வால்மீகி ராமாயணே ஆதி³ காவ்யே அரண்ய காண்டே³ த³ஷ²ம꞉ ஸர்க³꞉
வாக்யம் ஏதத் து வைதே³ஹ்யா வ்யாஹ்ருʼதம் ப⁴ர்த்ருʼ ப⁴க்த்யா |
ஷ்²ருத்வா த⁴ர்மே ஸ்தி²தோ ராம꞉ ப்ரத்யுவாச ஜாநகீம் || 3-10-1
ஹிதம் உக்தம் த்வயா தே³வி ஸ்நிக்³த⁴யா ஸத்³ருʼஷ²ம் வச꞉ |
குலம் வ்யபதி³ஷ²ந்த்யா ச த⁴ர்மஜ்ஞே ஜநக ஆத்மஜே || 3-10-2
கிம் நு வக்ஷ்யாமி அஹம் தே³வி த்வயா ஏவ உக்தம் இத³ம் வச꞉ |
க்ஷத்ரியை꞉ தா⁴ர்யதே சாபோ ந ஆர்த ஷ²ப்³தோ³ ப⁴வேத்³ இதி || 3-10-3
தே ச ஆர்தா த³ண்ட³காரண்யே முநய꞉ ஸம்ʼஷி²த வ்ரதா꞉ |
மாம் ஸீதே ஸ்வயம் ஆக³ம்ய ஷ²ரண்யா꞉ ஷ²ரணம் க³தா꞉ || 3-10-4
வஸந்த꞉ கால காலேஷு வநே மூல ப²ல அஷ²நா꞉ |
ந லப⁴ந்தே ஸுக²ம் பீ⁴ரு ராக்ஷஸை꞉ க்ரூர கர்மபி⁴꞉ || 3-10-5
ப⁴க்ஷ்யந்தே ராக்ஷஸை꞉ பீ⁴மை꞉ நர மாம்ʼஸோபஜீவிபி⁴꞉ |
தே ப⁴க்ஷ்யமாணா முநயோ த³ண்ட³காரண்ய வாஸிந꞉ || 3-10-6
அஸ்மான் அப்⁴யவபத்³ய இதி மாம் ஊசுர் த்³விஜ ஸத்தமா꞉ |
மயா து வசநம் ஷ்²ருத்வா தேஷாம் ஏவம் முகா²த் ச்யுதம் || 3-10-7
க்ருʼத்வா வசந ஷு²ஷ்²ருஷாம் வாக்யம் ஏதத் உதா³ஹ்ருʼதம் |
ப்ரஸீத³ந்து ப⁴வந்தோ மே ஹ்ரீ꞉ ஏஷா து மம அதுலா || 3-10-8
யத்³ ஈத்³ருʼஷை²꞉ அஹம் விப்ரை꞉ உபஸ்தே²யை꞉ உபஸ்தி²த꞉ |
கிம் கரோமி இதி ச மயா வ்யாஹ்ருʼதம் த்³விஜ ஸம்ʼநிதௌ⁴ || 3-10-9
ஸர்வை꞉ ஏவ ஸமாக³ம்ய வாக் இயம் ஸமுதா³ஹ்ருʼதா |
ராக்ஷஸை꞉ த³ண்ட³காரண்யே ப³ஹுபி⁴꞉ காம ரூபிபி⁴꞉ || 3-10-10
அர்தி³தா꞉ ஸ்ம ப்⁴ருʼஷ²ம் ராம ப⁴வான் ந꞉ தத்ர ரக்ஷது |
ஹோம காலே து ஸம்ʼப்ராப்தே பர்வ காலேஷு ச அநக⁴ || 3-10-11
த⁴ர்ஷயந்தி ஸுது³ர்த⁴ர்ஷா ராக்ஷஸா꞉ பிஷி²த அஷ²நா꞉ |
ராக்ஷஸை꞉ த⁴ர்ஷிதாநாம் ச தாபஸாநாம் தபஸ்விநாம் || 3-10-12
க³திம் ம்ருʼக³யமாணாநாம் ப⁴வான் ந꞉ பரமா க³தி꞉ |
காமம் தப꞉ ப்ரபா⁴வேண ஷ²க்தா ஹந்தும் நிஷா²சரான் || 3-10-13
சிரார்ஜிதம் ந ச இச்ச்²ஹாம꞉ தப꞉ க²ண்ட³யிதும் வயம் |
ப³ஹு விக்⁴நம் தபோ நித்யம் து³꞉ஷ்²சரம் சைவ ராக⁴வ || 3-10-14
தேந ஷா²பம் ந மும்ʼசாமோ ப⁴க்ஷ்யமாணா꞉ ச ராக்ஷஸை꞉ |
தத்³ அர்த்³யமாநான் ரக்ஷோபி⁴꞉ த³ண்ட³காரண்ய வாஸிபி⁴꞉ || 3-10-15
ரக்ஷ ந꞉ த்வம் ஸஹ ப்⁴ராத்ரா த்வம் நாதா² ஹி வயம் வநே |
மயா ச ஏதத் வச꞉ ஷ்²ருத்வா கார்த்ஸ்ந்யேந பரிபாலநம் || 3-10-16
ருʼஷீணாம் த³ண்ட³காரண்யே ஸம்ʼஷ்²ருதம் ஜநகாஅத்மஜே |
ஸம்ʼஷ்²ருத்ய ந ச ஷ²க்ஷ்யாமி ஜீவமாந꞉ ப்ரதிஷ்²ரவம் || 3-10-17
முநீநாம் அந்யதா² கர்தும் ஸத்யம் இஷ்டம் ஹி மே ஸதா³ |
அபி அஹம் ஜீவிதம் ஜஹ்யாம் த்வாம் வா ஸீதே ஸ லக்ஷ்மணாம் || 3-10-18
ந து ப்ரதிஜ்ஞாம் ஸம்ʼஷ்²ருத்ய ப்³ராஹ்மணேப்⁴யோ விஷே²ஷத꞉ |
தத் அவஷ்²யம் மயா கார்யம் ருʼஷீணாம் பரிபாலநம் || 3-10-19
அநுக்தேந அபி வைதே³ஹி ப்ரதிஜ்ஞாய கத²ம் புந꞉ |
மம ஸ்நேஹாத் ச ஸௌஹார்தா³த் இத³ம் உக்தம் த்வயா வச꞉ || 3-10-20
பரிதுஷ்டோ அஸ்மி அஹம் ஸீதே ந ஹி அநிஷ்டோ அநுஷா²ஸ்யதே |
ஸத்³ருʼஷ²ம் ச அநுரூபம் ச குலஸ்ய தவ ஷோ²ப⁴நே |
ஸத⁴ர்ம சாரிணீ மே த்வம் ப்ராணேப்⁴யோ அபி க³ரீயஸீ || 3-10-21
இதி ஏவம் உக்த்வா வசநம் மஹாத்மா
ஸீதாம் ப்ரியாம் மைதி²ல ராஜ புத்ரீம் |
ராமோ த⁴நுஷ்மான் ஸஹ லக்ஷ்மணேந
ஜகா³ம ரம்யாணி தபோ வநாநி || 3-10-22
இதி வால்மீகி ராமாயணே ஆதி³ காவ்யே அரண்ய காண்டே³ த³ஷ²ம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
