வால்மீகி ராமாயணே ஆதி³ காவ்யே யுத்³த⁴காண்டே³ ஏகாஷீ²திதம꞉ ஸர்க³꞉
விஜ்ஞாய து மனஸ்தஸ்ய ராக⁴வஸ்ய மஹாத்மன꞉ |
ஸம்நிவ்ருத்யாஹவாத்தஸ்மாத்ப்ரவிவேஷ² புரம் தத꞉ || 2-81-1
ஸோ(அ)னுஸ்ம்ருத்ய வத⁴ம் தேஷாம் ராக்ஷஸானாம் தரஸ்வினாம் |
க்ரோத⁴தாம்ரேக்ஷண꞉ ஷூ²ரோ நிர்ஜகா³ம மஹாத்³யுதி꞉ || 2-81-2
ஸ பஷ்²சிமேன த்³வாரேண நிர்யயௌ ராக்ஷஸைர்வ்ருத꞉ |
இந்த்³ரஜித்து மஹாவீர்ய꞉ பௌலஸ்த்யோ தே³வகண்டக꞉ || 2-81-3
இந்த்³ரஜித்து ததோ த்³ருஷ்ட்வா ப்⁴ராதரௌ ராமலக்ஷ்மணௌ |
ரணாயாப்⁴யுத்³யதௌ வீரௌ மாயாம் ப்ராது³ஷ்கரோத்ததா³ || 2-81-4
இந்த்³ரஜித்து ரதே² ஸ்தா²ப்ய ஸூதாம் மாயாமயீம் ததா³ |
ப³லேன மஹதாவ்ருத்ய தஸ்யா வத⁴மரோசயத் || 2-81-5
மோஹனார்த²ம் து ஸர்வேஷாம் பு³த்³தி⁴ம் க்ருத்வா ஸுது³ர்மதி꞉ |
ஹந்தும் ஸீதாம் வ்யவஸிதோ வானராபி⁴முகோ² யயௌ || 2-81-6
தம் த்³ருஷ்ட்வா த்வபி⁴நிர்யாந்தம் நக³ர்யா꞉ கானனௌகஸ꞉ |
உத்பேதுரபி⁴ஸங்க்ருத்³தா⁴꞉ ஷி²லாஹஸ்தா யுயுத்ஸவ꞉ || 2-81-7
ஹனூமான்புரதஸ்தேஷாம் ஜகா³ம கபிகுஞ்ஜர꞉ |
ப்ரக்³ருஹ்ய ஸுமஹச்ச்²ருங்க³ம் பர்வதஸ்ய து³ராஸத³ம் || 2-81-8
ஸ த³த³ர்ஷ² ஹதானந்தா³ம் ஸீதாம் இந்த்³ரஜிதோ ரதே² |
ஏகவேணீத⁴ராம் தீ³நாமுபவாஸக்ருஷா²னனாம் || 2-81-9
பரிக்லிஷ்டைகவஸநாமம்ருஜாம் ராக⁴வப்ரியாம் |
ரஜோமலாப்⁴யாமாலிப்தை꞉ ஸர்வகா³த்ரைர்வரஸ்த்ரியம் || 2-81-10
தாம் நிரீக்ஷ்ய முஹூர்தம் து மைதி²லீம் அத்⁴யவஸ்ய ச |
பா³ஷ்பபர்யாகுலமுகோ² ஹனூமான்வ்யதி²தோ(அ)ப⁴வத் || 2-81-11
அப்³ரவீத்தாம் து ஷோ²கார்தாம் நிரானந்தா³ம் தபஸ்வினாம் |
த்³ருஷ்ட்வா ரதே² ஸ்திதாம் ஸீதாம் ராக்ஷஸேந்த்³ரஸுதாஷ்²ரிதாம் || 2-81-12
கிம் ஸமர்தி²தமஸ்யேதி சிந்தயன்ஸ மஹாகபி꞉ |
ஸஹ தைர்வானரஷ்²ரேஷ்டை²ரப்⁴யதா⁴வத ராவணிம் || 2-81-13
தத்³வானரப³லம் த்³ருஷ்ட்வா ராவணி꞉ க்ரோத⁴மூர்சி²த꞉ |
க்ருத்வா விஷோ²கம் நிஸ்த்ரிம்ஷ²ம் மூர்த்⁴னி ஸீதாம் பராம்ருஷ²த் || 2-81-14
தம் ஸ்த்ரியம் பஷ்²யதாம் தேஷாம் தாட³யாமாஸ ராவணி꞉ |
க்ரோஷ²ந்தீம் ராம ராமேதி மாயயா யோஜிதாம் ரதே² || 2-81-15
க்³ருஹீதமூர்த⁴ஜாம் த்³ருஷ்ட்வா ஹனூமாந்தை³ன்யமாக³த꞉ |
து³꞉க²ஜம் வாரிநேத்ராப்⁴யாமுத்ஸ்ருஜன்மாருதாத்மஜ꞉ || 2-81-16
தாம் த்³ருஷ்ட்வா சாருஸர்வாங்கீ³ம் ராமஸ்ய மஹிஷீம் ப்ரியாம் |
அப்³ரவீத்பருஷம் வாக்யம் க்ரோதா⁴த்³ரக்ஷோதி⁴பாத்மஜம் || 2-81-17
து³ராத்மன்னாத்மநாஷா²ய கேஷ²பக்ஷே பராம்ருஷ²꞉ |
ப்³ரஹ்மர்ஷீணாம் குலே ஜாதோ ராக்ஷஸீம் யோனிமாஷ்²ரித꞉ || 2-81-18
தி⁴க்த்வாம் பாபஸமாசாரம் யஸ்ய தே மதிரீத்³ருஷீ² |
ந்ருஷ²ம்ஸானார்ய து³ர்வ்ருத்த க்ஷுத்³ர பாபபராக்ரம || 2-81-19
அனார்யஸ்யேத்³ருஷ²ம் கர்ம க்⁴ருணா தே நாஸ்தி நிர்க்⁴ருண |
ச்யுதா க்³ருஹாச்ச ராஜ்யாச்ச ராமஹஸ்தாச்ச மைதி²லீ || 2-81-20
கிம் தவைஷாபராத்³தா⁴ ஹி யதே³னாம் ஹிம்ஸி நிர்த³ய |
ஸீதாம் ச ஹத்வா ந சிரம் ஜீவிஷ்யஸி கத²ம் சன || 2-81-21
வதா⁴ர்ஹகர்மணானேன மம ஹஸ்தக³தோ ஹ்யஸி |
யே ச ஸ்த்ரீகா⁴தினாம் லோகா லோகவத்⁴யைஷ்²ச குத்ஸிதா꞉ || 2-81-22
இஹ ஜீவிதமுத்ஸ்ருஜ்ய ப்ரேத்ய தான்ப்ரதிலப்ஸ்யஸே |
இதி ப்³ருவாணோ ஹனுமான்ஸாயுதை⁴ர்ஹரிபி⁴ர்வ்ருத꞉ || 2-81-23
அப்⁴யதா⁴வத ஸங்க்ருத்³தோ⁴ ராக்ஷஸேந்த்³ரஸுதம் ப்ரதி |
ஆபதந்தம் மஹாவீர்யம் தத³னீகம் வனௌகஸாம் || 2-81-24
ரக்ஷஸாம் பீ⁴மவேகா³நாமனீகேன ந்யவாரயத் |
ஸ தாம் பா³ணஸஹஸ்ரேண விக்ஷோப்⁴ய ஹரிவாஹினீம் || 2-81-25
ஹரிஷ்²ரேஷ்ட²ம் ஹனூமந்தமிந்த்³ரஜித்ப்ரத்யுவாச ஹ |
ஸுக்³ரீவஸ்த்வம் ச ராமஷ்²ச யந்நிமித்தமிஹாக³தா꞉ || 2-81-26
தாம் ஹநிஷ்யாமி வைதே³ஹீமத்³யைவ தவ பஷ்²யத꞉ |
இமாம் ஹத்வா ததோ ராமம் லக்ஷ்மணம் த்வாம் ச வானர || 2-81-27
ஸுக்³ரீவம் ச வதி⁴ஷ்யாமி தம் சானார்யம் விபீ⁴ஷணம் |
ந ஹந்தவ்யா꞉ ஸ்த்ரியஷ்²சேதி யத்³ப்³ரவீஷி ப்லவங்க³ம || 2-81-28
பீடா³ கரமமித்ராணாம் யத்ஸ்யாத்கர்தவ்யமேத தத் |
தமேவமுக்த்வா ருத³தீம் ஸீதாம் மாயாமயீம் தத꞉ || 2-81-29
ஷி²ததா⁴ரேண க²ட்³கே³ன நிஜகா⁴னேந்த்³ரஜித்ஸ்வயம் |
யஜ்ஞோபவீதமார்கே³ண சி²ன்னா தேன தபஸ்வினீ || 2-81-30
ஸா ப்ருதி²வ்யாம் ப்ருது²ஷ்²ரோணீ பபாத ப்ரியத³ர்ஷ²னா |
தாமிந்த்³ரஜித்ஸ்த்ரியம் ஹத்வா ஹனூமந்தமுவாச ஹ || 2-81-31
மயா ராமஸ்ய பஷ்²யேமாம் கோபேன ச நிஷூதி³தாம் |
ஏஷா விஷ²ஸ்தா வைதே³ஹீ நிஷ்ப²லோ வ꞉ பரிஷ்²ரம꞉ || 2-81-32
தத꞉ க²ட்³கே³ன மஹதா ஹத்வா தாம் இந்த்³ரஜித்ஸ்வயம் |
ஹ்ருஷ்ட꞉ ஸ ரத²மாஸ்தா²ய வினநாத³ மஹாஸ்வனம் || 2-81-33
வானரா꞉ ஷு²ஷ்²ருவு꞉ ஷ²ப்³த³மதூ³ரே ப்ரத்யவஸ்தி²தா꞉ |
வ்யாதி³தாஸ்யஸ்ய நத³தஸ்தத்³து³ர்க³ம் ஸம்ஷ்²ரிதஸ்ய து || 2-81-34
ததா² து ஸீதாம் வினிஹத்ய து³ர்மதி꞉ |
ப்ரஹ்ருஷ்டசேதா꞉ ஸ ப³பூ⁴வ ராவணி꞉ |
தம் ஹ்ருஷ்டரூபம் ஸமுதீ³க்ஷ்ய வானரா |
விஷண்ணரூபா꞉ ஸமபி⁴ப்ரது³த்³ருவு꞉ || 2-81-35
இத்யார்ஷே ஶ்ரீமத்³ராமாயணே வாமீகீயே ஆதி³காவ்யே யுத்³த⁴காண்டே³ ஏகாஷீ²திதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
