வால்மீகி ராமாயணே ஆதி³ காவ்யே ஸுந்த³ரகாண்டே³ ஏகத்ரிம்ʼஷ²꞉ ஸர்க³꞉
ஏவம் ப³ஹு விதா⁴ம் சிந்தாம் சிந்தயித்வ மஹாகபி꞉ |
ஸம்ʼஷ்²ரவே மது⁴ரம் வாக்யம் வைதே³ஹ்யா வ்யாஜஹார ஹ || 5-31-1
ராஜா த³ஷ²ரதோ² நாம ரத² குன்ஜர வாஜினாம் |
புண்ய ஷீ²லோ மஹாகீர்தி꞉ ருʼஜு꞉ ஆஸீன் மஹாயஷா²꞉ || 5-31-2
ராஜர்ஷீணாம்ʼ கு³ணஷ்²ரேஷ்ட²ஸ்தபஸா சர்ஷிபி⁴꞉ ஸம꞉ |
சக்ர வர்தி குலே ஜாத꞉ புரம் த³ர ஸமோ ப³லே || 5-31-3
அஹிம்ʼஸா ரதி꞉ அக்ஷுத்³ரோ க்⁴ருʼணீ ஸத்ய பராக்ரம꞉ |
முக்²ய꞉ ச இக்ஷ்வாகு வம்ʼஷ²ஸ்ய லக்ஷ்மீவாம்ல் லக்ஷ்மி வர்த⁴ன꞉ || 5-31-4
பார்தி²வ வ்யஞ்ஜனை꞉ யுக்த꞉ ப்ருʼது² ஷ்²ரீ꞉ பார்தி²வ ருʼஷப⁴꞉ |
ப்ருʼதி²வ்யாம் சது꞉ அந்தயாம் விஷ்²ருத꞉ ஸுக²த³꞉ ஸுகீ² || 5-31-5
தஸ்ய புத்ர꞉ ப்ரியோ ஜ்யேஷ்ட²꞉ தாரா அதி⁴ப நிப⁴ ஆனன꞉ |
ராமோ நாம விஷே²ஷஜ்ஞ꞉ ஷ்²ரேஷ்ட²꞉ ஸர்வ த⁴னுஷ்மதாம் || 5-31-6
ரக்ஷிதா ஸ்வஸ்ய வ்ருʼத்தஸ்ய ஸ்வ ஜனஸ்ய அபி ரக்ஷிதா |
ரக்ஷிதா ஜீவ லோகஸ்ய த⁴ர்மஸ்ய ச பரம் தப꞉ || 5-31-7
தஸ்ய ஸத்ய அபி⁴ஸந்த⁴ஸ்ய வ்ருʼத்³த⁴ஸ்ய வசனாத் பிது꞉ |
ஸபா⁴ர்ய꞉ ஸஹ ச ப்⁴ராத்ரா வீர꞉ ப்ரவ்ரஜிதோ வனம் || 5-31-8
தேன தத்ர மஹாஅரண்யே ம்ருʼக³யாம் பரிதா⁴வதா |
ராக்ஷஸா நிஹதா꞉ ஷூ²ரா ப³ஹவ꞉ காமரூபிண꞉ || 5-31-9
ஜன ஸ்தா²ன வத⁴ம் ஷ்²ருத்வா ஹதௌ ச க²ர தூ³ஷணௌ |
தத꞉ து அமர்ஷ அபஹ்ருʼதா ஜானகீ ராவணேன து || 5-31-10
வஞ்சயித்வா வனே ராமம்ʼ ம்ருʼக³ரூபேண மாயயா |
ஸ மார்க³மாணஸ்தாம் தே³வீம் ராம꞉ ஸீதாமந்ந்தி³தாம் || 5-31-11
ஆஸஸாத³ வனே மித்ரம் ஸுக்³ரீவம் நாம வானரம் |
தத꞉ ஸ வாலினம் ஹ்த்வா ராம꞉ பரபுரம்ஜய꞉ || 5-31-12
ப்ராயச்ச²த்கபிராஜ்யம் தத்ஸுக்³ரீவாய மஹாப³ல꞉ |
ஸுக்³ரீவேணாபி ஸந்தி³ஷ்டா ஹரய꞉ காமரூபிண꞉ || 5-31-13
தி³க்ஷு ஸர்வாஸு தாம் தே³வீம் விசின்ன்வந்தி ஸஹஸ்ரஷ²꞉ |
அஹம் ஸம்பாதிவசனாச்ச²தயோஜனமாயதம் || 5-31-14
அஸ்யா ஹேதோர்விஷா²லாக்ஷ்யா꞉ ஸாக³ரம்ʼ வேக³வான் ப்லுத꞉ |
யதா² ரூபாம் யதா² வர்ணாம் யதா² லக்ஷ்மீம் விநிஷ்²சிதாம் || 5-31-15
அஷ்²ரௌஷம் ராக⁴வஸ்ய அஹம் ஸா இயம் ஆஸாதி³தா மயா |
விரராம ஏவம் உக்த்வா அஸௌ வாசம் வானர பும்க³வ꞉ || 5-31-16
ஜானகீ ச அபி தத் ஷ்²ருத்வா விஸ்மயம் பரமம் க³தா |
தத꞉ ஸா வக்ர கேஷ² அந்தா ஸுகேஷீ² கேஷ² ஸம்வ்ருʼதம் || 5-31-17
உன்னம்ய வத³னம் பீ⁴ரு꞉ ஷி²ம்ʼஷ²பா வ்ருʼக்ஷம் ஐக்ஷத |
நிஷ²ம்ய ஸீதா வசனம் கபேஷ்²ச |
தி³ஷ²ஷ்²ச ஸர்வா꞉ ப்ரதி³ஷ²ஷ்²ச வீக்ஷ்ய |
ஸ்வயம் ப்ரஹர்ஷம்ʼ பரமம்ʼ ஜகா³ம |
ஸர்வாத்மனா ராமமனுஸ்மரந்தீ || 5-31-18
ஸா திர்யக்³ ஊர்த்⁴வம் ச ததா² அபி அத⁴ஸ்தான் |
நிரீக்ஷமாணா தம் அசிந்த்ய பு³த்³தி⁴ம் |
த³த³ர்ஷ² பின்க³ அதி⁴பதே꞉ அமாத்யம் |
வாத ஆத்மஜம் ஸூர்யம் இவ உத³யஸ்த²ம் || 5-31-19
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ ஏகத்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
