வால்மீகி ராமாயணே ஆதி³ காவ்யே ஸுந்த³ரகாண்டே³ பஞ்சவிம்ʼஷ²꞉ ஸர்க³꞉
அத² தாஸாம்ʼ வத³ந்தீனாம்ʼ பருஷம்ʼ தா³ருணம்ʼ ப³ஹு |
ராக்ஷஸீநாமஸௌம்யானாம்ʼ ருரோத³ ஜனகாத்மஜா || 5-25-1
ஏவமுக்தா து வைதே³ஹீ ராக்ஷஸீபி⁴ர்மனஸ்வினீ |
உவாச பரமத்ரஸ்தாபா³ஷ்பக³த்³க³த³யா கி³ரா || 5-25-2
ந மானுஷீ ராக்ஷஸஸ்ய பா⁴ர்யா ப⁴விதுமர்ஹதி |
காமம்ʼ கா²த³த மாம்ʼ ஸர்வா ந கரிஷ்யாமி வோ வச꞉ || 5-25-3
ஸா ராக்ஷஸீமத்⁴யக³தா ஸீதா ஸுரஸுதோபமா |
ந ஷ²ர்ம லேபே⁴ து³꞉கா²ர்தா ராவணேன ச தர்ஜிதா || 5-25-4
வேபதே ஸ்மாதி⁴கம்ʼ ஸீதா விஷ²ந்தீ வாங்க³மாத்மன꞉ |
வனே யதா² பரிப்⁴ரஷ்டா ம்ருʼகீ³ கோகைரிவார்தி³தா || 5-25-5
ஸா த்வஷோ²கஸ்ய விபுலாம்ʼ ஷா²கா²மாலம்ப்³ய புஷ்பிதாம் |
சிந்தயாமாஸ ஷோ²கேன ப⁴ர்தாரம்ʼ ப⁴க்³னமானஸா || 5-25-6
ஸா ஸ்னாபயந்தீ விபுலௌ ஸ்தனௌ நேத்ரஜலஸ்ரவை꞉ |
சிந்தயந்தீ ந ஷோ²கஸ்ய ததா³ந்தமதி⁴க³ச்ச²தி || 5-25-7
ஸா வேபமானா பதிதா ப்ரவாதே கத³ளீ யதா² |
ராக்ஷஸீனாம்ʼ ப⁴யத்ரஸ்தா விவர்ணவத³நாப⁴வத் || 5-25-8
தஸ்யா꞉ ஸா தீ³ர்க⁴விபுலா வேபந்த்யா ஸீதயா ததா³ |
த³த்³ருʼஷே² கம்பினீ வேணீ வ்யாளீவ பரிஸர்பதீ || 5-25-9
ஸா நி꞉ஷ்²வஸந்தீ து³꞉கா²ர்தா ஷோ²கோபஹதசேதனா |
ஆர்தா வ்யஸ்ருʼஜத³ஷ்²ரூணி மைதி²லீ விளலாப ச || 5-25-10
ஹா ராமேதி ச து³꞉கா²ர்தா ஹா புனர்லக்ஷ்மணேதி ச |
ஹா ஷ்²வஷ்²ரு மம கௌஸல்யே ஹா ஸுமித்ரேதி பா⁴மினீ || 5-25-11
லோகப்ரவாத³꞉ ஸத்யோ(அ)யம்ʼ பண்டி³தை꞉ ஸமுதா³ஹ்ருʼத꞉ |
அகாலே து³ர்லபோ⁴ ம்ருʼத்யு꞉ ஸ்த்ரியா வா புருஷஸ்ய வா || 5-25-12
யதா³ஹமேவம்ʼ க்ரூராபீ⁴ ராக்ஷஸீபி⁴ரிஹார்தி³தா |
ஜீவாமி ஹீனா ராமேண முஹூர்தமபி து³꞉கி²தா || 5-25-13
ஏஷால்பபுண்யா க்ருʼபணா வினஷி²ஷ்யாம்யநாத²வத் |
ஸமுத்³ரமத்²யே நௌ꞉ பூர்ணா வாயுவேகை³ரிவாஹதா || 5-25-14
ப⁴ர்தாரம்ʼ தமபஷ்²யந்தீ ராக்ஷஸீவஷ²மாக³தா |
ஸீதா³மி க²லு ஷோ²கேன கூலம்ʼ தோயஹதம்ʼ யதா² || 5-25-15
தம்ʼ பத்³மத³ளபத்ராக்ஷம்ʼ ஸிம்ʼஹவிக்ராந்தகா³மினம் |
த⁴ன்யா꞉ பஷ்²யந்தி மே நாத²ம்ʼ க்ருʼதஜ்ஞம்ʼ ப்ரியவாதி³னம் || 5-25-16
ஸர்வதா² தேன ஹீனாயா ராமேண விதி³தாத்மனா |
தீக்ஷ்ணம்ʼவிஷமிவாஸ்வாத்³யது³ர்லப⁴ம்ʼ மம ஜீவிதம் || 5-25-17
கீத்³ருʼஷ²ம்ʼ து மஹாபாபம்ʼ மயா ஜன்மாந்தரே க்ருʼதம் |
யேனேத³ம்ʼ ப்ராப்யதே து³꞉க²ம்ʼ மயா கோ⁴ரம்ʼ ஸுதா³ருணம்ʼ || 5-25-18
ஜீவிதம்ʼ த்யக்தும்ʼஇச்சா²மி ஷோ²கேன மஹதா வ்ருʼதா |
ராக்ஷஸீபி⁴ஷ்²ச ரக்ஷ்யந்த்யா ராமோ நாஸாத்³யதே மயா || 5-25-19
தி⁴க³ஸ்து க²லு மானுஷ்யம்ʼ தி⁴க³ஸ்து பரவஷ்²யதாம் |
ந ஷ²க்யம்ʼ யத்பரித்யக்துமாத்மச்ச²ந்தே³ன ஜீவிதம் || 5-25-20
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ பஞ்சவிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
