வால்மீகி ராமாயணே ஆதி³ காவ்யே யுத்³த⁴காண்டே³ அஷீ²திதம꞉ ஸர்க³꞉
மகராக்ஷம்ஹதம் ஷ்²ருத்வா ராவண꞉ ஸமிதிஞ்ஜய꞉ |
ரோஷேண மஹதாவிஷ்டோ த³ந்தான் கடகடாய்ய ச || 6-80-1
கோபிதஷ்²ச ததா³ தத்ர கிம் கார்யமிதி சிந்தயன் |
ஆதி³தே³ஷா²த² ஸம்க்ருத்³தோ⁴ ரணாயேந்த்³ரஜிதம் ஸுதம் || 6-80-2
ஜஹி வீர மஹாவீர்யௌ ப்⁴ராதரௌ ராமலக்ஷ்மணௌ |
அத்³ருஷ்²யோ த்³ருஷ்²யமானோ வா ஸர்வதா² த்வம் ப³லாதி⁴க꞉ || 6-80-3
த்வமப்ரதிமகர்மாணமிந்த்³ரம் ஜயஸி ஸம்யுகே³ |
கிம் புனர்மானுஷௌ த்³ருஷ்ட்வா ந வதி⁴ஷ்யஸி ஸம்யுகே³ || 6-80-4
ததோ²க்தோ ராக்ஷஸேந்த்³ரேண ப்ரதிக்³ருஹ்ய பிதுர்வச꞉ |
யஜ்ஞபூ⁴மௌ ஸ விதி⁴வத் பாவகம் ஜுஹவேந்த்³ரஜித் || 6-80-5
ஜுஹ்வதஷ்²சாபி தத்ராக்³னிம் ரக்தோஷ்ணீஷத⁴ரா꞉ ஸ்த்ரிய꞉ |
ஆஜக்³முஸ்தத்ர ஸம்ப்⁴ராந்தா ராக்ஷஸ்யோ யத்ர ராவணி꞉ || 6-80-6
ஷ²ஸ்த்ராணி ஷ²ரபத்ராணி ஸமிதோ⁴|அ அத² விபீ⁴தகா꞉ |
லோஹிதானி ச வாஸாம்ஸி ஸ்ருவம் கார்ஷ்ணாயஸம் ததா² || 6-80-7
ஸர்வதோ|அக்³னிம் ஸமாஸ்தீர்ய ஷ²ரபத்ரை꞉ ஸதோமரை꞉ |
சாக³ஸ்ய ஸர்வக்ருஷ்ணஸ்ய க³ளம் ஜக்³ராஹ ஜீவத꞉ || 6-80-8
ஸக்ருத்³தோ⁴மஸமித்³த⁴ஸ்ய விதூ⁴மஸ்ய மஹார்சிஷ꞉ |
ப³பூ⁴வுஸ்தானி லிங்கா³னி விஜயம் த³ர்ஷ²யந்தி ச || 6-80-9
ப்ரத³க்ஷிணாவர்தஷி²க²ஸ்தப்தஹாடகஸன்னிப⁴꞉ |
ஹவிஸ்தத்ப்ரதிஜக்³ராஹ பாவக꞉ ஸ்வயமுத்தி²த꞉ || 6-80-10
ஹுத்வாக்³னிம் தர்பயித்வாத² தே³வதா³னவராக்ஷஸான் |
ஆருரோஹ ரத²ஷ்²ரேஷ்ட²மந்தர்தா⁴நக³ரம் ஷு²ப⁴ம் || 6-80-11
ஸ வாஜிபி⁴ஷ்²சதுர்பி⁴ஸ்து பா³ணைஸ்து நிஷி²தைர்யுத꞉ |
ஆரோபிதமஹாசாப꞉ ஷு²ஷு²பே⁴ ஸ்யந்த³னோத்தம꞉ || 6-80-12
ஜாஜ்வல்யமானோ வபுஷா தபனீயபரிச்ச²த³꞉ |
ம்ருகை³ஷ்²சந்த்³ரார்த⁴சந்த்³ரைஷ்²ச ஸ ரத²꞉ ஸமலங்க்ருத꞉ || 6-80-13
ஜாம்பூ³னத³மஹாகம்பு³ர்தீ³ப்தபாவகஸன்னிப⁴꞉ |
ப³பூ⁴வேந்த்³ரஜித꞉ கேதுர்வைதூ³ர்யஸமலங்க்ருத꞉ || 6-80-14
தேன சாதி³த்யகல்பேன ப்³ரஹ்மஸ்த்ரேண ச பாலித꞉ |
ஸ ப³பூ⁴வ து³ராத⁴ர்ஷோ ராவணி꞉ ஸுமஹாப³ல꞉ || 6-80-15
ஸோ|அபி⁴நிர்யாய நக³ராதி³ந்த்³ரஜித்ஸமிதிஞ்ஜய꞉ |
ஹுத்வாக்³னிம் ராக்ஷஸைர்மன்ரைரந்தர்தா⁴னக³தோ|அப்³ரவீத் || 6-80-16
அத்³ய ஹத்வா ரணே யௌ தௌ மித்²யாப்ரவ்ரஜிதௌ வனே |
ஜயம் பித்ரே ப்ரதா³ஸ்யாமி ராவணாய ரணார்ஜிதம் || 6-80-17
அத்³ய நிர்வானராமுர்வீம் ஹத்வா ராமம் ச லக்ஷ்மணம் |
கரிஷ்யே பரமாம் ப்ரீதிமித்யுக்த்வாந்தரதீ⁴யத || 6-80-18
ஆபபாதாத² ஸம்க்ருத்³தோ⁴ த³ஷ²க்³ரீவேண சோதி³த꞉ |
தீக்ஷணகார்முகனாராசைஸ்தீக்ஷணஸ்த்விந்த்³ரரிபூ ரணே || 6-80-19
ஸ த³த³ர்ஷ² மஹாவீர்யௌ நாகௌ³ த்ரிஷி²ரஸாவிவ |
ஸ்ருஜந்தாவிஷுஜாலானி வீரௌ வானரமத்⁴யகௌ³ || 6-80-20
இமௌ தாவிதி ஸஞ்சிந்த்ய ஸஜ்யம் க்ருத்வா ச கார்முகம் |
ஸந்ததானேஷுதா⁴ராபி⁴꞉ பர்ஜன்ய இவ வ்ருஷ்டிமான் || 6-80-21
ஸ து வைஹாயஸம் ப்ராப்ய ஸரதோ² ராமலக்ஷ்மணௌ |
அசக்ஷுர்விஷயே திஷ்ட²ன்விவ்யாத⁴ நிஷி²தை꞉ ஷ²ரை꞉ || 6-80-22
தௌ தஸ்ய ஷ²ரவேகே³ன பரீதௌ ராமலக்ஷ்மணௌ |
த⁴னுஷீ ஸஷ²ரே க்ருத்வா தி³வ்யமஸ்த்ரம் ப்ரசக்ரது꞉ || 6-80-23
ப்ரச்சா²த³யந்தௌ க³க³னம் ஷ²ரஜாலைர்மஹாப³லௌ |
தமஸ்த்ரை꞉ ஸுரஸங்காஷௌ² நைவ பஸ்பர்ஷ²து꞉ ஷ²ரை꞉ || 6-80-24
ஸ ஹி தூ⁴மாந்த⁴காரம் ச சக்ரே ப்ரச்சா²த³யன்னப⁴꞉ |
தி³ஷ²ஷ்²சாந்தர்த³தே⁴ ஶ்ரீமான்னீஹாரதமஸாவ்ருத꞉ || 6-80-25
நைவ ஜ்யாதலநிர்கோ⁴ஷோ ந ச நேமிகு²ரஸ்வன꞉ |
ஷு²ஷ்²ருவே சரதஸ்தஸ்ய ந ச ரூபம் ப்ரகாஷ²தே || 6-80-26
க⁴னாந்த⁴காரே திமிரே ஷ²ரவர்ஷமிவாத்³பு⁴தம் |
ஸ வவர்ஷ மஹாபா³ஹுர்னாராசஷ²ரவ்ருஷ்டிபி⁴꞉ || 6-80-27
ஸ ராமம் ஸூர்யஸங்காஷை²꞉ ஷ²ரைர்த³த்தவரோ ப்⁴ருஷ²ம் |
விவ்யாத⁴ ஸமரே க்ருத்³த⁴꞉ ஸர்வகா³த்ரேஷு ராவணி꞉ || 6-80-28
தௌ ஹன்யமானௌ நாராசைர்தா⁴ராபி⁴ரிவ பர்வதௌ |
ஹேமபுங்கா²ன்னரவ்யாக்⁴ரௌ திக்³மான்முமுசது꞉ ஷ²ரான் || 6-80-29
அந்தரிக்ஷம் ஸமாஸாத்³ய ராவணிம் கங்கபத்ரிண꞉ |
நிக்ருத்ய பதகா³ பூ⁴மௌ பேதுஸ்தே ஷோ²ணிதோக்ஷிதா꞉ || 6-80-30
அதிமாத்ரம் ஷ²ரௌகே⁴ண பீட்³யமானௌ நரோத்தமௌ |
தாநிஷூன்பததோ ப⁴ல்லைரனேகைர்னிசகர்தது꞉ || 6-80-31
யதோ ஹி த³த்³ருஷா²தே தௌ ஷ²ராந்நிபதிதாஞ்ஷி²தான் |
ததஸ்ததோ தா³ஷ²ரதீ² ஸஸ்ருஜாதே(அ)ஸ்த்ரமுத்தமம் || 6-80-32
ராவணிஸ்து தி³ஷ²꞉ ஸர்வா ரதே²னாதிரத²꞉ பதன் |
விவ்யாத⁴ தௌ தா³ஷ²ரதீ² லக்⁴வஸ்த்ரோ நிஷி²தை꞉ ஷ²ரை꞉ || 6-80-33
தேனாதிவித்³தௌ⁴ தௌ வீரௌ ருக்மபுங்கை²꞉ ஸுஸம்ஹதை꞉ |
ப³பூ⁴வதுர்தா³ஷ²ரதீ² புஷ்பிதாவிவ கிம்ஷு²கௌ || 6-80-34
நாஸ்ய வேத³ க³திம் கஷ்²சின்ன ச ரூபம் த⁴னு꞉ ஷ²ரான் |
ந சான்யத்³விதி³தம் கிம் சித்ஸூர்யஸ்யேவாப்⁴ரஸம்ப்லவே || 6-80-35
தேன வித்³தா⁴ஷ்²ச ஹரயோ நிஹதாஷ்²ச க³தாஸவ꞉ |
ப³பூ⁴வு꞉ ஷ²தஷ²ஸ்தத்ர பதிதா த⁴ரணீதலே || 6-80-36
லக்ஷ்மணஸ்து ஸுஸங்க்ருத்³தோ⁴ ப்⁴ராதரம் வாக்யமப்³ரவீத் |
ப்³ராஹ்மமஸ்த்ரம் ப்ரயோக்ஷ்யாமி வதா⁴ர்த²ம் ஸர்வரக்ஷஸாம் || 6-80-37
தமுவாச ததோ ராமோ லக்ஷ்மணம் ஷு²ப⁴லக்ஷணம் |
நைகஸ்ய ஹேதோ ரக்ஷாம்ஸி ப்ருதி²வ்யாம் ஹந்துமர்ஹஸி || 6-80-38
அயுத்⁴யமானம் ப்ரச்ச²ன்னம் ப்ராஞ்ஜலிம் ஷ²ரணாக³தம் |
பலாயந்தம் ப்ரமத்தம் வா ந த்வம் ஹந்துமிஹார்ஹஸி || 6-80-39
அஸ்யைவ து வதே⁴ யத்னம் கரிஷ்யாவோ மஹாபுஜ |
ஆதே³க்ஷ்யாவோ மஹாவேகா³னஸ்த்ராநாஷீ²விஷோபமான் || 6-80-40
தமேனம் மாயினம் க்ஷுத்³ரமந்தர்ஹிதரத²ம் ப³லாத் |
ராக்ஷஸம் நிஹநிஷ்யந்தி த்³ருஷ்ட்வா வானரயூத²பா꞉ || 6-80-41
யத்³யேஷ பூ⁴மிம் விஷ²தே தி³வம் வா |
ரஸாதலம் வாபி நப⁴ஸ்தலம் வா |
ஏவம் நிகூ³டோ⁴(அ)பி மமாஸ்த்ரத³க்³த⁴꞉ |
பதிஷ்யதே பூ⁴மிதலே க³தாஸு꞉ || 6-80-42
இத்யேவமுக்த்வா வசனம் மஹாத்மா |
ரகு⁴ப்ரவீர꞉ ப்லவக³ர்ஷபை⁴ர்வ்ருத꞉ |
வதா⁴ய ரௌத்³ரஸ்ய ந்ருஷ²ம்ஸகர்மணஸ் |
ததா³ மஹாத்மா த்வரிதம் நிரீக்ஷதே || 6-80-43
இத்யார்ஷே ஶ்ரீமத்³ராமாயணே வால்மீகீயே ஆதி³காவ்யே யுத்³த⁴காண்டே³ அஷீ²திதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
