வால்மீகி ராமாயணே ஆதி³ காவ்யே அரண்ய காண்டே³ த்ரயோத³ஷ²꞉ ஸர்க³꞉
ராம ப்ரீதோ அஸ்மி ப⁴த்³ரம் தே பரிதுஷ்டோ அஸ்மி லக்ஷ்மண |
அபி⁴வாத³யிதும் யன் மாம் ப்ராப்தௌ ஸ்த²꞉ ஸஹ ஸீதயா || 3-13-1
அத்⁴வ ஷ்²ரமேண வாம் கே²தோ³ பா³த⁴தே ப்ரசுர ஷ்²ரம꞉ |
வ்யக்தம் உத்கண்ட²தே வா அபி மைதி²லீ ஜநக ஆத்மஜா || 3-13-2
ஏஷா ச ஸுகுமாரீ ச கே²தை³꞉ ச ந விமாநிதா |
ப்ராஅஜ்ய தோ³ஷம் வநம் ப்ரப்தா ப⁴ர்த்ருʼ ஸ்நேஹ ப்ரசோதி³தா || 3-13-3
யதா² ஏஷா ரமதே ராம இஹ ஸீதா ததா² குரு |
து³ஷ்கரம் க்ருʼதவதீ ஏஷா வநே த்வாம் அபி⁴க³ச்ச்²ஹதீ || 3-13-4
ஏஷா ஹி ப்ரக்ருʼதி꞉ ஸ்த்ரீணாம் ஆஸ்ருʼஷ்டே ரகு⁴நம்ʼத³ந |
ஸமஸ்த²ம் அநுரம்ʼஜம்ʼதே விஷமஸ்த²ம் த்யஜந்தி ச || 3-13-5
ஷ²த ஹ்ரதா³நாம் லோலத்வம் ஷ²ஸ்த்ராணாம் தீக்ஷ்ணதாம் ததா² |
க³ருட³ அநிலயோ꞉ ஷை²க்⁴ர்யம் அநுக³ச்ச்²ஹந்தி யோஷித꞉ || 3-13-6
இயம் து ப⁴வதோ பா⁴ர்யா தோ³ஷைர் ஏதைர் விவர்ஜிதா꞉ |
ஷ்²லாக்⁴யா ச வ்யபதே³ஷ்²யா ச யதா² தே³வீ ஹி அருந்த⁴தீ || 3-13-7
அலம்ʼக்ருʼதோ அயம் தே³ஷ²꞉ ச யத்ர ஸௌமித்ரிணா ஸஹ |
வைதே³ஹ்யா ச அநயா ராம வத்ஸ்யஸி த்வம் அரிம்ʼத³ம || 3-13-8
ஏவம் உக்த꞉ து முநிநா ராக⁴வ꞉ ஸம்ʼயத அம்ʼஜலி꞉ |
உவாச ப்ரஷ்²ரிதம் வாக்யம் ருʼஷிம் தீ³ப்தம் இவ அநலம் || 3-13-9
த⁴ந்யோஸ்மி அநுக்³ருʼஹீதோஸ்மி யஸ்ய மே முநி பும்ʼக³வ꞉ |
கு³ணை꞉ ஸப்⁴ராத்ருʼ பா⁴ர்யஸ்ய கு³ரு꞉ ந꞉ பரிதுஷ்யதி || 3-13-10
கிந்து வ்யாதி³ஷ² மே தே³ஷ²ம் ஸ உத³கம் ப³ஹு காநநம் |
யத்ர ஆஷ்²ரம பத³ம் க்ருʼத்வா வஸேயம் நிரத꞉ ஸுக²ம் || 3-13-11
ததோ அப்³ரவீத் முநி ஷ்²ரேஷ்ட²꞉ ஷ்²ருத்வா ராமஸ்ய பா⁴ஷிதம் |
த்⁴யாத்வா முஹூர்தம் த⁴ர்மாத்மா தீ⁴ரோ தீ⁴ரதரம் வச꞉ || 3-13-12
இதோ த்³வி யோஜநே தாத ப³ஹு மூல ப²ல உத³க꞉ |
தே³ஷோ² ப³ஹு ம்ருʼக³꞉ ஷ்²ரீமான் பம்ʼசவடி அபி⁴விஷ்²ருத꞉ || 3-13-13
தத்ர க³த்வா ஆஷ்²ரம பத³ம் க்ருʼத்வா ஸௌமித்ரிணா ஸஹ |
ரமஸ்வ த்வம் பிதுர் வாக்யம் யதா² உக்தம் அநுபாலயன் || 3-13-14
விதி³தோ ஹி ஏஷ வ்ருʼத்தாம்ʼதோ மம ஸர்வ꞉ தவ அநக⁴ |
தபஸ꞉ ச ப்ரபா⁴வேண ஸ்நேஹாத்³ த³ஷ²ரத²ஸ்ய ச || 3-13-15
ஹ்ருʼத³யஸ்த²꞉ ச தே ச்²ஹந்தோ³ விஜ்ஞாத꞉ தபஸா மயா |
இஹ வாஸம் ப்ரதிஜ்ஞாய மயா ஸஹ தபோ வநே || 3-13-16
அத꞉ ச த்வாம் அஹம் ப்³ரூமி க³ச்ச்²ஹ பம்ʼசவடீம் இதி |
ஸ ஹி ரம்யோ வநோத்³தே³ஷோ² மைதி²லீ தத்ர ரம்ʼஸ்யதே || 3-13-17
ஸ தே³ஷ²꞉ ஷ்²லாக⁴நீய꞉ ச ந அதிதூ³ரே ச ராக⁴வ |
கோ³தா³வர்யா꞉ ஸமீபே ச மைதி²லீ தத்ர ரம்ʼஸ்யதே || 3-13-18
ப்ராஜ்ய மூல ப²லை꞉ சைவ நாநா த்³விஜ க³ணைர் யுத꞉ |
விவிக்த꞉ ச மஹாபா³ஹோ புண்யோ ரம்ய꞉ ததை²வ ச || 3-13-19
ப⁴வான் அபி ஸதா³சார꞉ ச ஷ²க்த꞉ ச பரிரக்ஷணே |
அபி ச அத்ர வஸன் ராம தாபஸான் பாலயிஷ்யஸி || 3-13-20
ஏதத் ஆலக்ஷ்யதே வீர மதூ⁴காநாம் மஹத் வநம் |
உத்தரேண அஸ்ய க³ம்ʼதவ்யம் ந்யக்³ரோத⁴ம் அபி க³ச்ச்²ஹதா || 3-13-21
தத꞉ ஸ்த²லம் உபாருஹ்ய பர்வதஸ்ய அவிதூ³ரத꞉ |
க்²யாத꞉ பம்ʼசவடீ இதி ஏவ நித்ய புஷ்பித காநந꞉ || 3-13-22
அக³ஸ்த்யேந ஏவம் உக்த꞉ து ராம꞉ ஸௌமித்ரிணா ஸஹ |
ஸத்க்ருʼத்ய ஆமம்ʼத்ரயாமாஸ தம் ருʼஷிம் ஸத்ய வாதி³நம் || 3-13-23
தௌ து தேந அப்⁴யநுஜ்ஞாதௌ க்ருʼத பாத³ அபி⁴வந்த³நௌ |
தம் ஆஷ்²ரமம் பம்ʼசவடீம் ஜக்³மது꞉ ஸஹ ஸீதயா || 3-12-24
க்³ருʼஹீத சாபௌ து நராதி⁴ப ஆத்மஜௌ
விஷக்த தூணீ ஸமரேஷு அகாதரௌ |
யதா² உபதி³ஷ்டேந பதா² மஹர்ஷிணா |
ப்ரஜக்³மது꞉ பம்ʼசவடீம் ஸமாஹிதௌ || 3-13-25
இதி வால்மீகி ராமாயணே ஆதி³ காவ்யே அரண்ய காண்டே³ த்ரயோத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
