வால்மீகி ராமாயணே ஆதி³ காவ்யே அரண்ய காண்டே³ ஸப்த விம்ʼஷ²꞉ ஸர்க³꞉
க²ரம் து ராம அபி⁴முக²ம் ப்ரயாம்ʼதம் வாஹிநீ பதி꞉ |
ராக்ஷஸ꞉ த்ரிஷி²ரா நாம ஸம்ʼநிபத்ய இத³ம் அப்³ரவீத் || 3-27-1
மாம் நியோஜய விக்ராம்ʼதம் த்வம் நிவர்தஸ்வ ஸாஹஸாத் |
பஷ்²ய ராமம் மஹாபா³ஹும் ஸம்ʼயுகே³ விநிபாதிதம் || 3-27-2
ப்ரதிஜாநாமி தே ஸத்யம் ஆயுத⁴ம் ச அஹம் ஆலபே⁴ |
யதா² ராமம் வதி⁴ஷ்யாமி வதா⁴ர்ஹம் ஸர்வ ரக்ஷஸாம் || 3-27-3
அஹம் வா அஸ்ய ரணே ம்ருʼத்யு꞉ ஏஷ வா ஸமரே மம |
விநிவர்த்ய ரண உத்ஸாஹம் முஹூர்தம் ப்ராஷ்²நிகோ ப⁴வ || 3-27-4
ப்ரஹ்ருʼஷ்டோ வா ஹதே ராமே ஜநஸ்தா²நம் ப்ரயாஸ்யஸி |
மயி வா நிஹதே ராமம் ஸம்ʼயுகா³ய ப்ரயாஸ்யஸி || 3-27-5
க²ர꞉ த்ரிஷி²ரஸா தேந ம்ருʼத்யு லோபா⁴த் ப்ரஸாதி³த꞉ |
க³ச்ச்²ஹ யுத்⁴ய இதி அநுஜ்ஞாதோ ராக⁴வ அபி⁴முகோ² யயௌ || 3-27-6
த்ரிஷி²ரா꞉ து ரதே²ந ஏவ வாஜி யுக்தேந பா⁴ஸ்வதா |
அப்⁴யத்³ரவத் ரணே ராமம் த்ரி ஷ்²ருʼம்ʼக³ இவ பர்வத꞉ || 3-27-7
ஷ²ர தா⁴ரா ஸமூஹான் ஸ மஹாமேக⁴ இவ உத்ஸ்ருʼஜன் |
வ்யஸ்ருʼஜத் ஸத்³ருʼஷ²ம் நாத³ம் ஜல ஆர்த்³ரஸ்ய இவ து³ந்து³பே⁴꞉ || 3-27-8
ஆக³ச்ச்²ஹம்ʼதம் த்ரிஷி²ரஸம் ராக்ஷஸம் ப்ரேக்ஷ்ய ராக⁴வ꞉ |
த⁴நுஷா ப்ரதிஜக்³ராஹ விது⁴ந்வன் ஸாயகான் ஷி²தான் || 3-27-9
ஸ ஸம்ʼப்ரஹார꞉ துமுலோ ராம த்ரிஷி²ரஸோ꞉ ததா³ |
ஸம்ʼப³பூ⁴வ அதீவ ப³லிநோ꞉ ஸிம்ʼஹ கும்ʼ~ஜரயோ꞉ இவ || 3-27-10
தத꞉ த்ரிஷி²ரஸா பா³ணை꞉ லலாடே தாடி³த꞉ த்ரிபி⁴꞉ |
அமர்ஷீ குபிதோ ராம꞉ ஸம்ʼரப்³த⁴ம் இத³ம் அப்³ரவீத் || 3-27-11
அஹோ விக்ரம ஷூ²ரஸ்ய ராக்ஷஸஸ்ய ஈத்³ருʼஷ²ம் ப³லம் |
புஷ்பை꞉ இவ ஷ²ரை꞉ யஸ்ய லலாடே அஸ்மி பரிக்ஷத꞉ || 3-27-12
மம அபி ப்ரதிக்³ருʼஹ்ணீஷ்வ ஷ²ரான் சாப கு³ண ச்யுதான் |
ஏவம் உக்த்வா ஸுஸம்ʼரப்³த⁴꞉ ஷ²ரான் ஆஷீ²விஷ உபமான் || 3-27-13
த்ரிஷி²ரோ வக்ஷஸி க்ருத்³தோ⁴ நிஜகா⁴ந சதுர் த³ஷ² |
சதுர்பி⁴꞉ துரகா³ன் அஸ்ய ஷ²ரை꞉ ஸம்ʼநத பர்வாபி⁴꞉ || 3-27-14
ந்யபாதயத தேஜஸ்வீ சதுர꞉ தஸ்ய வாஜிந꞉ |
அஷ்டபி⁴꞉ ஸாயகை꞉ ஸூதம் ரத² உபஸ்தே² ந்யபாதயத் || 3-27-15
ராம꞉ சிச்ச்²ஹேத³ பா³ணேந த்⁴வஜம் ச அஸ்ய ஸமுச்ச்²ஹ்ரிதம் |
ததோ ஹத ரதா²த் தஸ்மாத் உத்பதம்ʼதம் நிஷா²சரம் || 3-27-16
சிச்ச்²ஹேத³ ராம꞉ தம் பா³ணை꞉ ஹ்ருʼத³யே ஸோ அப⁴வத் ஜட³꞉ |
ஸாயகை꞉ ச அப்ரமேய ஆத்மா ஸாமர்ஷ꞉ தஸ்ய ரக்ஷஸ꞉ || 3-27-17
ஷி²ராம்ʼஸி அபாதயத் த்ரீணி வேக³வத்³பி⁴꞉ த்ரிபி⁴꞉ ஷ²தை꞉ |
ஸ தூ⁴ம ஷோ²ணித உத்³கா³ரீ ராம பா³ண அபி⁴பீடி³த꞉ || 3-27-18
ந்யபதத் பதிதை꞉ பூர்வம் ஸமரஸ்தோ² நிஷா²சர꞉ |
ஹத ஷே²ஷா꞉ ததோ ப⁴க்³நா ராக்ஷஸா꞉ க²ர ஸம்ʼஷ்²ரயா꞉ || 3-27-19
த்³ரவந்தி ஸ்ம ந திஷ்ட²ந்தி வ்யாக்⁴ர த்ரஸ்தா ம்ருʼகா³ இவ |
தான் க²ரோ த்³ரவதோ த்³ருʼஷ்ட்வா நிவர்த்ய ருஷித꞉ த்வரன் |
ராமம் ஏவ அபி⁴து³த்³ராவ ராஹு꞉ சந்த்³ரமஸம் யதா² || 3-27-20
இதி வால்மீகி ராமாயணே ஆதி³ காவ்யே அரண்ய காண்டே³ ஸப்த விம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
