வால்மீகி ராமாயணே ஆதி³ காவ்யே ஸுந்த³ரகாண்டே³ த்³வாத்ரிம்ʼஷ²꞉ ஸர்க³꞉
தத꞉ ஷா²கா² அந்தரே லீனம் த்³ருʼஷ்ட்வா சலித மானஸா |
வேஷ்டிதார்ஜுனவஸ்த்ரம் தம்ʼ வித்³யுத்ஸம்கா⁴தபிங்க³ளம் || || 5-32-1
ஸா த³த³ர்ஷ² கபிம் தத்ர ப்ரஷ்²ரிதம் ப்ரிய வாதி³னம் |
புல்லாஷோ²கோத்கராபா⁴ஸம் தப்தசாமிகரேக்ஷணம் || || 5-32-2
மைதி²லீ சிந்தயாமாஸ விஸ்மயம் பரமம் கதா |
அஹோ பீ⁴மமித³ம்ʼ ரூபம்ʼ வானரஸ்ய து³ராஸத³ம் || 5-32-3
து³ர்நிரீக்ஷமிதி ஜ்ஞாத்வா புனரேவ முமோஹ ஸா |
விளலாப ப்⁴ருʼஷ²ம்ʼ ஸீதா கருணம் ப⁴யமோஹிதா || 5-32-4
ராமராமேதி து³꞉கா²ர்தா லக்ஷ்மணேதி ச பா⁴மினீ |
ருரோத³ ப³ஹுதா⁴ ஸீதா மந்த³ம் மந்த³ஸ்வரா ஸதீ || 5-32-5
ஸா தம் த்³ருʼஷ்ட்வா ஹரிஷ்²ரேஷ்ட²ம்ʼ வினீதவது³பஸ்தி²தம் |
மைதி²லீ சிந்தயாமாஸ ஸ்வப்னோ(அ)யமிதி பா⁴மினீ || 5-32-6
ஸா வீக்ஷமாணா ப்ருʼது²பு⁴க்³னவக்த்ரம்ʼ ஷா²கா²ம்ருʼகே³ந்த்³ரஸ்ய யதோ²க்தகாரம் |
த³த³ர்ஷ² பிங்க³ப்ரவரம்ʼ மஹார்ஹம்ʼ வாதாத்மஜம்ʼ பு³த்³தி⁴மதாம்ʼ வரிஷ்ட²ம் || 5-32-7
ஸா தம் ஸமீக்ஷ்ய ஏவ ப்⁴ருʼஷ²ம் விஸம்ஜ்ஞா க³த அஸு கல்பா இவ ப³பூ⁴வ ஸீதா |
சிரேண ஸம்ஜ்ஞாம் ப்ரதிலப்⁴ய சைவ சைவ விசிந்தயாமாஸ விஷா²ல நேத்ரா || 5-32-8
ஸ்வப்னோ மயா அயம் விக்ருʼதோ அத்³ய த்³ருʼஷ்ட꞉ ஷா²கா² ம்ருʼக³꞉ ஷா²ஸ்த்ர க³ணை꞉ நிஷித்³த⁴꞉ |
ஸ்வஸ்தி அஸ்து ராமாய ஸலக்ஷ்மணாய ததா² பிது꞉ மே ஜனகஸ்ய ராஜ்ஞ꞉ || 5-32-9
ஸ்வப்னோ அபி ந அயம் ந ஹி மே அஸ்தி நித்³ரா |
ஷோ²கேன து³ஹ்கே²ன ச பீடி³தாயா꞉ |
ஸுக²ம் ஹி மே ந அஸ்தி யதோ அஸ்மி ஹீனா |
தேன இந்து³ பூர்ண ப்ரதிம ஆனனேன || 5-32-10
ராமேதி ராமேதி ஸதை³வ பு³த்³த்⁴யா விசிந்த்யா வாசா ப்³ருவதீ தமேவ |
தஸ்யானுரூபம்ʼ ச கதா²ம்ʼ தத³ர்தா² மேவம்ʼ ப்ரபஷ்²யாமி ததா² ஷ்²ருʼணோமி || 5-32-11
அஹம் ஹி தஸ்ய அத்³ய மனோ ப⁴வேன ஸம்பீடி³தா தத் க³த ஸர்வ பா⁴வா |
விசிந்தயந்தீ ஸததம் தம் ஏவ ததை²வ பஷ்²யாமி ததா² ஷ்²ருʼணோமி || 5-32-12
மனோ ரத²꞉ ஸ்யாத் இதி சிந்தயாமி |
ததா² அபி பு³த்³த்⁴யா ச விதர்கயாமி |
கிம் காரணம் தஸ்ய ஹி ந அஸ்தி ரூபம் |
ஸுவ்யக்த ரூப꞉ ச வத³தி அயம் மாம் || 5-32-13
நமோ அஸ்து வாச꞉ பதயே ஸவஜ்ரிணே ஸ்வயம்பு⁴வே சைவ ஹுத அஷ²னாய |
அனேன ச உக்தம் யத் இத³ம் மம அக்³ரதோ வன ஓகஸா தச் ச ததா² அஸ்து ந அன்யதா² || 5-32-14
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ த்³வாத்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
