வால்மீகி ராமாயணே ஆதி³ காவ்யே யுத்³த⁴காண்டே³ அஷ்டாஷீ²திதம꞉ ஸர்க³꞉
விபீ⁴ஷணவச꞉ ஷ்²ருத்வா ராவணி꞉ க்ரோத⁴மூர்சித꞉ |
அப்³ரவீத் பருஷம் வாக்யம் வேகே³நாப்⁴யுத்பபாத ச || 88-6-1
உத்³யதாயுத⁴நிஸ்த்ரிம்ஷோ² ரதே² ஸுஸமலங்க்ருதே |
காலாஷ்²வயுக்தே மஹதி ஸ்தி²த꞉ காலாந்தகோபம꞉ || 88-6-2
மஹாப்ரமாணமுத்³யம்ய விபுலம் வேக³வத்³த்³ருட⁴ம் |
த⁴னுர்பீ⁴மம் பராம்ருஷ்²ய ஷ²ராம்ஷ்²சாமித்ரஷா²தனான் || 88-6-3
தம் த³த³ர்ஷ² மஹேஷ்வாஸோ ரத²ஸ்த²꞉ ஸமலங்க்ருத꞉ |
அலங்க்ருதமமித்ரக்⁴னோ ராக⁴வஸ்யானுஜம் ப³லீ || 88-6-4
ஹனுமத்ப்ருஷ்ட²மாரூட⁴முத³யஸ்த²ரவிப்ரப⁴ம் |
உவாசைனம் ஸுஸம்ரப்³த⁴꞉ ஸௌமித்ரிம் ஸவிபீ⁴ஷணம் || 88-6-5
தாம்ஷ்²ச வானரஷா²ர்தூ³ளான் பஷ்²யத்⁴வம் மே பராக்ரமம் |
அத்³ய மத்காருமுகோத்ஸ்ருஷ்டம் ஷ²ரவர்ஷம் து³ராஸத³ம் || 88-6-6
முக்தம் வர்ஷமிவாகாஷே² தா⁴ரயிஷ்யத² ஸம்யுகே³ |
அத்³ய வோ மாமகா பா³ணா மஹாகார்முகநி꞉ஸ்ருதா꞉ || 88-6-7
வித⁴மிஷ்யந்தி கா³த்ராணி தூலராஷி²மிவானல꞉ |
தீக்ஷணஸாயகநிர்பி⁴ன்னான் ஷூ²லஷ²க்த்ய்ருஷ்டிதோமரை꞉ || 88-6-8
அத்³ய வோ க³மயிஷ்யாமி ஸர்வானேன யமக்ஷயம் |
ஸ்ருஜத꞉ ஷ²ரவர்ஷாணி க்ஷிப்ரஹஸ்தஸ்ய ஸம்யுகே³ || 88-6-9
ஜீமூதஸ்யேவ நத³த꞉ க꞉ ஸ்தா²ஸ்யதி மமாக்³ரத꞉ |
ராத்ரியுத்³தே⁴ ததா³ பூர்வம் வஜ்ராஷ²நிஸமை꞉ ஷ²ரை꞉ || 88-6-10
ஷா²யிதௌ ஸ்தோ² மயா பூ⁴மௌ விஸஞ்ஜ்ஞௌ ஸபுரஸ்ஸரௌ |
ஸ்ம்ருதிர்ன தே(அ)ஸ்தி வா மன்யே வ்யக்தம் யாதோ யமக்ஷயம் || 88-6-11
ஆஷீ²விஷஸமம் க்ருத்³த⁴ம் யன்மாம் யோத்³து⁴முபஸ்தி²த꞉ |
தச்ச்²ருத்வா ராக்ஷஸேந்த்³ரஸ்ய க³ர்ஜிதம் ராக⁴வஸ்ததா³ || 88-6-12
அபீ⁴தவத³ன꞉ க்ருத்³தோ⁴ ராவணிம் வாக்யமப்³ரவீத் |
உக்தஷ்²ச து³ர்க³ம꞉ பார꞉ கார்யாணாம் ராக்ஷஸ த்வயா || 88-6-13
கார்யாணாம் கர்மணாம் பாரம் யோ க³ச்ச²தி ஸ பு³த்³தி⁴மான் |
ஸ த்வமர்த²ஸ்ய ஹீனார்தோ² து³ரவாபஸ்ய கேனசித் || 88-6-14
வாசா வ்யாஹ்ருத்ய ஜானீஷே க்ருதார்தோ²(அ)ஸ்மிதி து³ர்மதே |
அந்தர்தா⁴னக³தேனாஜௌ யஸ்த்வயா சரிதஸ்ததா³ || 88-6-15
தஸ்கராசரிதோ மார்க³꞉ நைஷ வீரநிஷேவித꞉ |
யதா² பா³ணபத²ம் ப்ராப்ய ஸ்தி²தோ(அ)ஸ்மி தவ ராக்ஷஸ || 88-6-16
த³ர்ஷ²யஸ்வாத்³ய தத்தேஜோ வாசா த்வம் கிம் விகத்த²ஸே |
ஏவமுக்தோ த⁴னுர்பீ⁴மம் பராம்ருஷ்²ய மஹாப³ல꞉ || 88-6-17
ஸஸர்ஜ நிஷி²தான் பா³ணானிந்த்³ரஜித் ஸமிதிஞ்ஜய꞉ |
தேன ஸ்ருஷ்டா மஹாவேகா³꞉ ஷ²ரா꞉ ஸர்பவிஷோபமா꞉ || 88-6-18
ஸம்ப்ராப்ய லக்ஷ்மணம் பேது꞉ ஷ்²வஸந்த இவ பன்னகா³꞉ |
ஷ²ரைரதிமஹாவேகை³ ர்வேக³வான் ராவணாத்மஜ꞉ || 88-6-19
ஸௌமித்ரிமிந்த்³ரஜித்³யுத்³தே⁴ விவ்யாத⁴ ஷு²ப⁴லக்ஷணம் |
ஸ ஷ²ரைரதிவித்³தா⁴ங்கோ³ ருதி⁴ரேண ஸமுக்ஷித꞉ || 88-6-20
ஷு²ஷு²பே⁴ லக்ஷ்மண꞉ ஶ்ரீமான்விதூ⁴ம இவ பாவக꞉ |
இந்த்³ரஜித்த்வாத்மன꞉ கர்ம ப்ரஸமீக்ஷ்யாபி⁴க³ம்ய ச || 88-6-21
நினத்³ய ஸுமஹாநாத³மிதம் வசனமப்³ரவீத் |
பத்ரிண ஷி²ததா⁴ராஸ்தே ஷ²ரா மத்கார்முகச்யுதா꞉ || 88-6-22
ஆதா³ஸ்யந்தே(அ)த்³ய ஸௌமித்ரே ஜீவிதம் ஜீவிதாந்தகா꞉ |
அத்³ய கோ³மாயுஸங்கா⁴ஷ்²ச ஷ்²யேனஸங்கா⁴ஷ்²ச லக்ஷ்மண || 88-6-23
க்³ருத்⁴ராஷ்²ச நிபதந்து த்வாம் க³தாஸும் நிஹதம் மயா |
க்ஷத்ரப³ந்து⁴ம் ஸதா³னார்யம் ராம꞉ பரமது³ர்மதி꞉ || 88-6-24
ப⁴க்தம் ப்⁴ராதரமத்³யைவ த்வாம் த்³ரக்²யதி ஹதம் மயா |
விஸ்ரஸ்தகவசம் பூ⁴மௌ வ்யபவித்³த⁴ஷ²ராஸனம் || 88-6-25
ஹ்ருதோத்தமாங்க³ம் ஸௌமித்ரே த்வாமத்³ய நிஹதம் மயா |
இதி ப்³ருவாணம் ஸங்க்ருத்³த⁴ம் பருஷம் ராவணாத்மஜம் || 88-6-26
ஹேதுமத்³வாக்யமர்த²ஜ்ஞோ லக்ஷ்மண꞉ ப்ரத்யுவாச ஹ |
வாக்³ப³லம் த்யஜ து³ர்ப⁴த்³தே⁴ க்ரூரகர்மாஸி ராக்ஷஸ || 88-6-27
அத² கஸ்மாத்³வத³ஸ்யேதத்ஸம்பாத³ய ஸுகர்மணா |
அக்ருத்வா கத்த²ஸே கர்ம கிமர்த²மிஹ ராக்ஷஸ || 88-6-28
குரு தத்கர்ம யேனாஹம் ஷ்²ரத்³த³த்⁴யாம் தவ கத்த²னம் |
அனுக்த்வா பருஷம் வாக்யம் கிஞ்சித³ப்யனவக்ஷிபன் || 88-6-29
அவிகத்த²ன் வதி⁴ஷ்யாமி த்வாம் பஷ்²ய புருஷாத⁴ம |
இத்யுக்த்வா பஞ்ச நாராசானாகர்ணாபூரிதான் ஷ²ரான் || 88-6-30
விஜகா⁴ன மஹாவேகா³ள்லக்ஷ்மணோ ராக்ஷஸோரஸி |
ஸுபத்ரவாஜிதா பா³ணா ஜ்வலிதா இவ பன்னகா³꞉ || 88-6-31
நைர்ருதோரஸ்யபா⁴ஸந்த ஸவிதூ ரஷ்²மயோ யதா² |
ஸ ஷ²ரைராஹதஸ்தேன ஸரோஷோ ராவணாத்மஜ꞉ || 88-6-32
ஸுப்ரயுக்தைஸ்த்ரிபி⁴ர்பா³ணை꞉ ப்ரதிவிவ்யாத⁴ லக்ஷ்மணம் |
ஸ ப³பூ⁴வ மஹாபீ⁴மோ நரராக்ஷஸஸிம்ஹயோ꞉ || 88-6-33
விமர்த³ஸ்துமுலோ யுத்³தே⁴ பரஸ்பரஜயைஷிணோ꞉ |
உபௌ⁴ ஹி ப³லஸம்பன்னாவுபௌ⁴ விக்ரமஷா²லினௌ || 88-6-34
உபௌ⁴ பரமது³ர்ஜேயாவதுல்யப³லதேஜஸௌ |
யுயுதா⁴தே ததா³ வீரௌ க்³ரஹாவிவ நபோ⁴க³தௌ || 88-6-35
ப³லவ்ருத்ராவிவாபீ⁴தௌ யுதி⁴ தௌ து³ஷ்ப்ருத⁴ர்ஷணௌ |
யுயுதா⁴தே மஹாத்மானௌ ததா³ கேஸரிணாவிவ || 88-6-36
ப³ஹூனவஷ்^இஜந்தௌ ஹி மார்க³ணௌகா⁴னவஸ்தி²தௌ |
நரராக்ஷஸமுக்²யௌ தௌ ப்ரஹ்ருஷ்டாவப்⁴யயுத்⁴யதாம் || 88-6-37
ததஷ்²ஷ்²ரான் தா³ஷ²ரதி²꞉ ஸந்தா⁴யாமித்ரகர்ஷண꞉ |
ஸஸர்ஜ ராக்ஷஸேந்த்³ரய க்ருத்³த⁴꞉ ஸர்ப இவ ஷ்²வஸன் || 88-6-38
தஸ்ய ஜ்யாதலநிர்கோ⁴ஷம் ஸ ஷ்²ருத்வா ராக்ஷஸாதி⁴ப꞉ |
விவர்ணவத³னோ பூ⁴த்வா லக்ஷ்மணம் ஸமுதை³க்ஷத || 88-6-39
விஷண்ணவத³னம் த்³ருஷ்ட்வா ராக்ஷஸம் ராவணாத்மஜம் |
ஸௌமித்ரிம் யுத்³த⁴ஸம்யுக்தம் ப்ரத்யுவாச விபீ⁴ஷண꞉ || 88-6-40
நிமித்தான்யுபபஷ்²யாமி யான்யஸ்மின் ராவணாத்மஜே |
த்வர தேன மஹாபா³ஹோ ப⁴க்³ன ஏஷ ந ஸம்ஷ²ய꞉ || 88-6-41
ததஸ்ஸந்தா⁴ய ஸௌமித்ரி꞉ ஷ²ராநாஷீ²விஷோபமான் |
முமோச நிஷி²தாம்ஸ்தஸ்மின் ஸர்பானிவ விஷோல்ப³ணான் || 88-6-42
ஷ²க்ராஷ²நிஸமஸ்பர்ஷை²ர்லக்ஷமணேனாஹத꞉ ஷ²ரை꞉ |
முஹூர்தமப⁴வன்மூட⁴꞉ ஸர்வஸங்க்ஷுபி⁴தேந்த்³ரிய꞉ || 88-6-43
உபலப்⁴ய முஹூர்தேன ஸஞ்ஜ்ஞாம் ப்ரத்யாக³தேந்த்³ரிய꞉ |
த³த³ர்ஷா²வஸ்தி²தம் வீரமாஜௌ த³ஷ²ரதா²த்மஜம் || 88-6-44
ஸோ(அ)பி⁴சக்ராம ஸௌமித்ரிம் ரோஷாத்ஸம்ரக்தலோசன꞉ |
அப்³ரவீசை²னமாஸாத்³ய புன꞉ ஸ பருஷம் வச꞉ || 88-6-45
கிம் ந ஸ்மரஸி தத்³யுத்³தே⁴ ப்ரத²மே யத்பராக்ரமம் |
நிப³த்³த⁴ஸ்த்வம் ஸஹ ப்⁴ராத்ரா யதா³ பு⁴வி விசேஷ்டஸே || 88-6-46
யுவாம் க²லு மஹாயுத்³தே⁴ ஷ²க்ராநிஸமை꞉ ஷ²ரை꞉ |
ஷா²யிதௌ ப்ரத²மம் பூ⁴மௌ விஸஞ்ஜ்ஞௌ ஸபுர꞉ஸரௌ || 88-6-47
ஸ்ம்ருதிர்வா நாஸ்தி தே மன்யே வ்யக்தம் வா யமஸாத³னம் |
க³ந்துமிச்ச²ஸி யன்மாம் த்வமாத⁴ர்ஷயிதுமிச்ச²ஸி || 88-6-48
யதி³ தே ப்ரத²மே யுத்³தே⁴ ந த்³ருஷ்டோ மத்பராக்ரம꞉ |
அத்³ய த்வாம் த³ர்ஷ²யிஷ்யாமி திஷேதா³னீம் வ்யவஸ்தி²த꞉ || 88-6-49
இத்யுக்த்வா ஸப்தபி⁴ர்பா³ணைரபி⁴விவ்யாத⁴ லக்ஷ்மணம் |
த³ஷ²பி⁴ஸ்து ஹனூமந்தம் தீக்ஷணதா⁴ரை꞉ ஷ²ரோத்தமை꞉ || 88-6-50
தத꞉ ஷ²ரஷ²தேனைவ ஸுப்ரயுக்தேன வீர்யவான் |
க்ரோதா⁴த்³த்³விகு³ணஸம்ரப்³தோ⁴ நிர்பி³பே⁴த³ விபீ⁴ஷணம் || 88-6-51
தத்³த்³ருஷ்ட்வேந்த்³ரஜிதா கர்ம க்ருதம் ராமானுஜஸ்ததா³ |
அசிந்தயித்வா ப்ரஹஸன்னைதத்கிஞ்சிதி³தி ப்³ருவன் || 88-6-52
முமோச ச ஷ²ரான் கோ⁴ரான் ஸங்க்³ருஹ்ய நரபுங்க³வ꞉ |
அபீ⁴தவத³ன꞉ க்ருத்³தோ⁴ ராவனிம் லக்ஷ்மணோ யுதி⁴ || 88-6-53
நைவம் ரணக³தா꞉ ஷூ²ரா꞉ ப்ரஹரந்தி நிஷா²சர |
லகு⁴வஷ்²சால்பவீர்யாஷ்²ச ஷ²ரா ஹீமே ஸுகா²ஸ்தவ || 88-6-54
நைவம் ஷூ²ராஸ்து யுத்⁴யந்தே ஸமரே ஜயகாங்க்ஷிண꞉ |
இத்யேவம் தம் ப்³ருவன் த⁴ன்வீ ஷ²ரைரபி⁴வவர்ஷ ஹ || 88-6-55
தஸ்ய பா³ணை꞉ ஸுவித்⁴வஸ்தம் கவசம் காஞ்சனம் மஹத் |
வ்யஷீ²ர்யத ரதோ²பஸ்தே² தாராஜாலமிவாம்ப³ராத் || 88-6-56
விதூ⁴தவர்மா நாராசைர்ப³பூ⁴வ ஸ க்ருதவ்ரண꞉ |
இந்த்³ரஜித்ஸமரே வீர꞉ ப்ரத்யூஷே பா⁴னுமானிவ || 88-6-57
தத꞉ ஷ²ரஸஹஸ்ரேண ஸங்க்ருத்³தோ⁴ ராவணாத்மஜ꞉ |
பி³பே⁴த³ ஸமரே வீரோ லக்ஷ்மணம் பீ⁴மவித்³ரம꞉ || 88-6-58
வ்யஷீ²ர்யத மஹத்³தி³வ்யம் கவசம் லக்ஷ்மணஸ்ய து |
க்ருதப்ரதிக்ருதான்யோன்யம் ப³பூ⁴வதுரபி⁴த்³ருதௌ || 88-6-59
அபீ⁴க்ஷணம் நி꞉ஷ்²வஸந்தௌ தௌ யுத்⁴யேதாம் துமுலம் யுதி⁴ |
ஷ²ரஸங்க்ருத்தஸர்வாங்கௌ³ ஸர்வதோ ருதி⁴ரோக்ஷிதௌ || 88-6-60
ஸுதீ³ர்க⁴காலம் தௌ வீராவன்யோன்யம் நிஷி²தை꞉ ஷ²ரை꞉ |
ததக்ஷதுர்மஹத்மானௌ ரணகர்மவிஷா²ரதௌ³ || 88-6-61
ப³பூ⁴வதுஷ்²சாத்மஜயே யதௌ பீ⁴மபராக்ரமௌ |
தௌ ஷ²ரௌகை⁴ ஸ்ததா²கீர்ணௌ நிக்ருத்தகவசத்⁴வஜௌ || 88-6-62
ஸ்ருஜந்தௌ ருதி⁴ரம் சோஷ்ணம் ஜலம் ப்ரஸ்ரவணாவிவ |
ஷ²ரவர்ஷம் ததோ கோ⁴ரம் முஞ்சதோர்பீ⁴மநி꞉ஸ்வனம் || 88-6-63
ஸாஸாரயோரிவாகாஷே² நீலயோ꞉ காலேமேக⁴யோ꞉ |
தயோரத² மஹான் காலோ வ்யதீயாத்³யுத்⁴யமானயோ꞉ || 88-6-64
ந ச தௌ யுத்³த⁴வைமுக்²யம் ஷ்²ரமம் சாப்யுபஜக்³மது꞉ |
அஸ்த்ராண்யஸ்த்ரவிதா³ம் ஷ்²ரேஷ்டௌ² த³ர்ஷ²யந்த் புன꞉ புன꞉ || 88-6-65
ஷ²ரானுச்சாவசாகாரானந்தரிக்ஷே ப³ப³ந்த⁴து꞉ |
வ்யபேததோ³ஷமஸ்யந்தௌ லகு⁴ சித்ரம் ச ஸுஷ்டு² ச || 88-6-66
உபௌ⁴ து துமுலம் கோ⁴ரம் சக்ரதுர்னரராக்ஷஸௌ |
தயோ꞉ ப்ருத²க் ப்ருத²க்³பீ⁴ம꞉ ஷு²ஷ்²ருவே துமுல꞉ ஸ்வன꞉ || 88-6-67
ஸுகோ⁴ரயோர்நி꞉ஸ்வனதோர்க³க³னே மேக⁴யோரிவ |
தயோ꞉ ஸ ப்⁴ராஜதே ஷ²ப்³த³ஸ்ததா² ஸமரயத்தயோ꞉ || 88-6-68
ஸுகோ⁴ரயோர்நி꞉ஸ்வனதோர்க³க³னே மேக⁴யோரிவ |
ஸுவர்ணபுங்கை²ர்னாராசைர்ப³லவந்தௌ க்ருதவ்ரணௌ || 88-6-69
ப்ரஸுஸ்ருவாதே ருதி⁴ரம் கீர்திமந்தௌ ஜயே த்⁴ருதௌ |
தே கா³த்ரயோர்நிபதிதா ருக்மபுங்கா²꞉ ஷ²ரா யுதி⁴ || 88-6-70
அஸ்ருக்³தி³க்³தா⁴ விநிஷ்பேதுர்விவிஷு²ர்த⁴ரணீதலம் |
அன்யே ஸுநிஷி²தை꞉ ஷ²ஸ்த்ரைராகாஷே² ஸஞ்ஜக⁴ட்டிரே || 88-6-71
ப³ப⁴ஞ்ஜுஷ்²சிச்சி²து³ஷ்²சைவ தயோர்பா³ணா꞉ ஸஹஸ்ரஷ²꞉ |
ஸ ப³பூ⁴வ ரணே கோ⁴ரஸ்தயோர்பா³ணமயஷ்²சய꞉ || 88-6-72
அக்³னிப்⁴யாமிவ தீ³ப்தாப்⁴யாம் ஸத்ரே குஷ²மயஷ்²சய꞉ |
தயோ꞉ க்ருதவ்ரணௌ தே³ஹௌ ஷு²ஷு²பா⁴தே மஹாத்மனோ꞉ || 88-6-73
ஸுபுஷ்பாவிவ நிஷ்பத்ரௌ வனே கிம்ஷு²கஷா²ல்மலீ |
சக்ரதுஸ்துமுலம் கோ⁴ரம் ஸம்நிபாதம் முஹுர்முஹு꞉ || 88-6-74
இந்த்³ரஜில்லக்ஷ்மணஷ்²சைவ பரஸ்பரஜயைஷிணௌ |
லக்ஷ்மணோ ராவணிம் யுத்³தே⁴ ராவணிஷ்²சாபி லக்ஷ்மணம் || 88-6-75
அன்யோன்யம் தாவபி⁴க்⁴னந்தௌ ந ஷ்²ரமம் ப்ரதிபத்³யதாம் |
பா³ணஜாலை꞉ ஷ²ரீரஸ்தை²ரவகா³டை⁴ஸ்தரஸ்வினௌ || 88-6-76
ஷு²ஷு²பா⁴தே மஹாவிர்யௌ ப்ரரூடா⁴விவ பர்வதௌ |
ததோ ருதி⁴ரஸ்திக்தானி ஸம்வ்ருதானி ஷ²ரைர்ப்⁴ருஷ²ம் || 88-6-77
ப³ப்⁴ராஜு꞉ ஸர்வகா³த்ராணி ஜ்வலந்த இவ பாவகா꞉ |
தயோரத² மஹான் காலோ வ்யதீயாத்³யுத்⁴யமானயோ꞉ || 88-6-78
ந ச தௌ யுத்³த⁴வைமுக்²யம் ஷ்²ரமம் சாப்யபி⁴ஜக்³மது꞉ |
அத² ஸமரபரிஷ்²ரமம் நிஹந்தும் |
ஸமரமுகே²ஷ்வஜிதஸ்ய லக்ஷ்மணஸ்ய |
ப்ரியஹிதமுபபாத³யன்மஹாத்மா |
ஸமரமு பேத்ய விபீ⁴ஷணோ(அ)வதஸ்தே² || 88-6-79
இதார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ அஷ்டாஷீ²திதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
