |
க்ருதகர்மா நிப்⁴ருதவத்ஸ்வதூணீம் புனராவிஷ²த் || 6-108-20
தஸ்ய ஹஸ்தத்³த⁴தஸ்யாஷு² கார்முகம் ச ஸஸாயகம் |
விபபாத ஸஹ ப்ராணைர்ப்⁴ருஷ்²யமானஸ்ய ஜீவிதாத் || 6-108-21
க³தாஸுர்பீ⁴மவேக³ஸ்து நைர்ருதேந்த்³ரோ மஹாத்³யுதி꞉ |
பபாத ஸ்யந்த³நாத்³பூ⁴மௌ வ்ருத்ரோ வஜ்ரஹதோ யதா² || 6-108-22
தம் த்³ருஷ்ட்வா பதிதம் பூ⁴மௌ ஹதஷே²ஷா நிஷா²சரா꞉ |
ஹதநாதா² ப⁴யத்ரஸ்தா꞉ ஸர்வத꞉ ஸம்ப்ரது³த்³ருவு꞉ || 6-108-23
ஸர்வதஷ்²சாபி⁴பேதுஸ்தான் வானரா த்³ருமயோதி⁴ன꞉ |
த³ஷ²க்³ரீவவத⁴ம் த்³ருஷ்ட்வா வானரா ஜிதகாஷி²ன꞉ || 6-108-24
அத்தி³தா வானரைர்ப்⁴ரஷ்டா லங்காமப்⁴யபதன் ப⁴யாத் |
ஹதாஷ்²ரயத்வாத்கருணைர்பா³ஷ்பப்ரஸ்ரவணைர்முகை²꞉ || 6-108-25
ததோ வினேது³꞉ ஸம்ஹ்ருஷ்டா வானரா ஜிதகாஷி²ன꞉ |
வத³ந்தோ ராக⁴வஜயம் ராவணஸ்ய ச தத்³வத⁴ம் || 6-108-26
அதா²ந்தரிக்ஷே வ்யனத³த்ஸௌம்ய்ஸ்த்ரித³ஷ²து³ந்து³பி⁴꞉ |
தி³வ்யக³ந்த⁴வஹஸ்தத்ர மாருத꞉ ஸுஸுகோ² வவௌ || 6-108-27
நிபபாதாந்தரிக்ஷாச்ச புஷ்பவ்ருஷ்டிஸ்ததா³ பு⁴வி |
கிரந்தீ ரக⁴வரத²ம் து³ரவாபா மனோஹரா || 6-108-28
ராக⁴வஸ்தவஸம்யுக்தா க³க³னே ச விஷு²ஷ்²ருவே |
ஸாது⁴ ஸாத்⁴விதி வாக³க்³ய்ரா தே³வதானாம் மஹாத்மனாம் || 6-108-29
ஆவிவேஷ² மஹான் ஹர்ஷோ தே³வானாம் சாரணை꞉ ஸஹ |
ராவனே நிஹதே ரௌத்³ரே ஸர்வலோகப⁴யங்கரே || 6-108-30
தத꞉ ஸகாமம் ஸுக்³ரீவமங்க³த³ம் ச விபீ⁴ஷணம் |
சகார ராக⁴வ꞉ ப்ரீதோ ஹத்வா ராக்ஷஸபுங்க³வம் || 6-108-31
தத꞉ ப்ரஜக்³மு꞉ ப்ரஷ²மம் மருத்³க³ணா |
தி³ஷ²꞉ ப்ரஸேது³ர்விமலம் நபோ⁴(அ)ப⁴வத் |
மஹீ சகம்பே ந ச மாருதோ வவௌ |
ஸ்தி²ரப்ரப⁴ஷ்²சாப்யப⁴வத்³தி³வாகர꞉ || 6-108-32
ததஸ்து ஸுக்³ரீவவிபீ⁴ஷணாங்க³தா³꞉ |
ஸுஹ்ருத்³விஷி²ஷ்டா꞉ ஸஹலக்ஷ்மணாஸ்ததா³ |
ஸமேத்ய ஹ்ருஷ்டா விஜயேன ராக⁴வம் |
ரணே(அ)பி⁴ராமம் விதி⁴நாப்⁴யபூஜயன் || 6-108-33
ஸ து நிஹரரிபுஹ் ஸ்தி²ரப்ரதிஜ்ஞ꞉ |
ஸ்வஜனப³லாபி⁴வ்ருதோ ரணே ரராஜ |
ரகு⁴குலந்ருபநந்த³னோ மஹுஜா |
ஸ்த்ரித³ஷ²க³ணைரபி⁴ஸம்வ்ருதோ யதே²ந்த்³ர꞉ || 6-108-34
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ அஷ்டோத்தரஷ²ரதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
