வால்மீகி ராமாயணே ஆதி³ காவ்யே யுத்³த⁴காண்டே³ அஷ்டனவதிதம꞉ ஸர்க³꞉
மஹோத³ரே து நிஹதே மஹாபார்ஷ்²வோ மஹாப³ல꞉ |
ஸுக்³ரீவேண ஸமீக்ஷ்யாத² க்ரோதா⁴த்ஸம்ரக்தலோசன꞉ ||6-98-1
அங்க³த³ஸ்ய சமூம் பீ⁴மான் க்ஷோப⁴யாமாஸ ஸாயகை꞉ |
ஸ வானராணாம் முக்²யாநாமுத்தமாங்கா³னி ஸர்வஷ²꞉ ||6-98-2
பாதயாமாஸ காயேப்⁴ய꞉ ப²லன் வ்ருந்தாதி³வானில꞉ |
கேஷான் சிதி³ஷுபி⁴ர்பா³ஹூன்ஸ்கந்தா⁴ம்ஷ்²சிசே²த³ ராக்ஷஸ꞉ ||6-98-3
வானராணான் ஸுஸங்க்ருத்³த⁴꞉ பார்ஷ்²வன் கேஷாம் வ்யதா³ரயத் |
தேஅர்தி³தா பா³ணவர்ஷேண மஹாபார்ஷ்²வேன வானரா꞉ ||6-98-4
விஷாத³விமுகா²꞉ ஸர்வே ப³பூ⁴வுர்க³தசேதஸ꞉ |
நிரீக்ஷ்ய ப³லமுத்³விக்³னமங்க³தோ³ ராக்ஷஸார்தி³தம் ||6-98-5
வேக³ன் சக்ரே மஹாபா³ஹு꞉ ஸமுத்³ர இவ பர்வணி |
ஆயஸம் பரிக⁴ன் க்³ருஹ்ய ஸூர்யரஷ்²மிஸமப்ரப⁴ம் ||6-98-6
ஸமரே வானரஷ்²ரேஷ்டோ² மஹாபார்ஷ்²வே ந்யபாதயத் |
ஸ து தேன ப்ரஹாரேண மஹாபார்ஷ்²வோ விசேதன꞉ ||6-98-7
ஸஸூத꞉ ஸ்யந்த³னாத்தஸ்மாத்³விஸன்ஜ்ஞ꞉ ப்ராபதத்³பு⁴வி |
யஸ்யர்க்ஷராஜஸ்து தேஜஸ்வீ நீலாஜ்ஞனசயோபம꞉ ||6-98-8
நிஷ்பத்ய ஸுமஹாவீர்ய꞉ ஸ்வாத்³யூதா²ன்மேக⁴ஸம்நிபா⁴த் |
ப்ரக்³ருஹ்ய கி³ரிஷ்²ருங்கா³பா⁴ன் க்ருத்³த⁴꞉ ஸ விபுலான் ஷி²லாம் ||6-98-9
அஷ்²வாஞ்ஜகா⁴ன தரஸா ஸ்யந்த³னன் ச ப³ப⁴ஞ்ஜ தம் |
முஹூர்தால்லப்³த⁴ஸன்ஜ்ஞஸ்து மஹாபார்ஷ்²வோ மஹாப³ல꞉ ||6-98-10
அங்க³த³ம் ப³ஹுபி⁴ர்பா³ணைர்பூ⁴யஸ்தம் ப்ரத்யவித்⁴யத |
ஜாம்ப³வந்தன் த்ரிபி⁴ர்பா³ணைராஜகா⁴ன ஸ்தனாந்தரே ||6-98-11
ருக்ஷராஜன் க³வாக்ஷம் ச ஜகா⁴ன ப³ஹுபி⁴꞉ ஷ²ரை꞉ |
க³வாக்ஷன் ஜாம்ப³வந்தம் ச ஸ த்³ருஷ்ட்வா ஷ²ரபீடி³தௌ ||6-98-12
ஜக்³ராஹ பரிக⁴ன் கோ⁴ரமங்க³த³꞉ க்ரோத⁴மூர்சி²த꞉ |
தஸ்யாங்க³த³꞉ ப்ரகுபிதோ ராக்ஷஸஸ்ய தமாயஸம் ||6-98-13
தூ³ரஸ்தி²தஸ்ய பரிக⁴ன் ரவிரஷ்²மிஸமப்ரப⁴ம் |
த்³வாப்⁴யாம் பு⁴ஜாப்⁴யான் ஸங்க்³ருஹ்ய ப்⁴ராமயித்வா ச வேக³வான் ||6-98-14
மஹாபார்ஷ்²வாய சிக்ஷேப வதா⁴ர்த²ன் வாலின꞉ ஸுத꞉ |
ஸ து க்ஷிப்தோ ப³லவதா பரிக⁴ஸ்தஸ்ய ரக்ஷஸ꞉ ||6-98-15
த⁴னுஷ்²ச ஸஷ²ரன் ஹஸ்தாச்சி²ரஸ்த்ரன் சாப்யபாதயத் |
தன் ஸமாஸாத்³ய வேகே³ன வாலிபுத்ர꞉ ப்ரதாபவான் ||6-98-16
தலேநாப்⁴யஹனத்க்ருத்³த⁴꞉ கர்ணமூலே ஸகுண்ட³லே |
ஸ து க்ருத்³தோ⁴ மஹாவேகோ³ மஹாபார்ஷ்²வோ மஹாத்³யுதி꞉ ||6-98-17
கரேணைகேன ஜக்³ராஹ ஸுமஹாந்தம் பரஷ்²வத⁴ம் |
தன் தைலதௌ⁴தன் விமலம் ஷை²லஸாரமயம் த்³ருட⁴ம் ||6-98-18
ராக்ஷஸ꞉ பரமக்ருத்³தோ⁴ வாலிபுத்ரே ந்யபாதயத் |
தேன வாமான்ஸப²லகே ப்⁴ருஷ²ம் ப்ரத்யவபாதிதம் ||6-98-19
அங்க³தோ³ மோக்ஷயாமாஸ ஸரோஷ꞉ ஸ பரஷ்²வத⁴ம் |
ஸ வீரோ வஜ்ரஸங்காஷ²மங்க³தோ³ முஷ்டிமாத்மன꞉ ||6-98-20
ஸன்வர்தயன்ஸுஸங்க்ருத்³த⁴꞉ பிதுஸ்துல்யபராக்ரம꞉ |
ராக்ஷஸஸ்ய ஸ்தநாப்⁴யாஷே² மர்மஜ்ஞோ ஹ்ருத³யம் ப்ரதி ||6-98-21
இந்த்³ராஷ²நிஸமஸ்பர்ஷ²ன் ஸ முஷ்டிம் வின்யபாதயத் |
தேன தஸ்ய நிபாதேன ராக்ஷஸஸ்ய மஹாம்ருதே⁴ ||6-98-22
பபா²ல ஹ்ருத³யன் சாஷு² ஸ பபாத ஹதோ பு⁴வி |
தஸ்மிந்நிபதிதே பூ⁴மௌ தத்ஸைன்யன் ஸம்ப்ரசுக்ஷுபே⁴ ||6-98-23
அப⁴வச்ச மஹான்க்ரோத⁴꞉ ஸமரே ராவணஸ்ய து |
வானராணாம் ப்ரஹ்ருஷ்டானாம் ஸிம்ஹநாத³꞉ ஸுபுஷ்கள꞉ ||6-98-24
ஸ்போ²டயன்னிவ ஷ²ப்³தே³ன லங்காம் ஸாட்டாலகோ³புராம் |
ஸஹேந்த்³ரேணேவ தே³வானாம் நாத³꞉ ஸமப⁴வன்மஹான் ||6-98-25
அதே²ந்த்³ரஷ²த்ருஸ்த்ரித³ஷா²லயானாம் |
வனௌகஸாம் சவ மஹாப்ரணாத³ம் |
ஷ்²ருத்வா ஸரோஷம் யுத்³தி³ ராக்ஷஸேந்த்³ர꞉ |
புனஷ்²ச யுத்³தா⁴பி⁴முகோ²(அ)வதஸ்தே² ||6-98-26
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ அஷ்டனவதிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
