வால்மீகி ராமாயணே ஆதி³ காவ்யே ஸுந்த³ரகாண்டே³ அஷ்டாத³ஷ²꞉ ஸர்க³꞉
ததா² விப்ரேக்ஷமாணஸ்ய வனம் புஷ்பிதபாத³பம் |
விசின்வதஷ்²ச வைதே³ஹீம் கிஞ்சிச்சேஷா நிஷா²ப⁴வத் || 5-18-1
ஷட³ங்க³வேத³விது³ஷாம் க்ரதுப்ரவரயாஜினாம் |
ஷு²ஷ்²ராவ ப்³ரஹ்மகோ⁴ஷான் ஸ விராத்ரே ப்³ரஹ்மரக்ஷஸாம் || 5-18-2
அத² மங்க³ளவாதி³த்ரஷ²ப்³தை³꞉ ஷ்²ருதிமனோஹரை꞉ |
ப்ரபு³த்⁴யத மஹாபா³ஹுர்த³ஷ²க்³ரீவோ மஹாப³ல꞉ || 5-18-3
விபு³த்⁴ய து யதா²காலம் ராக்ஷஸேந்த்³ர꞉ ப்ரதாபவான் |
ஸ்ரஸ்தமால்யாம்ப³ரத⁴ரோ வைதே³ஹீமன்வசிந்தயாத் || 5-18-4
ப்⁴ருʼஷ²ம்ʼ நியுக்தஸ்தஸ்யாம் ச மத³னேன மதோ³த்கட꞉ |
ந ஸ தம்ʼ ராக்ஷஸ꞉ காமம்ʼ ஷ²ஷா²காத்மனி கூ³ஹிதும் || 5-18-5
ஸ ஸர்வாப⁴ரணைர்யுக்தோ பி³ப⁴ச்ச்²ரியமனுத்தமாம் |
தாம்ʼ நகை³ர்ப³ஹுபி⁴ர்ஜுஷ்டாம் ஸர்வபுஷ்பப²லோபகை³꞉ || 5-18-6
வ்ருʼதாம்ʼ புஷ்கரிணீபி⁴ஷ்²ச நானாபுஷ்போபஷோ²பி⁴தாம் |
ஸதா³மதை³ஷ்²ச விஹகை³ர்விசித்ராம் பரமாத்³பு⁴தாம் || 5-18-7
ஈஹாம்ருʼகை³ஷ்²ச விவிதை⁴ர்ஜுஷ்டாம்ʼ ட்³ருʼஷ்டிமனோஹரை꞉ |
வீதீ²꞉ ஸம்ப்ரேக்ஷமாணஷ்²ச மணிகாஞ்சனதோரணா꞉ || 5-18-8
நானாம்ருʼக³க³ணாகீர்ணாம்ʼ ப²லை꞉ ப்ரபதிதைர்வ்ருʼதாம் |
அஷோ²கவனகாமேவ ப்ராவிஷ²த்ஸந்ததத்³ருமாம் || 5-18-9
அங்க³நாஷ²தமாத்ரம்ʼ து தம்ʼ வ்ரஜந்தமனுவ்ரஜத் |
மஹேந்த்³ரமிவ பௌலஸ்த்யம்ம்ʼ தே³வக³ந்த⁴ர்வயோஷித꞉ || 5-18-10
தீ³பிகா꞉ காஞ்சனீ꞉ காஷ்²சிஜ்ஜக்³ருʼஹுஸ்தத்ர யோஷித꞉ |
வாலவ்யஜனஹஸ்தாஷ்²ச தாலவ்ருʼந்தானி சாபரா꞉ || 5-18-11
காஞ்சனைரபி ப்⁴ருʼங்கா³ரைர்ஜஹ்ரு꞉ ஸலிலமக்³ரத꞉ |
மண்ட³லாகா³ன் ப்³ருஸீம்ʼஷ்²சாபி க்³ருʼஹ்யான்யா꞉ ப்ருʼஷ்ட²தோ யயு꞉ || 5-18-12
காசித்³ரத்னமயீம்ʼ ஸ்தா²லீம்ʼ பூர்ணாம்ʼ பானஸ்ய ப்³ராஜதம் |
த³க்ஷிணா த³க்ஷிணேனைவ ததா³ ஜக்³ராஹ பாணினா || 5-18-13
ராஜஹம்ʼஸப்ரதீகாஷ²ம்ʼ சத்ரம்ʼ பூர்ணஷ²ஷி²ப்ரப⁴ம் |
ஸௌவர்ணத³ண்ட³மபரா க்³ருʼஹீத்வா ப்ருʼஷ்ட²தோ யயௌ || 5-18-14
நித்³ராமத³பரீதாக்ஷ்யோ ராவனஸ்யோத்தமா꞉ ஸ்த்ரிய꞉ |
அனுஜக்³மு꞉ பதிம்ʼ வீரம் க⁴னம் வித்³யுல்லதா இவ || 5-18-15
வ்யாவித்³த⁴ஹாரகேயூரா꞉ ஸமாம்ருʼதி³தவர்ணகா꞉ |
ஸமாக³ளிதகேஷா²ந்தா꞉ ஸஸ்வேத³வத³னாஸ்ததா² || 5-18-16
கோ⁴ர்ணந்த்யோ மத³ஷே²ஷேண நித்³ரயா ச ஷு²பா⁴னனா꞉ |
ஸ்வேத³க்லிஷ்டாங்க³குஸுமா꞉ ஸுமால்யாகுலமூர்த⁴ஜா꞉ || 5-18-17
ப்ரயாந்தம்ʼ நைர்ருʼதபதிம்ʼ நார்யோ மதி³ரளோசனா꞉ |
ப³ஹுமானாச்ச காமாச்ச ப்ரியா பா⁴ர்யாஸ்தமன்வயு꞉ || 5-18-18
ஸ ச காமபராதீ⁴ன꞉ பதிஸ்தாஸாம்ʼ மஹாப³ல꞉ |
ஸீதாஸக்தமனா மந்தோ³ மந்தா³ஞ்சிதக³திர்ப³பௌ⁴ || 5-18-19
தத꞉ காஞ்சீனிநாத³ம்ʼ ச நூபுராணாம் ச நிஸ்வனம் |
ஷு²ஷ்²ராவ பரமஸ்த்ரீணாம்ʼ ஸ கபிர்மாருதாத்மஜ꞉ || 5-18-20
தம்ʼ சாப்ரதிமகர்மாணமசிந்த்யப³லபௌருஷம் |
த்³வாரதே³ஷ²மனுப்ராப்தம்ʼ த³த³ர்ஷ² ஹனுமான் கபி꞉ || 5-18-21
தீ³பிகாபி⁴ரனேகாபி⁴꞉ ஸமந்தாத³வபா⁴ஸிதம் |
க³ந்த⁴தைலாவஸிக்தாபி⁴ர்த்³ரியமாணாபி⁴ரக்³ரத꞉ || 5-18-22
காமத³ர்பமதை³ர்யுக்தம்ʼ ஜிஹ்மதாம்ராயதேக்ஷணம் |
ஸமக்ஷமிவ கந்த³ர்பமபவித்³த⁴ஷ²ராஸனம் || 5-18-23
மதி²தாம்ருʼதபே²நாப⁴மரஜோவஸ்த்ரமுத்தமம் |
ஸலீலமனுகர்ஷந்தம்ʼ விமுக்தம்ʼ ஸக்தமங்க³தே³ || 5-18-24
தம்ʼ பத்ரவிடபே லீன꞉ அத்ரபுஷ்பக⁴னாவ்ருʼதஹ் |
ஸமீபமிவ ஸங்க்ராந்தம்ʼ நித்⁴யாதுமுபசக்ரமே || 5-18-25
அவேக்ஷமாணஸ்து ததோ த³த³ர்ஷ² கபிகுஞ்ஜர꞉ |
ரூபயௌவனஸம்பன்னா ராவணஸ்ய வரஸ்திய꞉ || 5-18-26
தாபி⁴꞉ பரிவ்ருʼதோ ராஜா ஸுரூபாபி⁴ர்மஹாயஷா²꞉ |
தஸ்ம்ருʼக³த்³விஜஸம்க⁴ஷ்டம்ʼ ப்ரவிஷ்ட꞉ ப்ரமதா³வனம் || 5-18-27
க்ஷீபோ³ விசித்ராப⁴ரண꞉ ஷ²ங்குகர்ணோ மஹாப³ல꞉ |
தேன விஷ்²ரவஸ꞉ புத்ர꞉ ஸ த்³ருʼஷ்டோ ராக்ஷஸாதி⁴ப꞉ || 5-18-28
வ்ருʼத꞉ பரமநாரீபி⁴ஸ்தாராபி⁴ரிவ சந்த்³ராமா꞉ |
தம்ʼ த³த³ர்ஷ² மஹாதேஜாஸ்தேஜோவந்தம்ʼ மஹாகபி꞉ || 5-18-29
ராவணோ(அ)யம் மஹாபா³ஹுரிதி ஸஞ்சிந்த்ய வானர꞉ |
அவப்லுதோ மஹாதேஜா ஹனுமான்மாருதாத்மஜ꞉ || 5-18-30
ஸ ததா²ப்யுக்³ரதேஜா꞉ ஸந்நிர்தூ⁴தஸ்தஸ்ய தேஜஸா |
பத்ரகு³ஹ்யாந்தரே ஸக்தோ ஹனுமான் ஸம்ʼவ்ருʼதோ(அ)ப⁴வத் || 5-18-31
ஸ தாமஸிதகேஷா²ந்தாம்ʼ ஸுஷ்²ரோணீம்ʼ ஸம்ʼஹதஸ்தனீம் |
தி³த்³ருʼக்ஷுரஸிதாபாங்க³முபாவர்தத ராவண꞉ || 5-18-32
இத்யார்ஷே ஷ்²ரீமத்³ராமாயணே ஆதி³காவ்யே ஸுந்த³ரகாண்டே³ அஷ்டாத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
