வால்மீகி ராமாயணே ஆதி³ காவ்யே அரண்ய காண்டே³ ஷட்³ விம்ʼஷ²꞉ ஸர்க³꞉
தூ³ஷண꞉ து ஸ்வகம் ஸைந்யம் ஹந்யமாநம் விளோக்ய ச |
ஸம்ʼதி³தே³ஷ² மஹாபா³ஹு꞉ பீ⁴ம வேகா³ன் நிஷா²சரான் || 3-26-1
ராக்ஷஸான் பம்ʼச ஸாஹஸ்ரான் ஸமரேஷு அநிவர்திந꞉ |
தே ஷூ²லை꞉ பட்டிஷை²꞉ கத³கை³꞉ ஷி²லா வரஷை꞉ த்³ருமை꞉ || 3-26-2
ஷ²ர வர்ஷை꞉ விச்ச்²ஹிந்நம் வவர்ஷு꞉ தம் ஸமந்தத꞉ |
தத் த்³ருமாணாம் ஷி²லாநாம் ச வர்ஷம் ப்ராண ஹரம் மஹத் || 3-26-3
ப்ரதிஜக்³ராஹ த⁴ர்மாத்மா ராக⁴வ꞉ தீக்ஷ்ண ஸாயகை꞉ |
ப்ரதிக்³ருʼஹ்ய ச தத்³ வர்ஷம் நிமீலித இவ ருʼஷப⁴꞉ || 3-26-4
ராம꞉ க்ரோத⁴ம் பரம் லேபே⁴ வத⁴ அர்த²ம் ஸர்வ ரக்ஷஸாம் |
தத꞉ க்ரோத⁴ ஸமாவிஷ்ட꞉ ப்ரதீ³ப்த இவ தேஜஸா || 3-26-5
ஷ²ரை꞉ அப்⁴யகிரத் ஸைந்யம் ஸர்வத꞉ ஸஹ தூ³ஷணம் |
தத꞉ ஸேநா பதி꞉ க்ருத்³தோ⁴ தூ³ஷண꞉ ஷ²த்ரு தூ³ஷண꞉ || 3-26-6
ஷ²ரை꞉ அஷ²நி கல்பை꞉ தம் ராக⁴வம் ஸமவாரயத் |
ததோ ராம꞉ ஸம்ʼக்ருத்³த⁴꞉ க்ஷுரேண அஸ்ய மஹத் த⁴நு꞉ || 3-26-7
சிச்ச்²ஹேத³ ஸமரே வீர꞉ சதுர்பி⁴꞉ சதுரோ ஹயான் |
ஹத்வா ச அஷ்²வான் ஷ²ரை꞉ தீக்ஷ்ணை꞉ அர்த² சந்த்³ரேண ஸாரதே² || 3-26-8
ஷி²ரோ ஜஹார தத்³ ரக்ஷ꞉ த்ரிபி⁴ர் விவ்யாத⁴ வக்ஷஸி |
ஸ ச்ச்²ஹிந்ந த⁴ந்வா விரதோ² ஹத அஷ்²வோ ஹத ஸாரதி²꞉ || 3-26-9
ஜக்³ராஹ கி³ரி ஷ்²ருʼம்ʼக³ ஆப⁴ம் பரிக⁴ம் ரோம ஹர்ஷணம் |
வேஷ்டிதம் காம்ʼசநை꞉ பட்டை꞉ தே³வ ஸைந்ய அபி⁴மர்த³நம் || 3-26-10
ஆயஸை꞉ ஷ²ம்ʼகுபி⁴꞉ தீக்ஷ்ணை꞉ கீர்ணம் பர வஸா உக்ஷிதாம் |
வஜ்ர அஷ²நி ஸம ஸ்பர்ஷ²ம் பர கோ³புர தா³ரணம் || 3-26-11
தம் மஹா உரக³ ஸம்ʼகாஷ²ம் ப்ரக்³ருʼஹ்ய பரிக⁴ம் ரணே |
தூ³ஷணோ அப்⁴யபதத் ராமம் க்ரூர கர்மா நிஷா²சர꞉ || 3-26-12
தஸ்ய அபி⁴பதமாநஸ்ய தூ³ஷணஸ்ய ஸ ராக⁴வ꞉ |
த்³வாப்⁴யாம் ஷ²ராப்⁴யாம் சிச்ச்²ஹேத³ ஸ ஹஸ்த ஆப⁴ரணௌ பு⁴ஜௌ || 3-26-13
ப்⁴ரஷ்ட꞉ தஸ்ய மஹாகாய꞉ பபாத ரண மூர்த⁴நி |
பரிக⁴꞉ ச்²ஹிந்ந ஹஸ்தஸ்ய ஷ²க்ர த்⁴வஜ இவ அக்³ரத꞉ || 3-26-14
கராப்⁴யாம் ச விகீர்ணாப்⁴யாம் பபாத பு⁴வி தூ³ஷண꞉ |
விஷாணாப்⁴யாம் விஷீ²ர்ணாப்⁴யாம் மநஸ்வீ இவ மஹாக³ஜ꞉ || 3-26-15
த்³ருʼஷ்ட்வா தம் பதிதம் பூ⁴மௌ தூ³ஷணம் நிஹதம் ரணே |
ஸாது⁴ ஸாது⁴ இதி காகுத்ஸ்த²ம் ஸர்வ பூ⁴தாநி அபூஜயன் || 3-26-16
ஏதஸ்மின் அந்தரே க்ருத்³தா⁴꞉ த்ரய꞉ ஸேநா அக்³ர யாயிந꞉ |
ஸம்ʼஹத்ய அப்⁴யத்³ரவன் ராமம் ம்ருʼத்யு பாஷ² அவபாஷி²தா꞉ || 3-26-17
மஹாகபால꞉ ஸ்தூ²லாக்ஷ꞉ ப்ரமாதீ² ச மஹாப³ல꞉ |
மஹாகபாலோ விபுலம் ஷூ²லம் உத்³யம்ய ராக்ஷஸ꞉ || 3-26-18
ஸ்தூ²லாக்ஷ꞉ பட்டிஷ²ம் க்³ருʼஹ்ய ப்ரமாதீ² ச பரஷ்²வத⁴ம் |
த்³ருʼஷ்ட்வா ஏவ ஆபதத꞉ தாம் து ராக⁴வ꞉ ஸாயகை꞉ ஷி²தை꞉ || 3-26-19
தீக்ஷ்ண அக்³ரை꞉ ப்ரதிஜக்³ராஹ ஸம்ʼப்ராப்தான் அதிதீ²ன் இவ |
மஹாகபாலஸ்ய ஷி²ர꞉ சிச்ச்²ஹேத³ ரகு⁴நம்ʼத³ந꞉ || 3-26-20
அஸம்ʼக்²யேயை꞉ து பா³ண ஓகை⁴꞉ ப்ரமமாத² ப்ரமாதி²நம் |
ஸ்தூ²லாக்ஷஸ்ய அக்ஷிணீ ஸ்தூ²லே பூரயாமாஸ ஸாயகை꞉ || 3-26-21
ஸ பபாத ஹதோ பூ⁴மௌ விடபீ இவ மஹாத்³ரும꞉ |
தூ³ஷணஸ்ய அநுகா³ன் பம்ʼச ஸஹஸ்ரான் குபித꞉ க்ஷணாத் || 3-26-22
ஹத்வா து பம்ʼச ஸஹஸ்ரான் அநயத் யம ஸத³நம் |
தூ³ஷணம் நிஹதம் ஷ்²ருத்வா தஸ்ய ச ஏவ பதா³நுகா³ன் || 3-26-23
வ்யாதி³தே³ஷ² க²ர꞉ க்ருத்³தோ⁴ ஸேந அத்⁴யக்ஷான் மஹாப³லான் |
அயம் விநிஹத꞉ ஸம்ʼக்²யே தூ³ஷண꞉ ஸ பதா³நுகா³꞉ || 3-26-24
மஹத்யா ஸேநயா ஸார்த⁴ம் யுத்³த்⁴வா ராமம் குமாநுஷம் |
ஷ²ஸ்த்ரை꞉ நாநா வித⁴ அகாரை꞉ ஹநத்⁴வம் ஸர்வ ராக்ஷஸா꞉ || 3-26-25
ஏவம் உக்த்வா க²ர꞉ க்ருத்³தோ⁴ ராமம் ஏவ அபி⁴ து³த்³ருவே |
ஷ்²யேநகா³மீ ப்ருʼது²க்³ரீவோ யஜ்ஞஷ²த்ருர் விஹம்ʼக³ம꞉ || 3-26-26
து³ர்ஜய꞉ கரவீராக்ஷ꞉ பருஷ꞉ காலகார்முக꞉ |
ஹேமமாலீ மஹாமாலீ ஸர்பஸ்யோ ருதி⁴ராஷ²ந꞉ || 3-26-27
த்³வாத³ஷ² ஏதே மஹாவீர்யா ப³ல அத்⁴யக்ஷா꞉ ஸ ஸைநிகா꞉
ரமம் ஏவ அப்⁴யதா⁴வம்ʼத விஸ்ருʼஜம்ʼத꞉ ஷ²ரோத்தமான் || 3-26-28
தத꞉ பாவக ஸம்ʼகாஷை²꞉ ஹேம வஜ்ர விபூ⁴ஷிதை꞉ |
ஜக⁴ந ஷே²ஷம் தேஜஸ்வீ தஸ்ய ஸைந்யஸ்ய ஸாயகை꞉ || 3-26-29
தே ருக்ம பும்ʼகா² விஷி²கா²꞉ ஸ தூ⁴மா இவ பாவகா꞉ |
நிஜக்⁴நு꞉ தாநி ரக்ஷாம்ʼஸி வஜ்ரா இவ மஹாத்³ருமான் || 3-26-30
ரக்ஷஸாம் து ஷ²தம் ராம꞉ ஷ²தேந ஏகேந கர்ணிநா |
ஸஹஸ்ரம் து ஸஹஸ்ரேண ஜகா⁴ந ரண மூர்த⁴நி || 3-26-31
தை꞉ பி⁴ந்ந வர்ம ஆப⁴ரணா꞉ ச்²ஹிந்ந பி⁴ந்ந ஷ²ர ஆஸநா꞉ |
நிபேது꞉ ஷோ²ணித ஆதி³க்³தா⁴ த⁴ரண்யாம் ரஜநீசரா꞉ || 3-26-32
தை꞉ முக்த கேஷை²꞉ ஸமரே பதிதை꞉ ஷோ²ணித உக்ஷிதை꞉ |
விஸ்தீர்ணா வஸுதா⁴ க்ருʼத்ஸ்நா மஹாவேதி³꞉ குஷை²꞉ இவ || 3-26-33
தத் க்ஷணே து மஹா கோ⁴ரம் வநம் நிஹத ராக்ஷஸம் |
ப³பூ⁴வ நிரய ப்ரக்²யம் மாம்ʼஸ ஷோ²ணித கர்த³மம் || 3-26-34
சதுர்த³ஷ² ஸஹஸ்ராணி ரக்ஷஸாம் பீ⁴ம கர்மணாம் |
ஹதாநி ஏகேந ராமேண மாநுஷேண பதா³திநா || 3-26-35
தஸ்ய ஸைந்யஸ்ய ஸர்வஸ்ய க²ர꞉ ஷே²ஷோ மஹாரத²꞉ |
ராக்ஷஸ꞉ த்ரிஷி²ரா꞉ சைவ ராம꞉ ச ரிபுஸூத³ந꞉ || 3-26-36
ஷே²ஷா ஹதா மஹாவீர்யா ராக்ஷஸா ரண மூர்த⁴நி |
கோ⁴ரா து³ர்விஷஹா꞉ ஸர்வே லக்ஷ்மணஸ்ய அக்³ரஜேந || 3-26-37
தத꞉ து தத்³ பீ⁴ம ப³லம் மஹா ஆஹவே
ஸமீக்ஷ்ய ராமேண ஹதம் ப³லீயஸா |
ரதே²ந ராமம் மஹதா க²ர꞉ தத꞉
ஸமாஸஸாத³ இந்த்³ர இவ உத்³யத அஷ²நி꞉ || 3-26-38
இதி வால்மீகி ராமாயணே ஆதி³ காவ்யே அரண்ய காண்டே³ ஷட்³ விம்ʼஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
