வால்மீகி ராமாயணே ஆதி³ காவ்யே ஸுந்த³ரகாண்டே³ த்ரயோவிம்ʼஷ²꞉ ஸர்க³꞉
இத்யுக்த்வா மைதி²லீம்ʼ ராஜா ராவண꞉ ஷ²த்ருராவண꞉ |
ஸந்தி³ஷ்²ய ச தத꞉ ஸர்வா ராக்ஷஸீர்நிர்ஜகா³ம ஹ || 5-23-1
நிஷ்க்ரந்தே ராக்ஷஸேந்த்³ர து புனரந்த꞉புரம்ʼ க³தே |
ராக்ஷஸ்யோ பீ⁴மரூபாஸ்தா꞉ ஸீதாம்ʼ ஸமபி⁴து³த்³ருவு꞉ || 5-23-2
தத꞉ ஸீதாமுபாக³ம்ய ராக்ஷஸ்ய꞉ க்ரோத⁴மூர்சிதா꞉ |
பரம்ʼ புருஷயா வாசா வைதே³ஹீமித³மப்³ரவன் || 5-23-3
பௌலஸ்த்யஸ்ய வரிஷ்ட²ஸ்ய ராவணஸ்ய மஹாத்மன꞉ |
த³ஷ²க்³ரீவஸ்ய பா⁴ர்யாத்வம்ʼ ஸீதே ந ப³ஹுமன்யஸே || 5-23-4
ததஸ்வஏகஜடா நாம ராக்ஷஸீ வாக்யமப்³ரவீத் |
அமந்த்ய்ர க்ரோத⁴தாம்ராக்ஷீ ஸீதாம்ʼ கரதலோத³ரீம் || 5-23-5
ப்ரஜாபதீனாம் ஷண்ணம்ʼ து சதுர்தோ² ய꞉ ப்ரஜாபதி꞉ |
மானஸோ ப்³ரஹ்மண꞉ புத்ர꞉ புலஸ்த்ய இதி விஷ்²ருத꞉ || 5-23-6
புலஸ்த்யஸ்ய து தேஜஸ்வீ மஹார்ஷிர்மானஸ꞉ ஸுத꞉ |
நாம்னா ஸ விஷ்²ரவா நாம ப்ரஜாபதிஸமப்ரப⁴꞉ || 5-23-7
தஸ்ய புத்ரோ விஷா²லாக்ஷி ராவண꞉ ஷ²த்ருராவண꞉ |
தஸ்ய த்வம்ʼ ராக்ஷஸேந்த்³ரஸ்ய பா⁴ர்யா ப⁴விதுமர்ஹஸி || 5-23-8
மயோக்தம்ʼ சாருஸர்வாங்கி³ வாக்யம் கிம்ʼ நாமமன்யஸே |
ததோ ஹரிஜடா நாம ராக்ஷஸீ வாக்யமப்³ரவீத் || 5-23-9
விவர்த்ய நயனே கோபான்மார்ஜாரஸத்³ருʼஷே²க்ஷணா |
யேன தே³வாஸ்த்ராயஸ்த்ரிம்ʼஷ²த்³தே³வராஜஷ்²ச நிர்ஜதா꞉ || 5-23-10
தஸ்ய த்வம்ʼ ராக்ஷஸேந்த்³ரஸ்ய பா⁴ர்யா ப⁴விதுமர்ஹஸி |
ததஸ்து ப்ரக⁴ஸா நாம ராக்ஷஸீ க்ரோத⁴மூர்சி²தா || 5-23-11
ப⁴ர்த்ஸயனீ ததா³ கோ⁴ரமித³ம்ʼ வசனமப்³ரவீத் |
வீர்யோத்ஸிக்தஸ்ய ஷூ²ரஸ்ய ஸம்க்³ராமே ந நிவர்தின꞉ || 5-23-12
ப³லினோ வீர்யயுக்தஸ்ய பா⁴ர்யாத்வம் கிம்ʼ ந லப்ஸ்யஸே |
ப்ரியாம்ʼ ப³ஹுமதாம்ʼ பா⁴ர்யாம்ʼ த்யக்த்வா ராஜா மஹாப³ல꞉ || 5-23-13
ஸர்வாஸாம்ʼ ச மஹாபா⁴கா³ம்ʼ த்வாமுபைஷ்யதி ராவண꞉ |
ஸம்ருʼத்³த⁴ம் ஸ்த்ரீஸஹஸ்ரேண நாநாரத்னோபஷோ²பி⁴தம் || 5-23-14
அந்த꞉புரம்ʼ ஸமுத்ஸ்ருʼஜ்ய த்வாமுபைஷ்யதி ராவண꞉ |
அன்யா து விகடா நாம ராக்ஷஸீ வாக்யமப்³ரவீத் || 5-23-15
அஸக்ருʼத்³தே³வதா யுத்³தே⁴ நாக³க³ந்த⁴ர்வதா³னவா꞉ |
நிர்ஜிதா꞉ ஸமரே யேன ஸதே பார்ஷ்²வமுபாக³த꞉ || 5-23-16
தஸ்ய ஸர்வஸம்ருʼத்³த⁴ஸ்ய ராவணஸ்ய மஹாத்மன꞉ |
கிமத்³ய ராக்ஷஸேந்த்³ரஸ்ய பா⁴ர்யாத்வம்ʼ நேச்ச²(அ)த⁴மே || 5-23-17
ததஸ்து து³ர்முகீ² நாம ராக்ஷஸீ வாக்யமப்³ரவீத் |
யஸ்ய ஸூர்யோ ந தபதி பீ⁴தோ யஸ்ய ச மாருத꞉ || 5-23-18
ந வாதி ஸ்மாயதாபாங்கே³ கிம்ʼ த்வம்ʼ தஸ்ய ந திஷ்ட²ஸி |
புஷ்டவ்ருʼஷ்டம்ʼ ச தரவோ முமுசுர்யஸ்ய வை ப⁴யாத் || 5-23-19
ஷை²லாஷ்²ச ஸுப்⁴ரு பானீயம் ஜலதா³ஷ்²ச யதே³ச்ச²தி |
தஸ்ய நைர்ருʼதராஜஸ்ய ராஜராஜஸ்ய பா⁴மினி || 5-23-20
கிம்ʼ த்வம்ʼ ந குருஷே பு³த்³தி⁴ம்ʼ பா⁴ர்யார்தே² ராவணஸ்ய ஹி |
ஸாது⁴ தே தத்த்வதோ தே³வி கதி²தம்ʼ ஸாது⁴ பா⁴மினி || 5-23-21
க்³ருʼஹாண ஸுஸ்மிதே வாக்யமன்யதா² ந ப⁴விஷ்யஸி | 5-23-22
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ த்ரயோவிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
