வால்மீகி ராமாயணே ஆதி³ காவ்யே யுத்³த⁴காண்டே³ ஸப்தஷஷ்டிதம꞉ ஸர்க³꞉
தே நிவ்ருத்தா மஹாகாயா꞉ ஷ்²ருத்வாங்க³த³வசஸ்ததா³ |
நைஷ்டி²கீம் பு³த்³தி⁴மாஸ்தா²ய ஸர்வே ஸம்க்³ராமகாங்க்ஷிண꞉ || 6-66-1
ஸமுதீ³ரிதவீர்யாஸ்தே ஸமாரோபிதவிக்ரமா꞉ |
பர்யவஸ்தா²பிதா வாக்யைரங்க³தே³ன ப³கூதஸா || 6-67-2
ப்ரயாதாஷ்²ச க³தா ஹர்ஷம் மரணே க்ருதநிஷ்²சயா꞉ |
சக்ரு꞉ ஸுதுமுலம் யுத்³த⁴ம் வானராஸ்த்யக்தஜீவிதா꞉ || 6-67-3
அத² வ்ருக்ஷான் மஹாகாயா꞉ ஸானூனி ஸுமஹாந்தி ச |
வானராஸ்தூர்ணமுத்³யம்ய கும்ப⁴கர்ணமபி⁴த்³ரவன் || 6-67-4
கும்ப⁴கர்ண꞉ ஸம்க்ருத்³தோ⁴ க³தா³முத்³யம்ய வீர்யவான் |
த⁴ர்ஷயன் ஸ மஹாகாய꞉ ஸமந்தாத்³வ்யக்ஷிபத்³ரிபூன் || 6-67-5
ஷ²தானி ஸப்த சாஷ்டௌ ச ஸஹஸ்ராணி ச வானரா꞉ |
ப்ரகீர்ணா꞉ ஷே²ரதே பூ⁴மௌ கும்ப⁴கர்ணேன தாடி³தா꞉ || 6-67-6
ஷோட³ஷா²ஷ்டௌ ச த³ஷ² ச விம்ஷ²த்த்ரிம்ஷ²த்ததை²வ ச |
பரிக்ஷிப்ய ச பா³ஹுப்⁴யாம் கா²த³ன்வி பரிதா⁴வதி || 6-67-7
ப⁴க்ஷயன் ப்⁴ருஷ²ஸங்க்ருத்³தோ⁴ க³ருட³꞉ பன்னகா³னிவ |
க்ருச்ச்²ரேண ச ஸமாஷ்²வஸ்தா꞉ ஸம்க³ம்ய ச ததஸ்தத꞉ || 6-67-8
வ்ருக்ஷாத்³ரிஹஸ்தா ஹரயஸ்தஸ்து²꞉ ஸம்க்³ராமமூர்த⁴னி |
தத꞉ பர்வதமுத்பாட்ய த்³விவித³꞉ ப்லவக³ர்ஷப⁴꞉ || 6-67-9
து³த்³ராவ கி³ரிஷ்²ருங்கா³ப⁴ம் விளம்ப³ இவ தோயத³꞉ |
தம் ஸமுத்பத்ய சிக்ஷேப கும்ப⁴கர்ணாய வானர꞉ || 6-67-10
தமப்ராப்ய மஹாகாயம் தஸ்ய ஸைன்யே(அ)பதத்தத꞉ |
மமர்தா³ஷ்²வான் க³ஜாம்ஷ்²சாபி ரதா²ம்ஷ்²சாபி நகோ³த்தம꞉ || 6-67-11
தானி சான்யானி ரக்ஷாம்ஸி ஏவம் சான்யத்³கி³ரே꞉ ஷி²ர꞉ |
தச்ச²ஏலவேகா³பி⁴ஹதம் ஹதாஷ்²வம் ஹதஸாரதி² || 6-67-12
ரக்ஷஸாம் ருதி⁴ரக்லின்னம் ப³பூ⁴வாயோத⁴னம் மஹத் |
ரதி²னோ வானரேந்த்³ராணாம் ஷ²ரை꞉ காலாந்தகோபமை꞉ || 6-67-13
ஷி²ராம்ஸி நர்த³தாம் ஜஹ்ரு꞉ ஸஹஸா பீ⁴மநி꞉ஸ்வனா꞉ |
வானராஷ்²ச மஹாத்மான꞉ ஸமுத்பாட்ய மஹாத்³ருமான் || 6-67-14
ரதா²னஷ்²வான் க³ஜானுஷ்ட்ரான்ராக்ஷஸானப்⁴யஸூத³யன் |
ஹனூமான் ஷை²லஷ்²ருங்கா³ணி வ்ருக்ஷாம்ஷ்²ச விவிதா⁴ன் த்⁴ருமான் || 6-67-15
வவர்ஷ கும்ப⁴கர்ணஸ்ய ஷி²ரஸ்யம்ப³ரமாஸ்தி²த꞉ |
தானி பர்வதஷ்²ருங்கா³ணி ஷூ²லேன து பி³பே⁴த³ ஹ || 6-67-16
ப³ப⁴ஞ்ஜ வ்ருக்ஷவர்ஷம் ச கும்ப⁴கர்ணோ மஹாப³ல꞉ |
ததோ ஹரீணாம் தத³னீகமுக்³ரம் |
து³த்³ராவ ஷூ²லம் நிஷி²தம் ப்ரக்³ருஹ்ய |
தஸ்தௌ² ததோ(அ)ஸ்யாபதத꞉ புரஸ்தான் |
ந்மஹீத⁴ராக்³ரம் ஹனுமான் ப்ரக்³ருஹ்ய || 6-67-17
ஸ கும்ப⁴கர்ணம் குபிதோ ஜகா⁴ன |
வேகே³ன ஷை²லோத்தமபீ⁴மகாயம் |
ஸ சுக்ஷுபே⁴ தேன ததா³பி⁴பூ³தோ |
மேதா³ர்த்³ரகா³த்ரோ ருதி⁴ராவஸிக்த꞉ || 6-67-18
ஸ ஷூ²லமாவித்⁴ய தடி³த்ப்ரகாஷ²ம் |
கி³ரிர்யதா² ப்ரஜ்வலிதாக்³ரஷ்²ருங்க³ம் |
பா³ஹ்வந்தரே மாருதி மாஜகா⁴ன |
கு³ஹோ(அ)சலம் க்ரௌஞ்சமிவோக்³ரஷ²க்த்யா || 6-67-19
ஸ ஷூ²லநிர்பி⁴ன்ன மஹாபு⁴ஜாந்தர꞉ |
ப்ரவிஹ்வல꞉ ஷோ²ணிதமுத்³வமன்முகா²த் |
நநாத³ பீ⁴மம் ஹனுமான் மஹாஹவே |
யுகா³ந்தமேக⁴ஸ்தனிதஸ்வனோபமம் || 6-67-20
ததோ வினேது³꞉ ஸஹஸா ப்ரஹ்ருஷ்டா |
ரக்ஷோக³ணாஸ்தம் வ்யதி²தம் ஸமீக்ஷ்ய |
ப்லவம்க³மாஸ்து வ்யதி²தா ப⁴யார்தா꞉ |
ப்ரது³த்³ருவு꞉ ஸம்யதி கும்ப⁴கர்ணாத் || 6-67-21
ததஸ்து நீலோ ப³லவான் பர்யவஸ்தா²பயன் ப³லம் |
ப்ரவிசிக்ஷேப ஷை²லாக்³ரம் கும்ப⁴கர்ணாய தீ⁴மதே || 6-67-22
ததா³பதந்தம் ஸம்ப்ரேக்ஷ்யே முஷ்டிநாபி⁴ஜகா⁴ன ஹ |
முஷ்டிப்ரஹாராபி⁴ஹதம் தச்சை²லாக்³ரம் வ்யஷீ²ர்யத || 6-67-23
ஸவிஸ்பு²லிம்க³ம் ஸஜ்வாலம் நிபபாத மஹீதலே |
ருஷப⁴꞉ ஷ²ரபோ⁴ நீலோ க³வாக்ஷோ க³ந்த⁴மாத³ன꞉ || 6-67-24
பஞ்ச வானர ஷா²ர்தூ³ளா꞉ கும்ப⁴கர்ணமுபாத்³ரவன் |
ஷை²லைர்வ்ருக்ஷைஸ்தலை꞉ பாதை³ர்முஷ்டிபி⁴ஷ்²ச மஹாப³லா꞉ || 6-67-25
கும்ப⁴கர்ணம் மஹாகாம் நிஜக்⁴னு꞉ ஸர்வதோ யுதி⁴ |
ஸ்பர்ஷா²னிவ ப்ரஹாராம்ஸ்தான்வேத³யானோ ந விவ்யதே² || 6-67-26
ருஷப⁴ம் து மஹாவேக³ம் பா³ஹுப்⁴யாம் பரிஷஸ்வஜே |
கும்ப⁴கர்ணபு⁴ஜாப்⁴யாம் து பீடி³தோ வானரர்ஷப⁴꞉ || 6-67-27
நிபபாதர்ஷபோ⁴ பீ⁴ம꞉ ப்ரமுகா²க³தஷோ²ணித꞉ |
முஷ்டினா ஷ²ரப⁴ம் ஹத்வா ஜானுனா நீலமாஹவே || 6-67-28
ஆஜகா⁴ன க³வாக்ஷம் ச தலேனேந்த்³ரரிபுஸ்ததா³ |
பாதே³நாப்⁴யஹனத்க்ருத்³த⁴ ஸ்தரஸா க³ந்த⁴மாத³னம் || 6-67-29
த³த்தப்ரஹரவ்யதி²தா முமுஹு꞉ ஷோ²ணிதோக்ஷிதா꞉ |
நிபேதுஸ்தே து மேதி³ன்யாம் நிக்ருத்தா இவ கிம்ஷு²கா꞉ || 6-67-30
தேஷு வானரமுக்²யேஷு பதிதேஷு மஹாத்மஸு |
வானராணாம் ஸஹஸ்ராணி கும்ப⁴கர்ணம் ப்ரது³த்³ருவு꞉ || 6-67-31
தம் ஷை²லமிவ ஷை²லாபா⁴꞉ ஸர்வே து ப்லவக³ர்ஷபா⁴꞉ |
ஸமாருஹ்ய ஸமுத்பத்ய த³த³ம்ஷு²ஷ்²ச மஹாப³லா꞉ || 6-67-32
தம் நகை²ர்த³ஷ²னைஷ்²சாபி முஷ்டிபி⁴ர்ஜானுபி⁴ஸ்ததா² |
கும்ப⁴கர்ணம் மஹாகாயம் தே ஜக்⁴னு꞉ ப்லவக³ர்ஷபா⁴꞉ || 6-67-33
ஸ வானரஸஹஸ்த்ரைஸ்து விசித꞉ பர்வதோபம꞉ |
ரராஜ ராக்ஷஸவ்யாக்⁴ரோ கி³ரிராத்மருஹைரிவ || 6-67-34
பா³ஹுப்⁴யாம் வானரான் ஸர்வான் ப்ரக்³ருஹ்ய ஸ மஹாப³ல꞉ |
ப⁴க்ஷயாமாஸ ஸம்க்ருத்³தோ⁴ க³ருட³꞉ பன்னகா³னிவ || 6-67-35
ப்ரக்ஷிப்தா꞉ கும்ப⁴கர்ணேன வக்த்ரே பாதாலஸம்நிபே⁴ |
நாஸாபுடாப்⁴யாம் நிர்ஜக்³மு꞉ கர்ணாப்⁴யாம் சைவ வானரா꞉ || 6-67-36
ப⁴க்ஷயன் ப்⁴ருஷ²ஸம்க்ருத்³தோ⁴ ஹரீன் பர்வதஸம்நிப⁴꞉ |
ப³ப⁴ஞ்ஜ வானரான் ஸர்வான் ஸம்க்ருத்³தோ⁴ ராக்ஷஸோத்தம꞉ || 6-67-37
மாம்ஸஷோ²ணிதஸம்க்லேதா³ம் குர்வன் பூ⁴மிம் குர்வன்ஸ ராக்ஷஸ꞉ |
சசார ஹரிஸைன்யேஷு காலாக்³நிரிவ மூர்சி²த꞉ || 6-67-38
வஜ்ரஹஸ்தோ யதா² ஷ²க்ர꞉ பாஷ²ஹஸ்த இவாந்தக꞉ |
ஷூ²லஹஸ்தோ ப³பௌ⁴ கும்ப⁴கர்ணோ மஹாப³ல꞉ || 6-67-39
யதா² ஷு²ஷ்காண்யரண்யானி க்³ரீஷ்மே த³ஹதி பாவக꞉ |
ததா² வானரஸைன்யானி கும்ப⁴கர்ணோ த³தா³ஹ ஸ꞉ || 6-67-40
ததஸ்தே வத்⁴யமானாஸ்து ஹதயூதா² விநாயகா꞉ |
வானரா ப⁴யஸம்விக்³னா வினேது³ர்விஸ்வரம் ப்⁴ருஷ²ம் || 6-67-41
அனேகஷோ² வத்⁴யமானா꞉ கும்ப⁴கர்ணேன வானரா꞉ |
ராக⁴வம் ஷ²ரணம் ஜக்³முர்வ்யதி²தா꞉ கி²ன்னசேதஸ꞉ || 6-67-42
ப்ரப⁴க்³னான் வானரான் த்³ருஷ்ட்வா வஜ்ரஹஸ்தாத்மஜாத்மஜ꞉ |
அப்⁴யதா⁴வத வேகே³ன கும்ப⁴கர்ணம் மஹாஹவே || 6-67-43
ஷை²லஷ்²ருங்க³ம் மஹத்³க்³ருஹ்ய வினத³ன் ஸ முஹுர்முஹு꞉ |
த்ராஸயன் ராக்ஷஸான் ஸர்வா கும்ப⁴கர்ணபதா³னுகா³ன் || 6-67-44
சிக்ஷேப ஷை²லஷி²க²ரம் கும்ப⁴கர்ணஸ்ய மூர்த⁴னி |
ஸ தேநாபி⁴ஹதோ மூர்த்⁴னி ஷை²லேனேந்த்³ரரிபுஸ்ததா³ || 6-67-45
கும்ப⁴கர்ண꞉ ப்ரஜஜ்வால க்ரோதே⁴ன மஹதா ததா³ |
ஸோ(அ)ப்⁴யதா⁴வத வேகே³ன வாலிபுத்ரமமர்ஷணம் || 6-67-46
கும்ப⁴கர்ணோ மஹாநாத³ஸ்த்ராஸயன் ஸர்வவானரான் |
ஷூ²லம் ஸஸர்ஜ வை ரோஷாத³ங்க³தே³ து மஹாப³ல꞉ || 6-67-47
த மாபதந்தம் பு³த்³த்⁴வா து யுத்³த⁴மார்க³விஷா²ரத³꞉ |
லாக⁴வான்மோசயாமாஸ ப³லவான் வானரர்ஷப⁴꞉ || 6-67-48
உத்பத்ய சைனம் தரஸா தலேனோரஸ்யதாட³யத் |
ஸ தேநாபி⁴ஹத꞉ கோபாத்ப்ரமுமோஹாசலோபம꞉ || 6-67-49
ஸ லப்³த⁴ஸம்ஜ்ஞோ(அ)திப³லோ முஷ்டிம் ஸம்க்³ருஇஹ்ய ராக்ஷஸ꞉ |
அபஹாஸேன சிக்ஷேப விஸம்ஜ்ஞ꞉ ஸ பபாத ஹ || 6-67-50
தஸ்மின் ப்லவக³ஷா²ர்தூ³ளே விஸம்ஜ்ஞே பதிதே பு⁴வி |
தசுசூ²லம் ஸமுபாதா³ய ஸுக்³ரீவமபி⁴து³த்³ருவே || 6-67-51
தமாபதந்தம் ஸம்ப்ரேக்ஷ்ய கும்ப⁴கர்ணம் மஹாப³லம் |
உத்பபாத ததா³ வீர꞉ ஸுக்³ரீவோ வானராதி⁴ப꞉ || 6-67-52
ஸ பர்வதாக்³ரமுத்க்ஷிப்ய ஸமாவித்⁴ய மஹாகபி꞉ |
அபி⁴து³த்³ராவ வேகே³ன கும்ப⁴கர்ணம் மஹாப³லம் || 6-67-53
தமாபதந்தம் ஸம்ப்ரேக்ஷ்ய கும்ப⁴கர்ண꞉ ப்லவங்க³மம் |
தஸ்தௌ² விவ்ருதஸர்வாங்கோ³ வானரேந்த்³ரஸ்ய ஸம்முக²꞉ || 6-67-54
கபிஷோ²ணிததி³க்³தா⁴ங்க³ம் ப⁴க்ஷயந்தம் மஹாகபீன் |
கும்ப⁴கர்ணம் ஸ்தி²தம் த்³ருஷ்ட்வா ஸுக்³ரீவோ வாக்யமப்³ரவீத் || 6-67-55
பாதிதாஷ்²ச த்வயா வீரா꞉ க்ருதம் கர்ம ஸுது³ஷ்கரம் |
ப⁴க்ஷிதானி ச ஸைன்யானி ப்ராப்தம் தே பரமம் யஷ²꞉ || 6-67-56
த்யஜ தத்³வானரானீகம் ப்ராக்ருதை꞉ கிம் கரிஷ்யஸி |
ஸஹஸ்வைகம் நிபாதம் மே பர்வதஸ்யாஸ்ய ராக்ஷஸ || 6-67-57
தத்³வாக்யம் ஹரிராஜஸ்ய ஸத்த்வதை⁴ர்யஸமன்விதம் |
ஷ்²ருத்வா ராக்ஷஸஷா²ர்தூ³ள꞉ கும்ப⁴கர்ணோ(அ)ப்³ரவீத்³வச꞉ || 6-67-58
ப்ரஜாபதேஸ்து பௌத்ரஸ்த்வம் ததை²வர்க்ஷரஜ꞉ஸுத꞉ |
த்⁴ருதிபௌருஷஸம்பன்ன꞉ கஸ்மாத்³க³ர்ஜஸி வானர || 6-67-59
ஸ கும்ப⁴கர்ணஸ்ய வசோ நிஷ²ம்ய |
வ்யாவித்⁴ய ஷை²லம் ஸஹஸா முமோச |
தேனாஜகா⁴னோரஸி கும்ப⁴கர்ணம் |
ஷை²லேன வஜ்ராஷ²நிஸம்நிபே⁴ன || 6-67-60
தச்சை²லஷ்²ருங்க³ம் ஸஹஸா விகீர்ணம் |
பு⁴ஜாந்தரே தஸ்ய ததா³ விஷா²லே |
ததோ விஷேது³꞉ ஸஹஸா ப்லவம்கா³ |
ரக்ஷோக³ணாஷ்²சாபி முதா³ வினேது³꞉ || 6-67-61
ஸ ஷை²லஷ்²ருங்கா³பி⁴ஹதஷ்² சுகோப |
நநாத³ கோபாச்ச விவ்ருத்ய வக்த்ரம் |
வ்யாவித்⁴ய ஷூ²லம் ச தடி³த்ப்ரகாஷ²ம் |
சிக்ஷேப ஹர்ய்ருக்ஷபதேர்வதா⁴ய || 6-67-62
தத்கும்ப⁴கர்ணஸ்ய பு⁴ஜப்ரவித்³த⁴ம் |
ஷூ²லம் ஷி²தம் காஞ்சன தா³மஜுஷ்டம் |
க்ஷிப்ரம் ஸமுத்பத்ய நிக்³ருஹ்ய தோ³ர்ப்⁴யாம் |
ப³ப⁴ஞ்ஜ வேகே³ன ஸுதோ(அ)னிலஸ்ய || 6-67-63
க்ருதம் பா⁴ரஸஹஸ்ரஸ்ய ஷூ²லம் காலாயஸம் மஹத் |
ப³ப⁴ஞ்ஜ ஜனௌமாரோப்ய ப்ரஹ்ருஷ்ட꞉ ப்லவக³ர்ஷப⁴꞉ || 6-67-64
ஷூ²லம் ப⁴க்³னம் ஹனுமதா த்³ருஷ்ட்வா வானரவாஹினீ |
ஹ்ருஷ்டா நநாத³ ப³ஹுஷ²꞉ ஸர்வதஷ்²சாபி து³த்³ருவே || 6-67-65
ப³பூ⁴வாத² பரித்ரஸ்தோ ராக்ஷஸோ விமுகோ²(அ)ப⁴வத் |
ஸிம்ஹநாத³ம் ச தே சக்ரு꞉ ப்ரஹ்ருஷ்டா வனகோ³சரா꞉ || 6-67-66
மாருதிம் பூஜயாஞ்சக்ருர்த்³ருஷ்ட்வா ஷூ²லம் ததா²க³தம் |
ஸ தத்ததா³ ப⁴க்³னமவேக்ஷ்ய ஷூ²லம் |
சுகோப ரக்ஷோ(அ)தி⁴பதிர்மஹாத்மா |
உத்பாட்ய லங்காமலயாத்ஸ ஷ்²ருங்க³ம் |
ஜகா⁴ன ஸுக்³ரீவமுபேத்ய தேன || 6-67-67
ஸ ஷை²லஷ்²ருங்கா³பி⁴ஹதோ விஸம்ஜ்ஞ꞉ |
பபாத பூ⁴மௌ யுதி⁴ வானரேந்த்³ர꞉ |
தம் ப்ரேக்ஷ்ய பூ⁴மௌ பதிதம் விஸம்ஜ்ஞம் |
நேது³꞉ ப்ரஹ்ருஷ்டா யுதி⁴ யாதுதா⁴னா꞉ || 6-67-68
தமப்⁴யுபேத்யாத்³பு⁴தகோ⁴ரவீர்யம் |
ஸ கும்ப⁴கர்ணோ யுதி⁴ வானரேந்த்³ரம் |
ஜஹார ஸுக்³ரீவமபி⁴ப்ரக்³ருஹ்ய |
யதா²னிலோ மேக⁴மதிப்ரசண்ட³꞉ || 6-67-69
ஸ தம் மஹாமேக⁴னிகாஷ²ரூபம் |
உத்பாட்ய க³ச்ச²ன்யுதி⁴ கும்ப⁴கர்ண꞉ |
ரராஜ மேருப்ரதிமானரூபோ |
மேருர்யதா²த்யுச்ச்²ரிதகோ⁴ரஷ்²ருங்க³꞉ || 6-67-70
தத꞉ ஸமுத்பாட்ய ஜகா³ம வீர꞉ |
ஸம்ஸ்தூயமானோ யுதி⁴ ராக்ஷஸேந்த்³ரை꞉ |
ஷ்²ருண்வன்னிநாத³ம் த்ரித³ஷா²லயானாம் |
ப்லவம்க³ராஜக்³ரஹவிஸ்மிதானாம் || 6-67-71
ததஸ்தமாதா³ய ததா³ ஸ மேனே |
ஹரீந்த்³ரமிந்த்³ரோபமமிந்த்³ரவீர்ய꞉ |
அஸ்மின்ஹ்ருதே ஸர்வமித³ம் ஹ்ருதம் ஸ்யாத் |
ஸராக⁴வம் ஸைன்யமிதீந்த்³ரஷ²த்ரு꞉ || 6-67-72
வித்³ருதாம் வாஹினீம் த்³ருஷ்ட்வா வானராணாம் ததஸ்தத꞉ |
கும்ப⁴கர்ணேன ஸுக்³ரீவம் க்³ருஹீதம் சாபி வானரம் || 6-67-73
ஹனூமாம்ஷ்²சிந்தயாமாஸ மதிமான் மாருதாத்மஜ꞉ |
ஏவம் க்³ருஹீதே ஸுக்³ரீவே கிம் கர்தவ்யம் மயா ப⁴வேத் || 6-67-74
யத்³வை ந்யாய்யம் மயா கர்தும் தத்கரிஷ்யாமி ஸர்வதா² |
பூ⁴த்வா பர்வதஸம்காஷோ² நாஷ²யிஷ்யாமி ராக்ஷஸம் || 6-67-75
மயா ஹதே ஸம்யதி கும்ப⁴கர்ணே |
மஹாப³லே முஷ்டிவிஷீ²ர்ணதே³ஹே |
விமோசிதே வானரபார்தி²வே ச |
ப⁴வந்து ஹ்ருஷ்டா꞉ ப்ரவகா³꞉ ஸமக்³ரா꞉ || 6-67-76
அத² வா ஸ்வயமப்யேஷ மோக்ஷம் ப்ராப்ஸ்யதி பார்தி²வ꞉ |
க்³ருஹீதோ(அ)யம் யதி³ ப⁴வேத்த்ரித³ஷை²꞉ ஸாஸுரோரகை³꞉ || 6-67-77
மன்யே ந தாவதா³த்மானம் பு³த்⁴யதே வானராதி⁴ப꞉ |
ஷை²லப்ரஹாராபி⁴ஹத꞉ கும்ப⁴கர்ணேன ஸம்யுகே³ || 6-67-78
அயம் முஹூர்தாத்ஸுக்³ரீவோ லப்³த⁴ஸம்ஜ்ஞோ மஹாஹவே |
ஆத்மனோ வானராணாம் ச யத்பத்²யம் தத்கரிஷ்யதி || 6-67-79
மயா து மோக்ஷிதஸ்யாஸ்ய ஸுக்³ரீவஸ்ய மஹாத்மன꞉ |
அப்ரீதஷ்²ச ப⁴வேத்கஷ்டா கீர்திநாஷ²ஷ்²ச ஷா²ஷ்²வத꞉ || 6-67-80
தஸ்மான்முஹூர்தம் காம்க்ஷிஷ்யே விக்ரமம் பார்தி²வஸ்ய ந꞉ |
பி⁴ன்னம் ச வானரானீகம் தாவதா³ஷ்²வாஸயாம்யஹம் || 6-67-81
இத்யேவம் சிந்தயித்வா து ஹனூமான்மாருதாத்மஜ꞉ |
பூ⁴ய꞉ ஸம்ஸ்தம்ப⁴யாமாஸ வானராணாம் மஹாசமூம் || 6-67-82
ஸ கும்ப⁴கர்ணோ(அ)த² விவேஷ² லங்காம் |
ஸ்பு²ரந்தமாதா³ய மஹாஹரிம் தம் |
விமானசர்யாக்³ருஹகோ³புரஸ்தை²꞉
புஷ்பாக்³ர்யவர்ஷைரவகீர்யமாண꞉ || 6-67-83
லாஜக³ந்தோ⁴த³வர்ஷைஸ்து ஸேவ்யமான꞉ ஷ²னை꞉ ஷ²னை꞉ |
ராஜவீத்²யாஸ்து ஷீ²தத்வாத்ஸம்ஜ்ஞாம் ப்ராப மஹாப³ல꞉ || 6-67-84
தத꞉ ஸ ஸம்ஜ்ஞாமுபலப்⁴ய க்ருச்ச்²ரா |
த்³ப³லீயஸஸ்தஸ்ய பு⁴ஜாந்தரஸ்த²꞉ |
அவேக்ஷமாண꞉ புரராஜமார்க³ம் |
விசிந்தயாமாஸ முஹுர்மஹாத்மா || 6-67-85
ஏவம் க்³ருஹீதேன கத²ம் நு நாம |
ஷ²க்யம் மயா ஸம்ப்ரதி கர்துமத்³ய |
ததா² கரிஷ்யாமி யதா² ஹரீணாம் |
ப⁴விஷ்யதீஷ்டம் ச ஹிதம் ச கார்யம் || 6-67-86
தத꞉ கராக்³ரை꞉ ஸஹஸா ஸமேத்ய |
ராஜா ஹரீணா மமரேந்த்³ரஷ²த்ரோ꞉ |
நகை²ஷ்²ச கர்ணௌ த³ஷ²னைஷ்²ச நாஸாம் |
த³த³ம்ஷ² பாதை³ர்வித³தா³ர பர்ஷ்²வௌ || 6-67-87
ஸ கும்ப⁴கர்ணௌ ஹ்ருதகர்ணனாஸோ |
விதா³ரிதஸ்தேன ரதை³ர்நகை²ஷ்²ச |
ரோஷாபி⁴பூ⁴த꞉ க்ஷதஜார்த்³ரகா³ர꞉ |
ஸுக்³ரீவமாவித்⁴ய பிபேஷ பூ⁴மௌ || 6-67-88
ஸ பூ⁴தலே பீ⁴மப³லாபி⁴பிஷ்ட꞉ |
ஸுராரிபி⁴ஸ்தைரபி⁴ஹன்யமான꞉ |
ஜகா³ம க²ம் கந்து³கவஜ்ஜவேன |
புனஷ்²ச ராமேண ஸமாஜகா³ம || 6-67-89
கர்ணனாஸாவிஹீனஸ்ய கும்ப⁴கர்ணோ மஹாப³ல꞉ |
ரராஜ ஷோ²ணிதோத்ஸிக்தோ கி³ரி꞉ ப்ரஸ்ரவணைரிவ || 6-67-90
ஷோ²ணிதார்த்³ரோ மஹாகாயோ ராக்ஷஸோ பீ⁴மத³ர்ஷ²ன꞉ |
அமர்ஷாச்சோ²ணிதோத்³கா³ரீ ஷு²ஷு²பே⁴ ராவணானுஜ꞉ || 6-67-91
நீலாஞ்ஜனசயப்ரக்²யா꞉ ஸஸந்த்⁴ய இவ தோயத³꞉ |
யுத்³தா⁴யாபி⁴முகோ² பீ⁴மோ மனஷ்²சக்ரே நிஷா²சர꞉ || 6-67-92
க³தே ச தஸ்மின் ஸுரராஜஷ²த்ருஹ் |
க்ரோதா⁴த்ப்ரது³த்³ராவ ரணாய பூ⁴ய꞉ |
அனாயுதோ⁴(அ)ஸ்மீதி விசிந்த்ய ரௌத்³ரோ |
கோ⁴ரம் ததா³ முத்³க³ரமாஸஸாத³ || 6-67-93
தத꞉ ஸ புர்யா꞉ ஸஹஸா மஹாத்மா |
நிஷ்க்ரம்ய தத்³வானரஸைன்யமுக்³ரம் |
ப³ப⁴க்ஷ ரக்ஷோ யுதி⁴ கும்ப⁴கர்ண꞉ |
ப்ரஜா யுகா³ந்தாக்³நிரிவ ப்ரதீ³ப்த꞉ || 6-67-94
பு³பு⁴க்ஷித꞉ ஷோ²ணிதமாம்ஸக்³ருத்⁴னு꞉ |
ப்ரவிஷ்²ய தத்³வானரஸைன்யமுக்³ரம் |
சகா²த³ ரக்ஷாம்ஸி ஹரீன்பிஷா²சான் |
ருக்ஷாம்ஷ்²ச மோஹாத்³யுதி⁴ கும்ப⁴கர்ண꞉ |
யதை²வ ம்ருத்யுர்ஹரதே யுகா³ந்தே |
ஸ ப⁴க்ஷயாமாஸ ஹரீம்ஷ்²ச முக்²யான் || 6-67-95
ஏகம் த்³வௌ த்ரீன் ப³ஹூன் க்ருத்³தோ⁴ வானரான் ஸஹ ராக்ஷஸை꞉ |
ஸமாதா³யைகஹஸ்தேன ப்ரசிக்ஷேப த்வரன்முகே² || 6-67-96
ஸம்ப்ரஸ்ரவம்ஸ்ததா³ மேத³꞉ ஷோ²ணித ச மஹாப³ல꞉ |
வத்⁴யமானோ நகே³ந்த்³ராக்³ரைர்ப⁴க்ஷயாமாஸ வானரான் || 6-67-97
தே ப⁴க்ஷ்யமாணா ஹரயோ ராமம் ஜக்³முஸ்ததா³ க³திம் |
கும்ப⁴கர்ணோ ப்⁴ருஷ²ம் க்ருத்³த⁴꞉ கபீன் கா²த³ன் ப்ரதா⁴வதி || 6-67-98
ஷ²தானி ஸப்த சாஷ்டௌ ச விம்ஷ²த்த்ரிம்ஷ²த்ததை²வ ச |
ஸம்பரிஷ்வஜ்ய ப³ஹுப்⁴யாம் கா²த³ன்விபரிதா⁴வதி || 6-67-99
மேதோ³வஸாஷோ²ணிததி³க்³த⁴கா³த்ர꞉ |
கர்ணாவஸக்தக்³ரதி²தாந்த்ரமால꞉ |
வவர்ஷஷூ²லானி ஸுதீக்ஷணத³ம்ஷ்ட்ர꞉ |
காலோ யுகா³ந்தஸ்த² இவ ப்ரவ்ருத்³த⁴꞉ || 6-67-100
தஸ்மின் காலே ஸுமித்ராயா꞉ புத்ர꞉ பரப³லார்த³ன꞉ |
சகார லக்ஷ்மண꞉ க்ருத்³தோ⁴ யுத்³த⁴ம் பரபுரம்ஜய꞉ || 6-67-101
ஸ கும்ப⁴கர்ணஸ்ய ஷ²ராஞ்ஷ²ரீரே ஸப்த வீர்யவான் |
நிசகா²நாத³தே³ சான்யான்விஸஸர்ஜ ச லக்ஷ்மண꞉ || 6-67-102
பீட்³யமானஸ்தத³ஸ்த்ரம் து விஷே²ஷம் ததஸ ராக்ஷஸ꞉ |
ததஷ்²சுகோப ப³லவான் ஸுமித்ரானந்த³வர்த⁴ன꞉ || 6-67-103
அத²ஸ்ய கவசம் ஷு²ப்⁴ரம் ஜாமுபூ³னத³மயம் ஷு²ப⁴ம் |
ப்ரச்சா²த³யாமாஸ ஷ²ரை꞉ ஸந்த்⁴யாப்⁴ரமிவ மாருத꞉ || 6-67-104
நீலாஞ்ஜனசயப்ரக்²யா꞉ ஷை²ரை꞉ காஞ்சனபூ⁴ஷணை꞉ |
ஆபீட்³யமான꞉ ஷு²ஷு²பே⁴ மேகை⁴꞉ ஸூர்ய இவாம்ஷு²மான் || 6-67-105
தத꞉ ஸ ராக்ஷஸோ பீ⁴ம꞉ ஸுமித்ரானந்த³வர்த⁴னம் |
ஸாவஜ்ஞ்மேவ ப்ரோவாச வாக்யம் மேகௌ⁴க⁴நி꞉ஸ்வன꞉ || 6-67-106
அந்தகஸ்யாப்யகஷ்டேன யுதி⁴ ஜேதாரமாஹவே |
யுத்⁴யதா மாமபீ⁴தேன க்²யாபிதா வீரதா த்வயா || 6-67-107
ப்ரக்³ருஹீதாயுத⁴ஸ்யேஹ ம்ருத்யோரிவ மஹாம்ருதே⁴ |
திஷ்ட²ன்னப்ரக்³ரத꞉ பூஜ்ய꞉ கிமு யுத்³த⁴ப்ரதா³யக꞉ || 6-67-108
ஐராவதம் ஸமாரூடோ³ வ்ருத꞉ ஸர்வாமரைஹ் ப்ரபு⁴꞉ |
நைவ ஷ²க்ரோ(அ)பி ஸமரே ஸ்தி²த பூர்வ꞉ கதா³சன || 6-67-109
அத்³ய த்வயாஹம் ஸௌமித்ரே ப³லேனாபி பராக்ரமை꞉ |
தோஷிதோ க³ந்துமிச்சா²மி த்யாமனுஜ்ஞாப்ய ராக⁴வம் || 6-67-110
யத்து வீர்யப³லோத்ஸாஹைஸ்தோஷிதோ(அ)ஹம் ரணே த்வயா |
ராமமேவைகமிச்ச²மி ஹந்தும் யஸ்மின் ஹதே ஹதம் || 6-67-111
ராமே மயாத்ர நிஹதே யே(அ)ன்யே ஸ்தா²ஸ்யந்தி ஸம்யுகே³ |
தானஹம் யோத⁴யிஷ்யாமி ஸ்வப³லேன ப்ரமாதி²னா || 6-67-112
இத்யுக்தவாக்யம் தத்³ரக்ஷ꞉ ப்ரோவாச ஸ்துதிஸம்ஹிதம் |
ம்ருதே⁴ கோ⁴ரதரம் வாக்யம் ஸௌமித்ரி꞉ ப்ரஹஸன்னிவ || 6-67-113
யஸ்த்வம் ஷ²க்ராதி³பி⁴ர்வீரைரஸஹ்ய꞉ ப்ராப்ய பௌருஷம் |
தத்ஸத்யம் நான்யதா² வீர த்³ருஷ்டஸ்தே(அ)த்³ய பராக்ரம꞉ || 6-67-114
ஏஷ தா³ஷ²ரதீ² ராமஸ்திஷ்ட²த்யத்³ரிரிவாசல꞉ |
இதி ஷ்²ருத்வா ஹ்யநாத்³ருத்ய லக்ஷ்மணம் ஸ நிஷா²சர꞉ || 6-67-115
அதிக்ரம்ய ச ஸௌமித்ரிம் கும்ப⁴கர்ணோ மஹாப³ல꞉ |
ராமமேவாபி⁴து³த்³ராவ தா³ரயன்னிவ மேதி³னீம் || 6-67-116
அத² தா³ஷ²ரதீ² ராமோ ரௌத்³ரமஸ்த்ரம் ப்ரயோஜயன் |
கும்ப⁴கர்ணஸ்ய ஹ்ருத³யே ஸஸர்ஜ நிஷி²தான் ஷ²ரான் || 6-67-117
தஸ்ய ராமேண வித்³த⁴ஸ்ய ஸஹஸாபி⁴ப்ரதா⁴வத꞉ |
அங்கா³ரமிஷ்²ரா꞉ க்ருத்³த⁴ஸ்ய முகா²ந்நிஷ்²சேருரர்சிஷ꞉ || 6-67-118
ராமஸ்த்ரவித்³தோ⁴ கோ⁴ரம் வை நர்த³ன் ராக்ஷஸபுங்க³ன꞉ |
அப்⁴யதா⁴வத தம் க்ருத்³தோ⁴ ஹரீன் வித்³ராவயன் ரணே || 6-67-119
தஸ்யோரஸி நிமக்³நாஷ்²ச ஷ²ரா ப³ர்ஹிணவாஸஸ꞉ |
ஹஸ்தாச்சாஸ்ய பரிப்⁴ரஷ்டா க³தா³ சோர்வ்யாம் பபாத ஹ || 6-67-120
ஆயுதா⁴னி ச ஸர்வாணி ஸமகீர்யந்த பூ⁴தலே |
ஸ நிராயுத⁴மாத்மானம் யதா³ மேனே மஹாப³ல꞉ || 6-67-121
முஷ்டிப்⁴யாம் ச கராப்⁴யாம் ச சகார கத³னம் மஹத் |
ஸ பா³ணைரதிவித்³தா⁴ங்க³꞉ க்ஷதஜேன ஸமுக்ஷித꞉ || 6-67-122
ருதி⁴ரம் பரிஸுஸ்ராவ கி³ரி꞉ ப்ரஸ்ராவணம் யதா² |
ஸ தீவ்ரேண ச கோபேன ருதி⁴ரேண ச மூர்சி²த꞉ |
வானரான்ராக்ஷஸாந்ருக்ஷான் கா²த³ன் ஸ பரிதா⁴வதி || 6-67-123
அத² ஷ்²ருங்க³ம் ஸமாவித்⁴ய பீ⁴மம் பீ⁴மபராக்ரம꞉ |
சிக்ஷேப ராமமுத்³தி³ஷ்²ய ப³லவானந்தகோபம꞉ || 6-67-124
அப்ராப்தமந்தரா ராம꞉ ஸப்தபீ⁴ஸ்தமஜிஹ்மகை³꞉ |
சிச்சே²த³ கி³ரிஷ்²ருங்க³ம் தம் புன꞉ ஸந்தா⁴ய கார்முகம் || 6-67-125
ததஸ்து ராமோ த⁴ர்மாத்மா தஸ்ய ஷ்²ருங்க³ம் மஹத்ததா³ || 6-67-126
ஷ²ரை꞉ காஞ்சனசித்ராங்கை³ ஷ்²சிச்சே²த³ ப⁴ரதக்³ரஜ |
தன்மேருஷி²க²ராகாரம் த்³யோதமானமிவ ஷ்²ரியா || 6-67-127
த்³வே ஷ²தே வானராணாம் ச பதமானமபாதயத் |
தஸ்மின் காலே ஸ த⁴ர்மாத்மா லக்ஷ்மணோ ராமமப்³ரவீத் || 6-67-128
கும்ப⁴கர்ணவதே⁴ யுக்தோ யோகா³ன்பரிம்ருஷ²ன்ப³ஹூன் |
நைவாயம் வானரான்ராஜன்ன விஜானாதி ராக்ஷஸான் || 6-67-129
மத்த꞉ ஷோ²ணிதக³ந்தே⁴ன ஸ்வான் பராம்ஷ்²சைவ கா²த³தி |
ஸாத்⁴வேனமதி⁴ரோஹந்து ஸர்வதோ வானரர்ஷபா⁴꞉ || 6-67-130
யூத²பாஷ்²ச யதா²முக்²யாஸ்திஷ்ட²ந்த்வஸ்ய ஸமந்தத꞉ |
அத்³யயம் து³ர்மதி꞉ காலே கு³ருபா⁴ரப்ரபீடி³த꞉ || 6-67-131
ப்ரபதன்ராக்ஷஸோ பூ⁴மௌ நான்யான்ஹன்யாத்ப்லவங்க³மான் |
தஸ்ய தத்³வசனம் ஷ்²ருத்வா ராஜபுத்ரஸ்ய தீ⁴மத꞉ || 6-67-132
தே ஸமாருருஹுர்ஹ்ருஷ்டா꞉ கும்ப⁴கர்ணம் ப்லவம்க³மா꞉ |
கும்ப⁴கர்ணஸ்து ஸம்க்ருத்³த⁴꞉ ஸமாரூட⁴꞉ ப்லவம்க³மை꞉ || 6-67-133
வ்யதூ⁴னயத்தான்வேகே³ன து³ஷ்டஹஸ்தீவ ஹஸ்திபான் |
தாந்த்³ருஷ்ட்வா நிர்தூ⁴தான்ராமோ ருஷ்டோ(அ)யமிதி ராக்ஷஸ꞉ || 6-67-134
ஸமுத்பபாத வேகே³ன த⁴னுருத்தமமாத³தே³ |
க்ரோத⁴ரக்தேக்ஷணோ வீரோ நிர்த³ஹன்னிவ சக்ஷுஷா || 6-67-135
ராக⁴வோ ராக்ஷஸம் ரோஷாத³பி⁴து³த்³ராவ வேகி³த꞉ |
யூத²பான் ஹர்ஷயன் ஸர்வான் கும்ப⁴கர்ணப⁴யார்தி³தான் || 6-67-136
ஸ சாபமாதா³ய பு⁴ஜங்க³கல்பம் |
த்³ருட⁴ஜ்யமுக்³ரம் தபனீயசித்ரம் |
ஹரீன்ஸமாஷ்²வாஸ்ய ஸமுத்பபாத |
ராமோ நிப³த்³தோ⁴த்தமதூணபா³ண꞉ || 6-67-137
ஸ வாநரக³ணைஸ்தைஸ்து வ்ருத꞉ பரமது³ர்ஜய꞉ |
லக்ஷ்மணானுசரோ ராம꞉ ஸம்ப்ரதஸ்தே² மஹாப³ல꞉ || 6-67-138
ஸ த³த³ர்ஷ² மஹாத்மானம் கிரீடினமரிந்த³மம் |
ஷோ²ணிதாவ்ருதரக்தாக்ஷம் கும்ப⁴கர்ணம் மஹாப³லம் || 6-67-139
ஸர்வான் ஸமபி⁴தா⁴வந்தம் யதா² ருஷ்டம் தி³ஷா²க³ஜம் |
மார்க³மாணம் ஹரீன் க்ருத்³த⁴ம் ராக்ஷஸை꞉ பரிவாரிதம் || 6-67-140
விந்த்⁴யமந்த³ரஸம்காஷ²ம் காஞ்சனாங்க³த³பூ⁴ஷணம் |
ஸ்ரவந்தம் ருதி⁴ரம் வக்த்ராத்³வர்ஷமேக⁴மிவோத்தி²தம் || 6-67-141
ஜிஹ்வயா பரிலிஹ்யந்தம் ஸ்ருக்கிணீ ஷோ²ணிதோக்ஷிதம் |
ம்ருத்³னந்தம் வானரானீகம் காலாந்தகயமோபமம் || 6-67-142
தம் த்³ருஷ்ட்வா ராக்ஷஸஷ்²ரேஷ்ட²ம் ப்ரதீ³ப்தானலவர்சஸம் |
விஸ்பா²ரயாமாஸ ததா³ கார்முகம் புருஷர்ஷப⁴꞉ || 6-67-143
ஸ தஸ்ய சாபநிர்கோ⁴ஷாத்குபிதோ நைர்ருதர்ஷப⁴꞉ |
அம்ருஷ்யமாணஸ்தம் கோ⁴ஷமபி⁴து³த்³ராவ ராக⁴வம் || 6-67-144
ததஸ்து வாதோத்³த⁴தமேக⁴கல்பம் |
பு⁴ஜம்க³ராஜோத்தமபோ⁴க³பா³ஹும் |
தமாபதந்தம் த⁴ரணீத⁴ராப⁴ம் |
உவாச ராமோ யுதி⁴ கும்ப⁴கர்ணம் || 6-67-145
ஆக³ச்ச² ரக்ஷோ(அ)தி⁴பமா விஷாத³ம் |
அவஸ்தி²தோ(அ)ஹம் ப்ரக்³ருஹீதசாப꞉ |
அவேஹி மாம் ராக்ஷஸவம்ஷ²வாஷ²னம் |
அயம் முஹூர்தாத்³ப⁴விதா விசேதா꞉ || 6-67-146
ராமோ(அ)யமிதி விஜ்ஞாய ஜஹாஸ விக்ருதஸ்வனம் |
அப்⁴யதா⁴வத ஸம்க்ருத்³தோ⁴ ஹரீன்வித்³ராவயன் ரணே || 6-67-147
தா³ரயன்னிவ ஸர்வேஷாம் ஹ்ருத³யானி வனௌகஸாம் |
ப்ரஹஸ்ய விக்ருதம் பீ⁴மம் ஸ மேக⁴ஸ்வனிதோபமம் || 6-67-148
கும்ப⁴கர்ணோ மஹாதேஜா ராக⁴வம் வாக்யமப்³ரவீத் |
நாஹம்ன் விராதோ⁴ விஜ்ஞேயோ ந கப³ந்த⁴꞉ க²ரோ ந ச |
ந வாலீ ந ச மாரீச꞉ கும்ப⁴கர்ணோ(அ)ஹமாக³த꞉ || 6-67-149
பஷ்²ய மே முத்³க³ரம் பீ⁴மம் ஸர்வகாலாயஸம் மஹத் |
அனேன நிர்ஜிதா தே³வா தா³னவாஷ்²ச மயா புரா || 6-67-150
விகர்ணனாஸ இதி மாம் நாவஜ்ஞாதும் த்வமர்ஹஸி |
ஸ்வல்பாபி ஹி ந மே பீடா³ கர்ணனாஸாவிநாஷ²னாத் || 6-67-151
த³ர்ஷ²யேக்ஷ்வாகுஷா²ர்தூ³ள வீர்யம் கா³த்ரேஷு மே லகு⁴ |
ததஸ்த்வாம் ப⁴க்ஷயிஷ்யாமி த்³ருஷ்டபௌருஷவிக்ரமம் || 6-67-152
ஸ கும்ப⁴கர்ணஸ்ய வசோ நிஷ²ம்ய |
ராம꞉ ஸுபுங்கா²ன்விஸஸர்ஜ பா³ணான் |
தைராஹதோ வஜ்ரஸமப்ரவேகை³ர் |
ந சுக்ஷுபே⁴ ந வ்யத²தே ஸுராஇ꞉ || 6-67-153
யை꞉ ஸாயகை꞉ ஸாலவரா நிக்ருத்தா |
வாலீ ஹதோ வானரபுங்க³வஷ்² ச |
தே கும்ப⁴கர்ணஸ்ய ததா³ ஷ²ரீரம் |
வஜ்ரோபமா ந வ்யத²யாம் ப்ரசக்ரு꞉ || 6-67-154
ஸ வாரிதா⁴ரா இவ ஸாயகாம்ஸ்தான் |
பிப³ன் ஷ²ரீரேண மஹேந்த்³ரஷ²த்ரு꞉ |
ஜகா⁴ன ராமஸ்ய ஷ²ரப்ரவேக³ம் |
வ்யாவித்⁴ய தம் முத்³க³ரமுக்³ரவேக³ம் || 6-67-155
ததஸ்து ரக்ஷ꞉ க்ஷதஜானுலிப்தம் |
வித்ராஸனம் தே³வமஹாசமூனாம் |
வ்யாவித்⁴ய தம் முத்³க³ரமுக்³ரவேக³ம் |
வித்³ராவயாமாஸ சமூம் ஹரீணாம் || 6-67-156
வாயவ்யமாதா³ய ததோ வராஸ்த்ரம் |
ராம꞉ ப்ரசிக்ஷேப நிஷா²சராய |
ஸமுத்³க³ரம் தேன ஜஹார பா³ஹும் |
ஸ க்ருத்தபா³ஹுஸ்துமுலம் நநாத³ || 6-67-157
ஸ தஸ்ய பா³ஹுர்கி³ரிஷ்²ருங்க³கல்ப꞉ |
ஸமுத்³க³ரோ ராக⁴வபா³ணக்ருத்த꞉ |
பபாத தஸ்மின் ஹரிராஜஸைன்யே |
ஜகா⁴ன தாம் வானரவாஹினீம் ச || 6-67-158
தே வானரா ப⁴க்³னஹதாவஷே²ஷா꞉ |
பர்யந்தமாஷ்²ரித்ய ததா³ விஷண்ணா꞉ |
ப்ரபிடி³தாங்கா³ த³த்³ருஷு²꞉ ஸுகோ⁴ரம் |
நரேந்த்³ரரக்ஷோ(அ)தி⁴பஸம்நிபாதம் || 6-67-159
ஸ கும்ப⁴கர்ணோ(அ)ஸ்த்ரனிக்ருத்தபா³ஹுர் |
ர்மஹாஸிக்ருத்தாக்³ர இவாசலேந்த்³ர꞉ |
உத்பாடயாமாஸ கரேண வ்ருக்ஷம் |
ததோ(அ)பி⁴து³த்³ராவ ரணே நரேந்த்³ரம் || 6-67-160
ஸ தஸ்ய பா³ஹும் ஸஹ ஸாலவ்ருக்ஷம் |
ஸமுத்³யதம் பன்னக³போ⁴க³கல்பம் |
ஐந்த்³ராஸ்த்ரயுக்தேன ஜஹார ராமோ |
பா³ணேன ஜாம்பூ³னத³சித்ரிதேன || 6-67-161
ஸ கும்ப⁴கர்ணஸ்ய பு⁴ஜோ நிக்ருத்த꞉ |
பபாத பூ⁴மௌ கி³ரிஸம்நிகாஷ²꞉ |
விவேஷ்டமானோ நிஜகா⁴ன வ்ருக்ஷான் |
ஷை²லாஞ்ஷி²லாவானரராக்ஷஸாம்ஷ்² ச || 6-67-162
தம் சி²ன்னபா³ஹும் ஸமவேக்ஷ்ய ராம꞉ |
ஸமாபதந்தம் ஸஹஸா நத³ந்தம் |
த்³வாவர்த⁴சந்த்³ரௌ நிஷி²தௌ ப்ரக்³ருஹ்ய |
சிச்சே²த³ பாதௌ³ யுதி⁴ ராக்ஷஸஸ்ய || 6-67-163
தௌ தஸ்ய பாதௌ³ ப்ரதி³ஷோ² தி³ஷ²ஷ்²ச |
கி³ரேர்கு³ஹாஷ்²சைவ மஹார்ணவம் ச |
லங்காம் ச ஸேனாம் கபிராக்ஷஸானாம் |
விநாத³யந்தௌ வினிபேததுஷ்²ச || 6-67-164
நிக்ருத்தபா³ஹுர்வினிக்ருத்தபாதோ³ |
விதா³ர்ய வக்த்ரம் வட³வாமுகா²ப⁴ம் |
து³த்³ராவ ராமம் ஸஹஸாபி⁴க³ர்ஜன் |
ராஹுர்யதா² சந்த்³ரமிவாந்தரிக்ஷே || 6-67-165
அபூரயத்தஸ்ய முக²ம் ஷி²தாக்³ரை |
ராம꞉ ஷ²ரைர்ஹேமபினத்³த⁴புங்கை²꞉ |
ஸ பூர்ணவக்த்ரோ ந ஷ²ஷா²க வக்தும் |
சுகூஜ க்ருச்ச்²ரேண முமோஹ சாபி || 6-67-166
அதா²த³தே³ ஸூர்யமரீசிகல்பம் |
ஸ ப்³ரஹ்மத³ண்டா³ந்தககாலகல்பம் |
அரிஷ்டமைந்த்³ரம் நிஷி²தம் ஸுபுங்க²ம் |
ராம꞉ ஷ²ரம் மாருததுல்யவேக³ம் || 6-67-167
தம் வஜ்ரஜாம்பூ³னத³சாருபுங்க²ம் |
ப்ரதீ³ப்தஸூர்யஜ்வலனப்ரகாஷ²ம் |
மஹேந்த்³ரவஜ்ராஷ²னிதுல்யவேக³ம் |
ராம꞉ ப்ரசிக்ஷேப நிஷா²சராய || 6-67-168
ஸ ஸாயகோ ராக⁴வபா³ஹுசோதி³தோ |
தி³ஷ²꞉ ஸ்வபா⁴ஸா த³ஷ² ஸம்ப்ரகாஷ²யன் |
விதூ⁴மவைஷ்²வானரதீ³ப்தத³ர்ஷ²னோ |
ஜகா³ம ஷ²க்ராஷ²னிதுல்யவிக்ரம꞉ || 6-67-169
ஸ தன்மஹாபர்வதகூடஸம்நிப⁴ம் |
ஸுவ்ருத்தத³ம்ஷ்ட்ரம் சலசாருகுண்ட³லம் |
சகர்த ரக்ஷோ(அ)தி⁴பதே꞉ ஷி²ரஸ்ததா³ |
யதை²வ வ்ருத்ரஸ்ய புரா புரந்த³ர꞉ || 6-67-170
கும்ப⁴கர்ணஷி²ரோ பா⁴தி குண்ட³லாலம்க்ருதம் மஹத் |
ஆதி³த்யே(அ)ப்⁴யுதி³தே ராத்ரௌ மத்⁴யஸ்த² இவ சந்த்³ரமா꞉ || 6-67-171
தத்³ராமபா³ணாபி⁴ஹதம் பபாத |
ரக்ஷ꞉ஷி²ர꞉ பர்வதஸம்நிகாஷ²ம் |
ப³ப⁴ஞ்ஜ சர்யாக்³ருஹகோ³புராணி |
ப்ராகாரமுச்சம் தமபாதயச்ச || 6-67-172
தச்சாதிகாயம் ஹிமவத்ப்ரகாஷ²ம் |
ரக்ஷஸ்ததா³ தோயநிதௌ⁴ பபாத |
க்³ராஹான் பரான் மீனசயான்பு⁴ஜங்க³மான் |
மமர்த³ பூ⁴மிம் ச ததா² விவேஷ² || 6-67-173
தஸ்மிர்ஹதே ப்³ராஹ்மணதே³வஷ²த்ரௌ |
மஹாப³லே ஸம்யதி கும்ப⁴கர்ணே |
சசால பூ⁴ர்பூ⁴மித⁴ராஷ்² ச ஸர்வே |
ஹர்ஷாச்ச தே³வாஸ்துமுலம் ப்ரணேது³꞉ || 6-67-174
ததஸ்து தே³வர்ஷிமஹர்ஷிபன்னகா³꞉ |
ஸுராஷ்²ச பூ⁴தானி ஸுபர்ணகு³ஹ்யகா꞉ |
ஸயக்ஷக³ந்த⁴ர்வக³ணா நபோ⁴க³தா꞉ |
ப்ரஹர்ஷிதா ராம பராக்ரமேண || 6-67-175
ததஸ்து தே தஸ்ய வதே⁴ன பூ⁴ரிணா |
மனஸ்வினோ நைர்ருதராஜபா³ந்த⁴வா꞉ |
வினேது³ருச்சை²ர்வ்யதி²தா ரகூ⁴த்தமம் |
ஹரிம் ஸமீக்ஷ்யைவ யதா² மதங்க³ஜா꞉ || 6-67-176
ஸ தே³வலோகஸ்ய தமோ நிஹத்ய |
ஸூர்யோ யதா² ராஹுமுகா²த்³விமுக்த꞉ |
ததா² வ்யபா⁴ஸீத்³த⁴ரிஸைன்யமத்⁴யே |
நிஹத்ய ராமோ யதி⁴ கும்ப⁴கர்ணம் || 6-67-177
ப்ரஹர்ஷமீயுர்ப³ஹவஸ்து வானரா꞉ |
ப்ரபு³த்³த⁴பத்³மப்ரதிமைரிவானனை꞉ |
அபூஜயன் ராக⁴வமிஷ்டபா⁴கி³னம் |
ஹதே ரிபௌ பீ⁴மப³லே து³ராஸதே³ || 6-67-178
ஸ கும்ப⁴கர்ணம் ஸுரஸைன்யமர்த³னம் |
மஹத்ஸு யுத்³தே⁴ஷ்வபராஜிதஷ்²ரமம் |
நனந்த³ ஹத்வா ப⁴ரதாக்³ரஜோ ரணே |
மஹாஸுரம் வ்ருத்ரமிவாமராதி⁴ப꞉ || 6-67-179
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஸப்தஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
