வால்மீகி ராமாயணே ஆதி³ காவ்யே ஸுந்த³ரகாண்டே³ த்ரிம்ʼஷ²꞉ ஸர்க³꞉
ஹனுமான் அபி விக்ராந்த꞉ ஸர்வம் ஷு²ஷ்²ராவ தத்த்வத꞉ |
ஸீதாயா꞉ த்ரிஜடாயா꞉ ச ராக்ஷஸீனாம் ச தர்ஜனம் || 5-30-1
அவேக்ஷமாண꞉ தாம் தே³வீம் தே³வதாம் இவ நந்த³னே |
ததோ ப³ஹு விதா⁴ம் சிந்தாம் சிந்தயாமாஸ வானர꞉ || 5-30-2
யாம் கபீனாம் ஸஹஸ்ராணி ஸுப³ஹூனி அயுதானி ச |
தி³க்ஷு ஸர்வாஸு மார்க³ந்தே ஸா இயம் ஆஸாதி³தா மயா || 5-30-3
சாரேண து ஸுயுக்தேன ஷ²த்ரோ꞉ ஷ²க்திம் அவேக்ஷிதா |
கூ³டே⁴ன சரதா தாவத் அவேக்ஷிதம் இத³ம் மயா || 5-30-4
ராக்ஷஸானாம் விஷே²ஷ꞉ ச புரீ ச இயம் அவேக்ஷிதா |
ராக்ஷஸ அதி⁴பதே꞉ அஸ்ய ப்ரபா⁴வோ ராவணஸ்ய ச || 5-30-5
யுக்தம் தஸ்ய அப்ரமேயஸ்ய ஸர்வ ஸத்த்வ த³யாவத꞉ |
ஸமாஷ்²வாஸயிதும் பா⁴ர்யாம் பதித³ர்ஷ²ன கான்க்ஷிணீம் || 5-30-6
அஹம் ஆஷ்²வாஸயாமி ஏனாம் பூர்ண சந்த்³ர நிப⁴ ஆனனாம் |
அத்³ருʼஷ்ட து³ஹ்கா²ம் து³ஹ்க²ஸ்ய ந ஹி அந்தம் அதி⁴க³ச்ச²தீம் || 5-30-7
யதி³ ஹி அஹம் இமாம் தே³வீம் ஷோ²க உபஹத சேதனாம் |
அநாஷ்²வாஸ்ய க³மிஷ்யாமி தோ³ஷவத் க³மனம் ப⁴வேத் || 5-30-8
க³தே ஹி மயி தத்ர இயம் ராஜ புத்ரீ யஷ²ஸ்வினீ |
பரித்ராணம் அவிந்த³ந்தீ ஜானகீ ஜீவிதம் த்யஜேத் || 5-30-9
மயா ச ஸ மஹாபா³ஹு꞉ பூர்ண சந்த்³ர நிப⁴ ஆனன꞉ |
ஸமாஷ்²வாஸயிதும் ந்யாய்ய꞉ ஸீதா த³ர்ஷ²ன லாலஸ꞉ || 5-30-10
நிஷா² சரீணாம் ப்ரத்யக்ஷம் அக்ஷமம் ச அபி⁴பா⁴ஷணம் |
கத²ம் நு க²லு கர்தவ்யம் இத³ம் க்ருʼச்ச்²ர க³தோ ஹி அஹம் || 5-30-11
அனேன ராத்ரி ஷே²ஷேண யதி³ ந ஆஷ்²வாஸ்யதே மயா |
ஸர்வதா² ந அஸ்தி ஸந்தே³ஹ꞉ பரித்யக்ஷ்யதி ஜீவிதம் || 5-30-12
ராம꞉ ச யதி³ ப்ருʼச்சே²ன் மாம் கிம் மாம் ஸீதா அப்³ரவீத் வச꞉ |
கிம் அஹம் தம் ப்ரதிப்³ரூயாம் அஸம்பா⁴ஷ்ய ஸுமத்⁴யமாம் || 5-30-13
ஸீதா ஸந்தே³ஷ² ரஹிதம் மாம் இத꞉ த்வரயா க³தம் |
நிர்த³ஹேத் அபி காகுத்ஸ்த²꞉ க்ருத்³த⁴꞉ தீவ்ரேண சக்ஷுஷா || 5-30-14
யதி³ சேத் யோஜயிஷ்யாமி ப⁴ர்தாரம் ராம காரணாத் |
வ்யர்த²ம் ஆக³மனம் தஸ்ய ஸஸைன்யஸ்ய ப⁴விஷ்யதி || 5-30-15
அந்தரம் து அஹம் ஆஸாத்³ய ராக்ஷஸீனாம் இஹ ஸ்தி²த꞉ |
ஷ²னை꞉ ஆஷ்²வாஸயிஷ்யாமி ஸம்தாப ப³ஹுளாம் இமாம் || 5-30-16
அஹம் ஹி அதிதனு꞉ சைவ வனர꞉ ச விஷே²ஷத꞉ |
வாசம் ச உதா³ஹரிஷ்யாமி மானுஷீம் இஹ ஸம்ʼஸ்க்ருʼதாம் || 5-30-17
யதி³ வாசம் ப்ரதா³ஸ்யாமி த்³விஜாதி꞉ இவ ஸம்ʼஸ்க்ருʼதாம் |
ராவணம் மன்யமானா மாம் ஸீதா பீ⁴தா ப⁴விஷ்யதி || 5-30-18
வானரஸ்ய விஷே²ஷேண கத²ம்ʼ ஸ்யாத³பி⁴பா⁴ஷணம்ம் |
அவஷ்²யம் ஏவ வக்தவ்யம் மானுஷம் வாக்யம் அர்த²வத் || 5-30-19
மயா ஸாந்த்வயிதும் ஷ²க்யா ந அன்யதா² இயம் அனிந்தி³தா |
ஸா இயம் ஆலோக்ய மே ரூபம் ஜானகீ பா⁴ஷிதம் ததா² || 5-30-20
ரக்ஷோபி⁴꞉ த்ராஸிதா பூர்வம் பூ⁴ய꞉ த்ராஸம் க³மிஷ்யதி |
ததோ ஜாத பரித்ராஸா ஷ²ப்³த³ம் குர்யான் மனஸ்வினீ || 5-30-21
ஜானமானா விஷா²ல அக்ஷீ ராவணம் காம ரூபிணம் |
ஸீதயா ச க்ருʼதே ஷ²ப்³தே³ ஸஹஸா ராக்ஷஸீ க³ண꞉ || 5-30-22
நானா ப்ரஹரணோ கோ⁴ர꞉ ஸமேயாத் அந்தக உபம꞉ |
ததோ மாம் ஸம்பரிக்ஷிப்ய ஸர்வதோ விக்ருʼத ஆனனா꞉ || 5-30-23
வதே⁴ ச க்³ரஹணே சைவ குர்யு꞉ யத்னம் யதா² ப³லம் |
க்³ருʼஹ்ய ஷா²கா²꞉ ப்ரஷா²கா²ஷ்²ச ஸ்கந்தா⁴ம்ʼஷ்²சோத்தமஷா²கி²னாம் || 5-30-24
த்³ருʼஷ்ட்வா விபரிதா⁴வந்தம்ʼ ப⁴வேயுர்ப⁴யஷ²ங்கிதா꞉ |
மம ரூபம் ச ஸம்ப்ரேக்ஷ்ய வனம் விசரதோ மஹத் || 5-30-25
ராக்ஷஸ்யோ ப⁴ய வித்ரஸ்தா ப⁴வேயு꞉ விக்ருʼத ஆனனா꞉ |
தத꞉ குர்யு꞉ ஸமாஹ்வானம் ராக்ஷஸ்யோ ரக்ஷஸாம் அபி || 5-30-26
ராக்ஷஸ இந்த்³ர நியுக்தானாம் ராக்ஷஸ இந்த்³ர நிவேஷ²னே |
தே ஷூ²ல ஷ²ர நிஸ்த்ரிம்ʼஷ² விவித⁴ ஆயுத⁴ பாணய꞉ || 5-30-27
ஆபதேயு꞉ விமர்தே³ அஸ்மின் வேகே³ன உத்³விக்³ன காரிண꞉ |
ஸம்க்ருத்³த⁴꞉ தை꞉ து பரிதோ வித⁴மன் ரக்ஷஸாம் ப³லம் || 5-30-28
ஷ²க்னுயம் ந து ஸம்ப்ராப்தும் பரம் பாரம் மஹாஉத³தே⁴꞉ |
மாம் வா க்³ருʼஹ்ணீயு꞉ ஆப்லுத்ய ப³ஹவ꞉ ஷீ²க்⁴ர காரிண꞉ || 5-30-29
ஸ்யாத் இயம் ச அக்³ருʼஹீத அர்தா² மம ச க்³ரஹணம் ப⁴வேத் |
ஹிம்ʼஸா அபி⁴ருசயோ ஹிம்ʼஸ்யு꞉ இமாம் வா ஜனக ஆத்மஜாம் || 5-30-30
விபன்னம் ஸ்யாத் தத꞉ கார்யம் ராம ஸுக்³ரீவயோ꞉ இத³ம் |
உத்³தே³ஷே² நஷ்ட மார்கே³ அஸ்மின் ராக்ஷஸை꞉ பரிவாரிதே || 5-30-31
ஸாக³ரேண பரிக்ஷிப்தே கு³ப்தே வஸதி ஜானகீ |
விஷ²ஸ்தே வா க்³ருʼஹீதே வா ரக்ஷோபி⁴꞉ மயி ஸம்யுகே³ || 5-30-32
ந அன்யம் பஷ்²யாமி ராமஸ்ய ஸஹாயம் கார்ய ஸாத⁴னே |
விம்ருʼஷ²ன் ச ந பஷ்²யாமி யோ ஹதே மயி வானர꞉ || 5-30-33
ஷ²த யோஜன விஸ்தீர்ணம் லன்க⁴யேத மஹாஉத³தி⁴ம் |
காமம் ஹந்தும் ஸமர்தோ² அஸ்மி ஸஹஸ்ராணி அபி ரக்ஷஸாம் || 5-30-34
ந து ஷ²க்ஷ்யாமி ஸம்ப்ராப்தும் பரம் பாரம் மஹாஉத³தே⁴꞉ |
அஸத்யானி ச யுத்³தா⁴னி ஸம்ʼஷ²யோ மே ந ரோசதே || 5-30-35
க꞉ ச நிஹ்ஸம்ʼஷ²யம் கார்யம் குர்யாத் ப்ராஜ்ஞ꞉ ஸஸம்ʼஷ²யம் |
ஏஷ தோ³ஷோ மஹான் ஹி ஸ்யான் மம ஸீதா அபி⁴பா⁴ஷணே || 5-30-36
ப்ராண த்யாக³꞉ ச வைதே³ஹ்யா ப⁴வேத் அனபி⁴பா⁴ஷணே |
பூ⁴தா꞉ ச அர்தா² வினஷ்²யந்தி தே³ஷ² கால விரோதி⁴தா꞉ || 5-30-37
விக்லவம் தூ³தம் ஆஸாத்³ய தம꞉ ஸூர்ய உத³யே யதா² |
அர்த² அனர்த² அந்தரே பு³த்³தி⁴꞉ நிஷ்²சிதா அபி ந ஷோ²ப⁴தே || 5-30-38
கா⁴தயந்தி ஹி கார்யாணி தூ³தா꞉ பண்டி³த மானின꞉ |
ந வினஷ்²யேத் கத²ம் கார்யம் வைக்லவ்யம் ந கத²ம் ப⁴வேத் || 5-30-39
லன்க⁴னம் ச ஸமுத்³ரஸ்ய கத²ம் நு ந வ்ருʼதா² ப⁴வேத் |
கத²ம் நு க²லு வாக்யம் மே ஷ்²ருʼணுயான் ந உத்³விஜேத ச || 5-30-40
இதி ஸஞ்சிந்த்ய ஹனுமான் சகார மதிமான் மதிம் |
ராமம் அக்லிஷ்ட கர்மாணம் ஸ்வ ப³ந்து⁴ம் அனுகீர்தயன் || 5-30-41
ந ஏனாம் உத்³வேஜயிஷ்யாமி தத் ப³ந்து⁴ க³த மானஸாம் |
இக்ஷ்வாகூணாம் வரிஷ்ட²ஸ்ய ராமஸ்ய விதி³த ஆத்மன꞉ || 5-30-42
ஷு²பா⁴னி த⁴ர்ம யுக்தானி வசனானி ஸமர்பயன் |
ஷ்²ராவயிஷ்யாமி ஸர்வாணி மது⁴ராம் ப்ரப்³ருவன் கி³ரம் || 5-30-43
ஷ்²ரத்³தா⁴ஸ்யதி யதா² ஹி இயம் ததா² ஸர்வம் ஸமாத³தே⁴ |
இதி ஸ ப³ஹு வித⁴ம் மஹாஅனுபா⁴வோ |
ஜக³தி பதே꞉ ப்ரமதா³ம் அவேக்ஷமாண꞉ |
மது⁴ரம் அவிதத²ம் ஜகா³த³ வாக்யம் |
த்³ரும விடப அந்தரம் ஆஸ்தி²தோ || 5-30-44
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ த்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
