வால்மீகிராமாயணே ஆதி³காவ்யே பா³லகாண்டே³ சது꞉ஸப்ததிதம꞉ ஸர்க³꞉
Shlokas in audio recited by Mrs.Ranganayaki, Chennai.
அத² ராத்ர்யாம் வ்யதீதாயாம் விஷ்²வாமித்ரோ மஹாமுநி꞉ |
ஆப்ருச்ச்²ய தௌ ச ராஜாநௌ ஜகா³மோத்தரபர்வதம் || 1-74-1
விஷ்²வாமித்ரோ க³தே ராஜா வைதே³ஹம் மிதி²லாதி⁴பம் |
ஆப்ருஷ்ட்வைவ ஜகா³மாஷு² ராஜா த³ஷ²ரத²꞉ புரீம் || 1-74-2
அத² ராஜா விதே³ஹாநாம் த³தௌ³ கந்யாத⁴நம் ப³ஹு |
க³வாம் ஷ²தஸஹஸ்ராணி ப³ஹூநி மிதி²லேஷ்²வர꞉ || 1-74-3
கம்ப³லாநாம் ச முக்²யாநாம் க்ஷௌமான் கோட்யம்ப³ராணி ச |
ஹஸ்த்யஷ்²வரத²பாதா³தம் தி³வ்யரூபம் ஸ்வலங்க்ருதம் || 1-74-4
த³தௌ³ கந்யாஷ²தம் தாஸாம் தா³ஸீதா³ஸமநுத்தமம் |
ஹிரண்யஸ்ய ஸுவர்ணஸ்ய முக்தாநாம் வித்³ருமஸ்ய ச || 1-74-5
த³தௌ³ ராஜா ஸுஸம்ஹ்ருஷ்ட꞉ கந்யாத⁴நமநுத்தமம் |
த³த்த்வா ப³ஹுவித⁴ம் ராஜா ஸமநுஜ்ஞாப்ய பார்தி²வம் || 1-74-6
ப்ரவிவேஷ² ஸ்வநிலயம் மிதி²லாம் மிதி²லேஷ்²வர꞉ |
ராஜாப்யயோத்⁴யாதி⁴பதி꞉ ஸஹ புத்ரைர்மஹாத்மபி⁴꞉ || 1-74-7
ருஷீன் ஸர்வான் புரஸ்க்ருத்ய ஜகா³ம ஸப³லாநுக³꞉ |
க³ச்ச²ந்தம் து நரவ்யாக்⁴ரம் ஸர்ஷிஸங்க⁴ம் ஸராக⁴வம் || 1-74-8
கோ⁴ராஸ்து பக்ஷிணோ வாசோ வ்யாஹரந்தி ஸமந்தத꞉ |
பௌ⁴மாஷ்²சைவ ம்ருகா³꞉ ஸர்வே க³ச்ச²ந்தி ஸ்ம ப்ரத³க்ஷிணம் || 1-74-9
தான் த்³ருஷ்ட்வா ராஜஷா²ர்தூ³லோ வஸிஷ்ட²ம் பர்யப்ருச்ச²த |
அஸௌம்யா꞉ பக்ஷிணோ கோ⁴ரா ம்ருகா³ஷ்²சாபி ப்ரத³க்ஷிணா꞉ || 1-74-10
கிமித³ம் ஹ்ருத³யோத்கம்பி மநோ மம விஷீத³தி |
ராஜ்ஞோ த³ஷ²ரத²ஸ்யைதத் ஷ்²ருத்வா வாக்யம் மஹாந்ருஷி꞉ || 1-74-11
உவாச மது⁴ராம் வாணீம் ஷ்²ரூயதாமஸ்ய யத்ப²லம் |
உபஸ்தி²தம் ப⁴யம் கோ⁴ரம் தி³வ்யம் பக்ஷிமுகா²ச்ச்யுதம் || 1-74-12
ம்ருகா³꞉ ப்ரஷ²மயந்த்யேதே ஸந்தாப꞉ த்யஜ்யதாமயம் |
தேஷாம் ஸம்வத³தாம் தத்ர வாயு꞉ ப்ராது³ர்ப³பூ⁴வ ஹ || 1-74-13
கம்பயன் மேதி³நீம் ஸர்வாம் பாதயம்ஷ்²ச மஹாத்³ருமான் |
தமஸா ஸம்வ்ருத꞉ ஸூர்ய꞉ ஸர்வே ந வேதி³ஷுர்தி³ஷ²꞉ || 1-74-14
ப⁴ஸ்மநா சாவ்ருதம் ஸர்வம் ஸம்மூட⁴மிவ தத்³ப³லம் |
வஸிஷ்ட² ருஷயசாந்யே ராஜா ச ஸஸுதஸ்ததா³ || 1-74-15
ஸஸஞ்ஜ்ஞா இவ தத்ராஸன் ஸர்வமந்யத்³விசேதநம் |
தஸ்மிம்ஸ்தமஸி கோ⁴ரே து ப⁴ஸ்மச்ச²ந்நேவ ஸா சமூ꞉ || 1-74-16
த³த³ர்ஷ² பீ⁴மஸங்காஷ²ம் ஜடாமண்ட³லதா⁴ரிணம் |
பா⁴ர்க³வம் ஜாமத³க்³ந்யம் தம் ராஜா ராஜவிமர்த³நம் || 1-74-17
கைலாஸமிவ து³ர்த⁴ர்ஷம் காலாக்³நிமிவ து³꞉ஸஹம் |
ஜ்வலந்தமிவ தேஜோபி⁴꞉ து³ர்நிரீக்ஷ்யம் ப்ருத²க்³ஜநை꞉ || 1-74-18
ஸ்கந்தே⁴ சாஸஜ்ய பரஷு²ம் த⁴நுர்வித்³யுத்³க³ணோபமம் |
ப்ரக்³ருஹ்ய ஷ²ரமுக்³ரம் ச த்ரிபுரக்⁴நம் யதா² ஷி²வம் || 1-74-19
தம் த்³ருஷ்ட்வா பீ⁴மஸங்காஷ²ம் ஜ்வலந்தமிவ பாவகம் |
வஸிஷ்ட²ப்ரமுகா² விப்ரா ஜபஹோமபராயணா꞉ || 1-74-20
ஸங்க³தா முநய꞉ ஸர்வே ஸஞ்ஜஜல்புரதோ² மித²꞉ |
கச்சித் பித்ருவதா⁴மர்ஷீ க்ஷத்ர ம் நோத்ஸாத³யிஷ்யதி || 1-74-21
பூர்வம் க்ஷத்ரவத⁴ம் க்ருத்வா க³தமந்யுர்க³தஜ்வர꞉ |
க்ஷத்ரஸ்யோத்ஸாத³நம் பூ⁴யோ ந க²ல்வஸ்ய சிகீர்ஷிதம் || 1-74-22
ஏவமுக்த்வார்க்⁴யமாதா³ய பா⁴ர்க³வம் பீ⁴மத³ர்ஷ²நம் |
ருஷயோ ராம ராமேதி மது⁴ரம் வாக்யமப்³ருவன் || 1-74-23
ப்ரதிக்³ருஹ்ய து தாம் பூஜாம்ருஷித³த்தாம் ப்ரதாபவான் |
ராமம் தா³ஷ²ரதி²ம் ராமோ ஜாமத³க்³ந்யோ(அ)ப்⁴யபா⁴ஷத || 1-74-24
இதி வால்மீகிராமாயணே ஆதி³காவ்யே பா³லகாண்டே³ சது꞉ஸப்ததிதம꞉ ஸர்க³꞉
Source: https://valmikiramayan.net/
Converted to Tamil Script using Aksharamukha :
Script Converter: http://aksharamukha.appspot.com/converter
