வால்மீகி ராமாயணே ஆதி³ காவ்யே அரண்ய காண்டே³ த்³விதீய꞉ ஸர்க³꞉
க்ருʼத ஆதித்²யோ(அ)த² ராமஸ்து ஸூர்யஸ்ய உத³யநம் ப்ரதி |
ஆமம்ʼத்ர்ய ஸ முநீம் தத் ஸர்வான் வநம் ஏவ அந்வகா³ஹத || 3-2-1
நாநா ம்ருʼக³ க³ண ஆகீர்ணம் ருʼக்ஷ ஷா²ர்தூ³ள ஸேவிதம் |
த்⁴வஸ்த வ்ருʼக்ஷ லதா கு³ள்மம் து³ர்த³ர்ஷ² ஸலிலாஷ²யம் || 3-2-2
நிஷ்கூஜமாநா ஷ²குநி ஜி²ல்லிகா க³ண நாதி³தம் |
லக்ஷ்மண அநுசரோஓ ராமோ வந மத்⁴யம் த³த³ர்ஷ² ஹ || 3-2-3
ஸீதாயா ஸஹ காகுத்ஸ்த²꞉ தஸ்மின் கோ⁴ர ம்ருʼக³ ஆயுதே |
த³த³ர்ஷ² கி³ரி ஷ்²ருʼங்க³ ஆப⁴ம் புருஷாத³ம் மஹாஸ்வநம் || 3-2-4
க³ம்பீ⁴ர அக்ஷம் மஹாவக்த்ரம் விகடம் விகடோத³ரம் |
பீ³ப⁴த்ஸம் விஷமம் தீ³ர்க⁴ம் விக்ருʼதம் கோ⁴ர த³ர்ஷ²நம் || 3-2-5
வஸாநம் சர்ம வையாக்⁴ரம் வஸ ஆர்த்³ரம் ருதி⁴ரோக்ஷிதம் |
த்ராஸநம் ஸர்வ பூ⁴தாநாம் வ்யாதி³தாஸ்யம் இவ அந்தகம் || 3-2-6
த்ரீன் ஸிம்ʼஹான் சதுரோ வ்யாக்⁴ரான் த்³வௌ வ்ருʼகௌ ப்ருʼஷதான் த³ஷ² |
ஸவிஷாணம் வஸாதி³க்³த⁴ம் க³ஜஸ்ய ச ஷி²ரோ மஹத் || 3-2-7
அவஸஜ்ய ஆஅயஸே ஷூ²லே விநத³ந்தம் மஹாஸ்வநம் |
ஸ ராமம் லக்ஷ்மணம் சைவ ஸீதாம் த்³ருʼஷ்ட்வா ச மைதி²லீம் || 3-2-8
அப்⁴ய தா⁴வத் ஸுஸம்ʼக்ருத்³தோ⁴ ப்ரஜா꞉ கால இவ அந்தக꞉ |
ஸ க்ருʼத்வா பை⁴ரவம் நாத³ம் சாலயன் இவ மேதி³நீம் || 3-2-9
அங்கேந ஆதா³ய வைதே³ஹீம் அபக்ரம்ʼய ததா³ அப்³ரவீத் |
யுவாம் ஜடா சீர த⁴ரௌ ஸபா⁴ர்யௌ க்ஷீண ஜீவிதௌ || 3-2-10
ப்ரவிஷ்டௌ த³ண்ட³காரண்யம் ஷ²ர சாப அஸி பாணிநௌ |
கத²ம் தாபஸயோ꞉ யுவாம் ச வாஸ꞉ ப்ரமத³யா ஸஹ || 3-2-11
அத⁴ர்ம சாரிணௌ பாபௌ கௌ யுவாம் முநி தூ³ஷகௌ |
அஹம் வநம் இத³ம் து³ர்க³ம் விராகோ⁴ நாம ராக்ஷஸ꞉ || 3-2-12
சராமி ஸாயுதோ⁴ நித்யம் ருʼஷி மாம்ʼஸாநி ப⁴க்ஷயன் |
இயம் நாரீ வராரோஹா மம பா⁴ர்யா ப⁴விஷ்யதி || 3-2-13
யுவயோ꞉ பாபயோ꞉ ச அஹம் பாஸ்யாமி ருதி⁴ரம் ம்ருʼதே⁴ |
தஸ்ய ஏவம் ப்³ருவதோ து³ஷ்டம் விராத⁴ஸ்ய து³ராத்மந꞉ || 3-2-14
ஷ்²ருத்வா ஸக³ர்விதம் வாக்யம் ஸம்ʼப்⁴ராந்தா ஜநகாத்மஜா |
ஸீதா ப்ராவேபிதா உத்³வேகா³த் ப்ரவாதே கத³ளீ யதா² || 3-2-15
தாம் த்³ருʼஷ்ட்வா ராக⁴வ꞉ ஸீதாம் விராத⁴ அங்கக³தாம் ஷு²பா⁴ம் |
அப்³ரவீத் லக்ஷ்மணம் வாக்யம் முகே²ந பரிஷு²ஷ்யதா || 3-2-16
பஷ்²ய ஸௌம்ʼய நரேந்த்³ரஸ்ய ஜநகஸ்ய அத்ம ஸம்ʼப⁴வாம் |
மம பா⁴ர்யாம் ஷு²பா⁴சாராம் விராதா⁴ங்கே ப்ரவேஷி²தாம் || 3-2-17
அத்யந்த ஸுக² ஸம்ʼவ்ருʼத்³தா⁴ம் ராஜபுத்ரீம் யஷ²ஸ்விநீம் |
யத் அபி⁴ப்ரேதம் அஸ்மாஸு ப்ரியம் வர வ்ருʼதம் ச யத் || 3-2-18
கைகேய்யாஸ்து ஸுஸம்ʼவ்ருʼத்தம் க்ஷிப்ரம் அத்³ய ஏவ லக்ஷ்மண |
யா ந துஷ்யதி ராஜ்யேந புத்ரார்தே² தீ³ர்க⁴ த³ர்ஷி²நீ || 3-2-19
யயா(அ)ஹம் ஸர்வபூ⁴தாநாம் ப்ரிய꞉ ப்ரஸ்தா²பிதோ வநம் |
அத்³ய இதா³நீம் ஸகாமா ஸா யா மாதா மம மத்⁴யமா || 3-2-20
பர ஸ்பர்ஷா²த் து வைதே³ஹ்யா ந து³꞉க²தரம் அஸ்தி மே |
பிதுர் விநாஷா²த் ஸௌமித்ரே ஸ்வ ராஜ்ய ஹரணாத் ததா² || 3-2-21
இதி ப்³ருவதி காகுத்ஸ்தே² பா³ஷ்ப ஷோ²க பரிப்லுத꞉ |
அப்³ரவீத் லக்ஷ்மண꞉ க்ருத்³தோ⁴ ருத்³தோ⁴ நாக³ இவ ஷ்²வஸன் || 3-2-22
அநாத² இவ பூ⁴தாநாம் நாத²꞉ த்வம் வாஸவோபம꞉ |
மயா ப்ரேஷ்யேண காகுத்ஸ்த²꞉ கிம் அர்த²ம் பரிதப்யஸே || 3-2-23
ஷ²ரேண நிஹதஸ்ய அத்³ய மயா க்ருத்³தே⁴ந ரக்ஷஸ꞉ |
விராத⁴ஸ்ய க³த அஸோ꞉ ஹி மஹீ பாஸ்யதி ஷோ²ணிதம் || 3-2-24
ராஜ்ய காமே மம க்ரோதோ⁴ ப⁴ரதே யோ ப³பூ⁴வ ஹ |
தம் விராதே⁴ விமோக்ஷ்யாமி வஜ்ரீ வஜ்ரம் இவ அசலே ||3-2-25
மம பு⁴ஜ ப³ல வேக³ வேகி³த꞉
பதது ஷ²ரோ(அ)ஸ்ய மஹான் மஹோரஸி |
வ்யபநயது தநோ꞉ ச ஜீவிதம்
பதது தத꞉ ச மஹீம் விகூ⁴ர்ணித꞉ || 3-2-26
இதி வால்மீகி ராமயணே ஆதி³ காவ்யே அரண்ய காண்டே³ த்³விதீய꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
