வால்மீகி ராமாயணே ஆதி³ காவ்யே யுத்³த⁴காண்டே³ பஞ்சோத்தரஷ²ததம꞉ ஸர்க³꞉
ததோ யுத்³த⁴பரிஷ்²ராந்தம் ஸமரே சிந்தயா ஸ்தி²தம் |
ராவணம் சாக்³ரதோ த்³ருஷ்ட்வா யுத்³தா⁴ய ஸமுபஸ்தி²தம் || 6-105-1
தை³வதைஷ்²ச ஸமாக³ம்ய த்³ரஷ்டுமப்⁴யாக³தோ ரணம் |
உபக³ம்யாப்³ரவீத்³ராமமக³ஸ்த்யோ ப⁴க³வான் ருஷி꞉ || 6-105-2
ராம ராம மஹாபா³ஹோ ஷ்²ருணு கு³ஹ்யம் ஸனாதனம் |
யேன ஸர்வானரீன்வத்ஸ ஸமரே விஜயிஷ்யஸே || 6-105-3
ஆதி³த்யஹ்ருத³யம் புண்யம் ஸர்வஷ²த்ருவிநாஷ²னம் |
ஜயாவஹம் ஜபேந்நித்யமக்ஷய்யம் பரமம் ஷி²வம் || 6-105-4
ஸர்வமங்க³ளமங்க³ல்யம் ஸர்வபாபப்ரணாஷ²னம் |
சிந்தாஷோ²கப்ரஷ²மனமாயுர்வர்த⁴னமுத்தமம் || 6-105-5
ரஷ்²மிமந்தம் ஸமுத்³யந்தம் தே³வாஸுரநமஸ்க்ருதம் |
பூஜயஸ்வ விவஸ்வந்தம் பா⁴ஸ்கரம் பு⁴வனேஷ்²வரம் || 6-105-6
ஸர்வதே³வாத்மகோ ஹ்யேஷ தேஜஸ்வீ ரஷ்²மிபா⁴வன꞉ |
ஏஷ தே³வாஸுரக³ணான் லோகான் பாதி க³ப⁴ஸ்திபி⁴꞉ || 6-105-7
ஏஷ ப்³ரஹ்மா ச விஷ்ணுஷ்²ச ஷி²வ꞉ ஸ்கந்த³꞉ ப்ரஜாபதி꞉ |
மஹேந்த்³ரோ த⁴னத³꞉ காலோ யம꞉ ஸோமோ ஹ்யபாம்பதி꞉ || 6-105-8
பிதரோ வஸவ꞉ ஸாத்⁴யா அஷ்²வினௌ மருதோ மனு꞉ |
வாயுர்வஹ்னி꞉ ப்ரஜா꞉ ப்ராண ருதுகர்தா ப்ரபா⁴கர꞉ || 6-105-9
ஆதி³த்ய꞉ ஸவிதா ஸூர்ய꞉ க²க³꞉ பூஷா க³ப⁴ஸ்திமான் |
ஸுவர்ணஸத்³ருஷோ² பா⁴னுர்ஹிரண்யரேதா தி³வாகர꞉ || 6-105-10
ஹரித³ஷ்²வ꞉ ஸஹஸ்ரார்சி꞉ ஸப்தஸப்திர்மரீசிமான் |
திமிரோன்மத⁴ன꞉ ஷ²ம்பு⁴ஸ்த்வஷ்டா மார்தண்ட³கோ(அ)ம்ஷு²மான் || 6-105-11
ஹிரண்யக³ர்ப⁴꞉ ஷி²ஷி²ரஸ்தபனோ(அ)ஹஸ்கரோ ரவி꞉ |
அக்³னிக³ர்போ⁴(அ)தி³தே꞉ புத்ர꞉ ஷ²ங்க²꞉ ஷி²ஷி²ரநாஷ²ன꞉ || 6-105-12
வ்யோமநாத²ஸ்தமோபே⁴தீ³ பு³க்³யஜு꞉ ஸாமபாரக³꞉ |
க⁴னவ்ருஷ்டிரபாம் மித்ரோ விந்த்⁴யவீதீ²ப்லவங்க³ம꞉ || 6-105-13
ஆதபீ மண்ட³லீ ம்ருத்யு꞉ பிங்க³ள꞉ ஸர்வதாபன꞉ |
கவிர்விஷ்²வோ மஹாதேஜா ரக்த꞉ ஸர்வப⁴வோத்³ப⁴வ꞉ || 6-105-14
நக்ஷத்ரக்³ரஹதாராணாமதி⁴போ விஷ்²வபா⁴வன꞉ |
தேஜஸாமபி தேஜஸ்வீ த்³வாத³ஷா²த்மந்நமோ.ஸ்து தே || 6-105-15
நம꞉ பூர்வாய கி³ரயே பஷ்²சிமாயாத்³ரயே நம꞉ |
ஜ்யோதிர்க³ணானாம் பதயே தி³னாதி⁴பதயே நம꞉ || 6-105-16
ஜயாய ஜயப⁴த்³ராய ஹர்யாஷ்²வாய நமோ நம꞉ |
நமோ நம꞉ ஸஹஸ்ராம்ஷோ² ஆதி³த்யாய நமோ நம꞉ || 6-105-17
நம உக்³ராய வீராய ஸாரங்கா³ய நமோ நம꞉ |
நம꞉ பத்³மப்ரபோ³தா⁴ய ப்ரசண்டா³ய நமோ(அ)ஸ்து தே || 6-105-18
ப்³ரஹ்மேஷா²னாச்யுதேஷா²ய ஸூர்யாயாதி³த்யவர்சஸே |
பா⁴ஸ்வதே ஸர்வப⁴க்ஷாய ரௌத்³ராய வபுஷே நம꞉ || 6-105-19
தமோக்⁴னாய ஹிமக்³னாய ஷ²த்ருக்⁴னாயாமிதாத்மனே |
க்ருதக்⁴னக்⁴னாய தே³வாய ஜ்யோதிஷாம் பதயே நம꞉ || 6-105-20
தப்தசாமீகராபா⁴ய ஹரயே விஷ்²வகர்மணே |
நமஸ்தமோபி⁴நிக்⁴னாய ருசயே லோகஸாக்ஷிணே || 6-105-21
நாஷ²யத்யேஷ வை பூ⁴தம் ததே³வ ஸ்ருஜதி ப்ரபு⁴꞉ |
பாயத்யேஷ தபத்யேஷ வர்ஷத்யேஷ க³ப⁴ஸ்திபி⁴꞉ || 6-105-22
ஏஷ ஸுப்தேஷு ஜாக³ர்தி பூ⁴தேஷு பரிநிஷ்டி²த꞉ |
ஏஷ சைவாக்³னிஹோத்ரம் ச ப²லம் சைவாக்³னிஹோத்ரிணாம் || 6-105-23
தே³வாஷ்²ச க்ரதவஷ்²சைவ க்ரதூனாம் ப²லமேவ ச |
யானி க்ருத்யானி லோகேஷு ஸர்வேஷு பரமப்ரபு⁴꞉ || 6-105-24
ஏனமாபத்ஸு க்ருச்ச்²ரேஷு காந்தாரேஷு ப⁴யேஷு ச |
கீர்தயன் புருஷ꞉ கஷ்²சின்னாவஸீத³தி ராக⁴வ || 6-105-25
பூஜயஸ்வைனமேகாக்³ரோ தே³வதே³வம் ஜக³த்பதிம் |
ஏதத்த்ரிகு³ணிதம் ஜப்த்வா யுத்³தே⁴ஷு விஜயிஷ்யஸி || 6-105-26
அஸ்மின் க்ஷணே மஹாபா³ஹோ ராவணம் த்வம் வதி⁴ஷ்யஸி |
ஏவமுக்த்வா ததோ(அ)க³ஸ்த்யோ ஜகா³ம ஸ யதா²க³தம் || 6-105-27
ஏதச்ச்²ருத்வா மஹாதேஜா நஷ்டஷோ²கோ(அ)ப⁴வத்ததா³ |
தா⁴ரயாமாஸ ஸுப்ரீதோ ராக⁴வ꞉ ப்ரயதாத்மவான் || 6-105-28
ஆதி³த்யம் ப்ரேக்ஷ்ய ஜப்த்வா து பரம் ஹர்ஷமவாப்தவான் |
த்ரிராசம்ய ஷு²சிர்பூ⁴த்வா த⁴னுராதா³ய வீர்யவான் || 6-105-29
ராவணம் ப்ரேக்ஷ்ய ஹ்ருஷ்டாத்மா யுத்³தா⁴ர்த²ம் ஸமுபாக³மத் |
ஸர்வயத்னேன மஹதா வதே⁴ தஸ்ய த்⁴ருதோ(அ)ப⁴வத் || 6-105-30
அத² ரவிரவத³ந்நிரீக்ஷ்ய ராமம் |
முதி³தமனா꞉ பரமம் ப்ரஹ்ருஷ்யமாண꞉ |
நிஷி²சரபதிஸங்க்ஷயம் விதி³த்வா |
ஸுரக³ணமத்⁴யக³தோ வசஸ்த்வரேதி || 6-105-31
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ பஞ்சோத்தரஷ²ததம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
