வால்மீகி ராமாயணே ஆதி³ காவ்யே யுத்³த⁴காண்டே³ விம்ஷ²꞉ ஸர்க³꞉
ததோ நிவிஷ்டாம் த்⁴வஜிநீம் ஸுக்³ரீவேணாபி⁴பாலிதாம் |
த³த³ர்ஷ² ராக்ஷஸோ(அ)ப்⁴யேத்ய ஷா²ர்தூ³லோ நாம வீர்யவான் || 6-20-1
சாரோ ராக்ஷஸராஜஸ்ய ராவணஸ்ய து³ராத்மந꞉ |
தாம் த்³ருஷ்ட்வா ஸர்வதோ(அ)வ்யக்³ரம் ப்ரதிக³ம்ய ஸ ராக்ஷஸ꞉ || 6-20-2
ஆவிஷ்²ய லங்காம் வேகே³ந ராஜாநமித³மப்³ரவீத் |
ஏஷ வை வாநரர்க்ஷகோ⁴ லங்காம் ஸமபி⁴வர்ததே || 6-20-3
அகா³த⁴ஷ்²சாப்ரமேயஷ்²ச த்³விதீய இவ ஸாக³ர꞉ |
புத்ரௌ த³ஷ²ரத²ஸ்யேமௌ ப்⁴ராதரௌ ராமலக்ஷ்மணௌ || 6-20-4
உத்தமௌ ரூபஸம்பந்நௌ ஸீதாயா꞉ பத³மாக³தௌ |
ஏதௌ ஸாக³ரமாஸாத்³ய ஸம்நிவிஷ்டௌ மஹாத்³யுதீ || 6-20-5
ப³லம் சாகாஷ²மாவ்ருத்ய ஸர்வதோ த³ஷ²யோஜநம் |
தத்த்வபூ⁴தம் மஹாரஜ க்ஷிப்ரம் வேதி³துமர்ஹஸி || 6-20-6
தவ தூ³தா மஹாராஜ க்ஷிப்ரமர்ஹந்தி வேதி³தும் |
உபப்ரதா³நம் ஸாந்த்வம் வா பே⁴தோ³ வாத்ர ப்ரயுஜ்யதாம் || 6-20-7
ஷா²ர்தூ³லஸ்ய வச꞉ ஷ்²ருத்வா ராவணோ ராக்ஷஸேஷ்²வர꞉ |
உவாச ஸஹஸா வ்யக்³ர꞉ ஸம்ப்ரதா⁴ர்யார்த²மாத்மந꞉ || 6-20-8
ஷு²கம் நாம ததா³ ரக்ஷோ வாக்யமர்த²விதா³ம் வரம் |
ஸுக்³ரீவம் ப்³ரூஹி க³த்வாஷு² ராஜாநம் வசநாந்மநு || 6-20-9
யதா²ஸந்தே³ஷ²மக்லீப³ம் ஷ²ல்க்ஸ்ணயா பரயா கி³ரா |
த்வம் வை மஹாரஜ குலப்ரஸூதோ |
மஹாப³லஷ்²சர்க்ஷரஜ꞉ஸுதஷ்²ச |
ந கஷ்²சநார்த²ஸ்தவ வாஸ்த்யநர்த² |
ஸ்ததா²பி மே ப்⁴ராத்ருஸமோ ஹரீஷ² || 6-20-10
அஹம் யத்³யஹரம் பா⁴ர்யாம் ராஜபுத்ரஸ்ய தீ⁴மத꞉ |
கிம் தத்ர தவ ஸுக்³ரீவ கிஷ்²கிந்தா⁴ம் ப்ரதி க³ம்யதாம் || 6-20-11
ந ஹீயம் ஹரிபி⁴ர்லங்கா ப்ராப்தும் ஷ²க்யா கத²ம் சந |
தே³வைரபி ஸக³ந்த⁴ர்வை꞉ கிம் புநர்நரவாநரை꞉ || 6-20-12
ஸ ததா³ ராக்ஷஸேந்த்³ரேண ஸந்தி³ஷ்டோ ரஜநீசர꞉ |
ஷு²கோ விஹம்க³மோ பூ⁴த்வா தூர்ணமாப்லுத்ய சாம்ப³ரம் || 6-20-13
ஸ க³த்வா தூ³ரமத்⁴வாநமுபர்யுபரி ஸாக³ரம் |
ஸம்ஸ்தி²தோ ஹ்யம்ப³ரே வாக்யம் ஸுக்³ரீவ மதி³மப்³ரவீத் || 6-20-14
ஸர்வமுக்தம் யதா²தி³ஷ்டம் ராவணேந து³ராத்மநா |
தத்ப்ரபயந்தம் வசநம் தூர்ணமாப்லுத்ய வாநரா꞉ || 6-20-15
ப்ராபத்³யந்த ததா³ க்ஷிப்ரம் லோப்தும் ஹந்தும் ச முஷ்டிபி⁴꞉ |
ஸர்வை꞉ ப்லவண்கை³꞉ ப்ரஸப⁴ம் நிக்³ருஹீதோ நிஷா²சரஹ் || 6-20-16
க³க³நாத்³பூ⁴தலே சாஷு² ப்ரதிக்³ருஹ்யாவதாரித꞉ |
வாநரை꞉ பீட்³யமாநஸ்து ஷு²கோ வசநமப்³ரவீத் || 6-20-17
ந தூ³தான் க்⁴நந்தி காகுத்த்²ஸ வார்யந்தாம் ஸாது⁴ வாநரா꞉ |
யஸ்து ஹித்வா மதம் ப⁴ர்து꞉ ஸ்வமதம் ஸம்ப்ரபா⁴ஷதே || 6-20-18
அநுக்தவாதீ³ தூ³த꞉ ஸந்ன் ஸ தூ³தோ வத⁴மர்ஹதி |
ஷு²கஸ்ய வசநம் ராம꞉ ஷ்²ருத்வா து பரிதே³விதம் || 6-20-19
உவாச மா வதி⁴ஸ்டேதி க்⁴நத꞉ ஷா²கா²ம்ருக³ர்ஷபா⁴ன் |
ஸ ச பத்ரலகு⁴த்³பூ⁴த்வா ஹரிபி⁴ர்த³ர்ஷி²தே(அ)ப⁴யே || 6-20-20
அந்தரிக்ஷே ஸ்தி²தோ பூ⁴த்வா புநர்வசந மப்³ரவீத் |
ஸுக்³ரீவ ஸத்த்வஸம்பந்ந மஹாப³லபராக்ரம || 6-20-21
கிம் மயா க²லு நக்தவ்யோ ராவணோ லோகராவண꞉ |
ஸ ஏவமுக்த꞉ ப்லவகா³தி⁴பஸ்ததா³ |
ப்லவங்க³மாநாம்ருஷபோ⁴ மஹாப³ல꞉ |
உவாச வாக்யம் ரஜநீசரஸ்ய |
சாரம் ஷு²கம் ஷு²த்³த⁴ மதீ³நஸத்த்வ꞉ || 6-20-22
ஸ மே(அ)ஸி மித்ரம் வ ததா²நுகம்ப்யோ |
ந சோபகர்தாஸி ந மே ப்ரியோ(அ)பி |
அரிஷ்²ச ராமஸ்ய ஸஹாநுப³ந்த⁴ |
ஸ்ததோ(அ)ஸி வாலீவ வதா⁴ர்ஹ வத்⁴ய꞉ || 6-20-23
நிஹந்ம்யஹம் த்வாம் ஸஸுதம் ஸப³ந்து⁴ம் |
ஸஜ்ஞாதிவர்க³ம் ரஜநீசரேஷ² |
லங்காம் ச ஸர்வாம் மஹதா ப³லேந |
ஸர்வை꞉ கரிஷ்யாமி ஸமேத்ய ப⁴ஸ்ம || 6-20-24
ந மோக்ஷ்யஸே ராவண ராக⁴வஸ்ய |
ஸர்வை꞉ ஸஹேந்த்³ரைத³பி மூட⁴ கு³ப்த꞉ |
அந்தர்ஹத꞉ ஸூர்யபத²ம் க³தோ(அ)பி|
ததை²வ பாதாலமநுப்ரவிஷ்ட꞉ || 6-20-25
கி³ரீஷ²பாத³ம்பு³ஜஸம்க³தோ வா |
ஹதோ(அ)ஸி ராமேண ஷா²நுஜஸ்த்வம் || 6-20-26
தஸ்ய தே த்ரிஷு லோகேஷு ந பிஷா²சம் ந ராக்ஷஸம் |
த்ராதாரமநுபஷ்²யாமி ந க³ந்த⁴ர்வம் ந சாஸுரம் || 6-20-27
அவதீ⁴ஸ்த்வம் ஜராவ்ருத்³த⁴ம் க்³ருத்⁴ராராஜம் ஜடாயுஷம் |
கிம் மதே ராமஸாம்நித்⁴யே ஸகாஷே² லக்ஷ்மணஸ்ய ச || 6-20-28
ஹ்ருதா ஸீதா விஷா²லாக்ஷி யாம் த்வம் க்³ருஹ்ய ந பு³த்⁴யஸே |
மஹாப³லம் மஹாத்மாநம் து³ராத⁴ர்ஷம் ஸுரைரபி || 6-20-29
ந பு³த்⁴யஸே ரகு⁴ஷ்²ரேஷ்ட²ம் யஸ்தே ப்ராணான் ஹரிஷ்யதி |
ததோ(அ)ப்³ரவீத்³வாலிஸுதோ(அ)ப்யங்க³தோ³ ஹரிஸத்தம꞉ || 6-20-30
வாயம் தூ³தோ மஹாப்ராஜ்ஞ சாரக꞉ ப்ரதிபா⁴தி மே |
துலிதம் ஹி ப³லம் ஸர்வமநேந தவ திஷ்ட²தா || 6-20-31
க்³ருஹ்யதாம் மாக³மல்லங்கா மேதத்³தி⁴ மம ரோசதே |
ததோ ராஜ்ஞா ஸமாதி³ஷ்டா꞉ ஸமுத்பத்ய வலீமுகா²꞉ || 6-20-32
ஜக்³ருஹுஷ்²ச ப³ப³ந்து⁴ஷ்²ச விலபந்தமநாத²வத் |
ஷு²கஸ்து வாநரைஷ்²ச ண்டை³ஸ்தத்ர தை꞉ ஸம்ப்ரபீடி³த꞉ || 6-20-33
வ்யாசுக்ரோஷ² மஹாத்மாநம் ராமம் த³ஷ²ரதா²த்மஜம் |
லுப்யேதே மே ப³லாத்பக்ஷௌ பி⁴த்³யேதே மே ததா²க்ஷிணீ || 6-20-34
யாம் ச ராத்ரிம் மரிஷ்யாமி ஜாயே ராத்ரிம் ச யாமஹம் |
ஏதஸ்மிந்நந்த்ரே காலே மந்மயா சாஷு²ப⁴ம் க்ருதம் || 6-20-35
ஸர்வம் தது³பபத்³யேதா² ஜஹ்யம் சேத்³யதி³ ஜீவிதம் |
நாகா⁴தயத்ததா³ ராம꞉ ஷ்²ருத்வா தத்பரிதே³விதம் || 6-20-36
வாநராநப்³ரவீத்³ராமோ முச்யதாம் தூ³த ஆக³த꞉ |6-20-37
இத்யார்ஷே ஶ்ரீமத்³ராமாயணே ஆதி³காவ்யே உத்³த⁴காண்டே³ விம்ஷ²꞉ ஸர்க³꞉
Source: https://valmikiramayan.net/
Converted to Tamil Script using Akshara Mukha:
Script Converter: http://aksharamukha.appspot.com/converter
