வால்மீகி ராமாயணே ஆதி³ காவ்யே அரண்ய காண்டே³ ஸப்த த்ரிம்ʼஷ²꞉ ஸர்க³꞉
தத் ஷ்²ருத்வா ராக்ஷஸேந்த்³ரஸ்ய வாக்யம் வாக்ய விஷா²ரத³꞉ |
ப்ரத்யுவாச மஹாப்ராஜ்ஞோ மாரீசோ ராக்ஷஸேஷ்²வரம் || 3-37-1
ஸுலபா⁴꞉ புருஷா ராஜன் ஸததம் ப்ரிய வாதி³ந꞉ |
அப்ரியஸ்ய ச பத்²யஸ்ய வக்தா ஷ்²ரோதா ச து³ர்லப⁴꞉ || 3-37-2
ந நூநம் பு³த்⁴யஸே ராமம் மஹாவீர்யம் கு³ண உந்நதம் |
அயுக்த சார꞉ சபலோ மஹேந்த்³ர வருண உபமம் || 3-37-3
அபி ஸ்வஸ்தி ப⁴வேத் தாத ஸர்வேஷாம் பு⁴வி ரக்ஷஸாம் |
அபி ராமோ ந ஸம்ʼக்ருத்³த⁴꞉ குர்யாத் லோகம் அராக்ஷஸம் || 3-37-4
அபி தே ஜீவித அம்ʼதாய ந உத்பந்நா ஜநகாத்மஜா |
அபி ஸீதா நிமித்தம் ச ந ப⁴வேத் வ்யஸநம் மஹத் || 3-37-5
அபி த்வாம் ஈஷ்²வரம் ப்ராப்ய காம வ்ருʼத்தம் நிரம்ʼகுஷ²ம் |
ந விநஷ்²யேத் புரீ லம்ʼகா த்வயா ஸஹ ஸ ராக்ஷஸா || 3-37-6
த்வத் வித⁴꞉ காம வ்ருʼத்தோ ஹி து³꞉ஷீ²ல꞉ பாப மம்ʼத்ரித꞉ |
ஆத்மாநம் ஸ்வ ஜநம் ராஷ்ட்ரம் ஸ ராஜா ஹந்தி து³ர்மதி꞉ || 3-37-7
ந ச பித்ரா பரித்யக்தோ ந அமர்யாத³꞉ கத²ம்ʼசந |
ந லுப்³தோ⁴ ந ச து³꞉ஷீ²லோ ந ச க்ஷத்ரிய பாம்ʼஸந꞉ || 3-37-8
ந ச த⁴ர்ம கு³ணைர் ஹீநை꞉ கௌஸல்யா ஆநம்ʼத³ வர்த⁴ந꞉ |
ந ச தீக்ஷ்ணோ ஹி பூ⁴தாநாம் ஸர்வ பூ⁴த ஹிதே ரத꞉ || 3-37-9
வம்ʼசிதம் பிதரம் த்³ருʼஷ்ட்வா கைகேய்யா ஸத்ய வாதி³நம் |
கரிஷ்யாமி இதி த⁴ர்மாத்மா தத꞉ ப்ரவ்ரஜிதோ வநம் || 3-37-10
கைகேய்யா꞉ ப்ரிய காமார்த²ம் பிதுர் த³ஷ²ரத²ஸ்ய ச |
ஹித்வா ராஜ்யம் ச போ⁴கா³ன் ச ப்ரவிஷ்டோ த³ண்ட³கா வநம் || 3-37-11
ந ராம꞉ கர்கஷ²꞉ தாத ந அவித்³வான் ந அஜித இந்த்³ரிய꞉ |
அந்ருʼதம் ந ஷ்²ருதம் சைவ நைவ த்வம் வக்தும் அர்ஹஸி || 3-37-12
ராமோ விக்³ரஹவான் த⁴ர்ம꞉ ஸாது⁴꞉ ஸத்ய பராக்ரம꞉ |
ராஜா ஸர்வஸ்ய லோகஸ்ய தே³வாநாம் இவ வாஸவ꞉ || 3-37-13
கத²ம் நு தஸ்ய வைதே³ஹீம் ரக்ஷிதாம் ஸ்வேந தேஜஸா |
இச்ச²ஸே ப்ரஸப⁴ம் ஹர்தும் ப்ரபா⁴ம் இவ விவஸ்வத꞉ || 3-37-14
ஷ²ர அர்சிஷம் அநாத்⁴ருʼஷ்யம் சாப க²ட்³க³ இந்த⁴நம் ரணே |
ராம அக்³நிம் ஸஹஸா தீ³ப்தம் ந ப்ரவேஷ்டும் த்வம் அர்ஹஸி || 3-37-15
த⁴நுர் வ்யாதி³த தீ³ப்த ஆஸ்யம் ஷ²ர அர்சிஷம் அமர்ஷணம் |
சாப பா³ண த⁴ரம் தீக்ஷ்ணம் ஷ²த்ரு ஸேநா அபஹாரிணம் || 3-37-16
ராஜ்யம் ஸுக²ம் ச ஸம்ʼத்யஜ்ய ஜீவிதம் ச இஷ்டம் ஆத்மந꞉ |
ந அதி ஆஸாத³யிதும் தாத ராம அம்ʼதகம் இஹ அர்ஹஸி || 3-37-17
அப்ரமேயம் ஹி தத் தேஜோ யஸ்ய ஸா ஜநகாத்மஜா |
ந த்வம் ஸமர்த²꞉ தாம் ஹர்தும் ராம சாப ஆஷ்²ரயாம் வநே || 3-37-18
தஸ்ய வை நர ஸிம்ʼஹஸ்ய ஸிம்ʼஹ உரஸ்கஸ்ய பா⁴மிநீ |
ப்ராணேப்⁴யோ அபி ப்ரியதரா பா⁴ர்யா நித்யம் அநுவ்ரதா || 3-37-19
ந ஸா த⁴ர்ஷயிதும் ஷ²க்யா மைதி²லீ ஓஜஸ்விந꞉ ப்ரியா |
தீ³ப்தஸ்ய இவ ஹுத ஆஷ²ஸ்ய ஷி²கா² ஸீதா ஸுமத்⁴யமா || 3-37-20
கிம் உத்³யமம் வ்யர்த²ம் இமம் க்ருʼத்வா தே ராக்ஷஸாதி⁴ப |
த்³ருʼஷ்ட꞉ சேத் த்வம் ரணே தேந தத் அம்ʼதம் தவ ஜீவிதம் || 3-37-21
ஜீவிதம் ச ஸுக²ம் சைவ ராஜ்யம் சைவ ஸுது³ர்லப⁴ம் |
யத் இச்ச²ஸி சிரம் போ⁴க்தும் மா க்ருʼதா² ராம விப்ரியம் || 3-37-22
ஸ ஸர்வை꞉ ஸசிவை꞉ ஸார்த⁴ம் விபீ⁴ஷண புரஸ்க்ருʼதை꞉ |
மம்ʼத்ரயித்வா து த⁴ர்மிஷ்டை²꞉ க்ருʼத்வா நிஷ்²சயம் ஆத்மந꞉ |
தோ³ஷாணாம் ச கு³ணாநாம் ச ஸம்ʼப்ரதா⁴ர்ய ப³ல அப³லம் || 3-37-23
ஆத்மந꞉ ச ப³லம் ஜ்ஞாத்வா ராக⁴வஸ்ய ச தத்த்வத꞉ |
ஹிதம் ஹி தவ நிஷ்²சித்ய க்ஷமம் த்வம் கர்தும் அர்ஹஸி || 3-37-24
அஹம் து மந்யே தவ ந க்ஷமம் ரணே
ஸமாக³மம் கோஸல ராஜ ஸூநுநா |
இத³ம் ஹி பூ⁴ய꞉ ஷ்²ருʼணு வாக்யம் உத்தமம்
க்ஷமம் ச யுக்தம் ச நிஷா²சர அதி⁴ப || 3-37-25
இதி வால்மீகி ராமாயணே ஆதி³ காவ்யே அரண்ய காண்டே³ ஸப்த த்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
