வால்மீகி ராமாயணே ஆதி³ காவ்யே அரண்ய காண்டே³ த்³வா த்ரிம்ʼஷ²꞉ ஸர்க³꞉
தத꞉ ஷூ²ர்பணகா² த்³ருʼஷ்ட்வா ஸஹஸ்ராணி சதுர்த³ஷ² |
ஹதாநி ஏகேந ராமேண ரக்ஷஸாம் பீ⁴ம கர்மணாம் || 3-32-1
தூ³ஷணம் ச க²ரம் சைவ ஹதம் த்ரிஷி²ரஸம் ரணே |
த்³ருʼஷ்ட்வா புநர் மஹாநாத³ம் நநாத³ ஜலத³ உபமா || 3-32-2
ஸா த்³ருʼஷ்ட்வா கர்ம ராமஸ்ய க்ருʼதம் அந்யை꞉ ஸுது³ஷ்கரம் |
ஜகா³ம பரம உத்³விக்³நா லம்ʼகாம் ராவண பாலிதாம் || 3-32-3
ஸா த³த³ர்ஷ² விமாந அக்³ரே ராவணம் தீ³ப்த தேஜஸம் |
உபோபவிஷ்டம் ஸசிவை꞉ மருத்³பி⁴꞉ இவ வாஸவம் || 3-32-4
ஆஸீநம் ஸூர்ய ஸம்ʼகாஷே² காம்ʼசநே பரமாஸநே |
ருக்ம வேதி³ க³தம் ப்ராஜ்யம் ஜ்வலம்ʼதம் இவ பாவகம் || 3-32-5
தே³வ க³ந்த⁴ர்வ பூ⁴தாநாம் ருʼஷீணாம் ச மஹாத்மநாம் |
அஜேயம் ஸமரே கோ⁴ரம் வ்யாத்த ஆநநம் இவ அந்தகம் || 3-32-6
தே³வ அஸுர விமர்தே³ஷு வஜ்ர அஷ²நி க்ருʼத வ்ரணம் |
ஐராவத விஷாண அக்³ரை꞉ உத்க்ருʼஷ்ட கிண வக்ஷஸம் || 3-32-7
விம்ʼஷ²த் பு⁴ஜம் த³ஷ² க்³ரீவம் த³ர்ஷ²நீய பரிச்ச²த³ம் |
விஷா²ல வக்ஷஸம் வீரம் ராஜ லக்ஷ்மண லக்ஷிதம் || 3-32-8
நத்³த⁴ வைதூ³ர்ய ஸம்ʼகாஷ²ம் தப்த காந்சந குண்ட³லம் |
ஸுபு⁴ஜம் ஷு²க்ல த³ஷ²நம் மஹா ஆஸ்யம் பர்வதோபமம் || 3-32-9
விஷ்ணு சக்ர நிபாதை꞉ ச ஷ²தஷோ² தே³வ ஸம்ʼயுகே³ |
அந்யை꞉ ஷ²ஸ்த்ரை꞉ ப்ரஹாரை꞉ ச மஹாயுத்³தே⁴ஷு தாடி³தம் || 3-32-10
ஆஹத அம்ʼக³ம் ஸமஸ்தை꞉ ச தே³வ ப்ரஹரணை꞉ ததா² |
அக்ஷோப்⁴யாணாம் ஸமுத்³ராணாம் க்ஷோப⁴ணம் க்ஷிப்ர காரிணம் || 3-32-11
க்ஷேப்தாரம் பர்வத அக்³ராணாம் ஸுராணாம் ச ப்ரமர்த³நம் |
உச்சே²த்தாரம் ச த⁴ர்மாணாம் பர தா³ர அபி⁴மர்ஷ²நம் || 3-32-12
ஸர்வ தி³வ்ய அஸ்த்ர யோக்தாரம் யஜ்ஞ விக்⁴ந கரம் ஸதா³ |
புரீம் போ⁴க³வதீம் க³த்வா பராஜித்ய ச வாஸுகிம் || 3-32-13
தக்ஷகஸ்ய ப்ரியாம் பா⁴ர்யாம் பராஜித்ய ஜஹார ய꞉ |
கைலாஸம் பர்வதம் க³த்வா விஜித்ய நர வாஹநம் || 3-32-14
விமாநம் புஷ்பகம் தஸ்ய காமக³ம் வை ஜஹார ய꞉ |
வநம் சைத்ரரத²ம் தி³வ்யம் ளிநீம் நம்ʼத³நம் வநம் || 3-32-15
விநாஷ²யதி ய꞉ க்ரோதா⁴த் தே³வ உத்³யாநாநி வீர்யவான் |
சந்த்³ர ஸூர்யௌ மஹா பா⁴கௌ³ உத்திஷ்ட²ந்தௌ பரம்ʼதபௌ || 3-32-16
நிவாரயதி பா³ஹுப்⁴யாம் ய꞉ ஷை²ல ஷி²க²ரோபம꞉ |
த³ஷ² வர்ஷ ஸஹஸ்ராணி தப꞉ தப்த்வா மஹாவநே || 3-32-17
புரா ஸ்வயம்ʼபு⁴வே தீ⁴ர꞉ ஷி²ராம்ʼஸி உபஜஹார ய꞉ |
தே³வ தா³நவ க³த⁴ர்வ பிஷா²ச பதக³ உரகை³꞉ || 3-32-18
அப⁴யம் யஸ்ய ஸம்ʼக்³ராமே ம்ருʼத்யுதோ மாநுஷாத்³ ருʼதே |
மந்த்ரை꞉ அபி⁴துஷ்டம் புண்யம் அத்⁴வரேஷு த்³விஜாதிபி⁴꞉ || 3-32-19
ஹவிர்தா⁴நேஷு ய꞉ ஸோமம் உபஹந்தி மஹாப³ல꞉ |
ப்ராப்த யஜ்ஞ ஹரம் து³ஷ்டம் ப்³ரஹ்ம க்⁴நம் க்ரூர காரிணம் || 3-32-20
கர்கஷ²ம் நிரநுக்ரோஷ²ம் ப்ரஜாநாம் அஹிதே ரதம் |
ராவணம் ஸர்வ பூ⁴தாநாம் ஸர்வ லோக ப⁴யாவஹம் || 3-32-21
ராக்ஷஸீ ப்⁴ராதரம் க்ரூரம் ஸா த³த³ர்ஷ² மஹாப³லம் |
தம் தி³வ்ய வஸ்த்ர ஆப⁴ரணம் தி³வ்ய மால்ய உபஷோ²பி⁴தம் || 3-32-22
ஆஸநே ஸூபவிஷ்டம் தம் காலே காலம் இவ உத்³யதம் |
ராக்ஷஸேந்த்³ரம் மஹாபா⁴க³ம் பௌலஸ்த்ய குல நந்த³நம் || 3-32-23
உபக³ம்ய அப்³ரவீத் வாக்யம் ராக்ஷஸீ ப⁴ய விஹ்வலா |
ராவணம் ஷ²த்ரு ஹந்தாரம் மம்ʼத்ரிபி⁴꞉ பரிவாரிதம் || 3-32-24
தம் அப்³ரவீத் தீ³ப்த விஷா²ல லோசநம்
ப்ரத³ர்ஷ²யித்வா ப⁴ய லோப⁴ மோஹிதா |
ஸுதா³ருணம் வாக்யம் அபீ⁴த சாரிணீ
மஹாத்மநா ஷூ²ர்பணகா² விரூபிதா || 3-32-25
இதி வால்மீகி ராமாயணே ஆதி³ காவ்யே அரண்ய காண்டே³ த்³வா த்ரிம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
