வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்³வா த்ரிம்ʼஷ²꞉ ஸர்க³꞉
அங்க³த³ஸ்ய வச꞉ ஷ்²ருத்வா ஸுக்³ரீவ꞉ ஸசிவை꞉ ஸஹ |
லக்ஷ்மணம் குபிதம் ஷ்²ருத்வா முமோச ஆஸனம் ஆத்மவான் || 4-32-1
ஸ ச தான் அப்³ரவீத் வாக்யம் நிஷ்²சித்ய கு³ரு லாக⁴வம் |
மந்த்ரஜ்ஞான் மந்த்ர குஷ²லோ மந்த்ரேஷு பரிநிஷ்டி²த꞉ || 4-32-2
ந மே து³ர் வ்யாஹ்ருʼதம் கிஞ்சித் ந அபி மே து³ர் அனுஷ்டி²தம் |
லக்ஷ்மணோ ராக⁴வ ப்⁴ராதா க்ருத்³த⁴꞉ கிம் இதி சிந்தயே || 4-32-3
அஸுஹ்ருʼத்³பி⁴꞉ மம அமித்ரை꞉ நித்யம் அந்தர த³ர்ஷி²பி⁴꞉ |
மம தோ³ஷான் அஸம்பூ⁴தான் ஷ்²ராவிதோ ராக⁴வானுஜ꞉ || 4-32-4
அத்ர தாவத் யதா² பு³த்³தி⁴ ஸர்வை꞉ ஏவ யதா² விதி⁴ |
பா⁴வஸ்ய நிஷ்²சய꞉ தாவத் விஜ்ஞேயோ நிபுணம் ஷ²னை꞉ || 4-32-5
ந க²லு அஸ்தி மம த்ராஸோ லக்ஷ்மணான் ந அபி ராக⁴வாத் |
மித்ரம் து அஸ்தா²ன குபிதம் ஜனயதி ஏவ ஸம்ப்⁴ரமம் || 4-32-6
ஸர்வதா² ஸுகரம் மித்ரம் து³ஷ்கரம் ப்ரதிபாலனம் |
அநித்யத்வாத் து சித்தானாம் ப்ரீதி꞉ அல்பே அபி பி⁴த்³யதே || 4-32-7
அதோ நிமித்தம் த்ரஸ்தோ அஹம் ராமேண து மஹாத்மனா |
யன் மம உபக்ருʼதம் ஷ²க்யம் ப்ரதிகர்தும் ந தன் மயா || 4-32-8
ஸுக்³ரீவேண ஏவம் உக்தே து ஹனுமான் ஹரி புங்க³வ꞉ |
உவாச ஸ்வேன தர்கேண மத்⁴யே வானர மந்த்ரிணாம் || 4-32-9
ஸர்வதா² ந ஏதத்³ ஆஷ்²சர்யம் யத் த்வம் ஹரிக³ணேஷ்²வர |
ந விஸ்மரஸி ஸுஸ்னிக்³த⁴ம் உபகாரம் க்ருʼதம் ஷு²ப⁴ம் || 4-32-10
ராக⁴வேண து வீரேண ப⁴யம் உத்ஸ்ருʼஜ்ய தூ³ரத꞉ |
த்வத் ப்ரிய அர்த²ம் ஹதோ வாலீ ஷ²க்ர துல்ய பராக்ரம꞉ || 4-32-11
ஸர்வதா² ப்ரணயாத் க்ருத்³தோ⁴ ராக⁴வோ ந அத்ர ஸம்ʼஷ²ய꞉ |
ப்⁴ராதரம் ஸம்ப்ரஹிதவான் லக்ஷ்மணம் லக்ஷ்மி வர்த⁴னம் || 4-32-12
த்வம் ப்ரமத்தோ ந ஜானீஷே காலம் கலவிதா³ம் வர |
பு²ல்ல ஸப்த ச்ச²த³ ஷ்²யாமா ப்ரவ்ருʼத்தா து ஷ²ரத் ஷி²வா || 4-32-13
நிர்மல க்³ரஹ நக்ஷத்ரா த்³யௌ꞉ ப்ரநஷ்ட ப³லாஹகா |
ப்ரஸன்னா꞉ ச தி³ஷ²꞉ ஸர்வா꞉ ஸரித꞉ ச ஸராம்ʼஸி ச || 4-32-14
ப்ராப்தம் உத்³யோக³ காலம் து ந அவைஷி ஹரிபுங்க³வ |
த்வம் ப்ரமத்த இதி வ்யக்தம் லக்ஷ்மணோ அயம் இஹ ஆக³த꞉ || 4-32-15
ஆர்தஸ்ய ஹ்ருʼத தா³ரஸ்ய பருஷம் புருஷ அந்தராத் |
வசனம் மர்ஷணீயம் தே ராக⁴வஸ்ய மஹாத்மன꞉ || 4-32-16
க்ருʼத அபராத⁴ஸ்ய ஹி தே ந அன்யத் பஷ்²யாமி அஹம் க்ஷமம் |
அந்தரேண அஞ்ஜலிம் ப³த்³த்⁴வா லக்ஷ்மணஸ்ய ப்ரஸாத³னாத் || 4-32-17
நியுக்தை꞉ மந்த்ரிபி⁴꞉ வாச்யோ அவஷ்²யம் பார்தி²வோ ஹிதம் |
இத ஏவ ப⁴யம் த்யக்த்வா ப்³ரவீமி அவத்⁴ருʼதம் வச꞉ || 4-32-18
அபி⁴க்ருத்³த⁴꞉ ஸமர்தோ² ஹி சாபம் உத்³யம்ய ராக⁴வ꞉ |
ஸ தே³வ அஸுர க³ந்த⁴ர்வம் வஷே² ஸ்தா²பயிதும் ஜக³த் || 4-32-19
ந ஸ க்ஷம꞉ கோபயிதும் ய꞉ ப்ரஸாத்³ய புனர் ப⁴வேத் |
பூர்வ உபகாரம் ஸ்மரதா க்ருʼதஜ்ஞேன விஷே²ஷத꞉ || 4-32-20
தஸ்ய மூர்த்⁴னா ப்ரணம்ய த்வம் ஸ புத்ர꞉ ஸ ஸுஹ்ருʼத் ஜன꞉ |
ராஜன் திஷ்ட² ஸ்வ ஸமயே ப⁴ர்து꞉ பா⁴ர்யா இவ தத் வஷே² || 4-32-21
ந ராம ராமானுஜ ஷா²ஸனம் த்வயா
கபீந்த்³ர யுக்தம் மனஸா அபி அபோஹிதும் |
மனோ ஹி தே ஜ்ஞாஸ்யதி மானுஷம் ப³லம்
ஸ ராக⁴வஸ்ய அஸ்ய ஸுரேந்த்³ர வர்சஸ꞉ || 4-32-22
இதி வால்மீகி ராமாயணே ஆதி³ காவ்யே கிஷ்கிந்த⁴ காண்டே³ த்³வா த்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
