வால்மீகி ராமாயணே ஆதி³ காவ்யே யுத்³த⁴காண்டே³ பஞ்சஷஷ்டிதம꞉ ஸர்க³꞉
ஸ ததோ²க்தஸ்து நிர்ப⁴ர்த்ஸ்ய கும்ப⁴கர்ணோ மஹோத³ரம் |
அப்³ரவீத்³ராக்ஷஸஷ்²ரேஷ்ட²ம் ப்⁴ராதரம் ராவணம் தத꞉ || 6-65-1
ஸோ(அ)ஹம் தவ ப⁴யம் கோ⁴ரம் வதா⁴த்தஸ்ய து³ராத்மன꞉ |
ராமஸ்யாத்³ய ப்ரமார்ஜாமி நிர்வைரஸ்த்வம் ஸுகீ²ப⁴வ || 6-65-2
க³ர்ஜந்தி ந வ்ருதா² ஷூ²ர நிர்ஜலா இவ தோயதா³꞉ |
பஷ்²ய ஸம்பாத்³யமானம் து க³ர்ஜிதம் யுதி⁴ கர்மணா || 6-65-3
ந மர்ஷயதி சாத்மானம் ஸம்பா⁴வயதி நாத்மனா |
அத³ர்ஷ²யித்வா ஷூ²ராஸ்து கர்ம குர்வந்தி து³ஷ்கரம் || 6-65-4
விக்லவாநாமபு³த்³தீ⁴னாம் ராஞாம் பண்டி³தமானினாம் |
ஷ்²ருண்வதாமாதி³த இத³ம் த்வத்³விதா⁴னாம் மஹோத³ர || 6-65-5
யுத்³தே⁴ காபுருஷைர்நித்யம் ப⁴வத்³பி⁴꞉ ப்ரியவாதி³பி⁴꞉ |
ராஜானமனுக³ச்ச²த்³பி⁴꞉ க்ருத்யமேதத்³விநாஷி²தம் || 6-65-6
ராஜஷே²ஷா க்ருதா லங்கா க்ஷீண꞉ கோஷோ² ப³லம் ஹதம் |
ராஜானமிமமாஸாத்³ய ஸுஹ்ருச்சிஹ்னமமித்ரகம் || 6-65-7
ஏஷ நிர்யாம்யஹம் யுத்³த⁴முத்³யத꞉ ஷ²த்ருநிர்ஜயே |
து³ர்னயம் ப⁴வதாமத்³ய ஸமீகர்தும் மஹாஹவே || 6-65-8
ஏவமுக்தவதோ வாக்யம் கும்ப⁴கர்ணஸ்ய தீ⁴மத꞉ |
ப்ரத்யுவாச ததோ வாக்யம் ப்ரஹஸன்ராக்ஷஸாதி⁴ப꞉ || 6-65-9
மஹோத³ரோ(அ)யம் ராமாத்து பரித்ரஸ்தோ ந ஸம்ஷ²ய꞉ |
ந ஹி ரோசயதே தாத யுத்³த⁴ம் யுத்³த⁴விஷா²ரத³ || 6-65-10
கஷ்²சின்மே த்வத்ஸமோ நாஸ்தி ஸௌஹ்ருதே³ன ப³லேன ச |
க³ச்ச² ஷ²த்ருவதா⁴ய த்வம் கும்ப⁴கர்ணஜயாய ச || 6-65-11
ஷ²யான꞉ ஷ²த்ருநாஷா²ர்த²ம் ப⁴வான் ஸம்போ³தி⁴தோ மயா |
ஆயம் ஹி கால꞉ ஸுமஹான் ராக்ஷாநாமரிந்த³ம || 6-65-12
தத்³க³ச்ச² ஷூ²லமாதா³ய பாஷ²ஹஸ்த இவாந்தக꞉ |
வானரான் ராஜபுத்ரௌ ச ப⁴க்ஷயாதி³த்யதேஜஸௌ || 6-65-13
ஸமாலோக்ய து தே ரூபம் வித்³ரவிஷ்யந்தி வானரா꞉ |
ராமலக்ஷ்மணயோஷ்²சாபி ஹ்ருத³யே ப்ரஸ்பு²டிஷ்யத꞉ || 6-65-14
ஏவமுக்த்வா மஹாதேஜா꞉ கும்ப⁴கர்ணம் மஹாப்³லம் |
புனர்ஜாதமிவாத்மானம் மேனே ராக்ஷஸபும்க³வ꞉ || 6-65-15
கும்ப⁴கர்ணப³லாபி⁴ஜ்ஞோ ஜானம்ஸ்தஸ்ய பராக்ரமம் |
ப³பூ⁴வ முதி³தோ ராஜா ஷ²ஷா²ங்க இவ நிர்மல꞉ || 6-65-16
இத்யேவமுக்த꞉ ஸம்ஹ்ருஷ்டோ நிர்ஜகா³ம மஹாப³ல꞉ |
ராஜ்ஞ்ஸ்து வசனம் ஷ்²ருத்வா யோத்³து⁴முத்³யுக்தவாம்ஸ்ததா³ || 6-65-17
ஆத³தே³ நிஷி²தம் ஷூ²லம் வேகா³ச்ச²த்ருனிப³ர்ஹண꞉ |
ஸர்வகாலாயஸம் தீ³ப்தம் தப்தகாஞ்சனபூ⁴ஷணம் || 6-65-18
இந்த்³ராஷ²நிஸமம் பீ⁴மம் வஜ்ரப்ரதிமகௌ³ரவம் |
தே³வதா³னவக³ந்த⁴ர்வயக்ஷபந்நகஸூத³னம் || 6-65-19
ரக்தமால்ய மஹாதா³ம ஸ்வதஷ்²சோத்³க³தபாவகம் |
ஆதா³ய நிஷி²தம் ஷூ²லம் ஷ²த்ருஷோ²ணிதரஞ்ஜிதம் || 6-65-20
கும்ப⁴கர்ணோ மஹாதேஜா ராவணம் வாக்யமப்³ரவீத் |
க³மிஷ்யாம்யஹமேகாகீ திஷ்ட²த்விஹ ப³லம் மஹத் || 6-65-21
அத்³ய தான்க்ஷுதி⁴த꞉ க்ருத்³தோ⁴ ப⁴க்ஷயிஷ்யாமி வானரான் |
கும்ப⁴கர்ணவச꞉ ஷ்²ருத்வா ராவணோ வாக்யமப்³ரவீத் || 6-65-22
ஸைன்யை꞉ பரிவ்ருதோ க³ச்ச² ஷூ²லமுத்³க³ளபாணிபி⁴꞉ |
வானரா ஹி மஹாத்மான꞉ ஷீ²க்⁴ராஷ்²ச வ்யவஸாயின꞉ || 6-65-23
ஏகாகினம் ப்ரமத்தம் வா நயேயுர்த³ஷ²னை꞉ க்ஷயம் |
தஸ்மாத்பரமது³ர்த⁴ர்ஷை꞉ ஸைன்யை꞉ பரிவ்ருதோ வ்ரஜ || 6-65-24
ரக்ஷஸாமஹிதம் ஸர்வம் ஷ²த்ருபக்ஷம் நிஸூத³ய |
அதா²ஸனாத்ஸமுத்பத்ய ஸ்ரஜம் மணிக்ருதாந்தராம் || 6-65-25
ஆப³ப³ந்த⁴ மஹாதேஜா꞉ கும்ப⁴கர்ணஸ்ய ராவண꞉ |
அஞ்க³தா³னங்கு³ளீவேஷ்டான்வராண்யாப⁴ரணானி ச || 6-65-26
ஹாரம் ச ஷ²ஷி²ஸம்ண்காஷ²மாப³ப³ந்த⁴ மஹாத்மன꞉ |
தி³வ்யானி ச ஸுக³ந்தீ⁴னி மால்யதா³மானி ராவண꞉ || 6-65-27
கா³த்ரேஷு ஸஜ்ஜயாமாஸ ஶ்ரீமதீ சாஸ்ய குண்ட³லே |
காஞ்சனாங்க³த³கேயூரோ நிஷ்காப⁴ரணபூ⁴ஷித꞉ || 6-65-28
கும்ப⁴கர்ணோ ப்³ருஹத்கர்ண꞉ ஸுஹுதோ(அ)க்³நிரிவாப³பௌ⁴ |
ஷ்²ரோணீஸூத்ரேண மஹதா மேசகேன விராஜித꞉ || 6-65-29
அம்ருதோத்பாத³னே நத்³தோ⁴ பு⁴ஜங்கே³னேவ மந்த³ர꞉ |
ஸ காஞ்சனம் பா⁴ரஸஹம் நிவாதம் |
வித்³யுத்ப்ரப⁴ம் தீ³ப்தமிவாத்மபா⁴ஸா |
ஆப³த்⁴யமான꞉ கவசம் ரராஜ |
ஸந்த்⁴யாப்⁴ரஸம்வீத இவாத்³ரிராஜ꞉ || 6-65-30
ஸர்வாப⁴ரணனத்³தா⁴ங்க³꞉ ஷூ²லபாணி꞉ ஸ ராக்ஷஸ꞉ |
த்ரிவிக்ரமக்ருதோத்ஸாஹோ நாராயண இவாப³பௌ⁴ || 6-65-31
ப்⁴ராதரம் ஸம்பரிஷ்வஜ்ய க்ருத்வா சாபி ப்ரத³க்ஷிணம் |
ப்ரணம்ய ஷி²ரஸா தஸ்மை ஸம்ப்ரதஸ்தே² மஹாப³லி꞉ || 6-65-32
நிஷ்பதந்தம் மஹாகாயம் மஹாநாத³ம் மஹாப³லம் |
தமாஷீ²ர்பி⁴꞉ ப்ரஷ²ஸ்தாபி⁴꞉ ப்ரேஷயாமாஸ ராவண꞉ || 6-65-33
தம் க³ஜைஷ்²ச துரம்கை³ஷ்²ச ஸ்யந்த³னைஷ்²சாம்பு³த³ஸ்வனை꞉ |
அனுஜக்³முர்மஹாத்மானம் ரதி²னோ ரதி²னாம் வரம் || 6-65-34
ஸர்பைருஷ்ட்ரை꞉ க²ரைரஷ்²வை꞉ ஸிம்ஹத்³விபம்ருக³த்³விஜை꞉ |
அனுஜக்³முஷ்²ச தம் கோ⁴ரம் கும்ப⁴கர்ணம் மஹாப³லம் || 6-65-35
ஸ புஷ்பவர்ணைரவகீர்யமாணோ |
த்⁴ருதாதபத்ர꞉ ஷி²தஷூ²லபாணி꞉ |
மதோ³த்கட꞉ ஷோ²ணிதக³ந்த⁴மத்தோ |
விநிர்யயௌ தா³னவதே³வஷ²த்ரு꞉ || 6-65-36
பதா³தயஷ² ப³ஹவோ மஹாநாதா³ மஹாப³லா꞉ |
அன்வயூ ராக்ஷஸா பீ⁴மா பீ⁴மாக்ஷா꞉ ஷ²ஸ்த்ரபாணய꞉ || 6-65-37
ரக்தாக்ஷா꞉ ஸுமஹாகாயா நீலாஞ்ஜனசயோபமா꞉ |
ஷூ²ரானுத்³யம்ய க²ட்³கா³ம்ஷ்²ச நிஷி²தாம்ஷ்²ச பரஷ்²வதா⁴ன் || 6-65-38
ப³ஹுவ்யாமாம்ஷ்²ச பரிகா⁴ன் க³தா³ஷ்²ச முஸலானி ச |
தாலஸ்கந்தா⁴ம்ஷ்²ச விபுலான்க்ஷேபணீயாந்து³ராஸதா³ன் || 6-65-39
அதா²ன்யத்³வபுராதா³ய தா³ருணம் லோமஹர்ஷணம் |
நிஷ்பபாத மஹாதேஜா꞉ கும்ப⁴கர்ணோ மஹாப³ல꞉ || 6-65-40
த⁴னு꞉ஷ²தபரீணாஹ꞉ ஸ ஷட்ஷ²தஸமுச்சி²த꞉ |
ரௌத்³ர꞉ ஷ²கடசக்ராக்ஷோ மஹாபர்வதஸம்நிப⁴꞉ || 6-65-41
ஸம்நிபத்ய ச ரக்ஷாம்ஸி த³க்³த⁴ஷை²லோபமோ மஹான் |
கும்ப⁴கர்ணோ மஹாவக்த்ர꞉ ப்ரஹஸன்னித³மப்³ரவீத் || 6-65-42
அத்³ய வானரமுக்²யானாம் தானி யூதா²னி பா⁴க³ஷ²꞉ |
நிர்த³ஹிஷ்யாமி ஸங்க்ருத்³த⁴꞉ ஷ²லபா⁴னிவ பாவக꞉ || 6-65-43
நாபராத்⁴யந்தி மே காமம் வானரா வனசாரிண꞉ |
ஜாதிரஸ்மத்³விதா⁴னாம் ஸா புரோத்³யானவிபூ⁴ஷணம் || 6-65-44
புரரோத⁴ஸ்ய மூலம் து ராக⁴வ꞉ ஸஹலக்ஷ்மண꞉ |
ஹதே தஸ்மின்ஹதம் ஸர்வம் தம் வதி⁴ஷ்யாமி ஸம்யுகே³ || 6-65-45
ஏவம் தஸ்ய ப்³ருவாணஸ்ய கும்ப⁴கர்ணஸ்ய ராக்ஷஸா꞉ |
நாத³ம் சக்ருர்மஹாகோ⁴ரம் கம்பயந்த இவார்ணவம் || 6-65-46
தஸ்ய நிஷ்பததஸ்தூர்ணம் கும்ப⁴கர்ணஸ்ய தீ⁴மத꞉ |
ப³பூ⁴வுர்கோ⁴ரரூபாணி நிமித்தானி ஸமந்தத꞉ || 6-65-47
உல்காஷ²னியுதா மேகா⁴ வினேது³ஷ்²ச ஸுதா³ருணா꞉ |
ஸஸாக³ரவனா சைவ வஸுதா⁴ ஸமகம்பத || 6-65-48
கோ⁴ரரூபா꞉ ஷி²வா நேது³꞉ ஸஜ்வாலகவலைர்முகை²꞉ |
மண்ட³லான்யபஸவ்யானி ப³ப³ந்து⁴ஷ்²ச விஹங்க³மா꞉ || 6-65-49
நிஷ்பபாத ச க்³ருத்⁴ரே(அ)ஸ்ய ஷூ²லே வை பதி² க³ச்ச²த꞉ |
ப்ராஸ்பு²ரந்நயனம் சாஸ்ய ஸவ்யோ பா³ஹுரகம்பத || 6-65-50
நிஷ்பபாத ததா³ சோக்லா ஜ்வலந்தீ பீ⁴மநிஸ்வனா |
ஆதி³த்யோ நிஷ்ப்ரப⁴ஷ்²சாஸீன்ன ப்ரவாதி ஸுகோ²(அ)னில꞉ || 6-65-51
அசிந்தயன்மஹோத்பாதானுத்தி²தாம்ல்லோமஹர்ஷணான் |
நிர்யயௌ கும்ப⁴கர்ணஸ்து க்ருதாந்தப³லசோதி³த꞉ || 6-65-52
ஸ லங்க⁴யித்வா ப்ராகாரம் பத்³ப்⁴யாம் பர்வதஸம்நிப⁴꞉ |
த³த³ர்ஷா²ப்⁴ரக⁴னப்ரக்²யம் வானரானீகமத்³பு⁴தம் || 6-65-53
தே த்³ருஷ்ட்வா ராக்ஷஸஷ்²ரேஷ்ட²ம் வானரா꞉ பர்வதோபமம் |
வாயுனுன்னா இவ க⁴னா யயு꞉ ஸர்வா தி³ஷ²ஸ்ததா³ || 6-65-54
தத்³வானரானீகமதிப்ரசண்ட³ம் |
தி³ஷோ² த்³ரவத்³பி⁴ன்னமிவாப்⁴ரஜாலம் |
ஸ கும்ப⁴கர்ண꞉ ஸமவேக்ஷ்ய ஹர்ஷான் |
நநாத³ பூ⁴யோ க⁴னவத்³க⁴நாப⁴꞉ || 6-65-55
தே தஸ்ய கோ⁴ரம் நினத³ம் நிஷ²ம்ய |
யதா² நிநாத³ம் தி³வி வாரித³ஸ்ய |
பேதுர்த⁴ரண்யாம் ப³ஹவ꞉ ப்லவம்கா³ |
நிக்ருத்தமூலா இவ ஸாலவ்ருக்ஷா꞉ || 6-65-56
விபுலபரிக⁴வான்ஸ கும்ப⁴கர்ணோ |
ரிபுநித⁴னாய விநி꞉ஸ்ருதோ மஹாத்மா |
கபி க³ணப⁴யமாத³த³த்ஸுபீ⁴மம் |
ப்ரபு⁴ரிவ கிம்ண்கரத³ண்ட³வான்யுகா³ந்தே || 6-65-57
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காண்டே³ பஞ்சஷஷ்டிதம꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
