வால்மீகி ராமாயணே ஆதி³ காவ்யே ஸுந்த³ரகாண்டே³ சதுர்விம்ʼஷ²꞉ ஸர்க³꞉
தத꞉ ஸீதாமுபாக³ம்ய ராக்ஷஸ்யோ விக்ருʼதானனா꞉ |
பருஷம்ʼ பருஷா நார்ய ஊசுஸ்தாம்ʼ வாக்யமப்ரியம் || 5-24-1
கிம்ʼ த்வமந்த꞉புரே ஸீதே ஸர்வபூ⁴தமனோஹரே |
மஹார்ஹஷ²யனோபேதே ந வாஸமனுமன்யஸே || 5-24-2
மானுஷீ மானுஷஸ்யைவ பா⁴ர்யாத்வம்ʼ ப³ஹுமன்யஸே |
ப்ரத்யாஹர மனோ ராமான்ன த்வம்ʼ ஜாது ப⁴விஷ்யஸி || 5-24-3
த்ரைலோக்யவஸுபோ⁴க்தாரம்ʼ ராவணம்ʼ ராக்ஷஸேஷ்²வரம் |
ப⁴ர்தாரமுபஸங்க³ம்ய விஹரஸ்வ யதா²ஸுக²ம் || 5-24-4
மானுஷீ மானுஷம்ʼ தம்ʼ து ராமமிச்ச²ஸி ஷோ²ப⁴னே |
ராஜ்யாத்³ப்⁴ராஷ்டமஸித்³தா⁴ர்த²ம்ʼ விக்லப³ம்ʼ த்வமனிந்தி³தே || 5-24-5
ராக்ஷஸீனாம்ʼ வச꞉ ஷ்²ருத்வா ஸீதா பத்³மனிபே⁴க்ஷணா |
நேத்ராப்⁴யாமஷ்²ருபூர்ணாப்⁴யாமித³ம்ʼ வசனமப்³ரவீத் || 5-24-6
யதி³த³ம் லோகவித்³விஷ்டமுதா³ஹரத² ஸங்க³தா꞉ |
நைதன்மனஸி வாக்யம்ʼ மே கில்பி³ஷம்ʼ ப்ரதிபா⁴தி வ꞉ || 5-24-7
ந மானுஷீ ராக்ஷஸஸ்ய பா⁴ர்யா ப⁴விதுமர்ஹதி |
காமம்ʼ கா²த³த மாம்ʼ ஸர்வா ந கரிஷ்யாமி வோ வச꞉ || 5-24-8
தீ³னோ வா ராஜ்யஹீனோ வா யோ மே ப⁴ர்தா ஸ மே கு³ரு꞉ |
தம்ʼ நித்யமனுரக்தாஸ்மி யதா² ஸூர்யம்ʼ ஸுவர்சலா || 5-24-9
யதா² ஷ²சீ மஹாபா⁴கா³ ஷ²க்ரம்ʼ ஸமுபதிஷ்ட²தி |
அருந்த⁴தீ வஸிஷ்ட²ம்ʼ ச ரோஹிணீ ஷ²ஷி²னம்ʼ யதா² || 5-24-10
லோபாமுத்³ரா யதா²க³ஸ்த்யம்ʼ ஸுகன்யாச்யவனம்ʼ யதா² |
ஸாவித்ரீ ஸத்யவந்தம்ʼ ச கபிலம்ʼ ஷ்²ரீமதீ யதா² || 5-24-11
ஸௌதா³ஸம்ʼ மத³யந்தீவ கேஷி²னீ ஸக³ரம்ʼ யதா² |
நைஷத⁴ம்ʼ த³மயந்தீவ பை⁴மீ பதிமனுவ்ரதா || 5-24-12
ததா²ஹமிக்ஷ்வாகுவரம்ʼ ராமம்ʼ பதிமனுவ்ரதா |
ஸீதாயா வசனம்ʼ ஷ்²ருத்வா ராக்ஷஸ்ய꞉ க்ரோத⁴மூர்சிதா꞉ || 5-24-13
ப⁴ர்த்ஸயந்தி ஸ்ம பருஷைர்வாக்யை ராவணசோதி³தா꞉ |
அவலீன꞉ ஸ நிர்வாக்யோ ஹனுமான் ஷி²ம்ʼஷு²பாத்³ருமே || 5-24-14
ஸீதாம்ʼ ஸந்தர்ஜயந்தீஸ்தா ராக்ஸஸீரஷ்²ருʼணோத் கபி꞉ |
தாமபி⁴க்ரம்ய ஸங்க்ருத்³தா³ வேபமானாம்ʼ ஸமந்தத꞉ || 5-24-15
ப்⁴ருʼஷ²ம்ʼ ஸம்ʼலிலிஹுர்தீ³ப்தான் ப்ரளப்³மன் த³ஷ²னச்ச²தா³ன் |
ஊசுஷ்²ச பரமக்ருத்³தா⁴꞉ ப்ரக்³ருʼஹ்யாஷு² பரஷ்²வதா⁴ன் || 5-24-16
நேயமர்ஹதி ப⁴ர்தாரம்ʼ ராவணம்ʼ ராக்ஷஸாதி⁴பம் |
ஸா ப⁴ர்தஸ்யமானா பீ⁴மாபீ⁴ ராக்ஷஸீபி⁴ர்வரானனா || 5-24-17
ஸபா³ஷ்பமபஸர்பந்தீ ஷி²ம்ʼஷு²பாம்ʼ தாமுபாக³மத் |
ததஸ்தாம்ʼ ஷி²ம்ʼஷு²பாம்ʼ ஸீதா ராக்ஷஸீபி⁴꞉ ஸமாவ்ருʼதா || 5-24-18
அபி⁴க³ம்ய விஷா²லாக்ஷீ தஸ்தௌ² ஷோ²கபரிப்லுதா |
தாம்ʼ க்ருʼஷா²ம்ʼ தீ³னவத³னாம்ʼ மலினாம்ப³ரதா⁴ரிணீம் || 5-24-19
ப⁴ர்த்ஸயாஞ்சக்ரிரே ஸீதாம்ʼ ராக்ஷஸ்யஸ்தாம் ஸமந்தத꞉ |
ததஸ்தாம்ʼ வினதா நாம ராக்ஷஸீ பீ⁴மத³ர்ஷ²னா || 5-24-20
அப்³ரவீத்குபிதாகாரா கராளா நிர்ணதோத³ரீ |
ஸீதே பர்யாப்தமேதாவத்³ப⁴ர்து꞉ ஸ்னேஹோ நித³ர்ஷி²த꞉ || 5-24-21
ஸர்வாத்ராதிக்ருʼதம்ʼ ப⁴த்³ரே வ்யஸனாயோபகல்பதே |
பரிதுஷ்டாஸ்மி ப⁴த்³ரம்ʼ தே மானுஷஸ்தே க்ருʼதோ விதி⁴꞉ || 5-24-22
மமாபி து வச꞉ பத்²யம்ʼ ப்³ருவந்த்யா꞉ குரு மைதி²லி |
ராவணம்ʼ ப்⁴ஜ ப⁴ர்தாரம்ʼ ப⁴ர்தாரம்ʼ ஸர்வரக்ஷஸாம் || 5-24-23
விக்ராந்தம்ʼ ரூபவந்தம்ʼ ச ஸுரேஷ²மிவ வாஸவம் |
த³க்ஷிணம்ʼ த்யாக³ஷீ²லம்ʼ ச ஸர்வஸ்ய ப்ரியத³ர்ஷ²னம் || 5-24-24
மானுஷம்ʼ க்ருʼபணம்ʼ ராமம்ʼ த்யக்த்வா ராவணமாஷ்²ரய |
தி³வ்யாங்க³ராகா³ வைதே³ஹி தி³வ்யாப⁴ரணபூ⁴ஷிதா || 5-24-25
அத்³யப்ரப்⁴ருʼதி ஸர்வேஷாம்ʼ லோகநாமீஷ்²வரீ ப⁴வ |
அக்³னே꞉ ஸ்வாஹா யதா² தே³வீ ஷி²சீ வேந்த்³ரஸ்ய ஷோ²ப⁴னே || 5-24-26
கிம்ʼ தே ராமேண வைதே³ஹி க்ருʼபணேன க³தாயிஷா |
ஏதது³க்தம்ʼ ச மே வாக்யம்ʼ யதி³ த்வம்ʼ ந கரிஷ்யபி || 5-24-27
அஸ்மின்முஹூர்தே ஸர்வாஸ்த்வாம்ʼ ப⁴க்ஷயிஷ்யாமஹே வயம் |
அன்யா து விகடா நாம லப³மானபயோத⁴ரா || 5-24-28
அப்³ரவீத்குபிதா ஸீதாம்ʼ முஷ்டிமுத்³யம்ய க³ர்ஜதீ |
ப³ஹூன்ய்ப்ரியரூபாணி வசனானி ஸுது³ர்மதே || 5-24-29
அனுக்ரோஷா²ன்மருʼது³த்வாச்ச ஸோடா⁴னி தவ மைதி²லி |
ந ச ந꞉ குருஷே வாக்யம்ʼ ஹிதம்ʼ காலபுருஸ்க்ருʼதம் || 5-24-30
அனீதாஸி ஸமுத்³ரஸ்ய பாரமன்யைர்து³ராஸத³ம் |
ராவணாந்த꞉புரம்ʼ கோ⁴ரம்ʼ ப்ரவிஷ்டா சாஸி மைதி²லி || 5-24-31
ராவணஸ்ய க்³ருʼஹே ருத்³தா⁴மஸ்மாபி⁴ஸ்து ஸுரக்ஷிதாம் |
ந த்வாம்ʼ ஷ²க்த꞉ பரித்ராதுமபி ஸாக்ஷாத்புரந்த³ர꞉ || 5-24-32
குருஷ்வ ஹிதவாதி³ன்யா வசனம்ʼ மம மைதி²லி |
அலமஷ்²ருப்ரபாதேன த்யஜ ஷோ²கமன்ர்த²கம் || 5-24-33
ப⁴ஜ ப்ரீதிம்ʼ ச ஹர்ஷம்ʼ ச த்யஜைதாம்ʼ நித்யதை³ன்யதாம் |
ஸீதே ராக்ஷஸராஜேன ஸஹ க்ரீட³ யதா²ஸுக²ம் || 5-24-34
ஜானாஸி ஹி யதா² பீ⁴ரு ஸ்த்ரீணாம்ʼ யௌவனமத்⁴ருவம் |
யாவன்ன தே வ்யதிக்ராமேத்தாவத்ஸுக²மவாப்னுஹி || 5-24-35
உத்³யானானி ச ரம்யாணி பர்வதோபவனானி ச |
ஸஹ ராக்ஷஸராஜேன சர த்வம்ʼ மதி³ரேக்ஷணே || 5-24-36
ஸ்த்ரீஸஹஸ்ராணி தே ஸப்த வஷே² ஸ்தா²ஸ்யந்தி ஸுந்த³ரி |
ராவணம்ʼ ப⁴ஜ ப⁴ர்தாரம்ʼ ப்⁴ர்தாரம்ʼ ஸர்வரக்ஷஸாம் || 5-24-37
உத்பாட்ய வா தே ஹ்ருʼத³யம்ʼ ப⁴க்ஷயிஷ்யாமி மைதி²லி |
யதி³ மே வ்யாஹ்ருʼதம்ʼ வாக்யம்ʼ ந யதா²வத்கரிஷ்யஸி || 5-24-38
ததஷ்²சண்டோ³த³ரீ நாம ராக்ஷஸீ க்ரோத⁴மூர்சி²தா |
ப்⁴ராமயந்தீ மஹச்சூலமித³ம்ʼ வசனம்ப்³ரவீத் || 5-24-39
இமாம்ʼ ஹரிணலோலாக்ஷீம்ʼ த்ராஸோத்கம்பிபயோத⁴ராம்ʼ |
ராவணேன ஹ்ருʼதாம்ʼ த்³ருʼஷ்ட்வா தௌ³ஹ்ருʼதோ³ மே மஹானபூ⁴த் || 5-24-40
யக்ருʼத்ல்பீஹமதோ²த்பீட³ம்ʼ ஹ்ருʼத³யம்ʼ ச ஸப³ந்த⁴னம் |
அந்த்ராண்யபி ததா² ஷீ²ர்ஷம்ʼ கா²தே³யமிதி மே மதி꞉ || 5-24-41
ததஸ்து ப்ரக⁴ஸா நாம ராக்ஷஸீ வாக்யமப்³ரவீத் |
கண்ட²மஸ்யா ந்ருʼஷ²ம்ʼஸாயா꞉ பீட³யாம கிமாஸ்யதே || 5-24-42
நிவேத்³யதாம்ʼ ததோ ராஜ்ஞே மானுஷீ ஸா ம்ருʼதேதி ஹ |
நாத்ர கஷ்²சன ஸந்தே³ஹ꞉ கா²த³தேதி ஸ வக்ஷ்யதி || 5-24-43
ததஸ்த்வஜாமுகீ² நாம ராக்ஷஸீ வாக்யமப்³ரவீத் |
விஷ²ஸ்யேமாம்ʼ தத꞉ ஸர்வா꞉ ஸமான் குருத பீலுகான் || 5-24-44
விப⁴ஜாம தத꞉ ஸர்வா விவாதோ³ மே ந ரோசதே |
பேயமானீயதாம்ʼ க்ஷிப்ரம்ʼ லேஹ்யமுச்சாவசம்ʼ ப³ஹு || 5-24-45
தத꞉ ஷூ²ர்பணகா² நாம ராக்ஷஸீ வாக்யமப்³ரவீத் |
அஜாமுக்²யா யது³க்தம்ʼ ஹி ததே³வ மம ரோசதே || 5-24-46
ஸுரா சானீயதாம்ʼ க்ஷிப்ரம்ʼ ஸர்வஷோ²கவிநாஷி²னீ |
மானுஷம்ʼ மாம்ʼ ஸமாஸ்வாத்³ய ந்ருʼத்யாமோத² நிகும்பி⁴லாம் || 5-24-47
ஏவம்ʼ ஸம்ப⁴ர்த்ஸ்யமானா ஸா ஸீதா ஸுரஸுதோபமா |
ராக்ஷஸீபி⁴꞉ ஸுகோ⁴ராபி⁴ர்தை⁴ர்யமுத்ஸ்ருʼஜ்ய ரோதி³தி || 5-24-48
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ சதுர்விம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
