வால்மீகி ராமாயணே ஆதி³ காவ்யே யுத்³த⁴காண்டே³ அஷ்டஷஷ்டிதம꞉ ஸர்க³꞉
கும்ப⁴கர்ணம் ஹதம் த்³ருஷ்ட்வா ராக⁴வேண மஹாத்மனா |
ராக்ஷஸா ராக்ஷஸ இந்த்³ராய ராவணாய ந்யவேத³யன் || 6-68-1
ராஜன் ஸ காலஸங்காஷ²꞉ ஸம்யுக்த꞉ காலகர்மணா |
வித்³ராவ்ய வானரீம் ஸேனாம் ப⁴க்ஷயித்வா ச வானரான் || 6-68-2
ப்ரதிபித்வா முஹூர்தம் து ப்ரஷா²ந்தோ ராமதேஜஸா |
காயேனார்த⁴ப்ரவிஷ்டேன ஸமுத்³ரம் பீ⁴மத³ர்ஷ²னம் || 6-68-3
நிக்ருத்தனாஸாகர்ணேன விக்ஷரத்³ருதி⁴ரேண ச|
ருத்³த்⁴வா த்³வாரம் ஷ²ரீரேண லங்காயா꞉ பர்வதோபம꞉ || 6-68-4
கும்ப⁴கர்ணஸ்தவ ப்⁴ராதா காகுத்த்²ஸஷ²ரபீடி³த꞉ |
லக³ண்ட³பூ⁴தோ விக்ருதோ தா³வத³க்³த⁴ இவ த்³ரும꞉ || 6-68-5
ஷ்²ருத்வா வினிஹதம் ஸம்க்²யே கும்ப⁴ கர்ணம் மஹா ப³லம் |
ராவண꞉ ஷோ²க ஸம்தப்தோ முமோஹ ச பபாத ச || 6-68-6
பித்ருவ்யம் நிஹதம் ஷ்²ருத்வா தே³வ அந்தக நர அந்தகௌ |
த்ரிஷி²ராஸ꞉ ச அதிகாயஸ꞉ ச ருருது³꞉ ஷோ²க பீடி³தா꞉ || 6-68-7
ப்⁴ராதரம் நிஹதம் ஷ்²ருத்வா ராமேண அக்லிஷ்ட கர்மணா |
மஹா உத³ர மஹா பார்ஷ்²வௌ ஷோ²க ஆக்ராந்தௌ ப³பூ⁴வது꞉ || 6-68-8
தத꞉ க்ருச்ச்ராத் ஸமாஸாத்³ய ஸம்ஜ்ஞாம் ராக்ஷஸ பும்க³வ꞉ |
கும்ப⁴ கர்ண வதா⁴த்³ தீ³னோ விளலாப ஸ ராவண꞉ || 6-68-9
ஹா வீர ரிபு த³ர்பக்⁴ன கும்ப⁴ கர்ண மஹா ப³ல |
ஷ²த்ரு ஸைன்யம் ப்ரதாப்ய ஏக꞉ க்வ மாம் ஸம்த்யஜ்ய க³ச்சஸி || 6-68-10
மம ஷ²ல்யமனுத்³த்⁴ருத்ய பா³ந்த⁴வானாம் மஹாப³ல |
ஷ²த்ருஸைன்யம் ப்ரதாப்யைக꞉ க்வ மாம் ஸம்த்யஜ்ய க³ச்ச²ஸி || 6-68-11
இதா³னீம் க²ல்வ் அஹம் ந அஸ்மி யஸ்ய மே பதிதோ பு⁴ஜ꞉ |
த³க்ஷிணோ யம் ஸமாஷ்²ரித்ய ந பி³பே⁴மி ஸுர அஸுரான் || 6-68-12
கத²ம் ஏவம் விதோ⁴ வீரோ தே³வ தா³னவ த³ர்பஹா |
கால அக்³னி ப்ரதிமோ ஹி அத்³ய ராக⁴வேண ரணே ஹத꞉ || 6-68-13
யஸ்ய தே வஜ்ர நிஷ்பேஷோ ந குர்யாத்³ வ்யஸனம் ஸதா³ |
ஸ கத²ம் ராம பா³ண ஆர்த꞉ ப்ரஸுப்தோ அஸி மஹீ தலே || 6-68-14
ஏதே தே³வ க³ணா꞉ ஸார்த⁴ம் ருஷிபி⁴ர் க³க³னே ஸ்தி²தா꞉ |
நிஹதம் த்வாம் ரணே த்³ருஷ்ட்வா நினத³ந்தி ப்ரஹர்ஷிதா꞉ || 6-68-15
த்⁴ருவம் அத்³ய ஏவ ஸம்ஹ்ருஷ்டா லப்³த⁴ லக்ஷ்யா꞉ ப்லவம் க³மா꞉ |
ஆரோக்ஷ்யந்தி இஹ து³ர்கா³ணி லன்கா த்³வாராணி ஸர்வஷ²꞉ || 6-68-16
ராஜ்யேன ந அஸ்தி மே கார்யம் கிம் கரிஷ்யாமி ஸீதயா |
கும்ப⁴ கர்ண விஹீனஸ்ய ஜீவிதே ந அஸ்தி மே ரதி꞉ || 6-68-17
யதி³ அஹம் ப்⁴ராத்ரு ஹந்தாரம் ந ஹன்மி யுதி⁴ ராக⁴வம் |
நனு மே மரணம் ஷ்²ரேயோ ந ச இத³ம் வ்யர்த² ஜீவிதம் || 6-68-18
அத்³ய ஏவ தம் க³மிஷ்யாமி தே³ஷ²ம் யத்ர அனுஜோ மம |
ந ஹி ப்⁴ராத்ருருன் ஸமுத்ஸ்ருஜ்ய க்ஷணம் ஜீவிதும் உத்ஸஹே || 6-68-19
தே³வா ஹி மாம் ஹஸிஷ்யந்தி த்³ருஷ்ட்வா பூர்வ அபகாரிணம் |
கத²ம் இந்த்³ரம் ஜயிஷ்யாமி கும்ப⁴ கர்ண ஹதே த்வயி || 6-68-20
தத்³ இத³ம் மாம் அனுப்ராப்தம் விபீ⁴ஷண வச꞉ ஷு²ப⁴ம் |
யத்³ அஜ்ஞானான் மயா தஸ்ய ந க்³ருஹீதம் மஹாத்மன꞉ || 6-68-21
விபீ⁴ஷண வசோ யாவத் கும்ப⁴ கர்ண ப்ரஹஸ்தயோ꞉ |
விநாஷோ² அயம் ஸமுத்பன்னோ மாம் வ்ரீட³யதி தா³ருண꞉ || 6-68-22
தஸ்ய அயம் கர்மண꞉ ப்ராதோ விபாகோ மம ஷோ²கத³꞉ |
யன் மயா தா⁴ர்மிக꞉ ஶ்ரீமான் ஸ நிரஸ்தோ விபீ⁴ஷண꞉ || 6-68-23
இதி ப³ஹு வித⁴ம் ஆகுல அந்தர் ஆத்மா |
க்ருபணம் அதீவ விளப்ய கும்ப⁴ கர்ணம் |
ந்யபதத்³ அத² த³ஷ² ஆனனோ ப்⁴ருஷ² |
ஸ்தமனுஜம் இந்த்³ர ரிபும் ஹதம் விதி³த்வா || 6-68-24
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ அஷ்டஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
