வால்மீகி ராமாயணே ஆதி³ காவ்யே யுத்³த⁴காண்டே³ ஏகோநவிம்ஷ²꞉ ஸர்க³꞉
ராக⁴வேந அப⁴யே த³த்தே ஸம்நதோ ராவண அநுஜ꞉ |
விபீ⁴ஷணோ மஹாப்ராஜ்ஞோ பூ⁴மிம் ஸமவலோகயத் || 6-19-1
கா²த் பபாத அவநிம் ஹ்ருஷ்டோ ப⁴க்தைர் அநுசரை꞉ ஸஹ |
ஸ து ராமஸ்ய த⁴ர்ம ஆத்மா நிபபாத விபீ⁴ஷண꞉ || 6-19-2
பாத³யோ꞉ ஷ²ரண அந்வேஷீ சதுர்பி⁴꞉ ஸஹ ராக்ஷஸை꞉ |
அப்³ரவீச் ச ததா³ ராமம் வாக்யம் தத்ர விபீ⁴ஷண꞉ || 6-19-3
த⁴ர்ம யுக்தம் ச யுக்தம் ச ஸாம்ப்ரதம் ஸம்ப்ரஹர்ஷணம் |
அநுஜோ ராவணஸ்ய அஹம் தேந ச அஸ்மி அவமாநித꞉ || 6-19-4
ப⁴வந்தம் ஸர்வ பூ⁴தாநாம் ஷ²ரண்யம் ஷ²ரணம் க³த꞉ |
பரித்யக்தா மயா லங்கா மித்ராணி ச த⁴நாநி ச || 6-19-5
ப⁴வத்³ க³தம் ஹி மே ராஜ்யம் ச ஜீவிதம் ச ஸுகா²நி ச |
தஸ்ய தத்³வசநம் ஷ்²ருத்வா ராமோ வசநமப்³ரவீத் || 6-19-6
வசஸா ஸாந்த்வயித்வைநம் லோசநாப்⁴யாம் பிப³ந்நிவ |
ஆக்²யாஹி மம தத்வேந ராக்ஷஸாநாம் ப³லாப³லம் || 6-19-7
ஏவமுக்தம் ததா³ ரக்ஷோ ராமேணாக்லிஷ்டகர்மணா |
ராவணஸ்ய ப³லம் ஸர்வமாக்²யாதுமுபசக்ரமே || 6-19-8
அவத்⁴ய꞉ ஸர்வபூ⁴தாநாம் க³ந்த⁴ர்வோரக³பக்ஷிணாம் |
ராஜபுத்ர த³ஷ²க்³ரீவோ வரதா³நாத்ஸ்வயம்பு⁴வ꞉ || 6-19-9
ராவணாநந்தரோ ப்⁴ராதா மம ஜ்யேஷ்ட²ஷ்²ச வீர்யவான் |
கும்ப⁴கர்ணோ மஹாதேஜா꞉ ஷ²க்ரப்ரதிப³லோ யுதி⁴ || 6-19-10
ராம ஸேநாபதிஸ்தஸ்ய ப்ரஹஸ்தோ யதி³ தே ஷ்²ருத꞉ |
கைலாஸே யேந ஸம மணிப⁴த்³ர꞉ பராஜித꞉ || 6-19-11
ப³த்³த³கோ³தா⁴ங்கு³லித்ரஷ்²ச அவத்⁴யகவசோ யுதி⁴ |
த⁴நுராதா³ய யஸ்திஷ்ட²ந்நத்³ருஷ்²யோ ப⁴வதீந்த்³ரஜித் || 6-19-12
ஸம்க்³ராமே ஸுமஹத்³வ்யூஹே தர்பயித்வா ஹுதாஷ²நம் |
அந்தர்தா⁴நக³த꞉ ஶ்ரீமாநிந்த்³ரஜித்³த⁴ந்தி ராக⁴வ || 6-19-13
மஹோத³ரமஹாபார்ஸ்வௌ ராக்ஷஸஷ்²சாப்யகம்பந꞉ |
அநீகஸ்தாஸ்து தப்யைதே லோகபாலஸமா யுதி⁴ || 6-19-14
த³ஷ²கோடிஸஹஸ்ராணி ரக்ஷஸாம் காமரூபிணாம் |
மாம்ஸஷோ²ணிதப⁴க்ஷ்யாணாம் லங்காபுரநிவாஸிநாம் || 6-19-15
ஸ தைஸ்து ஸஹிதோ ராஜா லோகபாலாநயோத⁴யத் |
ஸஹ தே³வைஸ்து தே ப⁴க்³நா ராவணேந து³ராத்மநா || 6-19-16
விபீ⁴ஷணஸ்ய து வசஸ்தச்²ருத்வா ரகு⁴ஸத்தம꞉ |
அந்வீக்ஷ்ய மநஸா ஸர்வமித³ம் வசநமப்³ரவீத் || 6-19-17
யாநி கர்மாபதா³நாநி ராவணஸ்ய விபீ⁴ஷண |
அக்²யாதாநி ச தத்த்வேந ஹ்யவக³ச்சாமி தாந்யஹம் || 6-19-18
அஹம் ஹத்வா த³ஷ²க்³ரீவம் ஸப்ரஹஸ்தம் ஸஹாத்மஜம் |
ராஜாநம் த்வாம் கரிஷ்யாமி ஸத்யமேதச்ச்²ருணோது மே || 6-19-19
ரஸாதலம் வா ப்ரவிஷே²த்பாதாலம் வாபி ராவண꞉ |
பிதாமஹஸகாஷ²ம் வா ந மே ஜீவந்விமோக்ஷ்யதே || 6-19-20
அஹத்வா ராவணம் ஸம்க்²யே ஸபுத்ரஜநபா³ந்த⁴வம் |
அயோத்⁴யாம் ந ப்ரவேக்ஷ்யாமி த்ரிபி⁴ஸ்தைர்ப்⁴ரத்ருபி⁴꞉ ஷ²பே꞉ || 6-19-21
ஷ்²ருத்வா து வசநம் தஸ்ய ராமஸ்யாக்லிஷ்டகர்மண꞉ |
ஷி²ரஸா வந்த்³ய த⁴ர்மாத்மா வக்துமேவ ப்ரசக்ரமே || 6-19-22
ராக்ஷஸாநாம் வதே⁴ ஸாஹ்யம் லங்காயா꞉ ச ப்ரத⁴ர்ஷணே |
கரிஷ்யாமி யதா² ப்ராணம் ப்ரவேக்ஷ்யாமி ச வாஹிநீம் || 6-19-23
இதி ப்³ருவாணம் ராமஸ் து பரிஷ்வஜ்ய விபீ⁴ஷணம் |
அப்³ரவீல் லக்ஷ்மணம் ப்ரீத꞉ ஸமுத்³ராஜ் ஜலம் ஆநய || 6-19-24
தேந ச இமம் மஹாப்ராஜ்ஞம் அபி⁴ஷிந்ச விபீ⁴ஷணம் |
ராஜாநம் ரக்ஷஸாம் க்ஷிப்ரம் ப்ரஸந்நே மயி மாநத³ || 6-19-25
ஏவம் உக்தஸ் து ஸௌமித்ரிர் அப்⁴யஷிந்சத்³ விபீ⁴ஷணம் |
மத்⁴யே வாநர முக்²யாநாம் ராஜாநம் ராம ஷா²ஸநாத் || 6-19-26
தம் ப்ரஸாத³ம் து ராமஸ்ய த்³ருஷ்ட்வா ஸத்³ய꞉ ப்லவம் க³மா꞉ |
ப்ரசுக்ருஷு²ர் மஹாநாதா³ன் ஸாது⁴ ஸாத்⁴வ் இதி ச அப்³ருவன் || 6-19-27
அப்³ரவீச் ச ஹநூமாம꞉ ச ஸுக்³ரீவ꞉ ச விபீ⁴ஷணம் |
கத²ம் ஸாக³ரம் அக்ஷோப்⁴யம் தராம வருண ஆலயம் || 6-19-28
ஸைந்யை꞉ பரிவ்ருதா꞉ ஸர்வே வாநராணாம் மஹௌஜஸாம் |
உபாயைர் அபி⁴க³ச்சாமோ யதா² நத³ நதீ³ பதிம் || 6-19-29
தராம தரஸா ஸர்வே ஸஸைந்யா வருண ஆலயம் |
ஏவம் உக்தஸ் து த⁴ர்மஜ்ஞ꞉ ப்ரத்யுவாச விபீ⁴ஷண꞉ || 6-19-30
ஸமுத்³ரம் ராக⁴வோ ராஜா ஷ²ரணம் க³ந்தும் அர்ஹதி |
கா²நித꞉ ஸக³ரேண அயம் அப்ரமேயோ மஹாஉத³தி⁴꞉ || 6-19-31
கர்தும் அர்ஹதி ராமஸ்ய ஜ்ஞாதே꞉ கார்யம் மஹாஉத³தி⁴꞉ |
ஏவம் விபீ⁴ஷணேந உக்தே ராக்ஷஸேந விபஷ்²சிதா || 6-19-32
ஆஜகா³மத² ஸுக்³ரீவோ யத்ர ராம꞉ ஸலக்ஷ்மண꞉ |
ததஷ்²சாக்²யாதுமாரேபே⁴ விபீ⁴ஷணவச꞉ ஷு²ப⁴ம் || 6-19-33
ஸுக்³ரீவோ விபுலக்³ரீவ꞉ ஸாக³ரஸ்யோபவேஷ²நம் |
ப்ரக்ருத்யா த⁴ர்ம ஷீ²லஸ்ய ராக⁴வஸ்ய அபி அரோசத || 6-19-34
ஸ லக்ஷ்மணம் மஹாதேஜா꞉ ஸுக்³ரீவம் ச ஹரி ஈஷ்²வரம் |
ஸத் க்ரியா அர்த²ம் க்ரியா த³க்ஷ꞉ ஸ்மித பூர்வம் உவாச ஹ || 6-19-35
விபீ⁴ஷணஸ்ய மந்த்ரோ அயம் மம லக்ஷ்மண ரோசதே |
ஸுக்³ரீவ꞉ பண்டி³தோ நித்யம் ப⁴வான் மந்த்ர விசக்ஷண꞉ || 6-19-36
உபா⁴ப்⁴யாம் ஸம்ப்ரதா⁴ர்ய ஆர்யம் ரோசதே யத் தத்³ உச்யதாம் |
ஏவம் உக்தௌ து தௌ வீராவ் உபௌ⁴ ஸுக்³ரீவ லக்ஷ்மணௌ || 6-19-37
ஸமுதா³சார ஸம்யுக்தம் இத³ம் வசநம் ஊசது꞉ |
கிம் அர்த²ம் நோ நர வ்யாக்⁴ர ந ரோசிஷ்யதி ராக⁴வ || 6-19-38
விபீ⁴ஷணேந யத் து உக்தம் அஸ்மின் காலே ஸுக² ஆவஹம் |
அப³த்³த்⁴வா ஸாக³ரே ஸேதும் கோ⁴ரே அஸ்மின் வருண ஆலயே || 6-19-39
லங்கா ந ஆஸாதி³தும் ஷ²க்யா ஸ இந்த்³ரைர் அபி ஸுர அஸுரை꞉ |
விபீ⁴ஷணஸ்ய ஷூ²ரஸ்ய யதா² அர்த²ம் க்ரியதாம் வச꞉ || 6-19-40
அலம் கால அத்யயம் க்ருத்வா ஸமுத்³ரோ அயம் நியுஜ்யதாம் |
யதா² காலாத்யயம் க்ருத்வா ஸாக³ராய நியுஜ்யதாம் || 6-19-41
ஏவம் உக்த꞉ குஷ² ஆஸ்தீர்ணே தீரே நத³ நதீ³ பதே꞉ |
ஸம்விவேஷ² ததா³ ராமோ வேத்³யாம் இவ ஹுத அஷ²ந꞉ || 6-19-42
இத்யார்ஷே ஶ்ரீமத்³ராமாயணே ஆதி³காவ்யே யுத்³த⁴காம்டே³ ஏகோநவிம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
