வால்மீகி ராமாயணே ஆதி³ காவ்யே யுத்³த⁴காண்டே³ ஷட்ஷஷ்டிதம꞉ ஸர்க³꞉
ஸ லங்கா⁴யித்வா ப்ராகாரம் கி³ரிகூடோபமோ மஹான் |
நிர்யயௌ நிக³ராத்தூத்ணம் கும்ப⁴கர்ணோ மஹாப³ல꞉ || 6-66-1
நநாத³ ச மஹாநாத³ம் ஸமுத்³ரமபி⁴நாத³யன் |
விஜயன்னிவ நிர்கா⁴தான்வித⁴மன்னிவ பர்வதான் || 6-66-2
தமவத்⁴யம் மக⁴வதா யமேன வருணேன ச |
ப்ரேக்ஷ்ய பீ⁴மாக்ஷமாயாந்தம் வானரா விப்ரது³த்³ருவு꞉ || 6-66-3
தாம்ஸ்து வித்³ரவதோ த்³ருஷ்ட்வா வாலிபுத்ரோ(அ)ங்க³தோ³(அ)ப்³ரவீத் |
ளம் நீலம் க³வாக்ஷம் ச குமுத³ம் ச மஹாப³லம் || 6-66-4
ஆத்மானமத்ர விஸ்ம்ருத்ய வீர்யாண்யபி⁴ஜனானி ச |
க்வ க³ச்ச²த ப⁴யத்ரஸ்தா꞉ ப்ராக்ருதா ஹரயோ யதா² || 6-66-5
ஸாது⁴ ஸௌம்யா நிவர்தத்⁴வம் கிம் ப்ராணான்பரிரக்ஷத² |
நாலம் யுத்³தா⁴ய வை ரக்ஷோ மஹதீயம் விபீ⁴ஷிகா꞉ || 6-66-6
மஹதீமுத்தி²தாமேனாம் ராக்ஷஸானாம் விபீ⁴ஷிகாம் |
விக்ரமாத்³வித⁴மிஷ்யாமோ நிவர்தத்⁴வம் ப்லவங்க³மா꞉ || 6-66-7
க்ருச்ச்²ரேண து ஸமாஷ்²வாஸ்ய ஸங்க³ம்ய ச ததஸ்தத꞉ |
வ்ருக்ஷாத்³ரிஹஸ்தா ஹரய꞉ ஸம்ப்ரதஸ்தூ² ரணாஜிரம் || 6-66-8
தே நிவ்ருத்ய து ஸங்க்ருத்³தா⁴꞉ கும்ப⁴கர்ணம் வனௌகஸ꞉ |
நிஜக்⁴னு꞉ பரமக்ருத்³தா⁴꞉ ஸமதா³ இவ குஞ்ஜரா꞉ || 6-66-9
ப்ராம்ஷு²பி⁴ர்கி³ரிஷ்²ருங்கை³ஷ்²ச ஷி²லாபி⁴ஷ்²ச மஹாப³லா꞉ |
பாத³பை꞉ புஷ்பிதாக்³ரைஷ்²ச ஹன்யமானோ ந கம்பதே || 6-66-10
தஸ்ய கா³த்ரேஷு பதிதா பி⁴த்³யந்தே ஷ²தஷ²꞉ ஷி²லா꞉ |
பாத³பா꞉ புஷ்பிதாக்³ராஷ்²ச ப⁴க்³னா꞉ பேதுர்மஹீதலே || 6-66-11
ஸோ(அ)பி ஸைன்யானி ஸங்க்ருத்³தோ⁴ வானராணாம் மஹௌஜஸாம் |
மமந்த² பரமாயத்தோ வனான்யக்³நிரிவோத்தி²த꞉ || 6-66-12
லோஹிதார்த்³ராஸ்து ப³ஹவ꞉ ஷே²ரதே வானரர்ஷபா⁴꞉ |
நிரஸ்தா꞉ பதிதா பூ⁴மௌ தாம்ரபுஷ்பா இவ த்³ருமா꞉ || 6-66-13
லங்க⁴யந்த꞉ ப்ரதா⁴வந்தோ வானரா நாவளோகயன் |
கே சித்ஸமுத்³ரே பதிதா꞉ கே சித்³க³க³னமாஷ்²ரிதா꞉ || 6-66-14
வத்⁴யமானாஸ்து தே வீரா ராக்ஷஸேன ப³லீயஸா |
ஸாக³ரம் யேன தே தீர்ணா꞉ பதா² தேனைவ து³த்³ருவு꞉ || 6-66-15
தே ஸ்த²லானி ததா² நிம்னம் விஷண்ணவத³னா ப⁴யாத் |
ருக்ஷா வ்ருக்ஷான்ஸமாரூடா⁴꞉ கே சித்பர்வதமாஷ்²ரிதா꞉ || 6-66-16
மமஜ்ஜுரர்ணவே கே சித்³கு³ஹா꞉ கே சித்ஸமாஷ்²ரிதா꞉ |
நிஷேது³꞉ ப்லவகா³꞉ கே சித்கே சின்னைவாவதஸ்தி²ரே || 6-66-17
கேசித்³பூ⁴மௌ நிபதிதா꞉ கேசித்ஸுப்தா ம்ருதா இவ |
தான்ஸமீக்ஷ்யாங்க³தோ³ ப⁴ங்கா³ன்வானரானித³மப்³ரவீத் || 6-66-18
அவதிஷ்ட²த யுத்⁴யாமோ நிவர்தத்⁴வம் ப்லவங்க³மா꞉ |
ப⁴க்³னானாம் வோ ந பஷ்²யாமி பரிக³ம்ய மஹீமிமாம் || 6-66-19
ஸ்தா²னம் ஸர்வே நிவர்தத்⁴வம் கிம் ப்ராணான்பரிரக்ஷத² |
நிராயுதா⁴னாம் த்³ரவதாமஸங்க³க³திபௌருஷா꞉ || 6-66-20
தா³ரா ஹ்யபஹஸிஷ்யந்தி ஸ வை கா⁴தஸ்து ஜீவிதாம் |
குலேஷு ஜாதா꞉ ஸர்வே ஸ்ம விஸ்தீர்ணேஷு மஹத்ஸு ச || 6-66-21
க்வ க³ச்ச²த ப⁴யத்ரஸ்தா꞉ ப்ராக்ருதா ஹரயோ யதா² |
அனார்யா꞉ க²லு யத்³பீ⁴தாஸ்த்யக்த்வா வீர்யம் ப்ரதா⁴வத || 6-66-22
விகத்த²னானி வோ யானி யதா³ வை ஜனஸம்ஸதி³ |
தானி வ꞉ க்வ ச யதானி ஸோத³க்³ராணி மஹாந்தி ச || 6-66-23
பீ⁴ருப்ரவாதா³꞉ ஷ்²ரூயந்தே யஸ்து ஜீவதி தி⁴க்க்ருத꞉ |
மார்க³꞉ ஸத்புருஷைர்ஜுஷ்ட꞉ ஸேவ்யதாம் த்யஜ்யதாம் ப⁴யம் || 6-66-24
ஷ²யாமஹே வா நிஹதா꞉ ப்ருதி²வ்யாமள்பஜீவிதா꞉ |
ப்ராப்னுயாமோ ப்³ரஹ்மலோகம் து³ஷ்ப்ரபம் ச குயோதி⁴பி⁴꞉ || 6-66-25
அவாப்னுயாம꞉ கீர்திம் வா நிஹத்வா ஷ²த்ருமாஹவே |
நிஹதா வீரளோகஸ்ய போ⁴க்ஷ்யாமோ வஸு வானரா꞉ || 6-66-26
ந கும்ப⁴கர்ண꞉ காகுத்ஸ்த²ம் த்³ருஷ்ட்வா ஜீவன்க³மிஷ்யதி |
தீ³ப்யமானமிவாஸாத்³ய பதங்கோ³ ஜ்வலனம் யதா² || 6-66-27
பலாயனேன சோத்³தி³ஷ்டா꞉ ப்ராணான்ரக்ஷாமஹே வயம் |
ஏகேன ப³ஹவோ ப⁴க்³னா யஷோ² நாஷ²ம் க³மிஷ்யதி || 6-66-28
ஏவம் ப்³ருவாணம் தம் ஷூ²ரமங்க³த³ம் கனகாங்க³த³ம் |
த்³ரவமாணாஸ்ததோ வாக்யமூசு꞉ ஷூ²ரவிக³ர்ஹிதம் || 6-66-29
க்ருதம் ந꞉ கத³னம் கோ⁴ரம் கும்ப⁴கர்ணேன ரக்ஷஸா |
ந ஸ்தா²னகாலோ க³ச்சா²மோ த³யிதம் ஜீவிதம் ஹி ந꞉ || 6-66-30
ஏதாவது³க்த்வா வசனம் ஸர்வே தே பே⁴ஜிரே தி³ஷ²꞉ |
பீ⁴மம் பீ⁴மாக்ஷமாயாந்தம் த்³ருஷ்ட்வா வானரயூத²பா꞉ || 6-66-31
த்³ரவமாணாஸ்து தே வீரா அங்க³தே³ன வலீமுகா²꞉ |
ஸாந்த்வைஷ்²ச ப³ஹுமானைஷ்²ச தத꞉ ஸர்வே நிவர்திதா꞉ || 6-66-32
ப்ரஹர்ஷமுபனீதாஷ்²ச வாலிபுத்ரேண தீ⁴மதா |
ஆஜ்ஞாப்ரதீக்ஷாஸ்துஸ்து²ஷ்²ச ஸர்வே வானரயூத²பா꞉ || 6-66-33
ருஷப⁴ஷ²ரப⁴மைந்த³தூ⁴ம்ரநீலா꞉ |
குமுத³ஸுஷேணக³வாக்ஷரம்ப⁴தாரா꞉|
த்³விவித³பனஸவாயுபுத்ரமுக்²யாஸ் |
த்வரிததராபி⁴முக²ம் ரணம் ப்ரயாதா꞉ || 6-66-34
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ ஷட்ஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
