வால்மீகி ராமாயணே ஆதி³ காவ்யே அரண்ய காண்டே³ த்³வாத³ஷ²꞉ ஸர்க³꞉
ஸ ப்ரவிஷ்²ய ஆஷ்²ரம பத³ம் லக்ஷ்மணோ ராக⁴வ அநுஜ꞉ |
அக³ஸ்த்ய ஷி²ஷ்யம் ஆஸாத்³ய வாக்யம் ஏதத்³ உவாச ஹ || 3-12-1
ராஜா த³ஷ²ரதோ² நாம ஜ்யேஷ்ட²꞉ தஸ்ய ஸுதோ ப³லீ |
ராம꞉ ப்ராப்தோ முநிம் த்³ரஷ்டும் பா⁴ர்யயா ஸஹ ஸீதயா || 3-12-2
லக்ஷ்மணோ நாம தஸ்ய அஹம் ப்⁴ராதா து அவரஜோ ஹித꞉ |
அநுகூல꞉ ச ப⁴க்த꞉ ச யதி³ தே ஷ்²ரோத்ரம் ஆக³த꞉ || 3-12-3
தே வயம் வநம் அத்யுக்³ரம் ப்ரவிஷ்டா꞉ பித்ருʼ ஷா²ஸநாத் |
த்³ரஷ்டும் இச்ச்²ஹாமஹே ஸர்வே ப⁴க³வந்தம் நிவேத்³யதாம் || 3-12-4
தஸ்ய தத்³ வசநம் ஷ்²ருத்வா லக்ஷ்மணஸ்ய தபோத⁴ந꞉ |
ததா² இதி உக்த்வா அக்³நி ஷ²ரணம் ப்ரவிவேஷ² நிவேதி³தும் || 3-12-5
ஸ ப்ரவிஷ்²ய முநிஷ்²ரேஷ்ட²ம் தபஸா து³ஷ்ப்ரத⁴ர்ஷணம் |
க்ருʼத அம்ʼஜலி꞉ உவாச இத³ம் ராம ஆக³மநம் அஞ்ஜஸா || 3-12-6
யதா² உக்தம் லக்ஷ்மணேந ஏவ ஷி²ஷ்ய꞉ தஸ்ய அக³ஸ்தஸ்ய ஸம்ʼமத꞉ |
புத்ரௌ த³ஷ²ரத²ஸ்ய இமௌ ராமோ லக்ஷ்மண ஏவ ச || 3-12-7
ப்ரவிஷ்டௌ ஆஷ்²ரமபத³ம் ஸீதயா ஸஹ பா⁴ர்யயா |
த்³ரஷ்டும் ப⁴வந்தம் ஆயாதௌ ஷு²ஷ்²ரூஷார்த²ம் அரிந்த³மௌ || 3-12-8
யத்³ அத்ர அநம்ʼதரம் தத் த்வம் ஆஜ்ஞாபயிதும் அர்ஹஸி |
தத꞉ ஷி²ஷ்யாத் உபஷ்²ருத்ய ப்ராப்தம் ராமம் ஸ லக்ஷ்மணம் || 3-12-9
வைதே³ஹீம் ச மஹாபா⁴கா³ம் இத³ம் வசநம் அப்³ரவீத் |
தி³ஷ்ட்யா ராம꞉ சிரஸ்ய அத்³ய த்³ரஷ்டும் மாம் ஸமுபாக³த꞉ || 3-12-10
மநஸா காம்ʼக்ஷிதம் ஹி அஸ்ய மயா அபி ஆக³மநம் ப்ரதி |
க³ம்யதாம் ஸத்க்ருʼதோ ராம꞉ ஸ பா⁴ர்ய꞉ ஸஹ லக்ஷ்மண꞉ || 3-12-11
ப்ரவேஷ்²யதாம் ஸமீபம் மே கிம் அஸௌ ந ப்ரவேஷி²த꞉ |
ஏவம் உக்த꞉ து முநிநா த⁴ர்மஜ்ஞேந மஹாத்மநா || 3-12-12
அபி⁴வாத்³ய அப்³ரவீத் ஷி²ஷ்ய꞉ ததா² இதி நியத அம்ʼஜலி꞉ |
ததா³ நிஷ்க்ரம்ய ஸம்ʼப்⁴ராந்த꞉ ஷி²ஷ்யோ லக்ஷ்மணம் அப்³ரவீத் || 3-12-13
க்வ அஸௌ ராமோ முநிம் த்³ரஷ்டும் ஏது ப்ரவிஷ²து ஸ்வயம் |
ததோ க³த்வா ஆஷ்²ரம பத³ம் ஷி²ஷ்யேண ஸஹ லக்ஷ்மண꞉ || 3-12-14
த³ர்ஷ²யாமாஸ காகுத்ஸ்த²ம் ஸீதாம் ச ஜநகாத்மஜாம் |
தம் ஷி²ஷ்ய꞉ ப்ரஷ்²ரிதம் வாக்யம் அக³ஸ்த்ய வசநம் ப்³ருவன் || 3-12-15
ப்ராவேஷ²யத் யதா² ந்யாயம் ஸத்கார அர்ஹ ஸுஸத்க்ருʼதம் |
ப்ரவிவேஷ² ததோ ராம꞉ ஸீதயா ஸஹ லக்ஷ்மண꞉ || 3-12-16
ப்ரஷா²ந்த ஹரிண ஆகீர்ணம் ஆஷ்²ரமம் ஹி அவலோகயன் |
ஸ தத்ர ப்³ரஹ்மண꞉ ஸ்தா²நம் அக்³நே꞉ ஸ்தா²நம் ததை²வ ச || 3-12-17
விஷ்ணோ꞉ ஸ்தா²நம் மஹேந்த்³ரஸ்ய ஸ்தா²நம் சைவ விவஸ்வத꞉ |
ஸோம ஸ்தா²நம் ப⁴க³ ஸ்தா²நம் ஸ்தா²நம் கௌபே³ரம் ஏவ ச || 3-12-18
தா⁴துர் விதா⁴து꞉ ஸ்தா²நம் ச வாயோ꞉ ஸ்தா²நம் ததை²வ ச |
ஸ்தா²நம் ச பாஷ² ஹஸ்தஸ்ய வாருணஸ்ய மஹாத்மந꞉ || 3-12-19
ஸ்தா²நம் ததை²வ கா³யத்ர்யா வஸூநாம் ஸ்தா²நம் ஏவ ச |
ஸ்தா²நம் ச நாக³ராஜஸ்ய க³ருட³ ஸ்தா²நம் ஏவ ச || 3-12-20
கார்திகேயஸ்ய ச ஸ்தா²நம் த⁴ர்ம ஸ்தா²நம் ச பஷ்²யதி |
தத꞉ ஷி²ஷ்யை꞉ பரிவ்ருʼதோ முநிர் அபி அபி⁴நிஷ்பதத் || 3-12-21
தம் த³த³ர்ஷ² அக்³ரதோ ராமோ முநீநாம் தீ³ப்த தேஜஸம் |
அப்³ரவீத் வசநம் வீரோ லக்ஷ்மணம் லக்ஷ்மிவர்த⁴நம் || 3-12-22
ப³ஹிர் லக்ஷ்மண நிஷ்க்ராமதி அக³ஸ்த்யோ ப⁴க³வான் ருʼஷி꞉ |
ஔதா³ர்யேண அவக³ச்ச்²ஹாமி நிதா⁴நம் தபஸாம் இமம் || 3-12-23
ஏவம் உக்த்வா மஹாபா³ஹு꞉ அக³ஸ்த்யம் ஸூர்ய வர்சஸம் |
ஜக்³ராஹ ஆபதத் தஸ்ய பாதௌ³ ச ரகு⁴நந்த³ந || 3-12-24
அபி⁴வாத்³ய து த⁴ர்மாத்மா தஸ்தௌ² ராம꞉ க்ருʼதாம்ʼஜலி꞉ |
ஸீதயா ஸஹ வைதே³ஹ்யா ததா³ ராம꞉ ஸ லக்ஷ்மண꞉ || 3-12-25
ப்ரதிக்³ருʼஹ்ய ச காகுத்ஸ்த²ம் அர்சயித்வா ஆஸந உத³கை꞉ |
குஷ²ல ப்ரஷ்²நம் உக்த்வா ச ஆஸ்யதாம் இதி ஸோ(அ)ப்³ரவீத் || 3-12-26
அக்³நிம் ஹுத்வா ப்ரதா³ய அர்க்⁴யம் அதிதி²ன் ப்ரதிபூஜ்ய ச |
வாநப்ரஸ்தே²ந த⁴ர்மேண ஸ தேஷாம் போ⁴ஜநம் த³தௌ³ || 3-12-27
ப்ரத²மம் ச உபவிஷ்²ய அத² த⁴ர்மஜ்ஞோ முநிபும்ʼக³வ꞉ |
உவாச ராமம் ஆஸீநம் ப்ராம்ʼஜலிம் த⁴ர்மகோவித³ம் || 3-12-28
அக்³நிம் ஹுத்வா ப்ரதா³ய அர்க்⁴யம் அதிதி²ம் ப்ரதிபூஜயேத் |
அந்யதா² க²லு காகுத்ஸ்த² தபஸ்வீ ஸமுதா³சரன் |
து³꞉ஸாக்ஷீ இவ பரே லோகே ஸ்வாநி மாம்ʼஸாநி ப⁴க்ஷயேத் || 3-12-29
ராஜா ஸர்வஸ்ய லோகஸ்ய த⁴ர்மசாரீ மஹாரத²꞉ |
பூஜநீய꞉ ச மாந்ய꞉ ச ப⁴வான் ப்ராப்த꞉ ப்ரிய அதிதி²꞉ || 3-12-30
ஏவம் உக்த்வா ப²லை꞉ மூலை꞉ புஷ்பை꞉ ச அந்யை꞉ ச ராக⁴வம் |
பூஜயித்வா யதா² காமம் ததோ அக³ஸ்த்ய꞉ தம் அப்³ரவீத் || 3-12-31
இத³ம் தி³வ்யம் மஹத் சாபம் ஹேம வஜ்ர விபூ⁴ஷிதம் |
வைஷ்ணவம் புருஷவ்யாக்⁴ர நிர்மிதம் விஷ்²வகர்மணா || 3-12-32
அமோக⁴꞉ ஸூர்ய ஸம்ʼகாஷோ² ப்³ரஹ்மத³த்த꞉ ஷ²ர உத்தம꞉ |
த³த்தோ மம மஹேந்த்³ரேண தூணீ ச அக்ஷய ஸாயகௌ || 3-12-33
ஸம்ʼபூர்ணௌ நிஷி²தை꞉ பா³ணை꞉ ஜ்வலத்³பி⁴꞉ இவ பாவகை꞉ |
மஹா ரஜத கோஷோ² அயம் அஸி꞉ ஹேமவிபூ⁴ஷித꞉ || 3-12-34
அநேந த⁴நுஷா ராம ஹத்வா ஸம்ʼக்²யே மஹாஸுரான் |
ஆஜஹார ஷ்²ரியம் தீ³ப்தாம் புரா விஷ்ணுர் தி³வ ஓகஸாம் || 3-12-35
தத் த⁴நு꞉ தௌ ச தூணி ச ஷ²ரம் க²ட்³க³ம் ச மாநத³ |
ஜயாய ப்ரதிக்³ருʼஹ்ணீஷ்வ வஜ்ரம் வஜ்ரத⁴ரோ யதா² || 3-12-36
ஏவம் உக்த்வா மஹா தேஜா꞉ ஸமஸ்தம் தத் வர ஆயுத⁴ம் |
த³த்த்வா ராமாய ப⁴க³வான் அக³ஸ்த்ய꞉ புநர் அப்³ரவீத் || 3-12-37
இதி வால்மீகி ராமாயணே ஆதி³ காவ்யே அரண்ய காண்டே³ த்³வாத³ஷ²꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
