வால்மீகி ராமாயணே ஆதி³ காவ்யே ஸுந்த³ரகாண்டே³ ஏகோனவிம்ʼஷ²꞉ ஸர்க³꞉
தஸ்மின்னேவ தத꞉ காலே ராஜபுத்ரீ த்வனிந்தி³தா |
ரூபயௌவனஸம்பன்னம்ʼ பூ⁴ஷணோத்தமபூ⁴ஷிதம் || 5-19-1
ததோ த்³ருʼஷ்ட்வைவ வைதே³ஹீ ராவணம் ராக்ஷஸாதி⁴பம் |
ப்ராவேபத வராரோஹா ப்ரவாதே கத³ளீ யதா² || 5-9-2
ஆச்சா²த்³யோத³ரமூருப்⁴யாம்ʼ பா³ஹுப்⁴யாம்ʼ ச பயோத⁴ரௌ |
உபவிஷ்டா விஷா²லாக்ஷீ ருத³ந்தீ வரவர்ணினீ || 5-19-3
த³ஷ²க்³ரீவஸ்து வைதே³ஹீம் ரக்ஷிதாம்ʼ ராக்ஷஸீக³ணை꞉ |
த³த³ர்ஷ² தீ³னாம் து³꞉கா²ர்தாம்ʼ நாவம்ʼ ஸந்நாமிவார்ணவே || 5-19-4
அஸம்ʼவ்ருʼதாயாமாஸீனாம் த⁴ரண்யாம் ஸம்ʼஷி²தவ்ரதாம் |
சினாம்ʼ ப்ரபதிதாம்ʼ பூ⁴மௌ ஷா²கா²மிவ வனஸ்பதே꞉ || 5-19-5
மலமண்ட³னசித்ராங்கீ³ம் மண்ட³னார்ஹாமமண்டி³தாம் |
ம்ருʼணாலீ பங்கதி³க்³தே⁴வ விபா⁴தி ந விபா⁴தி ச || 5-19-6
ஸமீபம் ராஜஸிம்ஹஸ்ய ராமஸ்ய விதி³தாத்மன꞉ |
ஸங்கல்பஹயஸம்யுக்தைர்யாந்தீமிவ மனோரதை²꞉ || 5-19-7
ஷு²ஷ்யந்தீம் ருத³தீமேகாம்ʼ த்⁴யானஷோ²கபராயணாம் |
து³꞉க²ஸ்யாந்தமபஷ்²யந்தீம்ʼ ராமாம்ʼ ராமமனுவ்ரதாம் || 5-19-8
சேஷ்டமானாம்ʼ ததா²விஷ்டாம்ʼ பன்னகே³ந்த்³ரவதூ⁴மிவ |
தூ⁴ப்யமானாம் க்³ரஹேணேவ ரோஹிணீம்ʼ தூ⁴மகேதுனா || 5-19-9
வ்ருʼத்தஷீ²லகுலே ஜாதாமாசாரவதி தா⁴ர்மிகே |
புன꞉ ஸம்ʼஸ்காரமாபன்னாம்ʼ ஜாதாமிவ ச து³ஷ்குலே || 5-19-10
அபூ⁴தேனாபவாதே³ன கீர்தீம் நிபதிதாமிவ |
அம்னாயாநாமயோகே³ன வித்³யாம்ʼ ப்ரஷி²தி²லாமிவ || 5-19-11
ஸந்நாமிவ மஹாகீர்திம்ʼ ஷ்²ரத்³தா⁴மிவ விமானிதாம் |
ப்ரஜ்ஞாமிவ பரிக்ஷீணாமாஷா²ம்ʼ ப்ரதிஹதாமிவ || 5-19-12
ஆயதீமிவ வித்⁴வஸ்தாமாஜ்ஞாம்ʼ ப்ரதிஹதாமிவ |
தீ³ப்தாமிவ தி³ஷ²ம்ʼ காலே பூஜாமபஹ்ருʼதாமிவ || 5-19-13
பத்³மினீமிவ வித்⁴வஸ்தாம்ʼ ஹதஷூ²ராம்ʼ சமூமிவ |
ப்ரபா⁴மிவ தமோத்⁴வஸ்தாமுபக்ஷீணாமிவாபகா³ம் || 5-19-14
வேதீ³மிவ பராம்ருʼஷ்டாம்ʼ ஷா²ந்தாமக்³நிஷி²கா²மிவ |
பௌர்ணமாஸீமிவ நிஷா²ம்ʼ ராஹுக்³ரஸ்தேந்து³மண்ட³லாம் || 5-19-15
உத்க்ருʼஷ்டபர்ணகமலாம்ʼ வித்ராஸிதவிஹங்க³மாம் |
ஹஸ்திஹஸ்தபராம்ருʼஷ்டமாகுலாம்ʼ பத்³மினீமிவ || 5-19-16
பதிஷோ²காதுராம்ʼ ஷு²ஷ்காம்ʼ நதீ³ம்ʼ விஸ்ராவிதாமிவ |
பரயா ம்ருʼஜயா ஹீனாம் க்ருʼஷ்ணபக்ஷநிஷா²மிவ || 5-19-17
ஸுகுமாரீம் ஸுஜாதாங்கீ³ம்ʼ ரத்ன க³ர்ப⁴க்³ருʼஹோசிதாம் |
தப்யமாநாமிவோஷ்ணேன ம்ருʼணாலீமசிரோத்³த்⁴ருʼதாம் || 5-19-18
க்³ருʼஹீதாமாளிதாம்ʼ ஸ்தம்பே⁴ யூத²பேன வினாக்ருʼதாம் |
நி꞉ஷ்²வஸந்தீம்ʼ ஸுது³꞉கா²ர்தாம்ʼ க³ஜராஜவதூ⁴மிவ || 5-19-19
ஏகயா தீ³ர்க⁴யா வேண்யா ஷோ²ப⁴மாநாமயத்னத꞉ |
நீலயா நீரதா³பாயே வனராஜ்யா மஹீமிவ || 5-19-20
உபவாஸேன ஷோ²கேன த்⁴யானேன ச ப⁴யேன ச |
பரிக்ஷீணாம்ʼ க்ருʼஷா²ம்ʼ தீ³நாமல்பாஹாராம்ʼ தபோத⁴னாம் || 5-19-21
ஆயாசமானாம் து³꞉கா²ர்தாம்ʼ ப்ராஞ்ஜலிம்ʼ தே³வதாமிவ |
பா⁴வேன ரகு⁴முக்²யஸ்ய த³ஷ²க்³ரீவபராப⁴வம் || 5-19-22
ஸமீக்ஷமாணாம்ʼ ருத³தீமனிந்தி³தாம்ʼ |
ஸுபக்ஷ்மதாம்ராயதஷு²க்லலோசனாம் |
அனுவ்ரதாம்ʼ ராமமதீவ மைதி²லீம்ʼ |
ப்ரளோப⁴யாமாஸ வதா⁴ய ராவண꞉ || 5-19-23
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ ஏகோனவிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
