வால்மீகி ராமாயணே ஆதி³ காவ்யே யுத்³த⁴காண்டே³ ஸப்தாஷீ²ரிதம꞉ ஸர்க³꞉
ஏவமுக்த்வா து ஸௌமித்ரிம் ஜாதஹர்ஷோ விபீ⁴ஷண꞉ |
த⁴னுஷ்பாணினமாதா³ய த்வரமாணோ ஜகா³ம ஸ꞉ || 87-6-1
அவிதூ³ரம் ததோ க³த்வா ப்ரவிஷ்²ய ச மஹத்³வனம் |
த³ர்ஷ²யாமாஸ தத்கர்ம லக்ஷ்மணாய விபீ⁴ஷண꞉ || 87-6-2
நீலஜீமூதஸங்காஷ²ம் ந்யக்³ரோத⁴ம் பீ⁴மத³ர்ஷ²னம் |
தேஜஸ்வீ ராவணப்⁴ராதா லக்ஷ்மணாய ந்யவேத³யத் || 87-6-3
இஹோபஹாரம் பூ⁴தானாம் ப³லவான்ராவணாதஜ꞉ |
உபஹ்ருத்ய தத꞉ பஷ்²சாத்ஸங்க்³ராமமபி⁴வர்ததே || 87-6-4
அத்³ருஷ்²ய꞉ ஸர்வபூ⁴தானாம் ததோ ப⁴வதி ராக்ஷஸ꞉ |
நிஹந்தி ஸமரே ஷ²த்ரூன்ப³த்⁴னாதி ச ஷ²ரோத்தமை꞉ || 87-6-5
தமப்ரவிஷ்டம் ந்யக்³ரோத⁴ம் ப³லினம் ராவணாத்மஜம் |
வித்⁴வம்ஸய ஷ²ரைஸ்தீக்ஷ்ணை꞉ ஸரத²ம் ஸாஷ்²வஸாரதி²ம் || 87-6-6
ததே²த்யுக்த்வா மஹாதேஜா꞉ ஸௌமித்ரிர்மித்ரநந்த³ன꞉ |
ப³பூ⁴வாவஸ்தி²தஸ்தத்ர சித்ரம் விஸ்பா²ரயந்த⁴னு꞉ || 87-6-7
ஸ ரதே²நாக்³நிவர்ணேன ப³லவான்ராவணாத்மஜ꞉ |
இந்த்³ரஜித்கவசீ க²ட்³கீ³ ஸத்⁴வஜ꞉ ப்ரத்யத்³ருஷ்²யத || 87-6-8
தமுவாச மஹாதேஜா꞉ பௌலஸ்த்யமபராஜிதம் |
ஸமாஹ்வயே த்வாம் ஸமரே ஸம்யக்³யுத்³த⁴ம் ப்ரயச்ச² மே || 87-6-9
ஏவமுக்தோ மஹாதேஜா மனஸ்வீ ராவணாத்மஜ꞉ |
அப்³ரவீத்பருஷம் வாக்யம் தத்ர த்³ருஷ்ட்வா விபீ⁴ஷணம் || 87-6-10
இஹ த்வம் ஜாதஸம்வ்ருத்³த⁴꞉ ஸாக்ஷாத்³ப்⁴ராதா பிதுர்மம |
கத²ம் த்³ருஹ்யஸி புத்ரஸ்ய பித்ருவ்யோ மம ராக்ஷஸ || 87-6-11
ந ஜ்ஞாதித்வம் ந ஸௌஹார்த³ம் ந ஜாதிஸ்தவ து³ர்மதே |
ப்ரமாணம் ந ச ஸோத³ர்யம் ந த⁴ர்மோ த⁴ர்மதூ³ஷண || 87-6-12
ஷோ²ச்யஸ்த்வமஸி து³ர்பு³த்³தே⁴ நிந்த³னீயஷ்²ச ஸாது⁴பி⁴꞉ |
யஸ்த்வம் ஸ்வஜனமுத்ஸ்ருஜ்ய பரப்⁴ருத்யத்வமாக³த꞉ || 87-6-13
நைதச்சி²தி²லயா பு³த்³த்⁴யா த்வம் வேத்ஸி மஹத³ந்தரம் |
க்வ ச ஸ்வஜனஸம்வாஸ꞉ க்வ ச நீசபராஷ்²ரய꞉ || 87-6-14
கு³ணவான்வா பரஜன꞉ ஸ்வஜனோ நிர்கு³ணோ(அ)பி வா |
நிர்கு³ண꞉ ஸ்வஜன꞉ ஷ்²ரேயான்ய꞉ பர꞉ பர ஏவ ஸ꞉ || 87-6-15
ய꞉ ஸ்வபக்ஷம் பரித்யஜ்ய பரபக்ஷம் நிஷேவதே |
ஸ ஸ்வபக்ஷே க்ஷயம் ப்ராப்தே பஷ்²சாத்தைரேவ ஹன்யதே || 87-6-16
நிரனுக்ரோஷ²தா சேயம் யாத்³ருஷீ² தே நிஷா²சர |
ஸ்வஜனேன த்வயா ஷ²க்யம் பருஷம் ராவணானுஜ || 87-6-17
இத்யுக்தோ ப்⁴ராத்ருபுத்ரேண ப்ரத்யுவாச விபீ⁴ஷண꞉ |
அஜானன்னிவ மச்சீ²லம் கிம் ராக்ஷஸ விகத்த²ஸே || 87-6-18
ராக்ஷஸேந்த்³ரஸுதாஸாதோ⁴ பாருஷ்யம் த்யஜ கௌ³ரவாத் |
குலே யத்³யப்யஹம் ஜாதோ ரக்ஷஸாம் க்ரூரகர்மணாம் || 87-6-19
கு³ணோ(அ)யம் ப்ரத²மோ ந்ருஇணாம் தன்மே ஷீ²லமராக்ஷஸம் |
ந ரமே தா³ருணேனாஹம் ந சாத⁴ர்மேண வை ரமே || 87-6-20
ப்⁴ராத்ரா விஷமஷீ²லேன கத²ம் ப்⁴ராதா நிரஸ்யதே |
த⁴ர்மாத்ப்ரச்யுதஷீ²லம் ஹி புருஷம் பாபநிஷ்²சயம் || 87-6-21
த்வக்த்வா ஸுக²மவாப்னோதி ஹஸ்தாதா³ஷீ²விஷம் யதா² |
பரஸ்வஹரணே யுக்தம் பரதா³ராபி⁴மர்ஷா²ம் || 87-6-22
த்யாஜ்யமாஹுர்து³ராத்மானம் வேஷ்²ம ப்ரஜ்வலிதம் யதா² |
பரஸ்வானாம் ச ஹரணம் பரதா³ராபி⁴மர்ஷ²னம் || 87-6-23
ஸுஹ்ருதா³மதிஷ²ங்காம் ச த்ரயோ தோ³ஷா꞉ க்ஷயாவஹா꞉ |
மஹர்ஷீணாம் வதோ⁴ கோ⁴ர꞉ ஸர்வதே³வைஷ்²ச விக்³ரஹ꞉ || 87-6-24
அபி⁴மானஷ்²ச கோபஷ்²ச வைரித்வம் ப்ரதிகூலதா |
ஏதே தோ³ஷா மம ப்⁴ராதுர்ஜீவிதைஷ்²வர்யநாஷ²னா꞉ || 87-6-25
கு³ணான்ப்ரச்சா²த³யாமாஸு꞉ பர்வதானிவ தோயதா³꞉ |
தோ³ஷைரேதை꞉ பரித்யக்தோ மயா ப்⁴ராதா பிதா தவ || 87-6-26
நேயமஸ்தி புரீ லங்கா ந ச த்வம் ந ச தே பிதா |
அதிமானீ ச பா³லஷ்²ச து³ர்வினீதஷ்²ச ராக்ஷஸ |
ப³த்³த⁴ஸ்த்வம் காலபாஷே²ன ப்³ரூஹி மாம் யத்³யதி³ச்ச²ஸி || 87-6-27
அத்³ய தே வ்யஸனம் ப்ராப்தம் கிமிஹ த்வம் து வக்ஷ்யஸி |
ப்ரவேஷ்டும் ந த்வயா ஷ²க்யோ ந்யக்³ரோதோ⁴ ராக்ஷஸாத⁴ம || 87-6-28
த⁴ர்ஷயித்வா து காகுத்ஸ்தௌ² ந ஷ²க்யம் ஜீவிதும் த்வயா |
யுத்⁴யஸ்வ நரதே³வேன லக்ஷ்மணேன ரணே ஸஹ || 87-6-29
ஹதஸ்த்வம் தே³வதா கார்யம் கரிஷ்யஸி யமக்ஷயே |
நித³ர்ஷ²யஸ்வாத்மப³லம் ஸமுத்³யதம் |
குருஷ்வ ஸர்வாயுத⁴ஸாயகவ்யயம் |
ந லக்ஷ்மணஸ்யைத்ய ஹி பா³ணகோ³சரம் |
த்வமத்³ய ஜீவன்ஸப³லோ க³மிஷ்யஸி || 87-6-30
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஸப்தாஷீ²ரிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
