வால்மீகி ராமாயணே ஆதி³ காவ்யே கிஷ்கிந்த⁴ காண்டே³ ஷட் த்ரிம்ʼஷ²꞉ ஸர்க³꞉
இதி உக்த꞉ தாரயா வாக்யம் ப்ரஷ்²ரிதம் த⁴ர்ம ஸம்ʼஹிதம் |
ம்ருʼது³ ஸ்வபா⁴வ꞉ ஸௌமித்ரி꞉ ப்ரதிஜக்³ராஹ தத் வச꞉ || 4-36-1
தஸ்மின் ப்ரதிக்³ருʼஹீதே து வாக்யே ஹரி க³ண ஈஷ்²வர꞉ |
லக்ஷ்மணாத் ஸுமஹத் த்ராஸம் வஸ்த்ரம் க்லின்னம் இவ அத்யஜத் || 4-36-2
தத꞉ கண்ட² க³தம் மால்யம் சித்ரம் ப³ஹு கு³ணம் மஹத் |
சிச்சே²த³ விமத³꞉ ச ஆஸீத் ஸுக்³ரீவோ வானர ஈஷ்²வர꞉ || 4-36-3
ஸ லக்ஷ்மணம் பீ⁴ம ப³லம் ஸர்வ வானர ஸத்தம꞉ |
அப்³ரவீத் ப்ரஷ்²ரிதம் வாக்யம் ஸுக்³ரீவ꞉ ஸம்ப்ரஹர்ஷயன் || 4-36-4
ப்ரநஷ்டா ஷ்²ரீ꞉ ச கீர்தி꞉ ச கபி ராஜ்யம் ச ஷா²ஷ்²வதம் |
ராம ப்ரஸாதா³த் ஸௌமித்ரே புன꞉ ச ஆப்தம் இத³ம் மயா || 4-36-5
க꞉ ஷ²க்த꞉ தஸ்ய தே³வஸ்ய க்²யாதஸ்ய ஸ்வேன கர்மணா |
தாத்³ருʼஷ²ம் ப்ரதிகுர்வீத அம்ʼஷே²ன அபி ந்ருʼபாத்மஜ || 4-36-6
ஸீதாம் ப்ராப்ஸ்யதி த⁴ர்மாத்மா வதி⁴ஷ்யதி ச ராவணம் |
ஸஹாய மாத்ரேண மயா ராக⁴வ꞉ ஸ்வேன தேஜஸா || 4-36-7
ஸஹாய க்ருʼத்யம் கிம் தஸ்ய யேன ஸப்த மஹாத்³ருமா꞉ |
ஷை²ல꞉ ச வஸுதா⁴ சைவ பா³ணேன ஏகேன தா³ரிதா꞉ || 4-36-8
த⁴னுர் விஸ்பா²ரமாணஸ்ய யஸ்ய ஷ²ப்³தே³ன லக்ஷ்மண |
ஸ ஷை²லா கம்பிதா பூ⁴மி꞉ ஸஹாயை꞉ கிம் நு தஸ்ய வை || 4-36-9
அனுயாத்ராம் நர இந்த்³ரஸ்ய கரிஷ்யே அஹம் நரஷப⁴ |
க³ச்ச²தோ ராவணம் ஹந்தும் வைரிணம் ஸ புர꞉ஸரம் || 4-36-10
யதி³ கிஞ்சித் அதிக்ராந்தம் விஷ்²வாஸாத் ப்ரணயேன வா |
ப்ரேஷ்யஸ்ய க்ஷமிதவ்யம் மே ந கஷ்²சின் ந அபராத்⁴யதி || 4-36-11
இதி தஸ்ய ப்³ருவாணஸ்ய ஸுக்³ரீவஸ்ய மஹாத்மன꞉ |
அப⁴வத் லக்ஷ்மண꞉ ப்ரீத꞉ ப்ரேம்ணா ச இத³ம் உவாச ஹ || 4-36-12
ஸர்வதா² ஹி மம ப்⁴ராதா ஸ நாதோ² வானரேஷ்²வர |
த்வயா நாதே²ன ஸுக்³ரீவ ப்ரஷ்²ரிதேன விஷே²ஷத꞉ || 4-36-13
ய꞉ தே ப்ரபா⁴வ꞉ ஸுக்³ரீவ யத் ச தே ஷௌ²சம் ஈத்³ருʼஷ²ம் |
அர்ஹ꞉ தம் கபி ராஜ்யஸ்ய ஷ்²ரியம் போ⁴க்தும் அனுத்தமாம் || 4-36-14
ஸஹாயேன ச ஸுக்³ரீவ த்வயா ராம꞉ ப்ரதாபவான் |
வதி⁴ஷ்யதி ரணே ஷ²த்ரூன் அசிராத் ந அத்ர ஸம்ʼஷ²ய꞉ || 4-36-15
த⁴ர்மஜ்ஞஸ்ய க்ருʼதஜ்ஞஸ்ய ஸங்க்³ராமேஷு அநிவர்தின꞉ |
உபபன்னம் ச யுக்தம் ச ஸுக்³ரீவ தவ பா⁴ஷிதம் || 4-36-16
தோ³ஷஜ்ஞ꞉ ஸதி ஸாமர்த்²யே கோ அன்யோ பா⁴ஷிதும் அர்ஹதி |
வர்ஜயித்வா மம ஜ்யேஷ்ட²ம் த்வாம் ச வானர ஸத்தம || 4-36-17
ஸத்³ருʼஷ²꞉ ச அஸி ராமஸ்ய விக்ரமேண ப³லேன ச |
ஸஹாயோ தை³வதை꞉ த³த்த꞉ சிராய ஹரி புங்க³வ || 4-36-18
கிம் து ஷீ²க்⁴ரம் இதோ வீர நிஷ்க்ராம த்வம் மயா ஸஹ |
ஸாந்த்வயஸ்வ வயஸ்யம் ச பா⁴ர்யா ஹரண து³꞉கி²தம் || 4-36-19
யத் ச ஷோ²க அபி⁴பூ⁴தஸ்ய ஷ்²ருத்வா ராமஸ்ய பா⁴ஷிதம் |
மயா த்வம் பருஷாணி உக்த꞉ தத் க்ஷமஸ்வ ஸகே² மம || 4-36-20
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ ஷட் த்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
