வால்மீகி ராமாயணே ஆதி³ காவ்யே அரண்ய காண்டே³ நவம꞉ ஸர்க³꞉
ஸுதீக்ஷ்ணேந அப்⁴யநுஜ்ஞாதம் ப்ரஸ்தி²தம் ரகு⁴ நந்த³நம் |
ஹ்ருʼத்³யயா ஸ்நிக்³த⁴யா வாசா ப⁴ர்தாரம் இத³ம் அப்³ரவீத் || 3-9-1
அத⁴ர்மம் து ஸுஸூக்ஷ்மேண விதி⁴நா ப்ராப்யதே மஹான் |
நிவ்ருʼத்தேந ச ஷ²க்யோ அயம் வ்யஸநாத் காமஜாத்³ இஹ || 3-9-2
த்ரீணி ஏவ வ்யஸநாநி அத்ர காமஜாநி ப⁴வந்தி உத |
மித்²யா வாக்யம் து பரமம் தஸ்மாத் கு³ருதரா உபௌ⁴ || 3-9-3
பர தா³ர அபி⁴க³மநம் விநா வைரம் ச ரௌத்³ரதா |
மித்²யா வாக்யம் ந தே பூ⁴தம் ந ப⁴விஷ்யதி ராக⁴வ || 3-9-4
குதோ அபி⁴லஷணம் ஸ்த்ரீணாம் பரேஷாம் த⁴ர்ம நாஷ²நம் |
தவ நாஸ்தி மநுஷ்யேந்த்³ர ந ச ஆபூ⁴த் தே கதா³சந || 3-9-5
மநஸ்யபி ததா² ராம ந ச ஏதத் வித்³யதே க்வசித் |
ஸ்வ தா³ர நிரத꞉ ச ஏவ நித்யம் ஏவ ந்ருʼபாத்மஜ || 3-9-6
த⁴ர்மிஷ்ட꞉ ஸத்ய ஸந்த⁴꞉ ச பிது꞉ நிர்தே³ஷ² காரக꞉ |
த்வயி த⁴ர்ம꞉ ச ஸத்யம் ச த்வயி ஸர்வம் ப்ரதிஷ்டிதம் ||3-9-7
தச்ச ஸர்வம் மஹாபா³ஹோ ஷ²க்யம் வோடு⁴ம் ஜிதேஇந்த்³ரியை꞉ |
தவ வஷ்²ய இந்த்³ரியத்வம் ச ஜாநாமி ஷு²ப⁴த³ர்ஷ²ந || 3-9-8
த்ருʼதீயம் யத்³ இத³ம் ரௌத்³ரம் பர ப்ராண அபி⁴ஹிம்ʼஸநம் |
நிர்வைரம் க்ரியதே மோஹாத் தத் ச தே ஸமுபஸ்தி²தம் || 3-9-9
ப்ரதிஜ்ஞாத꞉ த்வயா வீர த³ண்ட³காரண்ய வாஸிநாம் |
ருʼஷீணாம் ரக்ஷணார்தா²ய வத⁴꞉ ஸம்ʼயதி ரக்ஷஸாம் || 3-9-10
ஏதன் நிமித்தம் ச வநம் த³ண்ட³கா இதி விஷ்²ருதம் |
ப்ரஸ்தி²த꞉ த்வம் ஸஹ ப்⁴ராத்ரா த்⁴ருʼத பா³ண ஷ²ராஅஸந꞉ || 3-9-11
தத꞉ த்வாம் ப்ரஸ்தி²தம் த்³ருʼஷ்ட்வா மம சிந்த ஆகுலம் மந꞉ |
த்வத் வ்ருʼத்தம் சிந்தயந்த்யா வை ப⁴வேத் நி꞉ஷ்²ரேயஸம் ஹிதம் || 3-9-12
ந ஹி மே ரோசதே வீர꞉ க³மநம் த³ண்ட³கான் ப்ரதி |
காரணம் தத்ர வக்ஷ்யாமி வத³ந்த்யா꞉ ஷ்²ரூயதாம் மம || 3-9-13
த்வம் ஹி பா³ண த⁴நுஷ்பாணி꞉ ப்⁴ராத்ரா ஸஹ வநம் க³த꞉ |
த்³ருʼஷ்ட்வா வந சரான் ஸர்வான் கச்சித் குர்யா꞉ ஷ²ர வ்யயம் || 3-9-14
க்ஷத்ரியாணாம் இஹ த⁴நுர் ஹுதாஷ²ஸ்ய இந்த⁴நாநி ச |
ஸமீபத꞉ ஸ்தி²தம் தேஜோ ப³லம் உச்ச்²ஹ்ரயதே ப்⁴ருʼஷ²ம் || 3-9-15
புரா கில மஹாபா³ஹோ தபஸ்வீ ஸத்ய வாக் ஷு²சி꞉ |
கஸ்மின் சித் அப⁴வத் புண்யே வநே ரத ம்ருʼக³ த்³விஜே || 3-9-16
தஸ்ய ஏவ தபஸோ விக்⁴நம் கர்தும் இந்த்³ர꞉ ஷ²சீபதி꞉ |
க²ட்³க³ பாணி꞉ அத² ஆக³ச்ச்²ஹத் ஆஷ்²ரமம் ப⁴ட ரூப த்⁴ருʼக் || 3-9-17
தஸ்மின் தத் ஆஷ்²ரம பதே³ நிஹித꞉ க²ட்³க³ உத்தம꞉ |
ஸ ந்யாஸ விதி⁴நா த³த்த꞉ புண்யே தபஸி திஷ்ட²த꞉ || 3-9-18
ஸ தத் ஷ²ஸ்த்ரம் அநுப்ராப்ய ந்யாஸ ரக்ஷண தத்பர꞉ |
வநே து விசரதி ஏவ ரக்ஷன் ப்ரத்யயம் ஆத்மந꞉ || 3-9-19
யத்ர க³ச்ச்²ஹதி உபாதா³தும் மூலாநி ச ப²லாநி ச |
ந விநா யாதி தம் க²ட்³க³ம் ந்யாஸ ரக்ஷண தத்பர꞉ || 3-9-20
நித்யம் ஷ²ஸ்த்ரம் பரிவஹன் க்ரமேண ஸ தபோத⁴ந꞉ |
சகார ரௌத்³ரீம் ஸ்வாம் பு³த்³தி⁴ம் த்யக்த்வா தபஸி நிஷ்²சயம் || 3-9-21
தத꞉ ஸ ரௌத்³ர அபி⁴ரத꞉ ப்ரமத்தோ அத⁴ர்ம கர்ஷித꞉ |
தஸ்ய ஷ²ஸ்த்ரஸ்ய ஸம்ʼவாஸாத் ஜகா³ம நரகம் முநி꞉ || 3-9-22
ஏவம் ஏதத் புரா வ்ருʼத்தம் ஷ²ஸ்த்ர ஸம்ʼயோக³ காரணம் |
அக்³நி ஸம்ʼயோக³வத் ஹேது꞉ ஷ²ஸ்த்ர ஸம்ʼயோக³ உச்யதே || 3-9-23
ஸ்நேஹாத் ச ப³ஹுமாநாத் ச ஸ்மாரயே த்வாம் ந ஷி²க்ஷயே |
ந கத²ம்ʼசந ஸா கார்யா க்³ருʼஹீத த⁴நுஷா த்வயா || 3-9-24
பு³த்³தி⁴꞉ வைரம் விநா ஹந்தும் ராக்ஷஸான் த³ண்ட³க ஆஷ்²ரிதான் |
அபராத⁴ம் விநா ஹந்தும் லோகோ வீர ந காமயே || 3-9-25
க்ஷத்ரியாணாம் து வீராணாம் வநேஷு நியதாத்மநாம் |
த⁴நுஷா கார்யம் ஏதாவத் ஆர்தாநாம் அபி⁴ரக்ஷணம் || 3-9-26
க்வ ச ஷ²ஸ்த்ரம் க்வ ச வநம் க்வ ச க்ஷாத்ரம் தப꞉ க்வ ச |
வ்யாவித்³த⁴ம் இத³ம் அஸ்மாபி⁴꞉ தே³ஷ² த⁴ர்ம꞉ து பூஜ்யதாம் || 3-9-27
ததா³ர்ய கலுஷா பு³த்³தி⁴꞉ ஜாயதே ஷ²ஸ்த்ர ஸேவநாத் |
புநர் க³த்வாத் தத் அயோத்⁴யாயாம் க்ஷத்ர த⁴ர்மம் சரிஷ்யஸி || 3-9-28
அக்ஷயா து ப⁴வேத் ப்ரீதி꞉ ஷ்²வஷ்²ரூ ஷ்²வஷு²ரயோ꞉ மம |
யதி³ ராஜ்யம் ஹி ஸம்ʼந்யஸ்ய ப⁴வேத் த்வம் நிரதோ முநி꞉ || 3-9-29
த⁴ர்மாத் அர்த²꞉ ப்ரப⁴வதி த⁴ர்மாத் ப்ரப⁴வதே ஸுக²ம் |
த⁴ர்மேண லப⁴தே ஸர்வம் த⁴ர்ம ஸாரம் இத³ம் ஜக³த் || 3-9-30
ஆத்மாநம் நியமை꞉ தை꞉ தை꞉ கர்ஷயித்வா ப்ரயத்நத꞉ |
ப்ராப்யதே நிபுணை꞉ த⁴ர்மோ ந ஸுகா²த் லப⁴தே ஸுக²ம் || 3-9-31
நித்யம் ஷு²சி மதி꞉ ஸௌம்ய சர த⁴ர்மம் தபோ வநே |
ஸர்வம் ஹி விதி³தம் துப்⁴யம் த்ரைலோக்யம் அபி தத்த்வத꞉ || 3-9-32
ஸ்த்ரீ சாபலாத் ஏதத் உதா³ஹ்ருʼதம் மே
த⁴ர்மம் ச வக்தும் தவ க꞉ ஸமர்த²꞉ |
விசார்ய பு³த்³த்⁴யா து ஸஹ அநுஜேந
யத் ரோசதே தத் குரு ம அசிரேண || 3-9-33
இதி வால்மீகி ராமாயணே ஆதி³ காவ்யே அரண்ய காண்டே³ நவம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
